Mateo 11
11
Hesus i Huan Boutista
(Lukas 7:18-35)
1Ora Hesus a kaba di duna su diesdos disipelnan instrukshon, El a bai for di ei pa bai duna siñansa i prediká den e siudatnan di e region ei.
2Ora Huan Boutista, ku tabata den prizòn, a tende loke e Mesias tabata hasi, el a manda rospondi ku algun#11:2 algun; otro manuskrito tin: dos di su disipelnan p'E. 3Nan a puntra Hesus: ‘Ta Abo ta esun ku mester bini òf nos mester spera un otro?’ 4Hesus a kontestá nan: ‘Bai konta Huan loke boso ta tende i mira: 5siegu ta mira, hende lam ta kana, leproso ta kura, surdu ta tende,#Isaías 35:5-6 morto ta lanta i e bon notisia ta prediká na e pobernan.#Isaías 61:1 6Felis ta esun ku no ta sintié ofendí dor di Mi.’
7Ora e disipelnan di Huan tabata bai, Hesus a kuminsá papia ku e hendenan tokante Huan; El a bisa nan: ‘Ken boso a bai mira den desierto? Un pida kaña sakudí pa bientu? 8Ma si boso bisa Mi: “Nò”, ken boso a bai mira antó? Un hòmber bistí na paña di luho fini? Tende, hende ku ta bisti asina ei no, ta den palasio bo ta haña nan. 9Ta ken boso a bai mira antó? Un profeta? Mi ta bisa boso enberdat ta un profeta i asta mas ku un profeta! 10Ta di e hòmber akí Dios ta bisa den Skritura:
Mira, Mi ta manda mi mensahero Bo dilanti
pa E prepará kaminda pa Bo.#Malakías 3:1
11Mi ta sigurá boso: di tur hende ku a nase riba mundu, niun no ta mas altu ku Huan Boutista, ma tòg esun ku ta di ménos importansia den reino di shelu, ta mas kuné. 12For di tempu ku Huan Boutista tabata prediká te awor akí, reino di shelu a sufri di violensia#11:12 a sufri di violensia; otro posibel tradukshon: a avansá violentamente i hende violento ta buska moda di gar'é. 13Lei di Moises i tur profeta te na tempu di Huan a bisa esaki di antemano.#Lukas 16:16 14I si boso ke kere Mi, aseptá ku Huan ta Elías ku mester a bini!#Malakías 4:5; Mateo 17:10-13; Marko 9:11-13 15Esun ku tin orea skucha!
16Awor ta ku kiko lo Mi por kompará e hendenan di e generashon akí? Wèl, nan ta manera mucha ku ta sinta riba plenchi. Nan ta yama otro mucha 17i bisa nan:
“Nos a toka kantika kontentu riba flùit
ma boso no a balia;
nos a kanta kantika di entiero
ma boso no a yora.”
18Huan a bini i no ker a kome ni bebe i hende a laga sa ku e ta poseé pa demoño. 19E Yu di hende a bini i e sí ta kome i bebe i hende a laga sa: “Mira un hòmber golos i buraché ei, amigu di kobradó di belasting i di hende ku no ta kumpli ku lei.” Ma sabiduria di Dios ta proba su mes ku echo.’
Ai di e siudatnan ku no kombertí
(Lukas 10:13-15)
20E ora ei Hesus a kuminsá skual e siudatnan kaminda El a hasi mayoria di su milagernan i ku tòg no ker a kombertí. 21El a sklama: ‘Ai di bo, Korazin; Ai di bo, Betsaida! Si e mesun milagernan ku a tuma lugá serka boso, a tuma lugá na Tiro i Sidon,#Isaías 23:1-18; Ezekiel 26:1—28:26; Yoel 3:4-8; Amos 1:9-10; Zakarías 9:2-4 dia bieu e hendenan ei lo a bisti paña di rou i stroi shinishi riba nan kabes komo señal di kombershon! 22Ma Ami ta bisa boso: dia di huisio e kastigu pa e hendenan di Tiro i Sidon lo ta ménos pisá ku boso kastigu! 23I abo Kafárnao:
N' ta subi bo ker a subi yega te shelu?
Ta te den fièrnu lo bo kai awor!#Isaías 14:13-15
Pasobra si e mesun milagernan ku a tuma lugá serka bo hendenan, a tuma lugá na Sódoma,#Génesis 9:24-28 e siudat ei lo tabata eksistí te dia djawe. 24Ma Ami ta bisa boso: riba dia di huisio Sódoma lo pasa ménos kastigu ku boso.’#Mateo 10:15; Lukas 10:12
Bini serka Mi bin sosegá
(Lukas 10:21-22)
25Den e tempu ei Hesus a bisa: ‘Tata, Señor di shelu i di tera! Mi ta gradisí Bo ku Bo a duna esnan simpel konosementu di e kosnan ku Bo a skonde pa esnan sabí i inteligente. 26Sí, Tata, esei Bo a haña ta bon. 27Tur kos mi Tata a duna Mi.#Huan 3:35 Niun hende no konosé e Yu, sino ta Tata so; ni niun hende no konosé e Tata, sino e Yu so i esnan ku e Yu ke laga konosé e Tata.#Sabiduria 9:17; Huan 1:18; 10:15
28Tur ku ta kansá i kargá, bini serka Mi i Ami lo duna boso sosiegu. 29Tuma mi yugo riba boso skouder i siña di Mi, pasobra Mi ta mansu i humilde; i boso lo haña sosiegu.#Isaías 30:15; Yeremías 6:16; Sirag 6:24-30; 24:19; 51:23-26 30Pasobra mi yugo ta suave i mi karga ta lihé.’
Currently Selected:
Mateo 11: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013