Estera Grika 3
3
1Tatỳ aorian’izany, nasandratr’i Asoerosy mpanjaka, laharam-boninahitra i Amàna#3,1 Amàna: persa tranainy i Amanesa, grika. Eomena, dia lehilahy mamy hoditra tamin’i Asoerosy ka natsangany ho Praiministra. zanak’i Amadatà#3,1 Amadatà: toa anarana mitovy hevitra amin’ny hoe Madatà, nomen’ny Volana na nomena ny Volana., avy amin’ny tanin’i Agaga#3,1 Agaga: faritany any Media., nasandrany sy napetrany amin’ny fitoerana ambony noho ny an’ny lehibe rehetra nanolotra azy izy. 2Nandohalika sy niankohoka teo anatrehan’i Amàna avokoa ny mpanompon’ny mpanjaka izay teo am-bavahadiny, fa izany no didin’ny mpanjaka momba azy. Nefa i Mardokea tsy mba nandohalika na niankohoka, 3ka hoy ireo mpanompon’ny mpanjaka, izay teo am-bavahadiny, tamin’i Mardokea: «Nahoana ianao no mandika ny didin’ny mpanjaka?» 4Raha naverimberiny taminy isan’andro izany, nefa tsy nohenoiny izy ireo, dia nampandrenesiny an’i Amàna izany, hahitany raha hikiry amin’ny hevitra voakasany i Mardokea, satria efa voalazany tamin’izy ireo fa hoe Jody izy. 5Nony hitan’i Amàna fa tsy nandohalika na niankohoka teo anatrehany i Mardokea, dia tezitra indrindra izy. 6Nataony ho tsinontsinona aminy anefa ny maninji-tanana amin’i Mardokea irery, fa efa nilazana izay firenen’i Mardokea izy ka dia ny handringana ny firenen’i Mardokea dia ny Jody rehetra, teo amin’ny fanjakan’i Asoerosy manontolo, no notadiavin’i Amàna.
3. TANDINDOMIN-DOZA IREO JODY
Didy navoaka handripahana ny Jody
7Tamin’ny volana voalohany izay volana Nisàna#3,7 Tamin’ny volana voalohany Nisàna: Izany hoe teo am-paran’ny marsa sy fiandohan’ny avrily., taona faha-12 nanjakan’i Asoerosy, dia nanaovana ny Pora#3,7 Pora, teny Persanina, nalain’ny Jody, mitovy amin’ny hoe Pars anjara, amin’ny teny latina. izany hoe loka, teo anatrehan’i Amàna, ho an’ny isan’andro sy ho an’ny isam-bolana, hatramin’ny volana faha-12, izay volana Adara. 8Tamin’izay, hoy i Amàna tamin’i Asoerosy mpanjaka: «Ao amin’ny faritanin’ny fanjakanao rehetra dia misy vahoaka eo afovoan’ny vahoaka hafa, nefa mitokana ihany, hafa lalàna noho ny vahoaka hafa rehetra, ary tsy mba mitandrina izay lalàn’ny mpanjaka. Tsy mba mahasoa ny mpanjaka ny mamela ireny amin’izao. 9Fa raha sitraky ny mpanjaka, aoka hanoratana didy handringanana ireny, dia handanja talenta vola fotsy iray alina eo an-tanan’ny mpanao raharaha aho, halatsaka ao amin’ny rakitry ny mpanjaka#3,9 Raha araka ny tombam-bidin’ny talenta tamin’ny hebrio dia 27.000.000.000 ariary izany no nampanantenain’i Amàna haloa ho an’ny mpanjaka; ary raha araka ny talentan’i Babilôna kosa dia 13.000.000.000 ariary. Fa na ohatrinona na ohatrinona, dia tamin’ny fananan’ny Jody hovonoina ka nantenainy horobaina no noheverin’i Amàna hakana ny vola nampanantenainy homena ny mpanjaka.» 10Dia noesorin’ny mpanjaka ny peratra teny an-tanany, nomeny an’i Amàna zanak’i Amadatà, avy amin’ny tanin’i Agaga, fahavalon’ny Jody, ka hoy izy taminy: 11«Afoy ho anao ny vola mbamin’izany vahoaka izany, ka ataovy amin’izay itiavanareo azy.»
12Koa tamin’ny andro faha-13n’ny folon’ny volana#3,12 Tamin’ny andro faha-13n’ny volana, izany hoe faha 13n’ny volana Adara. Io no andro voalazan’ny filokana fa tsara (jereo andininy 7, ampitahao amin’ny toko 9,1). Ka dia izany no nifidianan’i Amàna ny andro faha-13 amin’io volana io mba hanatanterahany ny fikasany. Izao ny Jody dia mankalaza andro telo, dia ny 13 sy 14 ary ny 15 Adara. - Ny andro faha-13, dia andro fifadiana ho fahatsiarovana ny fifadian-kanina nataon’i Estera (jereo toko 4,16); ary ny andro roa sisa, dia andro firavoravoana (jereo toko 9,18-22). voalohany, nantsoina ny mpanoratry ny mpanjaka, dia nanoratra araka izay rehetra nasain’i Amàna natao, ho an’ny solo-mpanjaka, ny governoran’ny isam-paritany, ny lehiben’ny isam-pirenena, natao araka ny soratry ny isam-paritany, araka ny fitenin’ny isam-pirenena, ary nosoratana tamin’ny anaran’i Asoerosy mpanjaka, sy notombohina tamin’ny peratry ny mpanjaka. 13Nalefa nentin’ny tsimandoa#3,13 Nalefa nentin’ny tsimandoa sns.: Vakio ny fanampiny amin’ny toko 13,1-7. Ireo fanampiny hatramin’ny toko 10 ka hatramin’ny farany, dia tsy hita tao amin’ny boky amin’ny teny hebrio, fa tamin’ny dikan’ny hebrio ho teny grika nataon’ny Septanta no nahitana azy, ka natokan-toerana. ny taratasy any amin’ny faritanin’ny mpanjaka rehetra, mampandringana sy mampamono ary mampandripaka ny Jody rehetra, na antitra na tanora, na zaza na vehivavy, amin’ny indray andro monja, dia amin’ny andro faha-13n’ny volana faha-12, izay volana Adara, sady mampandroba ny fananany rehetra.
Jereo ny kôpian’ny didy ao amin’ny toko 13,1-7
14Nisy kôpian’ny teny#3,14 Kôpian’ny teny: Izany hoe taratasy omena ny governora hovakina amin’ny vahoaka, mba ho vonona amin’ny andro 13 adara. - Ny teny ao anatiny dia mampahafantatra sy mampiomana ny olona amin’io andro voatendry io. izay tsy maintsy aely ho didy amin’ny isam-paritany, nalefa misokatra ho any amin’ny firenena rehetra, mba samy ho vonona ho amin’izany andro izany. 15Nandeha faingana ny tsimandoa, araka ny tenin’ny mpanjaka. Ary navoaka tao Sosa, renivohitra, koa ny lalàna; ary raha nipetraka hisotro ny mpanjaka sy i Amàna, ny tanàna Sosa kosa nikorontana be ihany#3,15 Nikorontana be ihany: Nitebiteby mafy ny Jody nanampò hovonoina; ary betsaka no isan’ireo tao Sosa. Ny fahavalony kosa faly ratsy nanantena hanarana ny fahasiahany sy hahazo babo tsy anerany..
Baiboly Katolika © La Société Biblique Malgache, 2003.