Estera Grika 2
2
2. I Mardokea SY I ESTERA
Tonga mpanjaka i Estera
1Taorian’izany, nony nionona ny hatezeran’i Asoerosy mpanjaka, nahatsiaro an’i Vastì izy, dia ny nataony sy ny notapahina ny aminy. 2Ary hoy ireo mpanompon’ny mpanjaka izay nanao raharaha teo aminy: «Aoka hitadiavana zazavavy virjiny sy tsara tarehy ny mpanjaka; 3ka isam-paritany rehetra eo amin’ny fanjakany dia hametrahan’ny mpanjaka manamboninahitra hiadidy ny famoriana ny zazavavy virjiny sy tsara tarehy rehetra, ho eto Sosa, renivohitra, ao amin’ny tranom-behivavy, tandreman’i Egea#2,3 I Egea, dia anisan’ireo atao hoe: Vagao, izany hoe eonòka. Izy io dia Persianina anti-dahy mpiambina ny efitranon’ny lapa fipetrahan’ireo vehivavy vadin’ny mpanjaka sy mpikarakara azy., eonòkan’ny mpanjaka, sy mpitandrina ny vehivavy, izay hamonona ny momba ny fiakanjoan’ireo; 4dia izay zazavavy sitraky ny mpanjaka no ho mpanjakavavy, hisolo an’i Vastì.» Sitraky ny mpanjaka izany hevitra izany ka dia nataony izany.
5Tao Sosa renivohitra nisy Jody anankiray atao hoe Mardokea, zanak’i Jaira zanak’i Semeì zanak’i Sisa taranak’i Benjamina; 6nentina avy any Jerosalema#2,6 Nentina avy any Jerosalema: Ny mpandinika sasany mihevitra fa i Sisa, rain’i Mardokea no lazaina eto ho nentin-ko babo any Babilôna: raha izany no marina dia tokony ho 30 ka hatramin’ny 40 taona i Mardokea tamin’ny nisehoan’ny zavatra tantaraina eto. Nefa raha araka ny lalàn’ny fandaharan-teny dia i Mardokea mihitsy no lazaina ho nentin-ko babo tamin’ny andron’i Nabokodonozora. Raha ny tenany no nentina tamin’izay dia tsy maintsy ho efa 120 taona izy tamin’ny andron’i Artakserksesa tantaraina eo izao; tsy azo heverina ho antitra toy izany izy. Ny tena hevitry ny teny amin’ity andininy ity dia izao: i Mardokea no taranaky ny fianakaviana avo razana sy malaza niara-nentin-ko babo tamin’ny mpanjaka Jekôniasa. Fa raha ny tenan’i Mardokea kosa dia azo heverina ho teraka tao Babilôna ihany, ary vavolombelon’izany ny anarany hoe Mardokea, fa anarana babilônianina izany fa tsy palestinianina., anisan’ireo babo nataon’i Nabokodonozora mpanjakan’i Babilona sesitany, niaraka tamin’i Jekôniasa mpanjakan’i Jodà. 7Izy no nitaiza an’i Edisà#2,7 Edisa: tsy iza fa i Estera ihany: fa ny anarany hebrio hoe Edisà, nosoloiny ny anarana Persa hoe Estera, Kintana. Zanak’olo-mirahalahy amin’i Mardokea izy. I Estera dia mpandova tokana ny ray aman-dreniny; koa araka ny lalàna tsy maintsy manambady lehilahy iray foko aminy. izay hoe Estera, zana-drahalahin-drainy, fa tsy nanan-dray na reny intsony razazavavy. Sady bikàna no tsara tarehy razazavavy; nony maty rainy aman-dreniny, dia natsangan’i Mardokea ho zanany izy.
8Nony efa naely ny teny aman-didin’ny mpanjaka ka efa maro ny zazavavy tafangona tao Sosa, renivohitra notandreman’i Egea, i Estera koa nalaina ho ao an-tranon’ny mpanjaka, notandreman’i Egea, mpitandrina ny vehivavy. 9Ary nahafaly azy sy nahita fitia teo imasony razazavavy, ka novononiny faingana ny zavatra ilainy momba ny fihaingoany aman’anjara haniny, ary zazavavy fito notsongaina tao an-tranon’ny mpanjaka, no nomeny azy, ary ny efitrano tsara indrindra tao an-tranom-behivavy no nametrahany azy sy ireo zazavavy. 10Tsy nilaza izay fireneny na firazanany i Estera, fa noraran’i Mardokea tsy hilaza izany. 11Nitsangantsangana isan’andro teo anoloan’ny kianjan’ny tranom-behivavy i Mardokea, mba hahafantarany ny toe-pahasalaman’i Estera, sy izay fitondran’ny olona azy.
12Nony avy ny anjara fotoana handehanan’ireo zazavavy ireo amin’i Asoerosy avy, rehefa tapiny ny 12 volana fanatanterahana izay voadidy hataon’ny vehivavy, dia izao kosa no zavatra alahatra atao amin’ny fotoana idiovany; ny enim-bolana nidiovany amin’ny diloilo misy mira, ary ny enim-bolana kosa amin’ny zava-manitra sy ny zavatra tsara fofona fanaon’ny vehivavy. 13Raha nandeha amin’ny mpanjaka ny zazavavy dia nahazo alalana hitondra izay tiany avy ao an-tranom-behivavy mba ho any an-tranon’ny mpanjaka. 14Ny hariva izy no mankao: nony ampitso maraina izy, dia mifindra ao amin’ny trano faharoa fitoeram-behivavy, tandreman’i SosaGazà, eonòkan’ny mpanjaka, mpitandrina ny vavitsindrano. Tsy miverina ao amin’ny mpanjaka intsony izy, afa-tsy raha irin’ny mpanjaka izy, ka antsoina amin’ny anarany.
15Nony tonga ny anjaran’i Estera zanak’i Abihaila, rahalahan-drain’i Mardokea, ilay nanangana azy ho zanaka, handehanany any amin’ny mpanjaka, dia tsy mba nila na inona na inona izy, afa-tsy izay natoron’i Egea, eonòkan’ny mpanjaka, sy mpitandrina ny vehivavy; nefa izay rehetra nahita an’i Estera nankasitraka azy avokoa. 16Tamin’ny volana fahafolo, izay volana Tebeta, taona fahafito nanjakan’i Asoerosy mpanjaka, no nentina ho ao aminy ao an-trano-mpanjaka i Estera. 17Ary i Estera no tian’ny mpanjaka indrindra tamin’ny vehivavy rehetra, ka nahita fitia aman-tsitraka taminy, mihoatra noho ny zazavavy hafa rehetra. Nosatrohany ny diademam-panjakana ny lohany, sady nataony mpanjakavavy hisolo an’i Vastì#2,17 Nisy lalàna nandidy ny mpanjaka haka vady ao amin’ny fianakavian’ireo mety handova fanjakana ihany. Asa anefa na velona izany lalàna izany tamin’ny andron’i Asoerosy, na tsia. Sady fantatra fa raha lalàna mifehy azy ireo tsy hanaram-batana araka ny filan’ny nofony tsy dia nahoan’ireny mpanjaka ireny velively. Mahagaga koa, hono, ary tsy azo inoana ny nakan’i Asoerosy ho vady vehivavy jody. Nefa hita amin’ity tantaran’i Estera ity fa nafenin’i Estera ny firenena fiaviany, araka ny hafatr’i Mardokea taminy.. 18Nanao fanasana lehibe ny mpanjaka, ho an’ny andriandahiny rehetra sy ny mpanompony, dia ny fanasan’i Estera, nanomezany fitsaharana#2,18 Fitsaharana: Famelana olona tsy handoa hetra, na hoe angamba andro fijanonana, fety firavoravoana. ny faritaniny, ary nanaovany fanomezana be, amin’ny fahazavam-po mendrika ny mpanjaka.
I Mardokea sy i Amàna
19Tamin’ny famoriana zazavavy fanindroany, nipetraka teo am-bavahadin’ny mpanjaka i Mardokea; 20I Estera izany mbola tsy nilaza ny firazanany na ny fireneny, araka ilay efa nandidian’i Mardokea azy, ary nanaraka ny didin’i Mardokea i Estera, toy ny fony mbola notezainy ihany. 21Tamin’izany andro izany, raha ilay nipetraka teo am-bavahadin’ny mpanjaka iny i Mardokea, nentin-katezerana i Bagatàna sy i Tareza, izy roalahy samy eonòkan’ny mpanjaka sy mpiambina ny lapa, ka nitady hamono an’i Asoerosy mpanjaka. 22Fantatr’i Mardokea ny teti-dratsy, ka nambarany tamin’i Estera izay nilaza izany tamin’ny mpanjaka kosa, ho filazana avy amin’i Mardokea. 23Nony nofotorana izany zavatra izany, ka hita fa marina, dia nahantona tamin’ny hazo izy roa lahy eonòka ary nosoratana tamin’ny bokin’ny Tantara teo anatrehan’ny mpanjaka izany.
Baiboly Katolika © La Société Biblique Malgache, 2003.