Sɛ́núnywɛ́ 2
2
1Yě nɔ́ ɖɔ xó gǔdagɔ hwenu e yě nɔ́ ɖo ɖiɖɔ ɖo yěɖée tɛ́ntin wɛ ɖɔ: “Gbɛ mǐtɔn ɔ́ nyí gbɛ gaga ɖé ǎ bó ká kú wǔ. Kú sín amasin ɖé tíin ǎ. Mǐ tunwun mɛɖé nú é gosín kútomɛ wá gbɛ ǎ. 2Mǐ jɔ wá gbɛ mɔ̌ kpowun, bɔ gbɛ mǐtɔn gúdo ɔ́, é ná cí ɖɔ mǐ kún tíin gbeɖé ó ɖɔhun. Funfún e ɖo awɔntín mǐtɔn mɛ ɔ́, azizɔ ɖé kpowun wɛ. Linlin mǐtɔn e mǐ nɔ́ ɖó lɛ́ɛ ɔ́, zogbahlɛ́n e hǔn e nɔ xo ɖo xo mǐtɔn mɛ é nɔ́ ná é kpowun wɛ. 3É cí kpowun ɔ́, agbaza ɔ́ nɔ́ húzú afín, bɔ yɛ e ɖ'é mɛ ɔ́ nɔ́ blí bú ɖi jɔhɔn e alɔ ma sixú wlí hɛn ǎ é ɖɔhun. 4Hwenu wá ɖo yiyi wɛ ɔ́, gbɛtɔ́ lɛ́ɛ ná wɔn nyǐkɔ mǐtɔn; mɛ ɖěbǔ sɔ́ ná flín nǔ e mǐ kó wa lɛ́ɛ ǎ. Gbɛ mǐtɔn ná wá yi ɖi akpɔ́kpɔ́ e nɔ́ dín bɔ è ma nɔ mɔ wuntun tɔn ǎ é ɖɔhun. É ná bú ɖi ahǔn e hweyihwǎn nɔ́ nya, bɔ yǒzo nɔ́ ɖu ɖ'é jí é ɖɔhun. 5Nǔgbó wɛ, gbɛninɔ mǐtɔn sɔ yɛtɛn e nɔ dín é sín teninɔ ǎ. Fífó tɔn sín hwenu ɔ́, é ko ɖe nú tɛgbɛ gbe wɛ; mɛ ɖěbǔ ná sixú yi bó sɔ́ ná lɛ́ lɛ́ kɔ wá gǔdo ǎ.
6 “Mi bo wá, mi nú mǐ ná dó nǔ ɖagbe e ɖo fí lɛ́ɛ nu kpɔ́n! Mi nú mǐ ná ɖu nǔ e kó nyí nǔɖíɖó lɛ́ɛ bǐ sín le ganjí ɖi wǐnnyáwínnyá hwenu mǐtɔn ɖɔhun. 7Mi nú mǐ ná nu vɛ̌ɛn atata lɛ́ɛ gɔ́ xo, bó ná sá célu wǎn ɖagbenɔ lɛ́ɛ. Mǐ ná wɔn bó gɔn atínsɛ́ nukɔntɔn lɛ́ɛ kɛ́n ǎ. 8Mǐ ní xwe atínsɛ́ ɖagbe lɛ́ɛ sín gǎngbákún có nú yě ná yɔ́. 9Mɛ bǐ ɖó ná nɔ taɖunɔ xwe ɖuɖu mǐtɔn lɛ́ɛ sín tɛn mɛ; mǐ ní jó awǎjijɛ mǐtɔn sín wuntun nyi ayǐ gbɔn fí bǐ. Nǔgbó wɛ, mǐ ɖó nǔ nɛ́ lɛ́ɛ bǐ sín acɛ sín; kanta e è sɔ́ ɖ'ayǐ nú mǐ ɔ́ nɛ́.
10“Mi nú mǐ ná dó ya nú wamamɔnɔ nǔjlɔ́jlɔ́watɔ́ lɛ́ɛ; mǐ ná kú nǔbláwǔ nú asúkúsi lɛ́ɛ ǎ, bó ká ná sí hwa e ɖo ta nú mɛxó ɖé ɔ́ ǎ. 11Nú mǐdɛɛ lɛ́ɛ ɔ́, hwɛjijɔ ɔ́, mɛ e hú hlɔ̌nhlɔ́n mɛ é sinsɛn wɛ; gǎn ɖé má ɖó ɔ́ nyí nǔ ɖěbǔ nú mǐ ǎ. 12Mi nú mǐ ná ɖó mɔ nú ɖagbewatɔ́; nǔjɛnǔmɛ wɛ é nyí nú mǐ; é ɖo tɛn ján mǐ wɛ ɖo nǔ e wa wɛ mǐ ɖe lɛ́ɛ kɔn; é nɔ́ gbɛ́ nǔ nú mǐ dó sɛ́n e gba wɛ mǐ ɖe é wú. É nɔ́ ɖo gbejí e mǐ má nɔ nú kplɔ́n e è nǎ mǐ é sín hwɛ dó mǐ wɛ. 13Mɛ e nɔ wa nǔ jlɔ́jlɔ́ é nɔ́ sɔ́ éɖée su ɖó Mawu e é tunwun é wú, bó nɔ́ ɖɔ Aklúnɔ sín vǐ wɛ émí nyí. 14Alɔkpa e jí mǐdɛɛ lɛ́ɛ nɔ́ lin nǔ gbɔn é gbígbɛ́ sín xlɛ̌ gbɛɖe wɛ é wá nyí. Mǐ mɔ ɛ ɔ́, é nɔ́ vɛ́ kpɔ́n nú mǐ ɖésú. 15Nǔgbó wɛ, é nɔ́ zán gbɛ mɛ ɖě lɛ́ɛ ɖɔhun ǎ, walɔ tɔn gbɔn vo. 16Akwɛ́gan gblégblé ɖɔhun wɛ mǐdɛɛ lɛ́ɛ cí nú éyɛ́. É nɔ́ ɖó wǔ zɔ nú mǐ, ɖi zunkɔ́ wɛ mǐ nyí ɖɔhun. É nɔ́ ɖɔ: mɛ e nɔ wa nǔ jlɔ́jlɔ́ lɛ́ɛ nɔ́ kú kú ɖagbe. É nɔ́ sɔ́ éɖée su ɖó Mawu e nyí Tɔ́ n'i é wú. 17Amɔ̌, mǐ ná wá kpɔ́n ɖɔ nǔgbó ɖɔ wɛ jɛ́n é ɖe a jí; mi nú mǐ ná ba xó e, bó dó tagba bǐ n'i, bó ná kpɔ́n lě e gbɛ tɔn ná vɔ gbɔn é. 18Nǔgbó wɛ, é nyí nǔjlɔ́jlɔ́watɔ́ ɔ́ nyí Mawu ví nǔgbó ɔ́, Mawu ná nɔ́ dó alɔ ɛ, lobo ná nɔ́ hwlɛ́n ɛ gán ɖo kɛntɔ́ tɔn lɛ́ɛ sí. 19Mi nú mǐ ná zun i, bó ná nɔ́ dó ya lɛ́ɛ bǐ n'i, bó ná kpɔ́n agbɔ̌n e ɖo wǔ tɔn é. Mǐ ná tunwun káká fí e é ná fá xomɛ yi jɛ é; mǐ hɛn ɔ́, mǐ ná kpɔ́n fí e é ná kú hǔn yi jɛ é. 20Mǐ ní má ɖó hɛ̌nkúhwɛ n'i ó, ɖó éɖíe ɖɔ Mawu ná nɔ ahwan émítɔn mɛ e.”
21Lě e mɛ énɛ́ lɛ́ɛ nɔ́ ɖɔ xó gbɔn é nɛ́. Yěɖée blɛ́ wɛ yě ká ɖe, ɖó xomɛnylánylá yětɔn nɔ́ dɔn yě dó wunva mɛ. 22Yě nɔ́ mɔ nǔ jɛ linlin Mawu tɔn e è sɔ́ hwlá dó yě lɛ́ɛ wú ǎ. Yě ɖo te kpɔ́n ajɔ e ɖo te nú mɛ e gbɛ yětɔn nɔ́ nyɔ́ Mawu nukún mɛ lɛ́ɛ é ǎ. Mɛ e nɔ zán gbɛ ɖó ganjí lɛ́ɛ ɔ́, é ná sɔ́ yě su; mɛ énɛ́ lɛ́ɛ ká ɖi nǔ ná ǎ. 23 Lo ɔ́, Mawu ká ɖó gbɛtɔ́ lɛ́ɛ nú gbɛ e ma na tunwun kú ǎ é. É ɖó yě ɖi é ɖésúnɔ ɔ́ ɖɔhun. 24Kú wá gbɛ ɔ́ mɛ ɖó wǔhwinhwan yɛ nyanya tɔn wú. Bɔ mɛ e nyí yɛ énɛ́ ɔ́ tɔn lɛ́ɛ ɖó ná kú.
Currently Selected:
Sɛ́núnywɛ́ 2: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.