Sɛ́núnywɛ́ 17
17
g. Zǎn gaga mawukɛntɔ́ lɛ́ɛ tɔn
1Aklúnɔ, gbetakɛ́n e a nɔ ɖe tɔ́n lɛ́ɛ nɔ gɔ́ngɔ́n, lobɔ nǔ mɔ jɛ yě mɛ nɔ́ vɛ́ wǔ. É wɛ zɔ́n bɔ mɛ e ma ɖó Sɛ́núnywɛ́ ǎ lɛ́ɛ sɔ́ yěɖée nyi gbě. 2Yě vɛdó ɖɔ émí kó ɖu ɖo togun towe jí wɛ sín, lo ɔ́, yě húzú zǐnflúkannumɔ, ɖo zǎn gaga ɖé sín acɛ mɛ. Yě ɖo ayǐmlɔ́mlɔ́, hɔn sú dó ta, ɖo xwé yětɔn gbe, wǎn yíyí towe e nɔ ɖo te tɛgbɛ é mɛ vo. 3Yě vɛ̌ dó sín ɖɔ émí hɛn ɔ́, émí ná nɔ hwlǎhwlá ɖo mɛwɔnvɔ glɔ́ ɖo hwɛ émítɔn e ɖo hwlǎhwlá bɔ mɛɖé má mɔ nukúnnú jɛ wǔ ǎ lɛ́ɛ mɛ wɛ sín. Lo ɔ́, è nya yě gbɔn alɔkpa bǐ mɛ, bɔ xɛsi jɛ yě jí, bɔ hǔn yětɔn gbadó taala, ɖó nǔ baɖabaɖa e mɔ wɛ yě ɖe lɛ́ɛ é wú. 4Nǔglɔ́ fí e yě hɔn hwlá cí lɛ́ɛ ɖésú kpé wú, bó sɛ xɛsi dó zɔ nú yě vɔ́vɔ́ ǎ: è nɔ se zǐngídi baɖabaɖa ɖé lɛ́ɛ lɛ́ lɛ̌ dó yě, bɔ yɛ nyanya wǔbláwúblá ɖé lɛ́ɛ nɔ́ tɔ́n dó yě jí. 5Zo mɔ̌hunkɔtɔn ɖěbǔ ɖe bó kpé wú, bó ná wěziza yě ǎ. Bɔ wěziza ɖaxó sunví lɛ́ɛ tɔn lɔ kpé wú bó xo zǎn baɖabaɖa énɛ́ zlɛ́ ǎ. 6Myɔ ɖaxó ɖé jɛ́n yě mɔ, bɔ é wlí é ɖóɖónɔ, lobo dó xɛsi nú yě titewungbe. Hwenu e myɔ énɛ́ ɔ́ wá bú é ɔ́, xɛsi lɛ́ jɛ yě jí káká bɔ nǔ e mɔ wɛ yě ɖe lɛ́ɛ é lɛ́ gba ayi dó nú yě d'é jí.
7Mɛblɛ́ɖunúwiwa majíkiblótɔ́ lɛ́ɛ tɔn kpé nǔ ɖěbǔ wú bó wa ǎ. Yě nɔ́ ba ná ɖe xlɛ́ ɖɔ émí ɖó nǔnywɛ́; lo ɔ́, winnyá kɛ́ɖɛ́ jɛ́n yě nɔ́ ɖu. 8Mɛ ɖé lɛ́ɛ dó akpá ɖɔ émí ná nya xɛsi kpódó ayigbadó kpán sín azunzɔnnɔ ɖé gbɛzán mɛ. Lo ɔ́, yě ɖésúnɔ lɛ́ɛ wɛ nɔ́ lɛ́ bɛ́ xɛsizɔn, bɔ é nyí nǔ bó hwɛ́n ɖésú. 9Ɖésú ɔ́, hwenu e yě ma tlɛ ɖó ná ɖi xɛsi ǎ é ɔ́, yě ná bó se afɔgbe kanlin e ɖo dǐndín wɛ lɛ́ɛ tɔn, abǐ kwín e kwín wɛ dan lɛ́ɛ ɖe é ɔ́, hǔn yětɔn nɔ́ gbadó titewungbe. 10Ɖó ablu ɖaxó énɛ́ e mɛ yě má sɔ́ sixú tɔ́n sín ǎ é zɔ́n bɔ xɛsi ɖaxó ɖé wá vun blá yě, bɔ yě kú dó te, bɔ nukún ná hun vɔ́vɔ́ sɔ́ sɔxú yě ǎ.
11Nǔgbó wɛ, mɛ nyanya lɛ́ɛ nɔ́ ɖe xlɛ́ gannaganna ɖɔ émí kún ɖó akɔ́nkpinkpan ó, bó nɔ́ ɖó hwɛ nú yě ɖésúnɔ. Ayi nɔ ɖo hun xo xá yě wɛ, lobɔ yě nɔ́ ɖo asá dlɛ́n nú wǔvɛ́ lɛ́ɛ wɛ tɛgbɛ. 12Mɛ e nɔ ɖo xɛsi jí lɛ́ɛ wɛ nyí mɛ e nɔ gbɛ́ alɔdómɛ nǔnywɛ́ yětɔn tɔn lɛ́ɛ é. 13Hwenu e mǐ ma nɔ ɖó jiɖiɖe dó nǔnywɛ́ mǐtɔn wú ɖo ayi mǐtɔn mɛ ǎ é ɔ́, mǐ nɔ́ dán nǔ e wú wɛ mǐ ɖo wǔvɛ́ mɔ wɛ é, bɔ é nɔ́ zɔ́n bɔ wǔvɛ́ ɔ́ ɖě nɔ́ lɛ́ jɛ ɖě jí nú mǐ.
14Nú mǐ ná ɖɔ nǔjɔnǔ tɔn ɔ́, zǎn énɛ́ ɔ́ ɖó gǎn ɖěbǔ ǎ. Gbɛ gɔngɔn mɛkúkú lɛ́ɛ tɔn, éé má ɖó gǎn ɖěbǔ ǎ é mɛ wɛ é gosín. Nǔ ɖo mɔ̌ có, mɛ énɛ́ lɛ́ɛ dɔ́ amlɔ nyi do. 15Bónú yɛ nyanya ɖé má kó jɛ gǒmɛ nú yě ǎ ɔ́, ahwi ka nɔ xo yě, lobɔ yě nɔ́ sixú kpé nǔ ɖěbǔ wú bó wa ǎ. Lo ɔ́, xɛsi maɖónukún tɔn ɖé nɔ́ jɛ yě jí zɛ̌nzɛ̌n. 16Gbɔn mɔ̌ ɔ́, mɛ e nɔ jɛ ayǐ jɛ kɔ́ mɛ lɛ́ɛ nɔ́ wá mɔ yěɖée ɖo súsú, ɖo gankpá é má ɖó ali ɖěbǔ é ɖ'é mɛ. 17Glesi lɛ́ɛ, lɛ̌ngbɔ́nyitɔ́ lɛ́ɛ, alɔnuzɔ́watɔ́ lɛ́ɛ bǐ ɖo azɔ̌ wa wɛ syɛ́nsyɛ́n ɖo gletoxo ɔ́ mɛ. Yě bǐ wɛ nyladó énɛ́ ɔ́ kpácá; yě ká kpé nǔ ɖěbǔ wú n'i ǎ. 18-19Zǐnflú sín kan ɖokpó ɔ́ wɛ blá yě bǐ. Nǔ e se wɛ yě ɖe lɛ́ɛ é bǐ nɔ́ dó xɛsi nú yě, lobɔ wǔ nɔ tlú yě ɖésú; jɔhɔn e ɖo nyinyi wɛ é wɛ a, han lómílómí xɛví e ɖo atínvla mɛ lɛ́ɛ tɔn, sin e nɔ tɔ́n magbokɔ sín sóvlamɛ é, adǎn ɖaxó awǐnnya e ɖo ayǐ jɛ wɛ lɛ́ɛ tɔn, wezun ma mɔ nǔ jɛ wú e dó wɛ kanlin lɛ́ɛ nɔ́ ɖe é, xósúsú gběkanlin baɖabaɖa lɛ́ɛ tɔn kpódó gbe e nɔ ɖi sín só lɛ́ɛ kan mɛ é bǐ kpán wɛ nɔ́ gba ayi dó nú yě.
20É ɖo mɔ̌ có wěziza ɖaxó ɖé hɔ́n dó gbɛ ɔ́ jí gbɔn fí bǐ, bɔ mɛ ɖokpó ɖokpó ɖo jlokoko mɛ, bó ɖo azɔ̌ e nyí étɔn é wa wɛ. 21Lo ɔ́, zǎn kpinkpɛn ɖé wa cyɔ́n mɛ énɛ́ lɛ́ɛ kɛ́ɖɛ́ jí. Zǐnflú gɔngɔn e wá cyɔ́n yě gbe ɖokpó e sín xlɛ̌ nyí wɛ é ɖe. Xɛsi yětɔn kpɛn yě hú ablu e wá cyɔ́n yě gbe ɖokpó é.
Currently Selected:
Sɛ́núnywɛ́ 17: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Sɛ́núnywɛ́ 17
17
g. Zǎn gaga mawukɛntɔ́ lɛ́ɛ tɔn
1Aklúnɔ, gbetakɛ́n e a nɔ ɖe tɔ́n lɛ́ɛ nɔ gɔ́ngɔ́n, lobɔ nǔ mɔ jɛ yě mɛ nɔ́ vɛ́ wǔ. É wɛ zɔ́n bɔ mɛ e ma ɖó Sɛ́núnywɛ́ ǎ lɛ́ɛ sɔ́ yěɖée nyi gbě. 2Yě vɛdó ɖɔ émí kó ɖu ɖo togun towe jí wɛ sín, lo ɔ́, yě húzú zǐnflúkannumɔ, ɖo zǎn gaga ɖé sín acɛ mɛ. Yě ɖo ayǐmlɔ́mlɔ́, hɔn sú dó ta, ɖo xwé yětɔn gbe, wǎn yíyí towe e nɔ ɖo te tɛgbɛ é mɛ vo. 3Yě vɛ̌ dó sín ɖɔ émí hɛn ɔ́, émí ná nɔ hwlǎhwlá ɖo mɛwɔnvɔ glɔ́ ɖo hwɛ émítɔn e ɖo hwlǎhwlá bɔ mɛɖé má mɔ nukúnnú jɛ wǔ ǎ lɛ́ɛ mɛ wɛ sín. Lo ɔ́, è nya yě gbɔn alɔkpa bǐ mɛ, bɔ xɛsi jɛ yě jí, bɔ hǔn yětɔn gbadó taala, ɖó nǔ baɖabaɖa e mɔ wɛ yě ɖe lɛ́ɛ é wú. 4Nǔglɔ́ fí e yě hɔn hwlá cí lɛ́ɛ ɖésú kpé wú, bó sɛ xɛsi dó zɔ nú yě vɔ́vɔ́ ǎ: è nɔ se zǐngídi baɖabaɖa ɖé lɛ́ɛ lɛ́ lɛ̌ dó yě, bɔ yɛ nyanya wǔbláwúblá ɖé lɛ́ɛ nɔ́ tɔ́n dó yě jí. 5Zo mɔ̌hunkɔtɔn ɖěbǔ ɖe bó kpé wú, bó ná wěziza yě ǎ. Bɔ wěziza ɖaxó sunví lɛ́ɛ tɔn lɔ kpé wú bó xo zǎn baɖabaɖa énɛ́ zlɛ́ ǎ. 6Myɔ ɖaxó ɖé jɛ́n yě mɔ, bɔ é wlí é ɖóɖónɔ, lobo dó xɛsi nú yě titewungbe. Hwenu e myɔ énɛ́ ɔ́ wá bú é ɔ́, xɛsi lɛ́ jɛ yě jí káká bɔ nǔ e mɔ wɛ yě ɖe lɛ́ɛ é lɛ́ gba ayi dó nú yě d'é jí.
7Mɛblɛ́ɖunúwiwa majíkiblótɔ́ lɛ́ɛ tɔn kpé nǔ ɖěbǔ wú bó wa ǎ. Yě nɔ́ ba ná ɖe xlɛ́ ɖɔ émí ɖó nǔnywɛ́; lo ɔ́, winnyá kɛ́ɖɛ́ jɛ́n yě nɔ́ ɖu. 8Mɛ ɖé lɛ́ɛ dó akpá ɖɔ émí ná nya xɛsi kpódó ayigbadó kpán sín azunzɔnnɔ ɖé gbɛzán mɛ. Lo ɔ́, yě ɖésúnɔ lɛ́ɛ wɛ nɔ́ lɛ́ bɛ́ xɛsizɔn, bɔ é nyí nǔ bó hwɛ́n ɖésú. 9Ɖésú ɔ́, hwenu e yě ma tlɛ ɖó ná ɖi xɛsi ǎ é ɔ́, yě ná bó se afɔgbe kanlin e ɖo dǐndín wɛ lɛ́ɛ tɔn, abǐ kwín e kwín wɛ dan lɛ́ɛ ɖe é ɔ́, hǔn yětɔn nɔ́ gbadó titewungbe. 10Ɖó ablu ɖaxó énɛ́ e mɛ yě má sɔ́ sixú tɔ́n sín ǎ é zɔ́n bɔ xɛsi ɖaxó ɖé wá vun blá yě, bɔ yě kú dó te, bɔ nukún ná hun vɔ́vɔ́ sɔ́ sɔxú yě ǎ.
11Nǔgbó wɛ, mɛ nyanya lɛ́ɛ nɔ́ ɖe xlɛ́ gannaganna ɖɔ émí kún ɖó akɔ́nkpinkpan ó, bó nɔ́ ɖó hwɛ nú yě ɖésúnɔ. Ayi nɔ ɖo hun xo xá yě wɛ, lobɔ yě nɔ́ ɖo asá dlɛ́n nú wǔvɛ́ lɛ́ɛ wɛ tɛgbɛ. 12Mɛ e nɔ ɖo xɛsi jí lɛ́ɛ wɛ nyí mɛ e nɔ gbɛ́ alɔdómɛ nǔnywɛ́ yětɔn tɔn lɛ́ɛ é. 13Hwenu e mǐ ma nɔ ɖó jiɖiɖe dó nǔnywɛ́ mǐtɔn wú ɖo ayi mǐtɔn mɛ ǎ é ɔ́, mǐ nɔ́ dán nǔ e wú wɛ mǐ ɖo wǔvɛ́ mɔ wɛ é, bɔ é nɔ́ zɔ́n bɔ wǔvɛ́ ɔ́ ɖě nɔ́ lɛ́ jɛ ɖě jí nú mǐ.
14Nú mǐ ná ɖɔ nǔjɔnǔ tɔn ɔ́, zǎn énɛ́ ɔ́ ɖó gǎn ɖěbǔ ǎ. Gbɛ gɔngɔn mɛkúkú lɛ́ɛ tɔn, éé má ɖó gǎn ɖěbǔ ǎ é mɛ wɛ é gosín. Nǔ ɖo mɔ̌ có, mɛ énɛ́ lɛ́ɛ dɔ́ amlɔ nyi do. 15Bónú yɛ nyanya ɖé má kó jɛ gǒmɛ nú yě ǎ ɔ́, ahwi ka nɔ xo yě, lobɔ yě nɔ́ sixú kpé nǔ ɖěbǔ wú bó wa ǎ. Lo ɔ́, xɛsi maɖónukún tɔn ɖé nɔ́ jɛ yě jí zɛ̌nzɛ̌n. 16Gbɔn mɔ̌ ɔ́, mɛ e nɔ jɛ ayǐ jɛ kɔ́ mɛ lɛ́ɛ nɔ́ wá mɔ yěɖée ɖo súsú, ɖo gankpá é má ɖó ali ɖěbǔ é ɖ'é mɛ. 17Glesi lɛ́ɛ, lɛ̌ngbɔ́nyitɔ́ lɛ́ɛ, alɔnuzɔ́watɔ́ lɛ́ɛ bǐ ɖo azɔ̌ wa wɛ syɛ́nsyɛ́n ɖo gletoxo ɔ́ mɛ. Yě bǐ wɛ nyladó énɛ́ ɔ́ kpácá; yě ká kpé nǔ ɖěbǔ wú n'i ǎ. 18-19Zǐnflú sín kan ɖokpó ɔ́ wɛ blá yě bǐ. Nǔ e se wɛ yě ɖe lɛ́ɛ é bǐ nɔ́ dó xɛsi nú yě, lobɔ wǔ nɔ tlú yě ɖésú; jɔhɔn e ɖo nyinyi wɛ é wɛ a, han lómílómí xɛví e ɖo atínvla mɛ lɛ́ɛ tɔn, sin e nɔ tɔ́n magbokɔ sín sóvlamɛ é, adǎn ɖaxó awǐnnya e ɖo ayǐ jɛ wɛ lɛ́ɛ tɔn, wezun ma mɔ nǔ jɛ wú e dó wɛ kanlin lɛ́ɛ nɔ́ ɖe é, xósúsú gběkanlin baɖabaɖa lɛ́ɛ tɔn kpódó gbe e nɔ ɖi sín só lɛ́ɛ kan mɛ é bǐ kpán wɛ nɔ́ gba ayi dó nú yě.
20É ɖo mɔ̌ có wěziza ɖaxó ɖé hɔ́n dó gbɛ ɔ́ jí gbɔn fí bǐ, bɔ mɛ ɖokpó ɖokpó ɖo jlokoko mɛ, bó ɖo azɔ̌ e nyí étɔn é wa wɛ. 21Lo ɔ́, zǎn kpinkpɛn ɖé wa cyɔ́n mɛ énɛ́ lɛ́ɛ kɛ́ɖɛ́ jí. Zǐnflú gɔngɔn e wá cyɔ́n yě gbe ɖokpó e sín xlɛ̌ nyí wɛ é ɖe. Xɛsi yětɔn kpɛn yě hú ablu e wá cyɔ́n yě gbe ɖokpó é.
La Bible en langue fon © Alliance Biblique du Bénin, 2012.