Sɛ́núnywɛ́ 18
18
h. Myɔ hɛhɛ ná wěziza togun Mawu tɔn
1 Hwenɛ́nu ɔ́ Aklúnɔ, wěziza ɖaxó ɖé hɔ́n nú mɛ e nyí towe lɛ́ɛ é. Kɛntɔ́ yětɔn lɛ́ɛ nɔ́ ɖo gbe yětɔn se wɛ; lo ɔ́, yě nɔ́ mɔ yě ǎ. Yě nɔ́ ɖɔ nú yě ɖɔ: “Nǔ nyɔ́ nú mi, ɖó mi ji ya mǐ ɖɔhun ǎ.” 2Yě nɔ́ ɖo kú dó nú yě wɛ ɖó hlɔn e yě má ba ná dó sú ya e é dó nú yě lɛ́ɛ sín axɔ́ ná ǎ é wú. Yě nɔ́ ɖo sísɔ́kɛ byɔ́ wɛ ɖo togun towe sí ɖó yě kó fun ahwan xá yě.
3Ɖo zǐnflú tɛnmɛ ɔ́, a nǎ myɔ mɛ e nyí towe lɛ́ɛ é bɔ é ɖi ɖɛ̌ ɖésú, bó jɛ nukɔn nú yě ɖo ali e yě má tunwun ǎ é jí. Myɔ énɛ́ ɔ́ cí hwesivɔ́ e ma nɔ́ fyɔ́ nǔ ǎ é ɖɔhun, bó zɔn ali xá yě ɖo susu tomɛ e yě xwe ɔ́ jí. 4Amɔ̌, kɛntɔ́ lɛ́ɛ ɔ́, é jɛ xá ɖɔ wěziza ní hwedó yě, bónú yě ní húzú zǐnflú sín kannumɔ. Nǔgbó ɔ́, yě dó vǐ towe lɛ́ɛ gan; nǔ ɖo mɔ̌ có vǐ towe énɛ́ lɛ́ɛ jí wɛ sɛ́n towe sín wěziza ɔ́ ná gbɔn wá gbɛ ɔ́ mɛ, bɔ wěziza nɛ́ ɔ́ ná cí gbeɖé ǎ.
i. Kú nukɔngbéví Ejípu tomɛnu lɛ́ɛ tɔn kpódó kantúntún Izlayɛ́li ví lɛ́ɛ tɔn kpó
5Kɛntɔ́ lɛ́ɛ wá ɖe gbeta ɖé tɔ́n ɖɔ è hu yɔkpɔ́vú kpɛví mɛ e nyí towe lɛ́ɛ tɔn. Ɖo mɛ e è nǎ hu lɛ́ɛ mɛ ɔ́, mɛ ɖokpó géé wɛ è hwlɛngán. Énɛ́ wú wɛ, bó ná dó dɔn tó nú yě ɔ́, a xo vǐ yětɔn gěgé yí sín yě sí, bó syɔ́ yě bǐ dó agbetɔ awoyó e ɖo adǎn wa wɛ é mɛ. 6Zǎn énɛ́ ɔ́, a ko ɖɔ xó tɔn ɖ'ayǐ nú tɔ́gbó mǐtɔn lɛ́ɛ, bónú yě ná hun xomɛ ɖo jlokoko mɛ. Nǔgbó ɔ́, yě mɔ ɖɔ akpádídó towe e yě ɖi nǔ ná lɛ́ɛ nyí nǔ ɖeji d'é wú titewungbe. 7Togun towe ɖo te kpɔ́n zǎn énɛ́ ɔ́; zǎn énɛ́ ɖó ná hwlɛ́n mɛ e nɔ se tónú nú we lɛ́ɛ, bó ná vívá kún nú kɛntɔ́ yětɔn lɛ́ɛ. 8Nǔgbó wɛ, nǔ ɖokpó e a sɔ́ dó dɔn tó nú kɛntɔ́ mǐtɔn lɛ́ɛ é jɛ́n a lɛ̌ sɔ́ dó xɔ susu nú mǐ, bó dó dɔn mǐ wá gɔ̌n towe.
9Vǐ gbejínɔtɔ́ mɛ e nɔ se tónú nú we lɛ́ɛ tɔn lɛ́ɛ to ɖo nǔglɔ́, bó sá vɔ̌ ɖé lɛ́ɛ nú we. Yě ɖó gbe kpɔ́, bó ná dó se gbe nú sɛ́n towe e zɔ́n ɖɔ è nǐ má nyɔ̌ná kpódó gbɛwé e nɔ́ xo mɛ lɛ́ɛ é bǐ kpán ɖó zɛ̌nzɛ̌n é. Bɔ yě kó ɖo susu kpa nú Aklúnɔ sín han e tɔ́gbó mǐtɔn lɛ́ɛ jó nyi ayǐ nú mǐ lɛ́ɛ é jí wɛ. 10Xósúsú kɛntɔ́ yětɔn lɛ́ɛ tɔn ɖo gbe ɖi wɛ, bɔ è nɔ se alě e ná wɛ mɛ e ɖo vǐ yětɔn lɛ́ɛ ví ya wɛ lɛ́ɛ ɖe é sɛ́ dó. 11Tó ɖokpó ɔ́ wɛ è dɔn nú kannumɔ kpódó gǎn tɔn kpán. Wǔvɛ́ ɖokpó ɔ́ e axɔ́sú ɔ́ mɔ ɔ́ jɛ́n togun ɔ́ lɔmɔ̌ mɔ. 12Kú ɖokpó ɔ́ wɛ yě bǐ kú, bɔ cyɔ lɛ́ɛ ɖo kpɔ́ maxamaxa; mɛ e ɖo gbɛ lɛ́ɛ sɔ́ sixú kpé wú bó ɖi cyɔ lɛ́ɛ ǎ, ɖó kú ɔ́ hu vǐ yětɔn vívɛ́ná lɛ́ɛ lɔ ɖo nukúnxwixwe ɖokpó mɛ. 13Nukɔngbéví yětɔn lɛ́ɛ sín kú ɖe xlɛ́ yě ɖɔ togun énɛ́ ɔ́, Mawu ví wɛ n'i, ɖó káká jɛ hwenɛ́nu ɔ́, nǔ e bló wɛ majíkiblótɔ́ yětɔn lɛ́ɛ ɖe ɔ́ zɔ́n bɔ yě ɖi nǔ énɛ́ ɔ́ ǎ.
14Nǔ bǐ nɔ xwɛ tóó, bɔ fífá ɖé cyɔ́n nǔ bǐ jí, bɔ zǎn ɔ́ ɖibla vlɔ́ ɖó we. 15Tlóló ɔ́, Aklúnɔ, nukikɛ towe nǔbǐwúkpétɔ́ ɔ́ gosín jǐ aga ɖéé sín axɔ́súzinkpo towe jí. Ɖi ahwanfuntɔ́ e mɛ nú má nɔ́ blá wǔ ná ǎ é ɖɔhun ɔ́, é gbɔn to énɛ́ e è dǒ nu ɔ́ tɛ́ntin. 16É hɛn gbeta towe e jí a sí te dó é dɛnkpe ɖíɖá ɖé ɖɔhun. Ta tɔn sɔ́ jǐnukúnsin có é lɛ́ kpo ɖo zɔnlin zun wɛ ɖo ayǐkúngban jí. É nɔ te bó hu nǔ gbɔn fí bǐ. 17Tlóló ɔ́, mɛ lɛ́ɛ jɛ dlɔ̌ nyanya ɖé lɛ́ɛ kú jí, bɔ é nɔ́ dó xɛsi nú yě, bɔ avuvɔfún ma ɖó ayi tɔn ɖé jɛ yě blá jí. 18Yě jɛ ayǐ gbɔn fí bǐ, bó ɖo beɖebeɖe ɖo kɔ́ mɛ, bó ɖɔ nǔ e sín kú wɛ ɖo yě ná hu wɛ é. 19Dlɔ̌ lɛ́ɛ kó ɖɔ nǔ nú yě. Nǔgbó ɔ́, yě ɖó ná kú awě e ɖo yě xo wɛ é ma tunwun mɛ vo ǎ.
j. Aalɔ́ɔn wá ɖo kú kpó togun ɔ́ kpán tɛ́ntin
20 Kúdán wá gbo mɛ e nɔ se gbe nú we lɛ́ɛ lɔmɔ̌. Ɖo axéko jí ɔ́, gěgé yětɔn wá kú, amɔ̌, xomɛsin towe nɔ te ɖé vo káká ǎ, Aklúnɔ. 21Nǔgbó ɔ́, nya hwɛjijɔnɔ ɖé yá wǔ wá nya xɛ ɖo yě jí. É fɔ vɔ̌sánú-xwlémawutɔ́ sín ahwanfunnú tɔn lɛ́ɛ, tínmɛ tɔn wɛ nyí ɖɛ kpódó nǔníná kpó zǎlínkpɔ́n kpán, bó ná dó mɔ hwɛ yětɔn lɛ́ɛ sín sísɔ́kɛ yí. É gbɛ́ gbe nú xomɛsin towe, lobo ɖó awěxomɛ ɔ́ te, bó ná dó ɖe xlɛ́ ɖɔ émí nyí mɛsɛntɔ́ towe nǔgbó . 22É sɔ́ gbɛtɔ́ hlɔ́nhlɔ́n abǐ ahwanfunnú ɖaxó ɖé dó ɖu ɖo xomɛsin towe jí ǎ. Xó wɛ é sɔ́ dó kpé mɛ e a zɔ̌n ɖɔ é ní dɔn tó ná lɛ́ɛ é wú. Akpá e a dǒ nú tɔ́gbó mǐtɔn lɛ́ɛ kpódó akɔ e a jɛ xá yě, bɔ é ká kpo ɖo ayǐ tɛgbɛ é wɛ é flín.
23Cyɔ lɛ́ɛ kó ɖo títɛ́ ɖě ɖo ɖě jí. Hwenɛ́nu wɛ nya nɛ́ ɔ́ wá cí kú kpó togun ɔ́ kpán tɛ́ntin, bó ɖó kú sín nǔwiwa lɛ́ɛ te. É gbo ali n'i nú é má wá yi mɛ e kpo ɖo gbɛ lɛ́ɛ é gɔ́n ó. 24Vɔ̌sánú-xwlémawutɔ́ sín awu ɖaxó e é dó ɔ́ ɖo gbɛ ɔ́ bǐ sín afɔ sɔ́ ɖó te wɛ. Asúká nyíkɔ tɔ́gbó Izlayɛ́li tɔn lɛ́ɛ tɔn ɖo wlǎnwlán ɖo awǐnnya xɔ akwɛ́ e è to ɖó xwi ɛnɛ jí lɛ́ɛ jí; gǎnhúnǔ Mawu tɔn sín xlɛ̌ ɖo avɔ mímɛ́ e é dó blá ta ɔ́ mɛ. 25Ée nǔhɛngblétɔ́ mɔ nǔ nɛ́ é ɔ́, ayi tɔn gbadó, bɔ é jó agɔ yi gǔdo. Nǔgbó ɔ́, togun towe ko ɖɔ́ xomɛsin towe kpɔ́n, bɔ énɛ́ ɔ́ kó kpé.
Currently Selected:
Sɛ́núnywɛ́ 18: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Sɛ́núnywɛ́ 18
18
h. Myɔ hɛhɛ ná wěziza togun Mawu tɔn
1 Hwenɛ́nu ɔ́ Aklúnɔ, wěziza ɖaxó ɖé hɔ́n nú mɛ e nyí towe lɛ́ɛ é. Kɛntɔ́ yětɔn lɛ́ɛ nɔ́ ɖo gbe yětɔn se wɛ; lo ɔ́, yě nɔ́ mɔ yě ǎ. Yě nɔ́ ɖɔ nú yě ɖɔ: “Nǔ nyɔ́ nú mi, ɖó mi ji ya mǐ ɖɔhun ǎ.” 2Yě nɔ́ ɖo kú dó nú yě wɛ ɖó hlɔn e yě má ba ná dó sú ya e é dó nú yě lɛ́ɛ sín axɔ́ ná ǎ é wú. Yě nɔ́ ɖo sísɔ́kɛ byɔ́ wɛ ɖo togun towe sí ɖó yě kó fun ahwan xá yě.
3Ɖo zǐnflú tɛnmɛ ɔ́, a nǎ myɔ mɛ e nyí towe lɛ́ɛ é bɔ é ɖi ɖɛ̌ ɖésú, bó jɛ nukɔn nú yě ɖo ali e yě má tunwun ǎ é jí. Myɔ énɛ́ ɔ́ cí hwesivɔ́ e ma nɔ́ fyɔ́ nǔ ǎ é ɖɔhun, bó zɔn ali xá yě ɖo susu tomɛ e yě xwe ɔ́ jí. 4Amɔ̌, kɛntɔ́ lɛ́ɛ ɔ́, é jɛ xá ɖɔ wěziza ní hwedó yě, bónú yě ní húzú zǐnflú sín kannumɔ. Nǔgbó ɔ́, yě dó vǐ towe lɛ́ɛ gan; nǔ ɖo mɔ̌ có vǐ towe énɛ́ lɛ́ɛ jí wɛ sɛ́n towe sín wěziza ɔ́ ná gbɔn wá gbɛ ɔ́ mɛ, bɔ wěziza nɛ́ ɔ́ ná cí gbeɖé ǎ.
i. Kú nukɔngbéví Ejípu tomɛnu lɛ́ɛ tɔn kpódó kantúntún Izlayɛ́li ví lɛ́ɛ tɔn kpó
5Kɛntɔ́ lɛ́ɛ wá ɖe gbeta ɖé tɔ́n ɖɔ è hu yɔkpɔ́vú kpɛví mɛ e nyí towe lɛ́ɛ tɔn. Ɖo mɛ e è nǎ hu lɛ́ɛ mɛ ɔ́, mɛ ɖokpó géé wɛ è hwlɛngán. Énɛ́ wú wɛ, bó ná dó dɔn tó nú yě ɔ́, a xo vǐ yětɔn gěgé yí sín yě sí, bó syɔ́ yě bǐ dó agbetɔ awoyó e ɖo adǎn wa wɛ é mɛ. 6Zǎn énɛ́ ɔ́, a ko ɖɔ xó tɔn ɖ'ayǐ nú tɔ́gbó mǐtɔn lɛ́ɛ, bónú yě ná hun xomɛ ɖo jlokoko mɛ. Nǔgbó ɔ́, yě mɔ ɖɔ akpádídó towe e yě ɖi nǔ ná lɛ́ɛ nyí nǔ ɖeji d'é wú titewungbe. 7Togun towe ɖo te kpɔ́n zǎn énɛ́ ɔ́; zǎn énɛ́ ɖó ná hwlɛ́n mɛ e nɔ se tónú nú we lɛ́ɛ, bó ná vívá kún nú kɛntɔ́ yětɔn lɛ́ɛ. 8Nǔgbó wɛ, nǔ ɖokpó e a sɔ́ dó dɔn tó nú kɛntɔ́ mǐtɔn lɛ́ɛ é jɛ́n a lɛ̌ sɔ́ dó xɔ susu nú mǐ, bó dó dɔn mǐ wá gɔ̌n towe.
9Vǐ gbejínɔtɔ́ mɛ e nɔ se tónú nú we lɛ́ɛ tɔn lɛ́ɛ to ɖo nǔglɔ́, bó sá vɔ̌ ɖé lɛ́ɛ nú we. Yě ɖó gbe kpɔ́, bó ná dó se gbe nú sɛ́n towe e zɔ́n ɖɔ è nǐ má nyɔ̌ná kpódó gbɛwé e nɔ́ xo mɛ lɛ́ɛ é bǐ kpán ɖó zɛ̌nzɛ̌n é. Bɔ yě kó ɖo susu kpa nú Aklúnɔ sín han e tɔ́gbó mǐtɔn lɛ́ɛ jó nyi ayǐ nú mǐ lɛ́ɛ é jí wɛ. 10Xósúsú kɛntɔ́ yětɔn lɛ́ɛ tɔn ɖo gbe ɖi wɛ, bɔ è nɔ se alě e ná wɛ mɛ e ɖo vǐ yětɔn lɛ́ɛ ví ya wɛ lɛ́ɛ ɖe é sɛ́ dó. 11Tó ɖokpó ɔ́ wɛ è dɔn nú kannumɔ kpódó gǎn tɔn kpán. Wǔvɛ́ ɖokpó ɔ́ e axɔ́sú ɔ́ mɔ ɔ́ jɛ́n togun ɔ́ lɔmɔ̌ mɔ. 12Kú ɖokpó ɔ́ wɛ yě bǐ kú, bɔ cyɔ lɛ́ɛ ɖo kpɔ́ maxamaxa; mɛ e ɖo gbɛ lɛ́ɛ sɔ́ sixú kpé wú bó ɖi cyɔ lɛ́ɛ ǎ, ɖó kú ɔ́ hu vǐ yětɔn vívɛ́ná lɛ́ɛ lɔ ɖo nukúnxwixwe ɖokpó mɛ. 13Nukɔngbéví yětɔn lɛ́ɛ sín kú ɖe xlɛ́ yě ɖɔ togun énɛ́ ɔ́, Mawu ví wɛ n'i, ɖó káká jɛ hwenɛ́nu ɔ́, nǔ e bló wɛ majíkiblótɔ́ yětɔn lɛ́ɛ ɖe ɔ́ zɔ́n bɔ yě ɖi nǔ énɛ́ ɔ́ ǎ.
14Nǔ bǐ nɔ xwɛ tóó, bɔ fífá ɖé cyɔ́n nǔ bǐ jí, bɔ zǎn ɔ́ ɖibla vlɔ́ ɖó we. 15Tlóló ɔ́, Aklúnɔ, nukikɛ towe nǔbǐwúkpétɔ́ ɔ́ gosín jǐ aga ɖéé sín axɔ́súzinkpo towe jí. Ɖi ahwanfuntɔ́ e mɛ nú má nɔ́ blá wǔ ná ǎ é ɖɔhun ɔ́, é gbɔn to énɛ́ e è dǒ nu ɔ́ tɛ́ntin. 16É hɛn gbeta towe e jí a sí te dó é dɛnkpe ɖíɖá ɖé ɖɔhun. Ta tɔn sɔ́ jǐnukúnsin có é lɛ́ kpo ɖo zɔnlin zun wɛ ɖo ayǐkúngban jí. É nɔ te bó hu nǔ gbɔn fí bǐ. 17Tlóló ɔ́, mɛ lɛ́ɛ jɛ dlɔ̌ nyanya ɖé lɛ́ɛ kú jí, bɔ é nɔ́ dó xɛsi nú yě, bɔ avuvɔfún ma ɖó ayi tɔn ɖé jɛ yě blá jí. 18Yě jɛ ayǐ gbɔn fí bǐ, bó ɖo beɖebeɖe ɖo kɔ́ mɛ, bó ɖɔ nǔ e sín kú wɛ ɖo yě ná hu wɛ é. 19Dlɔ̌ lɛ́ɛ kó ɖɔ nǔ nú yě. Nǔgbó ɔ́, yě ɖó ná kú awě e ɖo yě xo wɛ é ma tunwun mɛ vo ǎ.
j. Aalɔ́ɔn wá ɖo kú kpó togun ɔ́ kpán tɛ́ntin
20 Kúdán wá gbo mɛ e nɔ se gbe nú we lɛ́ɛ lɔmɔ̌. Ɖo axéko jí ɔ́, gěgé yětɔn wá kú, amɔ̌, xomɛsin towe nɔ te ɖé vo káká ǎ, Aklúnɔ. 21Nǔgbó ɔ́, nya hwɛjijɔnɔ ɖé yá wǔ wá nya xɛ ɖo yě jí. É fɔ vɔ̌sánú-xwlémawutɔ́ sín ahwanfunnú tɔn lɛ́ɛ, tínmɛ tɔn wɛ nyí ɖɛ kpódó nǔníná kpó zǎlínkpɔ́n kpán, bó ná dó mɔ hwɛ yětɔn lɛ́ɛ sín sísɔ́kɛ yí. É gbɛ́ gbe nú xomɛsin towe, lobo ɖó awěxomɛ ɔ́ te, bó ná dó ɖe xlɛ́ ɖɔ émí nyí mɛsɛntɔ́ towe nǔgbó . 22É sɔ́ gbɛtɔ́ hlɔ́nhlɔ́n abǐ ahwanfunnú ɖaxó ɖé dó ɖu ɖo xomɛsin towe jí ǎ. Xó wɛ é sɔ́ dó kpé mɛ e a zɔ̌n ɖɔ é ní dɔn tó ná lɛ́ɛ é wú. Akpá e a dǒ nú tɔ́gbó mǐtɔn lɛ́ɛ kpódó akɔ e a jɛ xá yě, bɔ é ká kpo ɖo ayǐ tɛgbɛ é wɛ é flín.
23Cyɔ lɛ́ɛ kó ɖo títɛ́ ɖě ɖo ɖě jí. Hwenɛ́nu wɛ nya nɛ́ ɔ́ wá cí kú kpó togun ɔ́ kpán tɛ́ntin, bó ɖó kú sín nǔwiwa lɛ́ɛ te. É gbo ali n'i nú é má wá yi mɛ e kpo ɖo gbɛ lɛ́ɛ é gɔ́n ó. 24Vɔ̌sánú-xwlémawutɔ́ sín awu ɖaxó e é dó ɔ́ ɖo gbɛ ɔ́ bǐ sín afɔ sɔ́ ɖó te wɛ. Asúká nyíkɔ tɔ́gbó Izlayɛ́li tɔn lɛ́ɛ tɔn ɖo wlǎnwlán ɖo awǐnnya xɔ akwɛ́ e è to ɖó xwi ɛnɛ jí lɛ́ɛ jí; gǎnhúnǔ Mawu tɔn sín xlɛ̌ ɖo avɔ mímɛ́ e é dó blá ta ɔ́ mɛ. 25Ée nǔhɛngblétɔ́ mɔ nǔ nɛ́ é ɔ́, ayi tɔn gbadó, bɔ é jó agɔ yi gǔdo. Nǔgbó ɔ́, togun towe ko ɖɔ́ xomɛsin towe kpɔ́n, bɔ énɛ́ ɔ́ kó kpé.
La Bible en langue fon © Alliance Biblique du Bénin, 2012.