Sɛ́núnywɛ́ 16
16
Nǔ e jɛ ɖo Ejípu tomɛ tíntɔ́n hwenu é (Akpá wegɔ́ ɔ́)
d. Kanlin ɖuɖu kpódó kanlin ma yi nu kpán
1Nǔ énɛ́ ɔ́ wɛ zɔ́n, bɔ é sɔ́ kanlin ɖěvo lɛ́ɛ dó dɔn tó nú yě mɛ e nɔ sɛn kanlin lɛ́ɛ é lě e é jɛ xá gbɔn é, lobo sɔ́ nǔvíɖogbɛ wɔ̌buwɔ́bú ɖé lɛ́ɛ dó dó ya nú yě. 2 Amɔ̌, Aklúnɔ, a dɔn tó nú togun towe gbɔn mɔ̌ ǎ; a nyɔ̌ xomɛ dó wǔ tɔn. Bó ná dó gbɔ xovɛ́ ɖaxó e ɖo sinsin i wɛ ɔ́ n'i ɔ́, nǔɖuɖu wǎn ɖagbenɔ wɛ a ɖa n'i: gběmɛxɛ ɖaxó lan. 3Kɛntɔ́ yětɔn e jló ná ɖu nǔ lɛ́ɛ ɔ́, adɔ yětɔn sú hwenu e yě mɔ kanlin baɖabaɖa e a sɛ́ dó yě lɛ́ɛ é. Lo ɔ́, togun towe e nɔ xovɛ́ zaanɖé ɔ́ wá mɔ nǔɖuɖu wǎn ɖagbenɔ ɖu. 4É jɛ xá ɖɔ mɛ e ɖo ya dó n'i wɛ lɛ́ɛ é ní mɔ adɔwúvɛ́ titewungbe. Wǔvɛ́ énɛ́ kɛ́ɖɛ́ wɛ kpé togun towe.
e. Dan e ɖu mɛ bɔ è kú é kpódó dan e è nyi kɔ kpɔ́n bó gán é kpán
5 Kanlin dídá lɛ́ɛ wá bɔ ɖó nú togun towe ɖésú ɔ́. Dan xú aɖǔ mɛ gěgé, bɔ yě kú. Lo ɔ́, xomɛsin towe ka yi nukɔn dín ǎ Aklúnɔ, a vɔ kún yětɔn ǎ. 6Bó ná dó sɔ́ ayi yětɔn ɖó nǔ jí wɛ zɔ́n, bɔ a dǒ xɛsi nú yě zaanɖé. Énɛ́ gúdo ɔ́, a wǎ ná yě wuntun hwlɛngán tɔn ɖé , bó dó flín sɛn towe lɛ́ɛ yě. 7Mɛ ɖěbǔ e nyi kɔ kpɔ́n wuntun énɛ́ ɔ́ mɔ hwlɛngán. É ká nyí nǔ énɛ́ e é kpɔ́n ɔ́ wɛ hwlɛ́n ɛ gán ǎ, lo ɔ́, hwi mɛ e nyí Mɛhwlɛ́ngántɔ́ mɛ bǐ tɔn é wɛ.
8Gbɔn alɔ énɛ́ ɔ́ xwé ɔ́, a ɖe xlɛ́ kɛntɔ́ mǐtɔn lɛ́ɛ ɖɔ émí ɖokpónɔ wɛ nɔ́ hwlɛ́n mɛ gán sín nǔ nyanya bǐ mɛ. 9Yědɛɛ lɛ́ɛ ɔ́, bɔkle kpó sukpɔ yǎyá kpowun kpán wɛ ɖu yě bɔ yě kú. È mɔ amasin ɖé ná dó hwlɛ́n yě gán ná ǎ, ɖó tó e dɔn nú yě wɛ è ɖe gbɔn nǔvíɖogbɛ énɛ́ lɛ́ɛ gbla mɛ ɔ́ jɛ xá yě. 10Lo ɔ́, togun e nyí towe é sín mɛ lɛ́ɛ ɔ́, dan aɖǐvɛ́nɔ ɖu yě có yě bǐ ká kú ǎ, ɖó ɖo nǔbláwǔkúnúmɛ towe mɛ ɔ́, a wǎ gɔ́ alɔ nú yě, lobo gbɔ azɔn nú yě. 11Danɖúkpa lɛ́ɛ ná zɔ́n bɔ yě ná flín xó towe lɛ́ɛ. Amɔ̌, azɔn gbɔ nú yě tlóló, yě ɖó ná wɔn nǔ bǐ ǎ. Amɔ̌, yě kpo ɖo nyɔ̌ná towe lɛ́ɛ mɔ yí wɛ. 12Ama abǐ nǔsáwǔ wɛ gbɔ azɔn nú yě ǎ Aklúnɔ, lo ɔ́, xó towe e nɔ́ gbɔ azɔn bǐ é wɛ. 13Nǔgbó ɔ́, hwi ɖokpónɔ wɛ ɖó acɛ ɖo gbɛ kpódó kú kpó jí; hwi wɛ nɔ sɛ́ mɛ dó kú, bó nɔ́ lɛ́ dɔn mɛ wá gbɛ. 14Nǔgbó wɛ, gbɛtɔ́ hɛn ɔ́, é ná ba dǎka sín wlɛnwín dó hu mɛ ná, lo ɔ́, é ká sixú lɛ́ kɔ nú mɛ wá gbɛ ǎ.
f. Kɛ́njí e hɛn jinukún gblé é kpódó sɛ́xwé nǔɖuɖu e nɔ́ ná gbɛ mɛ é kpán
15Aklúnɔ, mɛɖé sixú hɔn sín acɛ towe mɛ ǎ. 16Énɛ́ wú wɛ a sɔ́ hlɔ̌nhlɔ́n towe dó xo mɛ e ma jló ná tunwun we ǎ lɛ́ɛ. Jǐ baɖabaɖa ma ɖó nukún tɔn kpódó kɛ́njí kpó xo yě bɔ so jɛ yě. 17Bɔ nǔ e ká hu ado tawun é ɖíe: zo lɛ́ vɔ́ jɛ jiji jí kpó adǎn kpó, ɖo sin e nɔ cí zo bǐ tɛgbɛ é tɛ́ntin. Nǔgbó ɔ́, gbɛ ɔ́ nɔ́ jɛ ahwan mɛ e nɔ se tónú nú we lɛ́ɛ jí. 18Gbɔn mɔ̌ ɔ́, é fyɔ́ kanlin e a sɛ́ dó kɛntɔ́ towe lɛ́ɛ é bǐ gbídígbídí ǎ. 19Hwe ɖěvo nu ɔ́, myɔ ɔ́ lɛ́ syɛ́n d'é jí taala ɖo sin ɔ́ tɛ́ntin, bó ná dó fyɔ́ jinukún to nyanya nɛ́ ɔ́ tɔn lɛ́ɛ.
20 Lo ɔ́, wɛnsagun sín nǔɖuɖu wɛ a nǎ togun towe; nǔɖuɖu ɖagbe e nǔ vɔ ɖ'é wú ɔ́ wɛ a sɛ́ dó togun towe sín jǐxwé, bɔ togun towe sɔ́ jɛ tagba ɖěbǔ ǎ. Nǔɖuɖu énɛ́ ɔ́ nyɔ́ taala, lobo jɛ jí nú mɛ bǐ. 21Nǔɖuɖu énɛ́ e gosín gɔ̌n towe ɔ́ ɖe xomɛfífá towe xlɛ́ vǐ towe lɛ́ɛ. Nǔɖuɖu énɛ́ ɔ́ jɛ jí nú mɛ e ɖo ɖuɖu wɛ ɔ́, bó húzú nǔ e ba wɛ mɛ ɖokpó ɖokpó ɖe ɔ́. 22Nǔɖuɖu énɛ́ ɔ́ cí laglási ɖɔhun. Myɔ ɖo jiji wɛ có é sínsín ǎ. Nǔ énɛ́ ɔ́ ná ɖe xlɛ́ togun towe ɖɔ, bó ná dó vívá jinukún kɛntɔ́ lɛ́ɛ tɔn wú wɛ myɔ ɖo jiji wɛ ɖo kɛ́njí ɔ́ mɛ. 23Mɔ̌ ɖokpó ɔ́, myɔ ɖokpó énɛ́ ɔ́ nɔ́ ba nǔhɛngblé hlɔ̌nhlɔ́n tɔn kpo, bónú mɛ e nɔ sí Mawu lɛ́ɛ ná mɔ nǔɖuɖu bó ɖu.
24Nǔgbó wɛ, nǔɖíɖó lɛ́ɛ ɖo gbesisɔ mɛ, bó ná sɛn hwi mɛ e ɖó yě é. Ɖi gǎ ɖɔhun ɔ́, yě nɔ́ tlɔ́ kpé mɛ nyanya lɛ́ɛ, bó ká nɔ vo fɛɛ dó wa ɖagbe nú mɛ e nɔ ɖeji dó wǔ we lɛ́ɛ é. 25Nǔ e wú wɛ yě kpé wú bó húzú ada nú nǔ gěgé ɔ́ nɛ́; yě sɔ́ yěɖée ɖó xomɛnyínyɔ́ towe e nɔ́ ná nǔɖuɖu mɛ bǐ é sín kanta; lě e é jló mɛɖé gbɔn é wɛ mɛ ɔ́ nɔ ná ɛ gbɔn. 26Aklúnɔ, nǔ e jɛ xá bɔ vǐ vívɛ́ná towe lɛ́ɛ ná tunwun ɖo ali énɛ́ ɔ́ xo ɔ́ ɖíe: jinukún tɛnmɛ tɛnmɛ lɛ́ɛ wɛ nɔ́ hɛn gbɛtɔ́ ɖó gbɛ ǎ, lo ɔ́, xó towe lɛ́ɛ wɛ nɔ́ hɛn mɛ e nɔ ɖi nǔ nú we lɛ́ɛ ɖó gbɛ. 27Nǔɖuɖu nɛ́ e wú myɔ ɖaxó énɛ́ má kpé ǎ e ɔ́, hwesivɔ́ yózo kpɛɖé kpowun ko kpé bɔ é ná sínsín. 28A jlǒ ná kplɔ́n mǐ gbɔn fínɛ́ ɖɔ mǐ ɖó ná fɔ́n jɛ nukɔn nú hwe, bó dó kú nú we, lobo xo go we cóbónú wun ná kɛn. 29Nǔgbó wɛ, nǔɖónukún mɛ e ma nyɔ́ kú dó nú mɛ ǎ é tɔn ná wá sínsín laglási e nɔ ja hwenu e gbɛmɛ nɔ fá é ɖɔhun; é ná sa sin e è ma sɔ́ sixú zán ǎ é ɖɔhun.
Currently Selected:
Sɛ́núnywɛ́ 16: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Sɛ́núnywɛ́ 16
16
Nǔ e jɛ ɖo Ejípu tomɛ tíntɔ́n hwenu é (Akpá wegɔ́ ɔ́)
d. Kanlin ɖuɖu kpódó kanlin ma yi nu kpán
1Nǔ énɛ́ ɔ́ wɛ zɔ́n, bɔ é sɔ́ kanlin ɖěvo lɛ́ɛ dó dɔn tó nú yě mɛ e nɔ sɛn kanlin lɛ́ɛ é lě e é jɛ xá gbɔn é, lobo sɔ́ nǔvíɖogbɛ wɔ̌buwɔ́bú ɖé lɛ́ɛ dó dó ya nú yě. 2 Amɔ̌, Aklúnɔ, a dɔn tó nú togun towe gbɔn mɔ̌ ǎ; a nyɔ̌ xomɛ dó wǔ tɔn. Bó ná dó gbɔ xovɛ́ ɖaxó e ɖo sinsin i wɛ ɔ́ n'i ɔ́, nǔɖuɖu wǎn ɖagbenɔ wɛ a ɖa n'i: gběmɛxɛ ɖaxó lan. 3Kɛntɔ́ yětɔn e jló ná ɖu nǔ lɛ́ɛ ɔ́, adɔ yětɔn sú hwenu e yě mɔ kanlin baɖabaɖa e a sɛ́ dó yě lɛ́ɛ é. Lo ɔ́, togun towe e nɔ xovɛ́ zaanɖé ɔ́ wá mɔ nǔɖuɖu wǎn ɖagbenɔ ɖu. 4É jɛ xá ɖɔ mɛ e ɖo ya dó n'i wɛ lɛ́ɛ é ní mɔ adɔwúvɛ́ titewungbe. Wǔvɛ́ énɛ́ kɛ́ɖɛ́ wɛ kpé togun towe.
e. Dan e ɖu mɛ bɔ è kú é kpódó dan e è nyi kɔ kpɔ́n bó gán é kpán
5 Kanlin dídá lɛ́ɛ wá bɔ ɖó nú togun towe ɖésú ɔ́. Dan xú aɖǔ mɛ gěgé, bɔ yě kú. Lo ɔ́, xomɛsin towe ka yi nukɔn dín ǎ Aklúnɔ, a vɔ kún yětɔn ǎ. 6Bó ná dó sɔ́ ayi yětɔn ɖó nǔ jí wɛ zɔ́n, bɔ a dǒ xɛsi nú yě zaanɖé. Énɛ́ gúdo ɔ́, a wǎ ná yě wuntun hwlɛngán tɔn ɖé , bó dó flín sɛn towe lɛ́ɛ yě. 7Mɛ ɖěbǔ e nyi kɔ kpɔ́n wuntun énɛ́ ɔ́ mɔ hwlɛngán. É ká nyí nǔ énɛ́ e é kpɔ́n ɔ́ wɛ hwlɛ́n ɛ gán ǎ, lo ɔ́, hwi mɛ e nyí Mɛhwlɛ́ngántɔ́ mɛ bǐ tɔn é wɛ.
8Gbɔn alɔ énɛ́ ɔ́ xwé ɔ́, a ɖe xlɛ́ kɛntɔ́ mǐtɔn lɛ́ɛ ɖɔ émí ɖokpónɔ wɛ nɔ́ hwlɛ́n mɛ gán sín nǔ nyanya bǐ mɛ. 9Yědɛɛ lɛ́ɛ ɔ́, bɔkle kpó sukpɔ yǎyá kpowun kpán wɛ ɖu yě bɔ yě kú. È mɔ amasin ɖé ná dó hwlɛ́n yě gán ná ǎ, ɖó tó e dɔn nú yě wɛ è ɖe gbɔn nǔvíɖogbɛ énɛ́ lɛ́ɛ gbla mɛ ɔ́ jɛ xá yě. 10Lo ɔ́, togun e nyí towe é sín mɛ lɛ́ɛ ɔ́, dan aɖǐvɛ́nɔ ɖu yě có yě bǐ ká kú ǎ, ɖó ɖo nǔbláwǔkúnúmɛ towe mɛ ɔ́, a wǎ gɔ́ alɔ nú yě, lobo gbɔ azɔn nú yě. 11Danɖúkpa lɛ́ɛ ná zɔ́n bɔ yě ná flín xó towe lɛ́ɛ. Amɔ̌, azɔn gbɔ nú yě tlóló, yě ɖó ná wɔn nǔ bǐ ǎ. Amɔ̌, yě kpo ɖo nyɔ̌ná towe lɛ́ɛ mɔ yí wɛ. 12Ama abǐ nǔsáwǔ wɛ gbɔ azɔn nú yě ǎ Aklúnɔ, lo ɔ́, xó towe e nɔ́ gbɔ azɔn bǐ é wɛ. 13Nǔgbó ɔ́, hwi ɖokpónɔ wɛ ɖó acɛ ɖo gbɛ kpódó kú kpó jí; hwi wɛ nɔ sɛ́ mɛ dó kú, bó nɔ́ lɛ́ dɔn mɛ wá gbɛ. 14Nǔgbó wɛ, gbɛtɔ́ hɛn ɔ́, é ná ba dǎka sín wlɛnwín dó hu mɛ ná, lo ɔ́, é ká sixú lɛ́ kɔ nú mɛ wá gbɛ ǎ.
f. Kɛ́njí e hɛn jinukún gblé é kpódó sɛ́xwé nǔɖuɖu e nɔ́ ná gbɛ mɛ é kpán
15Aklúnɔ, mɛɖé sixú hɔn sín acɛ towe mɛ ǎ. 16Énɛ́ wú wɛ a sɔ́ hlɔ̌nhlɔ́n towe dó xo mɛ e ma jló ná tunwun we ǎ lɛ́ɛ. Jǐ baɖabaɖa ma ɖó nukún tɔn kpódó kɛ́njí kpó xo yě bɔ so jɛ yě. 17Bɔ nǔ e ká hu ado tawun é ɖíe: zo lɛ́ vɔ́ jɛ jiji jí kpó adǎn kpó, ɖo sin e nɔ cí zo bǐ tɛgbɛ é tɛ́ntin. Nǔgbó ɔ́, gbɛ ɔ́ nɔ́ jɛ ahwan mɛ e nɔ se tónú nú we lɛ́ɛ jí. 18Gbɔn mɔ̌ ɔ́, é fyɔ́ kanlin e a sɛ́ dó kɛntɔ́ towe lɛ́ɛ é bǐ gbídígbídí ǎ. 19Hwe ɖěvo nu ɔ́, myɔ ɔ́ lɛ́ syɛ́n d'é jí taala ɖo sin ɔ́ tɛ́ntin, bó ná dó fyɔ́ jinukún to nyanya nɛ́ ɔ́ tɔn lɛ́ɛ.
20 Lo ɔ́, wɛnsagun sín nǔɖuɖu wɛ a nǎ togun towe; nǔɖuɖu ɖagbe e nǔ vɔ ɖ'é wú ɔ́ wɛ a sɛ́ dó togun towe sín jǐxwé, bɔ togun towe sɔ́ jɛ tagba ɖěbǔ ǎ. Nǔɖuɖu énɛ́ ɔ́ nyɔ́ taala, lobo jɛ jí nú mɛ bǐ. 21Nǔɖuɖu énɛ́ e gosín gɔ̌n towe ɔ́ ɖe xomɛfífá towe xlɛ́ vǐ towe lɛ́ɛ. Nǔɖuɖu énɛ́ ɔ́ jɛ jí nú mɛ e ɖo ɖuɖu wɛ ɔ́, bó húzú nǔ e ba wɛ mɛ ɖokpó ɖokpó ɖe ɔ́. 22Nǔɖuɖu énɛ́ ɔ́ cí laglási ɖɔhun. Myɔ ɖo jiji wɛ có é sínsín ǎ. Nǔ énɛ́ ɔ́ ná ɖe xlɛ́ togun towe ɖɔ, bó ná dó vívá jinukún kɛntɔ́ lɛ́ɛ tɔn wú wɛ myɔ ɖo jiji wɛ ɖo kɛ́njí ɔ́ mɛ. 23Mɔ̌ ɖokpó ɔ́, myɔ ɖokpó énɛ́ ɔ́ nɔ́ ba nǔhɛngblé hlɔ̌nhlɔ́n tɔn kpo, bónú mɛ e nɔ sí Mawu lɛ́ɛ ná mɔ nǔɖuɖu bó ɖu.
24Nǔgbó wɛ, nǔɖíɖó lɛ́ɛ ɖo gbesisɔ mɛ, bó ná sɛn hwi mɛ e ɖó yě é. Ɖi gǎ ɖɔhun ɔ́, yě nɔ́ tlɔ́ kpé mɛ nyanya lɛ́ɛ, bó ká nɔ vo fɛɛ dó wa ɖagbe nú mɛ e nɔ ɖeji dó wǔ we lɛ́ɛ é. 25Nǔ e wú wɛ yě kpé wú bó húzú ada nú nǔ gěgé ɔ́ nɛ́; yě sɔ́ yěɖée ɖó xomɛnyínyɔ́ towe e nɔ́ ná nǔɖuɖu mɛ bǐ é sín kanta; lě e é jló mɛɖé gbɔn é wɛ mɛ ɔ́ nɔ ná ɛ gbɔn. 26Aklúnɔ, nǔ e jɛ xá bɔ vǐ vívɛ́ná towe lɛ́ɛ ná tunwun ɖo ali énɛ́ ɔ́ xo ɔ́ ɖíe: jinukún tɛnmɛ tɛnmɛ lɛ́ɛ wɛ nɔ́ hɛn gbɛtɔ́ ɖó gbɛ ǎ, lo ɔ́, xó towe lɛ́ɛ wɛ nɔ́ hɛn mɛ e nɔ ɖi nǔ nú we lɛ́ɛ ɖó gbɛ. 27Nǔɖuɖu nɛ́ e wú myɔ ɖaxó énɛ́ má kpé ǎ e ɔ́, hwesivɔ́ yózo kpɛɖé kpowun ko kpé bɔ é ná sínsín. 28A jlǒ ná kplɔ́n mǐ gbɔn fínɛ́ ɖɔ mǐ ɖó ná fɔ́n jɛ nukɔn nú hwe, bó dó kú nú we, lobo xo go we cóbónú wun ná kɛn. 29Nǔgbó wɛ, nǔɖónukún mɛ e ma nyɔ́ kú dó nú mɛ ǎ é tɔn ná wá sínsín laglási e nɔ ja hwenu e gbɛmɛ nɔ fá é ɖɔhun; é ná sa sin e è ma sɔ́ sixú zán ǎ é ɖɔhun.
La Bible en langue fon © Alliance Biblique du Bénin, 2012.