Tobíi 9
9
Hlafayɛ́li yi Hlagɛ́si
1Énɛ́ ɔ́, Tobiyási ylɔ́ Hlafayɛ́li bó ɖɔ n'i ɖɔ: 2“Azaliyasi nɔví ce, kplá mɛsɛntɔ́ ɛnɛ kpó lǎkúnmí we kpó dó hwiɖée jí bó yi Hlagɛ́si ɖo Gabayɛ́li gɔ́n. Zě wěma e mɛ è dó alɔ é jó n'i, bónú é ná sɔ́ akwɛ́ ɔ́ nú we. Énɛ́ gúdo ɔ́, kplá Gabayɛ́li wá agbanɖuɖu ɔ́ tɛnmɛ. 3-4Tɔ́ ce ná ɖo azǎn xa wɛ káká yi jɛ gbe e gbe é ná lɛ́ kɔ é. Nú un gbɔ hwenu azǎn ɖokpó géé ɔ́, un ná ɖó adohu n'i dín. Wegɔ́ ɔ́, a lɛ̌ tunwun ɖɔ Hlagwɛ́li xwlé nǔ d'é jí ɖɔ émí kún ná jó nyi dó bɔ nyi ná yi ó, un ka sixú dó asá akpá e é dó é ǎ.”
5Hǔn Hlafayɛ́li jɛ ali bó ɖidó Hlagɛ́si ɖo Mɛdi kpó mɛsɛntɔ́ ɛnɛ lɛ́ɛ kpó, kpó lǎkúnmí we lɛ́ɛ kpó, bɔ yě dɔ́ Gabayɛ́li xwé. Hlafayɛ́li sɔ́ wěma ɔ́ jó n'i, bó ɖɔ lě e Tobiyási e nyí Tobíi sín vǐ ɔ́ kplá asi, bó ɖo dida ɛ wɛ dó agbanɖuɖu tɛnmɛ gbɔn ɔ́ n'i. Azɔn ɖokpó tlóló ɔ́, Gabayɛ́li yi xa ati e mɛ akwɛ́ ɖe bɔ é blá é kpɔ́n, bó dó agban yětɔn ɖó lǎkúnmí lɛ́ɛ jí. 6Ayǐhɔ́ngbe zǎnzǎn tɛɛn ɔ́, yě bǐ zɔn kpɔ́ bó ɖidó agbanɖutɛn mɛ ɔ́. Ée yě wá yi jɛ Hlagɛ́si xwé ɔ́, yě mɔ Tobiyási ɖo távo tó. É sí te kpláwún, bó dó gbe Gabayɛ́li. Gabayɛ́li bɛ́ avǐ, bó xo ɖɛ n'i bó ɖɔ: “Mɛjɔmɛví e nyí mɛjɔmɛ é, gbɛtɔ́ hwɛjijɔnɔ e nɔ́ nyɔ́ xomɛ dó mɛ wú é sín vǐ! Aklúnɔ ní xo ɖɛ dó jǐ we sín sɛ́xwé; é ní xo ɖɛ dó hwi kpó asi towe kpó, tɔ́ towe kpó, asi towe nɔ kpó jí! Un dó kú nú Aklúnɔ, ɖó un mɔ we lě ɔ́, é ɖi nú mì ɖɔ tɔ́ ce nɔví sín vǐ Tobiyási ɖésú mɔ wɛ un ɖe ɖɔhun; é ɖi tɔ́ tɔn dín!”
Currently Selected:
Tobíi 9: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.