Silaki ví 4
4
1Vǐ ce, ma gbɛ́ nǔ e hu dó wamamɔnɔ lɛ́ɛ sín gbɛ é nú yě ó.
Ma hɛn gbɛ̌dónɔ lɛ́ɛ ɖó te ó.
2Ma jó mɛ e xovɛ́ ɖo sinsin wɛ lɛ́ɛ é dó nú yě ji ya ó.
Ma jó mɛ e ɖo ya mɛ lɛ́ɛ dó nú yě sin xomɛ ó.
3Ma dó ya ya jí nú yě ó.
Nǔɖé wɛ hu dó yě, ma hɛn yě ɖó te ó.
4Ma sísɛ́ nǔbyɔ́ɖutɔ́ dó ya mɛ ó;
ma ɖe kɔ dó wamamɔnɔ ó.
5Ma gbɛ́ kɔ nyi kpɔ́n gbɛ̌dónɔ lɛ́ɛ ó;
ma lɔn nú yě dó nu we ó.
6Nǔgbó ɔ́, nú yě dó nu we ɖó xomɛ sin yě wú ɔ́,
mɛ e ɖó yě ɔ́ ná se ɖɛ yětɔn.
7Blǒ nú agun ɔ́ ní yí wǎn nú we,
nɔ wɛ ta ɖo mɛ e nyí mɛjɔmɛ é nukɔn.
8Wlǐ tó nǔ e ɖɔ wɛ wamamɔnɔ ɖe é wú;
yǐ gbe n'i dɛ̌dɛ̌ kpódó xógbe fífá lɛ́ɛ kpó.
9Tún kan nú wamamɔnɔ sín mɛ e ɖo hwǐnhwín i dó do wɛ é lɔ mɛ.
Ényí hwɛ ɖé wá nú a nǎ ɖɔ hǔn, ma ɖi xɛsi ó.
10Cí tɔ́ ɖɔhun nú tɔ́cyɔvǐ lɛ́ɛ;
cí asú ɖɔhun nú nɔ yětɔn;
hwenɛ́nu ɔ́, a nǎ cí vǐ ɖɔhun nú Mawu Ajalɔ̌nlɔn;
é ná yí wǎn nú we hú nɔ towe.
Sɛ́núnywɛ́ nɔ́ kplɔ́n nǔ mɛ e nɔ ba ɛ lɛ́ɛ é
11Sɛ́núnywɛ́ nɔ́ sɔ́ vǐ tɔn lɛ́ɛ su;
é nɔ́ kpé nukún mɛ e ɖo biba ɛ wɛ lɛ́ɛ é wú.
12Wǎn yí nú Sɛ́núnywɛ́ ɔ́, wǎn yí nú gbɛ wɛ.
Mɛ e fɔ́n zǎn bó ba ɛ lɛ́ɛ ná mɔ awǎjijɛ.
13Ényí mɛɖé mɔ ɛ hɛn bɔ é húzú étɔn ɔ́,
é ná xɔ susu ɖo fí e é ná gbɔn lɛ́ɛ é bǐ.
Aklúnɔ ná xo ɖɛ dó jǐ tɔn.
14Ényí mɛɖé sɔ́ éɖée dó Sɛ́núnywɛ́ kannu hǔn,
Mawu mímɛ́ ɔ́ nɛ́ sɛn wɛ é ɖe nɛ́;
Aklúnɔ nɔ́ yí wǎn nú mɛ e ɖó wǎn yíyí n'i lɛ́ɛ é.
15Mɛ e nɔ se tónú nú Sɛ́núnywɛ́ lɛ́ɛ ná ɖɔ hwɛ xá togun ɖě lɛ́ɛ kpó hwɛjijɔ kpó.
Mɛ e nɔ bló nǔ e é ba lɛ́ɛ ná nɔ gbɛ ɖo ayij'ayǐ mɛ.
16Ényí yě ɖeji dó wǔ tɔn ɔ́, yě ná ɖu dɔkun tɔn lɛ́ɛ sín gǔ,
vǐ yětɔn lɛ́ɛ lɔmɔ̌ ná ɖu gǔ énɛ́ ɔ́.
17Sɛ́núnywɛ́ ná jɛ nukɔn nú yě, bó kplá yě gbɔn ali gɔ́ndɔ́n gɔ́ndɔ́n xo:
jɛ nukɔn ɔ́, é ná dó xɛsi nú yě, bɔ yě ná sísɔ́ avuvɔ ɖo nukɔn tɔn;
é ná sɔ́ tónú sise bá tɔn dó kplɔ́n yě ná káká yi jɛ gbe e gbe é hɛn ɔ́, é ná ɖeji dó yě wú dó é.
É nɔ́ to kpɔ́n nǔ e wa nú yě nyí é hwɛ̌ cóbó nɔ́ zín yě jí ɖɔ yě ní nyi sɛ́n émítɔn lɛ́ɛ.
18Énɛ́ gúdo ɔ́, é nɔ́ wá mlɛ́ ali e jlɔ́ é lo;
é nɔ́ dó awǎjijɛ lanmɛ nú yě,
lobo nɔ ɖe nǔ e ɖo hwlǎhwlá n'i lɛ́ɛ xlɛ́ yě.
19Ényí mɛ énɛ́ lɛ́ɛ jɛ zɔ nú Sɛ́núnywɛ́ ɔ́, é ná dó vɛ̌ nú yě,
bó ná jó yě dó bɔ yě ná bú.
Winnyá má hu mɛ dó mɛ ɖésú ɔ́ wú ó
20Nɔ te kpɔ́n hwenu ɖagbe ɔ́ bó dó wa nǔ ná.
Hɔn nú nǔ nyanya bónú winnyá ma ka hu we dó hwi ɖésúnɔ wú ó.
21Winnyá ɖokpó tíin bó nɔ́ dɔn mɛ dó hwɛ mɛ,
bɔ winnyá ɖokpó ká lɛ́ tíin, bó nɔ́ ná susu kpó nyɔ̌ná kpó mɛ.
22Ma nylá hun dó hwiɖée dín ó;
winnyá ní má ka zin we dɛ́ ó.
23Nú é jɛ xá ɖɔ a nǎ ɖɔ xó hǔn,
ma nɔ te kpɔ́n nǔɖé cóbó kɛ nu ó.
24È nǎ mɔ Sɛ́núnywɛ́ towe ɖo xó towe lɛ́ɛ mɛ,
bó ná lɛ́ mɔ nǔtunwuntunwun towe ɖo xó e ɖɔ wɛ a ɖe ɔ́ mɛ.
25Ma nyi aglo nǔgbó ɖo xóɖiɖɔ towe mɛ ó,
lo ɔ́, nǔmanywɛ́ towe ní hu winnyá nú we.
26È sixú gbɛ́ nú tɔsisa ɖɔ ní má sa ó ǎ,
hǔn, hwɛ towe lɛ́ɛ gbe yíyí ní bó má nɔ́ hu winnyá nú we ó.
27Ma jó hwiɖée dó nú nǔvɔ́nɔ ɖé ɖu ɖo jǐ we ó;
mɔ̌ ɖokpó ɔ́, ma lɛ́ lɔn nú gǎnhúnǔtɔ́ ɖé sín nǔwiwa lɔ zín jǐ we ó.
28Jɛ hun dó nǔgbó jí káká yi kú,
énɛ́ ɔ́, Aklúnɔ Mawu ná fun ahwan ɖó tɛn towe mɛ.
29Ma nɔ ɖó akɔ́nkpinkpan ɖo xó towe lɛ́ɛ mɛ,
lobo nyí fɔnlínnɔ kpó vɛ̌dónúnǔtɔ́ kpó ɖo nǔwiwa towe lɛ́ɛ mɛ ó.
30Ma nyí kinnikínní nú hɛ̌nnu towe ó,
bó ma ká nɔ́ nyí xɛsinɔ nú mɛsɛntɔ́ towe lɛ́ɛ ó.
31 Ma nɔ hun alɔ dó yí nǔ,
lobo nú sísɔ́ jó hwenu ká wá su nú a nɔ sú dó ó.
Currently Selected:
Silaki ví 4: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.