Silaki ví 31
31
Dɔkun lɛ́ɛ
1Dɔkun sɔ́ dó hǔn mɛ nɔ́ zɔ́n bɔ agbaza nɔ yá wǔ kpo kan;
adohu e é nɔ́ ná é nɔ́ zɔ́n bɔ adɔ̌ nɔ́ vɛ́ mɛ.
2Linkpɔ́n e nɔ́ ɖó amlɔ ma dɔ́ nú mɛ lɛ́ɛ é nɔ́ cí azɔn ɖaxó ɖé ɖɔhun;
yě nɔ́ tɛ gbɔjɛ́ mɛ, bɔ adɔ̌ nɔ́ vɛ́ mɛ.
3Dɔkunnɔ nɔ ɖo kan xo wɛ bó ná dó ɖó nǔ dó nǔ jí,
bónú é ká wá nɔ te hweɖěbǔnu ɔ́, gbɛɖuɖu nɔ bɛ́.
4Wamamɔnɔ lɔ nɔ xo kan,
có nǔɖé nɔ́ tɔ́n sín mɛ n'i ǎ;
é ká wá ɖó alɔ te hweɖěbǔnu ɔ́,
ya mɛ jɛ́n é nɔ́ jɛ.
5Mɛ e nɔ yí wǎn nú siká ɔ́ sixú wa nǔ ɖagbe yi fó ǎ;
mɛ e nɔ ɖo akwɛ́ kan xo wɛ ɔ́, akwɛ́ nɔ́ wá flú i.
6Nǔ gblé dó mɛ gěgé ɖó siká wú;
nǔ ká ɖó ná cí gbɔn mɔ̌ nú yě.
7Nǔgbó wɛ, siká ɔ́, mɔ wɛ é nyí nú mɛ e nɔ ɖo é ɖokpónɔ gbé nya wɛ lɛ́ɛ é;
ayi ma ɖo te ná nɔ lɛ́ɛ nɔ́ jó yěɖée n'i.
8Nǔ nyɔ́ nú dɔkunnɔ e wú è ma mɔ mɔɖɔ ɖé dó ǎ,
bɔ é má ká lɛ́ ɖo wezun jí ɖo siká túnnu ǎ é.
9Mɛ̌ wɛ é ká nyí tawun? Mǐ ná kpa gbe n'i;
ɖó é jlɛ́ nǔ ɖaxó ɖo togun tɔn tɛ́ntin.
10Mɛ̌ wɛ sixú syɛ́n dɔn ɖo siká nukɔn?
Mɛ énɛ́ ɔ́ hɛn ɔ́, é ná yí go tɔn.
Mɛ̌ wɛ ká ná gbɛ́ tóli vɛ́ nú Aklúnɔ sɛ́n ɔ́,
abǐ nǔ nyanya wiwa, hwenu e ali tɔn hun n'i é?
Mɛ mɔ̌hunkɔ lɛ́ɛ sukpɔ́ ǎ.
11Mɛ énɛ́ lɛ́ɛ ɔ́, yě ná mɔ ɖɔ nǔɖókan émítɔn lɛ́ɛ ná lí dǒ,
bɔ agun yětɔn lɛ́ɛ ná jlá ɖagbe e yě wa lɛ́ɛ é.
Nǔɖuɖu ɖaxó ɖaxó lɛ́ɛ
12Ényí a yi nǔɖuɖu ɖaxó ɖé tɛnmɛ hǔn,
ma jɛ susu tɔn kpa jí ó;
ma ɖɔ: “Nɛ̌ é ká sukpɔ́ sɔ e” ó.
13Flín ɖɔ é kún nyɔ́ nú nǔ e nukún towe mɔ é bǐ ní nɔ́ jló we ó;
nǔ ɖěbǔ gblé hú nukún ǎ;
nǔ e wú wɛ é nɔ́ ɖo avǐ ya wɛ magbokɔ é nɛ́.
14Ma dlɛ́n alɔ dó nǔ e kpɔ́n wɛ mɛ ɖěvo ko ɖe ɔ́ ó,
é má nyí mɔ̌ ǎ ɔ́, alɔ mi mɛ we lɛ́ɛ tɔn ná wá nyi aglo yěɖée ɖo agbǎn ɔ́ mɛ.
15Hwi ɖésúnɔ ní byɔ́ hwiɖée mɛ;
gbějé nǔ e nyɔ́ mɛ e ɖo akpá towe nukún mɛ é kpɔ́n ganjí,
lobo ka lin tamɛ dó nǔ e wa wɛ a ɖe ɔ́ wú.
16Wa nǔ mɛ e se kplɔ́n ganjí é ɖɔhun;
nǔɖudíngan ma zɔ́n nú è gbɛ̌ wǎn nú we ó.
17Ɖe kplɔ́n ɖagbe e a yǐ é xlɛ́;
jǒ nǔ yǎ wǔ ɖu dó, ma ɖu nǔ ɔ́ bǐ ó;
é má nyí mɔ̌ ǎ ɔ́, nǔwiwa towe ná wá vɛ́ nú mɛ.
18Ényí mi sukpɔ́ ɖo távo tó hǔn,
ma wún nǔɖuɖu jɛ nukɔn nú mɛ ɖě lɛ́ɛ ó.
19Mɛ e ɖó kplɔ́n ɖagbe é ɔ́, nú è wǔn nǔɖuɖu kpɛɖé n'i ɔ́, é nɔ́ kpé e.
Nú é ká wá yi mlɔ́ ayǐ hweɖěbǔnu ɔ́,
gbɔjɛ́ tɔn nɔ́ yi do ganjí.
20Mɛ e ɖu nǔ ɖó jlɛ̌ jí é nɔ́ dɔ́ amlɔ ganjí;
é nɔ́ yǎ wǔ fɔ́n sín zan jí, lobɔ ayi tɔn nɔ́ nɔ te;
mɛ e ka ɖu nǔ díngan é nɔ́ dɔ́ amlɔ ganjí ǎ;
hǔn tɔn nɔ́ vɛ́, bɔ xomɛ nɔ wa nǔ xá ɛ.
21Ényí è ɖǒ nǔɖuɖu kɔ jí nú we,
lobo nú a ɖu dín hǔn,
bo yi kɔ́xo, bó d'alɔ kɔ bo vi;
énɛ́ ɔ́, a nǎ mɔ hwiɖée.
22Ɖǒ tó mì vǐ ce;
ma gbɛ́ wǎn nú nǔ e ɖɔ wɛ un ɖe ɔ́ ó;
é lín káká ɔ́, a nǎ wá mɔ nǔ jɛ xó ce lɛ́ɛ mɛ;
wa nǔ bǐ ɖó jlɛ̌ jí;
énɛ́ ɔ́, a nǎ nɔ ganjí tɛgbɛ.
23Nú mɛɖé yí mɛ ganjí ɔ́, mɛ bǐ nɔ́ kpa gbe n'i;
énɛ́ ɔ́ nɔ́ ɖe xlɛ́ ɖɔ é nyɔ́ xomɛ nǔgbó;
24lo ɔ́, nú mɛɖé ká nɔ́ ɖo nukún jlɛ́ dó ná nǔɖuɖu mɛ wɛ ɔ́,
toxo ɔ́ bǐ nɔ́ ɖɔ nǔ tɔn; énɛ́ ɔ́ ká nɔ́ ɖe xlɛ́ ɖɔ é ɖi gwě nǔgbó.
Vǐwunhan
25A ɖo ahan nu wɛ hǔn, ma nɔ bló nǔwúkpétɔ́ ó,
ɖó ahan flú mɛ gěgé.
26Gan e fletuntɔ́ tun é ɔ́,
zo wɛ nɔ ɖe nǔ e é nyí é xlɛ́;
mɔ̌ ɖokpó ɔ́, ahan nɔ ɖe nǔ e goyítɔ́ e ɖo agba hwlɛ́n wɛ lɛ́ɛ é nyí é xlɛ́.
27Nú è nu ahan ɔ́ ɖó jlɛ̌ jí ɔ́, é nɔ́ wa ɖagbe nú agbaza.
Nú ahan ma ɖe ǎ ɔ́, gbɛtɔ́ ká sixú nɔ gbɛ a?
Aklúnɔ bló ahan bó ná dó dó xomɛhunhun nú gbɛtɔ́.
28Nú è nu hwenu e é jɛ xá é,
lobo ka nu ɖó jlɛ̌ jí ɔ́,
ahan ɔ́ nɔ́ bló ninɔmɛ mɛtɔn ɖó,
lobɔ ayi nɔ j'ayǐ nú mɛ.
29Lo ɔ́, nú è nu dín ɔ́,
é nɔ́ hɛn agbaza mɛ gblé nú mɛ;
é nɔ́ dó cɔcɔ nú mɛ bɔ è sɔ́ nɔ́ sixú hɛn mɛɖée ǎ.
30Nú mɛ e ma tunwun éɖée jlɛ́ ǎ é wá nu ahan mú ɔ́,
é nɔ́ fɔ́n xomɛsin tɔn dó jǐ,
bɔ é ká nɔ́ vɛ́ wǔ n'i ɖésú;
hlɔ̌nhlɔ́n nɔ́ hwedó e,
bɔ hun ka sixú wá bɛ́.
31Ényí è wǎ ɖo agɔ̌ ɖaxó ɖé ɖu wɛ,
bónú mɛ lɛ́ɛ ɖo ahan nu wɛ hǔn,
ma mɔ nǔɖé bó ɖɔ dó mɛ e ɖo akpá towe é wú ó;
ma gbɔ́ ɛ ko ɖó é nu ahan mú wútu ó;
ma dó tagba n'i bó wá ɖo axɔ́ e é ɖu dó we é byɔ́ ɛ wɛ ó.
Currently Selected:
Silaki ví 31: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 31
31
Dɔkun lɛ́ɛ
1Dɔkun sɔ́ dó hǔn mɛ nɔ́ zɔ́n bɔ agbaza nɔ yá wǔ kpo kan;
adohu e é nɔ́ ná é nɔ́ zɔ́n bɔ adɔ̌ nɔ́ vɛ́ mɛ.
2Linkpɔ́n e nɔ́ ɖó amlɔ ma dɔ́ nú mɛ lɛ́ɛ é nɔ́ cí azɔn ɖaxó ɖé ɖɔhun;
yě nɔ́ tɛ gbɔjɛ́ mɛ, bɔ adɔ̌ nɔ́ vɛ́ mɛ.
3Dɔkunnɔ nɔ ɖo kan xo wɛ bó ná dó ɖó nǔ dó nǔ jí,
bónú é ká wá nɔ te hweɖěbǔnu ɔ́, gbɛɖuɖu nɔ bɛ́.
4Wamamɔnɔ lɔ nɔ xo kan,
có nǔɖé nɔ́ tɔ́n sín mɛ n'i ǎ;
é ká wá ɖó alɔ te hweɖěbǔnu ɔ́,
ya mɛ jɛ́n é nɔ́ jɛ.
5Mɛ e nɔ yí wǎn nú siká ɔ́ sixú wa nǔ ɖagbe yi fó ǎ;
mɛ e nɔ ɖo akwɛ́ kan xo wɛ ɔ́, akwɛ́ nɔ́ wá flú i.
6Nǔ gblé dó mɛ gěgé ɖó siká wú;
nǔ ká ɖó ná cí gbɔn mɔ̌ nú yě.
7Nǔgbó wɛ, siká ɔ́, mɔ wɛ é nyí nú mɛ e nɔ ɖo é ɖokpónɔ gbé nya wɛ lɛ́ɛ é;
ayi ma ɖo te ná nɔ lɛ́ɛ nɔ́ jó yěɖée n'i.
8Nǔ nyɔ́ nú dɔkunnɔ e wú è ma mɔ mɔɖɔ ɖé dó ǎ,
bɔ é má ká lɛ́ ɖo wezun jí ɖo siká túnnu ǎ é.
9Mɛ̌ wɛ é ká nyí tawun? Mǐ ná kpa gbe n'i;
ɖó é jlɛ́ nǔ ɖaxó ɖo togun tɔn tɛ́ntin.
10Mɛ̌ wɛ sixú syɛ́n dɔn ɖo siká nukɔn?
Mɛ énɛ́ ɔ́ hɛn ɔ́, é ná yí go tɔn.
Mɛ̌ wɛ ká ná gbɛ́ tóli vɛ́ nú Aklúnɔ sɛ́n ɔ́,
abǐ nǔ nyanya wiwa, hwenu e ali tɔn hun n'i é?
Mɛ mɔ̌hunkɔ lɛ́ɛ sukpɔ́ ǎ.
11Mɛ énɛ́ lɛ́ɛ ɔ́, yě ná mɔ ɖɔ nǔɖókan émítɔn lɛ́ɛ ná lí dǒ,
bɔ agun yětɔn lɛ́ɛ ná jlá ɖagbe e yě wa lɛ́ɛ é.
Nǔɖuɖu ɖaxó ɖaxó lɛ́ɛ
12Ényí a yi nǔɖuɖu ɖaxó ɖé tɛnmɛ hǔn,
ma jɛ susu tɔn kpa jí ó;
ma ɖɔ: “Nɛ̌ é ká sukpɔ́ sɔ e” ó.
13Flín ɖɔ é kún nyɔ́ nú nǔ e nukún towe mɔ é bǐ ní nɔ́ jló we ó;
nǔ ɖěbǔ gblé hú nukún ǎ;
nǔ e wú wɛ é nɔ́ ɖo avǐ ya wɛ magbokɔ é nɛ́.
14Ma dlɛ́n alɔ dó nǔ e kpɔ́n wɛ mɛ ɖěvo ko ɖe ɔ́ ó,
é má nyí mɔ̌ ǎ ɔ́, alɔ mi mɛ we lɛ́ɛ tɔn ná wá nyi aglo yěɖée ɖo agbǎn ɔ́ mɛ.
15Hwi ɖésúnɔ ní byɔ́ hwiɖée mɛ;
gbějé nǔ e nyɔ́ mɛ e ɖo akpá towe nukún mɛ é kpɔ́n ganjí,
lobo ka lin tamɛ dó nǔ e wa wɛ a ɖe ɔ́ wú.
16Wa nǔ mɛ e se kplɔ́n ganjí é ɖɔhun;
nǔɖudíngan ma zɔ́n nú è gbɛ̌ wǎn nú we ó.
17Ɖe kplɔ́n ɖagbe e a yǐ é xlɛ́;
jǒ nǔ yǎ wǔ ɖu dó, ma ɖu nǔ ɔ́ bǐ ó;
é má nyí mɔ̌ ǎ ɔ́, nǔwiwa towe ná wá vɛ́ nú mɛ.
18Ényí mi sukpɔ́ ɖo távo tó hǔn,
ma wún nǔɖuɖu jɛ nukɔn nú mɛ ɖě lɛ́ɛ ó.
19Mɛ e ɖó kplɔ́n ɖagbe é ɔ́, nú è wǔn nǔɖuɖu kpɛɖé n'i ɔ́, é nɔ́ kpé e.
Nú é ká wá yi mlɔ́ ayǐ hweɖěbǔnu ɔ́,
gbɔjɛ́ tɔn nɔ́ yi do ganjí.
20Mɛ e ɖu nǔ ɖó jlɛ̌ jí é nɔ́ dɔ́ amlɔ ganjí;
é nɔ́ yǎ wǔ fɔ́n sín zan jí, lobɔ ayi tɔn nɔ́ nɔ te;
mɛ e ka ɖu nǔ díngan é nɔ́ dɔ́ amlɔ ganjí ǎ;
hǔn tɔn nɔ́ vɛ́, bɔ xomɛ nɔ wa nǔ xá ɛ.
21Ényí è ɖǒ nǔɖuɖu kɔ jí nú we,
lobo nú a ɖu dín hǔn,
bo yi kɔ́xo, bó d'alɔ kɔ bo vi;
énɛ́ ɔ́, a nǎ mɔ hwiɖée.
22Ɖǒ tó mì vǐ ce;
ma gbɛ́ wǎn nú nǔ e ɖɔ wɛ un ɖe ɔ́ ó;
é lín káká ɔ́, a nǎ wá mɔ nǔ jɛ xó ce lɛ́ɛ mɛ;
wa nǔ bǐ ɖó jlɛ̌ jí;
énɛ́ ɔ́, a nǎ nɔ ganjí tɛgbɛ.
23Nú mɛɖé yí mɛ ganjí ɔ́, mɛ bǐ nɔ́ kpa gbe n'i;
énɛ́ ɔ́ nɔ́ ɖe xlɛ́ ɖɔ é nyɔ́ xomɛ nǔgbó;
24lo ɔ́, nú mɛɖé ká nɔ́ ɖo nukún jlɛ́ dó ná nǔɖuɖu mɛ wɛ ɔ́,
toxo ɔ́ bǐ nɔ́ ɖɔ nǔ tɔn; énɛ́ ɔ́ ká nɔ́ ɖe xlɛ́ ɖɔ é ɖi gwě nǔgbó.
Vǐwunhan
25A ɖo ahan nu wɛ hǔn, ma nɔ bló nǔwúkpétɔ́ ó,
ɖó ahan flú mɛ gěgé.
26Gan e fletuntɔ́ tun é ɔ́,
zo wɛ nɔ ɖe nǔ e é nyí é xlɛ́;
mɔ̌ ɖokpó ɔ́, ahan nɔ ɖe nǔ e goyítɔ́ e ɖo agba hwlɛ́n wɛ lɛ́ɛ é nyí é xlɛ́.
27Nú è nu ahan ɔ́ ɖó jlɛ̌ jí ɔ́, é nɔ́ wa ɖagbe nú agbaza.
Nú ahan ma ɖe ǎ ɔ́, gbɛtɔ́ ká sixú nɔ gbɛ a?
Aklúnɔ bló ahan bó ná dó dó xomɛhunhun nú gbɛtɔ́.
28Nú è nu hwenu e é jɛ xá é,
lobo ka nu ɖó jlɛ̌ jí ɔ́,
ahan ɔ́ nɔ́ bló ninɔmɛ mɛtɔn ɖó,
lobɔ ayi nɔ j'ayǐ nú mɛ.
29Lo ɔ́, nú è nu dín ɔ́,
é nɔ́ hɛn agbaza mɛ gblé nú mɛ;
é nɔ́ dó cɔcɔ nú mɛ bɔ è sɔ́ nɔ́ sixú hɛn mɛɖée ǎ.
30Nú mɛ e ma tunwun éɖée jlɛ́ ǎ é wá nu ahan mú ɔ́,
é nɔ́ fɔ́n xomɛsin tɔn dó jǐ,
bɔ é ká nɔ́ vɛ́ wǔ n'i ɖésú;
hlɔ̌nhlɔ́n nɔ́ hwedó e,
bɔ hun ka sixú wá bɛ́.
31Ényí è wǎ ɖo agɔ̌ ɖaxó ɖé ɖu wɛ,
bónú mɛ lɛ́ɛ ɖo ahan nu wɛ hǔn,
ma mɔ nǔɖé bó ɖɔ dó mɛ e ɖo akpá towe é wú ó;
ma gbɔ́ ɛ ko ɖó é nu ahan mú wútu ó;
ma dó tagba n'i bó wá ɖo axɔ́ e é ɖu dó we é byɔ́ ɛ wɛ ó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.