Silaki ví 32
32
Agbanɖuɖu ɖaxó lɛ́ɛ
1Ényí mɛɖé lɛ́ɛ sɔ́ we nú a nǎ nɔ agɔ̌ ɖaxó ɖé nu hǔn,
ma bló gangannagansú ó;
cí mɛ e è ylɔ̌ lɛ́ɛ é ɖokpó ɖɔhun;
yǐ yě bó ká yi jínjɔ́n ayǐ.
2Nú a kpé nukún yě wú fó hǔn, yi tɛn towe mɛ;
yǐ e a yi yě ganjí é ní dó xomɛhunhun nú we;
yǐ gbe nú ɖuɖéjígbákún e è nɔ mɔ ɖo nǔ to ɖó ganjí mɛ é bó xwe.
3Ényí a wa ɖaxó mɛ e ɖo fínɛ́ lɛ́ɛ bǐ hǔn,
bo yí xó, ɖó a ɖǒ ná ɖɔ;
lo ɔ́, ka ɖɔ nǔ e a tunwun é pɛ́pɛ́pɛ́;
ma cí nǔxixo ɔ́ ó.
4Ma ɖo xó gaga ɖɔ wɛ hwenu e mɛ lɛ́ɛ ɖo nǔxixo ɖótó wɛ é ó;
hwenu e a nǎ ɖe Sɛ́núnywɛ́ towe xlɛ́ é nɛ́ ǎ.
5Han ɖagbe ɖagbe ji ɖo agɔ̌ jí nɔ́ cí awǐnnya nukúnɖéjí ɖé ɖo siká sín alɔkɛ́ jí ɖɔhun.
6Nǔxixo fífá yɛ́ɛ́ mɛ nu ahan ɖe ɔ́ nɔ́ cí awǐnnya xɔ akwɛ́ amamú fɛɛn e è sɔ́ dó wlí yɛ̌yi nú siká é ɖɔhun.
7Ényí hwi wɛ nyí yɔkpɔ́vú bǐ e ɖo mɛ lɛ́ɛ mɛ é hǔn,
hwenu e è nǎ xó we dó é jɛ́n a nǎ yí xó;
ényí è wǎ kan nǔ byɔ́ ɔ́, a hɛn ɔ́, a nǎ ɖɔ xó ɖó azɔn we jí;
ní má sɔ́ zɛ mɔ̌ wú ó.
8Xó towe ní nyí kléwún:
ɖɔ xó gěgé ɖo kléwún mɛ;
ɖe xlɛ́ ɖɔ émí se,
có émí ká lɛ́ nyɔ́ xwíí nɔ.
9Ma nɔ ba ná nɔ́ yi mɛ nukúnɖéjí lɛ́ɛ há jí ó;
nú mɛ ɖěvo ɖo xó ɖɔ wɛ hǔn, hwɛ ɔ́ bo xwɛ.
10Có nú jǐ ná dó gbe ɔ́, wun wɛ é nɔ́ kɛ hwɛ̌;
mɔ̌ ɖokpó ɔ́, mɛ e hwɛ ɔ́ ná kpa é ɔ́,
è nɔ ko tunwun hwɛ̌ cóbó nɔ́ jínjɔ́n hwɛ yí;
mɛ e ma ka nɔ xosu ǎ é wɛ ká nɔ́ nyí.
11Ényí gan xo hǔn, sí te kpláwún;
ma dɔn afɔ dɛ́ ó;
yǎ wǔ yi xwé towe gbe dó yǐyá jí.
12Da ayihún towe ganjí ɖo fínɛ́;
wa nǔ e jló we é, lo ɔ́, ma ka wá yi ɖɔ xó goyítɔ́ ɖɔhun bó jɛ hwɛ mɛ ó.
13Dǒ kú nú mɛ e ɖó we,
bó ká kɔn nyɔ̌ná énɛ́ lɛ́ɛ bǐ nyi jǐ we é.
WĚ ƉE XÁ MƐ TƐNMƐ TƐNMƐ DÓ LĚ E È NǍ ZÁN GBƐ GBƆN É WÚ
(32.14—42.14)
Ɖǒ sísí nú Aklúnɔ
14Mɛ e nɔ sí Aklúnɔ é ná ɖótó te, bó ná se kplɔ́n;
mɛ e nɔ ɖo biba ɛ wɛ sín zǎnzǎn tɛɛn lɛ́ɛ é ná wá mɔ ɛ ɖo vivo mɛ.
15Mɛ e nɔ ɖótó te bó nɔ́ se sɛ́n tɔn é ɔ́, é ná jɛ mɛ n'i;
lo ɔ́, mɛ e ka nɔ bló ɖɔ émí ɖo xwixwedó e wɛ ɖɔhun é ɔ́,
sɛ́n ɔ́ ná cí fɛ́ca ɖɔhun nú mɛ énɛ́.
16Mɛ e nɔ sí Aklúnɔ lɛ́ɛ é nɔ́ tunwun jlǒ tɔn;
nǔ ɖagbe wiwa yětɔn lɛ́ɛ nɔ́ kɔ́n wěziza ɖɔhun.
17Gbɛtɔ́ nyanya nɔ ba nú è kɛ nu dó nǔ wú n'i ǎ;
é nɔ́ mɔ nǔ e wú é ná zɔ́n dó bó ná wa nǔ e jló e é.
18Gbɛtɔ́ e ayi sɔgbe ná é nɔ́ wa nǔ ɖěbǔ ma to jínjɔ́n ayǐ, bó lin tamɛ hwɛ̌ ǎ;
lo ɔ́, alitanu kpó goyítɔ́ kpó ká nɔ́ ɖó sísí nú nǔ ɖěbǔ ǎ.
19Ma gɔn tamɛ lin kpɔ́n bó wa nǔ ɖěbǔ ó;
gbɔn mɔ̌ ɔ́, a wa nǔɖé ɔ́, é sɔ́ ná vɛ́ nú we ǎ.
20Ma wlí ali e vɛ́ wǔ é ɔ́,
é má nyí mɔ̌ ǎ ɔ́, a nǎ wá ɖíɖí ɖo awǐnnya jí.
21Ma vɛdó ɖɔ gbɛ émítɔn ɖó ayi j'ayǐ ɖo ali wɛnjɛ xo ó.
22Cɔ́ hwiɖée dó vǐ towe lɛ́ɛ wú;
23Nɔ nya xɛ ɖo hwiɖée jí ɖo nǔwiwa towe lɛ́ɛ bǐ mɛ;
énɛ́ lɔ ɔ́, Aklúnɔsɛ́n nyinyi wɛ.
24Mɛ e sɔ́ jiɖiɖe tɔn dó Aklúnɔsɛ́n ɔ́ mɛ ɔ́,
ɖo sɛ́nxwi jí;
Mɛ e ɖeji dó Aklúnɔ wú é ɔ́, è nǎ wa nǔ nyanya ɖěbǔ dó wǔ tɔn ǎ.
Currently Selected:
Silaki ví 32: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 32
32
Agbanɖuɖu ɖaxó lɛ́ɛ
1Ényí mɛɖé lɛ́ɛ sɔ́ we nú a nǎ nɔ agɔ̌ ɖaxó ɖé nu hǔn,
ma bló gangannagansú ó;
cí mɛ e è ylɔ̌ lɛ́ɛ é ɖokpó ɖɔhun;
yǐ yě bó ká yi jínjɔ́n ayǐ.
2Nú a kpé nukún yě wú fó hǔn, yi tɛn towe mɛ;
yǐ e a yi yě ganjí é ní dó xomɛhunhun nú we;
yǐ gbe nú ɖuɖéjígbákún e è nɔ mɔ ɖo nǔ to ɖó ganjí mɛ é bó xwe.
3Ényí a wa ɖaxó mɛ e ɖo fínɛ́ lɛ́ɛ bǐ hǔn,
bo yí xó, ɖó a ɖǒ ná ɖɔ;
lo ɔ́, ka ɖɔ nǔ e a tunwun é pɛ́pɛ́pɛ́;
ma cí nǔxixo ɔ́ ó.
4Ma ɖo xó gaga ɖɔ wɛ hwenu e mɛ lɛ́ɛ ɖo nǔxixo ɖótó wɛ é ó;
hwenu e a nǎ ɖe Sɛ́núnywɛ́ towe xlɛ́ é nɛ́ ǎ.
5Han ɖagbe ɖagbe ji ɖo agɔ̌ jí nɔ́ cí awǐnnya nukúnɖéjí ɖé ɖo siká sín alɔkɛ́ jí ɖɔhun.
6Nǔxixo fífá yɛ́ɛ́ mɛ nu ahan ɖe ɔ́ nɔ́ cí awǐnnya xɔ akwɛ́ amamú fɛɛn e è sɔ́ dó wlí yɛ̌yi nú siká é ɖɔhun.
7Ényí hwi wɛ nyí yɔkpɔ́vú bǐ e ɖo mɛ lɛ́ɛ mɛ é hǔn,
hwenu e è nǎ xó we dó é jɛ́n a nǎ yí xó;
ényí è wǎ kan nǔ byɔ́ ɔ́, a hɛn ɔ́, a nǎ ɖɔ xó ɖó azɔn we jí;
ní má sɔ́ zɛ mɔ̌ wú ó.
8Xó towe ní nyí kléwún:
ɖɔ xó gěgé ɖo kléwún mɛ;
ɖe xlɛ́ ɖɔ émí se,
có émí ká lɛ́ nyɔ́ xwíí nɔ.
9Ma nɔ ba ná nɔ́ yi mɛ nukúnɖéjí lɛ́ɛ há jí ó;
nú mɛ ɖěvo ɖo xó ɖɔ wɛ hǔn, hwɛ ɔ́ bo xwɛ.
10Có nú jǐ ná dó gbe ɔ́, wun wɛ é nɔ́ kɛ hwɛ̌;
mɔ̌ ɖokpó ɔ́, mɛ e hwɛ ɔ́ ná kpa é ɔ́,
è nɔ ko tunwun hwɛ̌ cóbó nɔ́ jínjɔ́n hwɛ yí;
mɛ e ma ka nɔ xosu ǎ é wɛ ká nɔ́ nyí.
11Ényí gan xo hǔn, sí te kpláwún;
ma dɔn afɔ dɛ́ ó;
yǎ wǔ yi xwé towe gbe dó yǐyá jí.
12Da ayihún towe ganjí ɖo fínɛ́;
wa nǔ e jló we é, lo ɔ́, ma ka wá yi ɖɔ xó goyítɔ́ ɖɔhun bó jɛ hwɛ mɛ ó.
13Dǒ kú nú mɛ e ɖó we,
bó ká kɔn nyɔ̌ná énɛ́ lɛ́ɛ bǐ nyi jǐ we é.
WĚ ƉE XÁ MƐ TƐNMƐ TƐNMƐ DÓ LĚ E È NǍ ZÁN GBƐ GBƆN É WÚ
(32.14—42.14)
Ɖǒ sísí nú Aklúnɔ
14Mɛ e nɔ sí Aklúnɔ é ná ɖótó te, bó ná se kplɔ́n;
mɛ e nɔ ɖo biba ɛ wɛ sín zǎnzǎn tɛɛn lɛ́ɛ é ná wá mɔ ɛ ɖo vivo mɛ.
15Mɛ e nɔ ɖótó te bó nɔ́ se sɛ́n tɔn é ɔ́, é ná jɛ mɛ n'i;
lo ɔ́, mɛ e ka nɔ bló ɖɔ émí ɖo xwixwedó e wɛ ɖɔhun é ɔ́,
sɛ́n ɔ́ ná cí fɛ́ca ɖɔhun nú mɛ énɛ́.
16Mɛ e nɔ sí Aklúnɔ lɛ́ɛ é nɔ́ tunwun jlǒ tɔn;
nǔ ɖagbe wiwa yětɔn lɛ́ɛ nɔ́ kɔ́n wěziza ɖɔhun.
17Gbɛtɔ́ nyanya nɔ ba nú è kɛ nu dó nǔ wú n'i ǎ;
é nɔ́ mɔ nǔ e wú é ná zɔ́n dó bó ná wa nǔ e jló e é.
18Gbɛtɔ́ e ayi sɔgbe ná é nɔ́ wa nǔ ɖěbǔ ma to jínjɔ́n ayǐ, bó lin tamɛ hwɛ̌ ǎ;
lo ɔ́, alitanu kpó goyítɔ́ kpó ká nɔ́ ɖó sísí nú nǔ ɖěbǔ ǎ.
19Ma gɔn tamɛ lin kpɔ́n bó wa nǔ ɖěbǔ ó;
gbɔn mɔ̌ ɔ́, a wa nǔɖé ɔ́, é sɔ́ ná vɛ́ nú we ǎ.
20Ma wlí ali e vɛ́ wǔ é ɔ́,
é má nyí mɔ̌ ǎ ɔ́, a nǎ wá ɖíɖí ɖo awǐnnya jí.
21Ma vɛdó ɖɔ gbɛ émítɔn ɖó ayi j'ayǐ ɖo ali wɛnjɛ xo ó.
22Cɔ́ hwiɖée dó vǐ towe lɛ́ɛ wú;
23Nɔ nya xɛ ɖo hwiɖée jí ɖo nǔwiwa towe lɛ́ɛ bǐ mɛ;
énɛ́ lɔ ɔ́, Aklúnɔsɛ́n nyinyi wɛ.
24Mɛ e sɔ́ jiɖiɖe tɔn dó Aklúnɔsɛ́n ɔ́ mɛ ɔ́,
ɖo sɛ́nxwi jí;
Mɛ e ɖeji dó Aklúnɔ wú é ɔ́, è nǎ wa nǔ nyanya ɖěbǔ dó wǔ tɔn ǎ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.