Silaki ví 30
30
Kplɔ́n vǐ lɛ́ɛ tɔn
1Mɛ e ɖó wǎn yíyí nú vǐ tɔn ɔ́ ná nɔ́ xo e hwɛhwɛ;
vǐ énɛ́ ɔ́ nɔ ayǐ káká ɔ́, é ná nyi xomɛhunhun tɔn.
2Mɛ e kplɔ́n vǐ tɔn ganjí é ná wá ɖu le tɔn;
é ná nɔ́ nyí afɔ tɛ ayǐ n'i ɖo mɛtunwunmɛ tɔn lɛ́ɛ tɛ́ntin.
3Mɛ e kplɔ́n vǐ tɔn ganjí ɔ́, kɛntɔ́ tɔn lɛ́ɛ ná hwan wǔ dó e,
bɔ éyɛ́ ká ná ɖú agbojlaka ɖo xɔ́ntɔn tɔn lɛ́ɛ nukɔn.
4Hwenu e mɛjitɔ́ ɔ́ ná kú ɔ́, é ná cí ɖi é kún kú nǔgbó ó ɖɔhun;
nǔgbó ɔ́, é ná ɖó vǐ donu bɔ é ná cí é ɖésú ɖɔhun.
5É kó nyí xomɛhunhun n'i ɖo gbɛ tɔn hwenu;
nǔɖé sɔ́ vɛ́ n'i ɖo kú hwenu tɔn ǎ.
6Nǔgbó ɔ́, é ná jó mɛ e ná ba hlɔn nǔ e kɛntɔ́ tɔn lɛ́ɛ wa n'i lɛ́ɛ é tɔn dó,
bɔ mɛ ɔ́ ka ná tunwun ɖagbe e xɔ́ntɔn tɔn lɛ́ɛ wa n'i lɛ́ɛ é ɖokpó nú yě.
7Mɛ e hɛn vǐ tɔn gblé é ɖó ná blá akpa n'i;
hweɖěbǔnu e é ná nɔ́ sú xó é ɔ́, ayi tɔn ná nɔ́ gbadó.
8Sɔ́ e è ma kplɔ́n ganjí ǎ é ɔ́, jǐ tɔn xíxá nɔ́ vɛ́ wǔ nú mɛ;
vǐ e è kplɔ́n nyi do é ɔ́ nɔ́ húzú nǔ gbɛ́hɛn.
9Ényí a nɔ bóbó vǐ towe dín ɔ́,
é ná wá sɔ́ nukún towe dó mɔ nǔ nyanya ná;
ényí a dǒ ayihúngbɛ́ xá ɛ ɔ́, é ná wá dó avǐ nú we.
10Ényí a ma jló ná mɔ wǔvɛ́ dó ta tɔn mɛ ǎ hǔn,
bo ma nɔ ko nǔ xá ɛ dín ó; é má nyí mɔ̌ ǎ ɔ́, é ná wá vɛ́ nú we ɖésú.
11Hwenu e é ɖo dɔ̌nkpɛvú mɛ é ɔ́,
ma ɖe alɔ sín kan tɔn mɛ nú é nɔ jlokoko ó.
12Nɔ dɔn tó n'i hwenu e é ɖo kpɛví é,
é má nyí mɔ̌ ǎ ɔ́, é ná húzú tasyɛ́nmɔnɔ, lobo sɔ́ ná wá se tónú nú we ǎ.
13Nǎ kplɔ́n ɖagbe vǐ towe, lobo ka ná ɛ gbɛ nǔnywɛ́ ganjí,
énɛ́ ɔ́, é sɔ́ ná dó winnyá we gbɔn gbɛ gblégblé zínzán tɔn gbla mɛ ǎ.
Lanmɛ ɖagbe
14È nyǐ wamamɔnɔ bó ɖó hlɔ̌nhlɔ́n, bó ɖo ganjí ɖo agbaza mɛ ɔ́ nyɔ́ hú ɖɔ è jɛ dɔkun, lobo ka ɖo azɔn jɛ wɛ magbokɔ.
15Lanmɛ ɖagbe kpódó hlɔ̌nhlɔ́n kpó nyɔ́ hú siká e gbɔn gbɛ ɔ́ mɛ lɛ́ɛ é bǐ sésé;
agbaza mɛ ɖo ganjí ká nyɔ́ hú gbɛ dɔkun bǐ.
16Gbɛdɔkun ɖě ɖo agbaza mɛ ɖo ganjí há jí ǎ;
gbɛdɔkun ɖě zɛ ayi mɛ vo nú mɛ wú ǎ.
17Kú nyɔ́ hú gbɛvlɛ́sin;
tɛgbɛgbe sín gbɔjɛ́ nyɔ́ hú azɔn jɛ magbokɔ.
18Nǔɖuɖu ɖagbe bló nú azunzɔnnɔ e xovɛ́ má sin ǎ é cí nǔɖuɖu ná nǔmɛsɛn e ma nyí Mawu nǔgbó ǎ é ɖɔhun.
19Nǔ énɛ́ ɔ́ sɔ́ bó ná bǒcyɔ e má sixú ɖu nǔ lobo ka se nǔɖé wǎn ǎ é ɔ́,
ali tɛ́ nu wɛ é ká ɖe tawun?
Lě e é nɔ́ cí gbɔn nú azunzɔnnɔ e Aklúnɔ jó nyi wǔvɛ́ mɛ é nɛ́.
20È ɖo nǔɖuɖu énɛ́ ɔ́ kpɔ́n wɛ, lobo gbɔ fiin lě e agooɖojǐe e wlí ɖyɔ̌vǐ ɖokpó dó awa tɔn lɛ́ɛ mɛ ɔ́ nɔ́ gbɔ fiin gbɔn é ɖɔhun.
Awǎjijɛ
21 Ma nú aluwɛ ɖu ɖo jǐ towe ó;
ma sɔ́ linkpɔ́n dó dó ayimɛya nú hwiɖée ó.
22Ayij'ayǐ nɔ́ zɔ́n bɔ gbɛtɔ́ lɛ́ɛ nɔ́ nɔ gbɛ;
xomɛhunhun nɔ dó azǎn azǎn jí nú yě.
23Ɖe ayi ɖ'ayǐ nú hwiɖée; nǎ akɔ́nkpinkpan hwiɖée.
Nǔgbó wɛ, aluwɛ hɛn gbɛtɔ́ gěgé bú;
nya aluwɛ dó zɔ nú hwiɖée;
é nyí nǔɖéwanú ǎ.
24Wǔhwinhwan kpódó xomɛsin kpó nɔ́ sɛ gbɛ ɖó agboɖe nú mɛ;
linkpɔ́n nɔ́ zɔ́n bɔ é nɔ́ yá wǔ kpo.
25Mɛ e ɖo xomɛhunhun mɛ é ɔ́, adɔ tɔn nɔ hun;
é nɔ́ mɔ vǐví nǔ e ɖu wɛ é ɖe é tɔn ganjí.
Currently Selected:
Silaki ví 30: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 30
30
Kplɔ́n vǐ lɛ́ɛ tɔn
1Mɛ e ɖó wǎn yíyí nú vǐ tɔn ɔ́ ná nɔ́ xo e hwɛhwɛ;
vǐ énɛ́ ɔ́ nɔ ayǐ káká ɔ́, é ná nyi xomɛhunhun tɔn.
2Mɛ e kplɔ́n vǐ tɔn ganjí é ná wá ɖu le tɔn;
é ná nɔ́ nyí afɔ tɛ ayǐ n'i ɖo mɛtunwunmɛ tɔn lɛ́ɛ tɛ́ntin.
3Mɛ e kplɔ́n vǐ tɔn ganjí ɔ́, kɛntɔ́ tɔn lɛ́ɛ ná hwan wǔ dó e,
bɔ éyɛ́ ká ná ɖú agbojlaka ɖo xɔ́ntɔn tɔn lɛ́ɛ nukɔn.
4Hwenu e mɛjitɔ́ ɔ́ ná kú ɔ́, é ná cí ɖi é kún kú nǔgbó ó ɖɔhun;
nǔgbó ɔ́, é ná ɖó vǐ donu bɔ é ná cí é ɖésú ɖɔhun.
5É kó nyí xomɛhunhun n'i ɖo gbɛ tɔn hwenu;
nǔɖé sɔ́ vɛ́ n'i ɖo kú hwenu tɔn ǎ.
6Nǔgbó ɔ́, é ná jó mɛ e ná ba hlɔn nǔ e kɛntɔ́ tɔn lɛ́ɛ wa n'i lɛ́ɛ é tɔn dó,
bɔ mɛ ɔ́ ka ná tunwun ɖagbe e xɔ́ntɔn tɔn lɛ́ɛ wa n'i lɛ́ɛ é ɖokpó nú yě.
7Mɛ e hɛn vǐ tɔn gblé é ɖó ná blá akpa n'i;
hweɖěbǔnu e é ná nɔ́ sú xó é ɔ́, ayi tɔn ná nɔ́ gbadó.
8Sɔ́ e è ma kplɔ́n ganjí ǎ é ɔ́, jǐ tɔn xíxá nɔ́ vɛ́ wǔ nú mɛ;
vǐ e è kplɔ́n nyi do é ɔ́ nɔ́ húzú nǔ gbɛ́hɛn.
9Ényí a nɔ bóbó vǐ towe dín ɔ́,
é ná wá sɔ́ nukún towe dó mɔ nǔ nyanya ná;
ényí a dǒ ayihúngbɛ́ xá ɛ ɔ́, é ná wá dó avǐ nú we.
10Ényí a ma jló ná mɔ wǔvɛ́ dó ta tɔn mɛ ǎ hǔn,
bo ma nɔ ko nǔ xá ɛ dín ó; é má nyí mɔ̌ ǎ ɔ́, é ná wá vɛ́ nú we ɖésú.
11Hwenu e é ɖo dɔ̌nkpɛvú mɛ é ɔ́,
ma ɖe alɔ sín kan tɔn mɛ nú é nɔ jlokoko ó.
12Nɔ dɔn tó n'i hwenu e é ɖo kpɛví é,
é má nyí mɔ̌ ǎ ɔ́, é ná húzú tasyɛ́nmɔnɔ, lobo sɔ́ ná wá se tónú nú we ǎ.
13Nǎ kplɔ́n ɖagbe vǐ towe, lobo ka ná ɛ gbɛ nǔnywɛ́ ganjí,
énɛ́ ɔ́, é sɔ́ ná dó winnyá we gbɔn gbɛ gblégblé zínzán tɔn gbla mɛ ǎ.
Lanmɛ ɖagbe
14È nyǐ wamamɔnɔ bó ɖó hlɔ̌nhlɔ́n, bó ɖo ganjí ɖo agbaza mɛ ɔ́ nyɔ́ hú ɖɔ è jɛ dɔkun, lobo ka ɖo azɔn jɛ wɛ magbokɔ.
15Lanmɛ ɖagbe kpódó hlɔ̌nhlɔ́n kpó nyɔ́ hú siká e gbɔn gbɛ ɔ́ mɛ lɛ́ɛ é bǐ sésé;
agbaza mɛ ɖo ganjí ká nyɔ́ hú gbɛ dɔkun bǐ.
16Gbɛdɔkun ɖě ɖo agbaza mɛ ɖo ganjí há jí ǎ;
gbɛdɔkun ɖě zɛ ayi mɛ vo nú mɛ wú ǎ.
17Kú nyɔ́ hú gbɛvlɛ́sin;
tɛgbɛgbe sín gbɔjɛ́ nyɔ́ hú azɔn jɛ magbokɔ.
18Nǔɖuɖu ɖagbe bló nú azunzɔnnɔ e xovɛ́ má sin ǎ é cí nǔɖuɖu ná nǔmɛsɛn e ma nyí Mawu nǔgbó ǎ é ɖɔhun.
19Nǔ énɛ́ ɔ́ sɔ́ bó ná bǒcyɔ e má sixú ɖu nǔ lobo ka se nǔɖé wǎn ǎ é ɔ́,
ali tɛ́ nu wɛ é ká ɖe tawun?
Lě e é nɔ́ cí gbɔn nú azunzɔnnɔ e Aklúnɔ jó nyi wǔvɛ́ mɛ é nɛ́.
20È ɖo nǔɖuɖu énɛ́ ɔ́ kpɔ́n wɛ, lobo gbɔ fiin lě e agooɖojǐe e wlí ɖyɔ̌vǐ ɖokpó dó awa tɔn lɛ́ɛ mɛ ɔ́ nɔ́ gbɔ fiin gbɔn é ɖɔhun.
Awǎjijɛ
21 Ma nú aluwɛ ɖu ɖo jǐ towe ó;
ma sɔ́ linkpɔ́n dó dó ayimɛya nú hwiɖée ó.
22Ayij'ayǐ nɔ́ zɔ́n bɔ gbɛtɔ́ lɛ́ɛ nɔ́ nɔ gbɛ;
xomɛhunhun nɔ dó azǎn azǎn jí nú yě.
23Ɖe ayi ɖ'ayǐ nú hwiɖée; nǎ akɔ́nkpinkpan hwiɖée.
Nǔgbó wɛ, aluwɛ hɛn gbɛtɔ́ gěgé bú;
nya aluwɛ dó zɔ nú hwiɖée;
é nyí nǔɖéwanú ǎ.
24Wǔhwinhwan kpódó xomɛsin kpó nɔ́ sɛ gbɛ ɖó agboɖe nú mɛ;
linkpɔ́n nɔ́ zɔ́n bɔ é nɔ́ yá wǔ kpo.
25Mɛ e ɖo xomɛhunhun mɛ é ɔ́, adɔ tɔn nɔ hun;
é nɔ́ mɔ vǐví nǔ e ɖu wɛ é ɖe é tɔn ganjí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.