Judíti Xónusɔ́ɖóte
Xónusɔ́ɖóte
Nyɔ̌nu ɖé sín tan wɛ Judíti wéma ɔ́ kpi. É wɛ nyí mɔ̌ bɔ Jwifu lɛ́ɛ sín togun ɔ́ ɖu ɖo kɛntɔ́ jí ɖo ahwan e è tɔ́n yě, bó ná vɔ yě bǐ é mɛ. Hǔn Judíti sín nǔwiwa ɔ́, è hɛn ɔ́, è nǎ zé jlɛ́ dó Debola tɔn wú (Hwɛɖɔtɔ́ 4—5) abǐ Ɛsitɛ́ɛ tɔn wú.
Lě e nǔ lɛ́ɛ yi gbɔn ɖo tan mɛ, bó ká ɖe gbɔn ɖo fí e nǔ lɛ́ɛ jɛ ɖe ɔ́ wɛ è kpɔ́n dandan bó dó wlán wěma ɔ́ ǎ. Xlɛ̌ tɔn ɖokpó ɖíe: Nabukodonɔzɔ́ɔ e xɔ to ɖo Babilɔ́nu bo li za xá Asilíi to ɔ́ lɛ́ wá ɖo Asilíi xɔ́sú nyí wɛ ɖo wěma ɔ́ mɛ. Xlɛ̌ tɔn ɖěvo lɛ́ ɖíe: Nǔ e jɛ bɔ è ɖo tan tɔn kpi wɛ lɛ́ɛ xlɛ́ ɖɔ Jwifu lɛ́ɛ kó lɛ́ kɔ sín kannumɔgbénu. Judíti 4.3; 5.11; mǐ ká tunwun ɖɔ Nabukodonɔzɔ́ɔ ɖokpó nɛ́ ɔ́ wɛ wlí Jwifu lɛ́ɛ yi kannumɔ gbé nu. Nǔ ɖěvo e è sixú lɛ́ ɖɔ ɔ́ wɛ nyí ɖɔ to e nyí Betúli to din, bɔ nǔ lɛ́ɛ bǐ jɛ ɖ'é mɛ ɔ́, è mɔ wuntun tɔn ɖěbǔ ɖo fí ɖé ɖo gbě ɔ́ jí ǎ. Nǔ e è ka ɖɔ bó dó dó gesí ná lɛ́ɛ (4.7; 6.11; 7.12) ɖěbǔ sɔgbe xá nǔɖé ɖo Palɛsitínu gbé ɔ́ jí ǎ.
Énɛ́ lɛ́ɛ bǐ ɖe xlɛ́ ɖɔ nǔ vo wú ɖɔ xó dó gbé wɛ wěmawlántɔ́ ɔ́ ja lobo yi ba lɛ̌démɛ énɛ́ lɛ́ɛ, dó kpi tan. Afɔ nyɔ́ ɔ́, é sixú nyí gǔ e Jwifu lɛ́ɛ fɔ́n dó Silíi xɔ́sú Antiyokúsi Epifani é jí ɖo é kpo xwe 175 yi 164 bɔ è nǎ ji Jezu Klísu é sín tan. Hǔn nǔ e myá nukún nú wěmawlántɔ́ ɔ́ wɛ nyí ɖɔ é ná dó alɔ mɛtɔn Jwifu lɛ́ɛ nú yě ná syɛ́n dɔn ɖo adǎngbomɛ lɛ́ɛ bǐ tɛ́ntin, bó ká nɔ gbejí nú Mawu. Fí e Judíti wéma ɔ́ kpódó Daniyɛ́li wéma ɔ́ kpó xo nǔ dó akpa ɖokpó ɔ́ mɛ ɖe ɔ́ nɛ́.
Nǔ tají tají e ɖo wěma ɔ́ mɛ lɛ́ɛ
Nabukodonɔzɔ́ɔ, to lɛ́ɛ bǐ xɔ́sú (1—3)
Izlayɛ́li togun ɔ́ ɖo adohu adohu jí (4—7)
Judíti hwlɛ́n togun ɔ́ gán (8—13)
Izlayɛ́li togun ɔ́ ɖu ahwan jí ɖu ɖe sín xwe (14—16)
Currently Selected:
Judíti Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.