Judíti 9
9
Ɖɛ e Judíti xo é
1Judíti jɛ kpoli, bó xwe agbɔ̌nnusú do. É lɛ afín dó ta, bó ɖe avɔ gbigbi e é dó dó avɔ tɔn lɛ́ɛ glɔ́ é nyí wěxo. Gbadanu hwenu e Izlayɛ́linu lɛ́ɛ nɔ́ xwlé zǎlínkpɔ́n ɖo Sinsɛnxɔ mɛ ɖo Jeluzalɛ́mu ɔ́ wɛ. É sú xó ylɔ́ Aklúnɔ bó ɖɔ: 2 “Aklúnɔ Mawu tɔ́gbó ce Sinmɛnyɔ́ɔ tɔn, a sɔ́ hwǐ dó así n'i ɖɔ ní hu toɖévomɛnu e ɖó xó xá nɔví tɔn nyɔ̌nu ɔ́ gǎnnugǎnnu é. Mɛ énɛ́ lɛ́ɛ ɖe e nyí mɛ̌ lobo sɔ́ ɛ dó wa nǔ e jló yě ɔ́ dó kɔ́n wi n'i. A ka ko gbɛ́ ɖɔ nǔ kún ɖó ná nyí mɔ̌ ó có yě gba sɛ́n. 3Énɛ́ wútu wɛ a jǒ gǎn yětɔn lɛ́ɛ nú kú, bɔ è blɛ̌ yě lɔmɔ̌ ɖu. Hun yětɔn wá kɔn nyi zan e jí yě kɔ́n wi nú ɖyɔ̌vǐ ɔ́ ɖe ɔ́. A xo kannumɔ lɛ́ɛ kpó gǎn yětɔn lɛ́ɛ kpó, bó xo axɔ́sú lɛ́ɛ ɖo zinkpo yětɔn lɛ́ɛ jí. 4A jǒ asi yětɔn lɛ́ɛ bɔ è bɛ̌ yě yi; vǐ yětɔn nyɔ̌nu lɛ́ɛ húzú kannumɔ. Vǐ vívɛ́ná towe Izlayɛ́linu lɛ́ɛ má dɔkun yětɔn lɛ́ɛ bǐ dó wǔ. Tónú ná se nú we sín akpakpa nɔ sɔ́ yě. Winnyá e hɛ̌nnu yětɔn ɖu ɔ́ vɛ́ nú yě, bɔ yě ylɔ́ Mawu ɖɔ é ní wá dó alɔ émí.
“Mawu, Mawu ce, ɖǒtó mì, ɖǒtó nyɛ mɛ e nyí asúkúsi é. 5Nǔ e jɛ ɖo xóxó hwenu ɔ́ bǐ, nǔ e ɖo jijɛ wɛ éhɔ́nmɛ é bǐ, nǔ e ná wá jɛ sɔ ɔ́ bǐ ɔ́, hwi wɛ nɔ bló. Égbé kpó sɔ kpó ɔ́, hwi wɛ nɔ ɖɔ; nǔ e a lin ɔ́ wɛ nɔ́ jɛ. 6Nǔ e a nɔ lin bɔ yě nɔ́ jɛ lɛ́ɛ nɔ́ wá nukɔn towe, bo nɔ́ ɖɔ: ‘Mǐ ɖíe!’ Nǔgbó wɛ, nǔwiwa towe lɛ́ɛ ɖokpó ɖokpó sín nǔ wɛ a nɔ sɔ́, bɔ a ko nɔ tunwun alɔ e jí a na gbo hwɛ lɛ́ɛ nyi é ɖ'ayǐ. 7Hwi ɖésú mɔ Aklúnɔ, Asilíinu lɛ́ɛ wá, yě sukpɔ́ ɖésú, hlɔ̌nhlɔ́n ka lɛ́ ɖo yě wú. Yě nɔ́ gó ɖó sɔ́ yětɔn kpó sɔ́xátɔ́ yětɔn lɛ́ɛ kpó wú. Agbɔ̌n e ɖo sɔ́ja afɔzɔntɔ́ yětɔn lɛ́ɛ wú é nɔ́ ná goyíyí yě. Yě ɖeji dó ahwanfunnú yětɔn lɛ́ɛ, hwǐ yětɔn lɛ́ɛ, gǎ yětɔn lɛ́ɛ kpó kannakanna yětɔn lɛ́ɛ kpó wú. Yě tunwun ɖɔ hwi wɛ nyí Aklúnɔ é sixú ɖó ahwan lɛ́ɛ te é ǎ. 8Nyǐkɔ towe nɔ nyí Aklúnɔ. Cí adǎn nú yě gbɔn nǔwúkpíkpé towe gbla mɛ, bó hu acɛ nú yě ɖo xomɛsin towe mɛ. Ɛɛn, yě to, bó ná ɖu su nú Sinsɛnxɔ mímɛ́ towe, goxɔ e mɛ a ɖe ɖo susu towe mɛ ɔ́, yě ɖɔ émí ná hɛn blí, bó ná flí vɔ̌sákpe towe gba kpó ahwanfunnú yětɔn lɛ́ɛ kpó. 9Kpɔ́n go e yí wɛ yě ɖe é; ɖe xomɛsin towe xlɛ́ yě. Nǎ hlɔ̌nhlɔ́n asúkúsi sín alɔ ce nú má bló linlin e un ɖó é. 10Zɔn dó mɛblɛ́ɖuxó e un ná ɖɔ é wú bó zin mɛɖaxó kpó kannumɔ kpó, gǎn kpó ahwanfuntɔ́ kpó dɛ́. Sú goyítɔ́ sín tito yětɔn lɛ́ɛ dó gbɔn nyɔ̌nu ɖokpó sín alɔ gbla mɛ. 11Ɖó gbɛtɔ́ gěgé jí wɛ hlɔ̌nhlɔ́n towe jínjɔ́n ǎ, é ká lɛ́ jínjɔ́n acɛ nǔwúkpétɔ́ lɛ́ɛ tɔn jí ǎ. Lo ɔ́, hwi wɛ nyí Mawu mɛ e ma nɔ jɛ tagba ǎ lɛ́ɛ tɔn, alɔdó yɔkpɔ́vú lɛ́ɛ tɔn, hwlɛngán mɛ e ma ɖó hlɔ̌nhlɔ́n ǎ lɛ́ɛ tɔn, alɔcyɔ́nmɛjítɔ́ mɛ e ma ɖó mɛ ɖé ǎ lɛ́ɛ tɔn, mɛhwlɛ́ngántɔ́ mɛ e ma sɔ́ ɖó nukún nǔɖé ǎ lɛ́ɛ tɔn. 12Mawu tɔ́ ce tɔn, Mawu Izlayɛ́li to ɔ́ tɔn, un hɔn wá su we. Axɔ́sú sɛ́xwé kpó ayǐkúngban kpó tɔn, hwi mɛ e ɖó xu é; axɔ́sú nǔɖíɖó towe lɛ́ɛ tɔn, un dó kɛnklɛ́n nú we, ɖǒtó ɖɛ ce. 13 Nǎ bónú mɛ blɛ́ xó e un ná ɖɔ lɛ́ɛ ní dó akpa mɛ wú, lobo sú mɛ e ɖó linlin baɖabaɖa dó akɔjijɛ towe wú é, dó Sinsɛnxɔ towe mímɛ́ wú é, dó Sinyɔ́ɔ kpó to e mɛ togun towe ɖe é kpó wú lɛ́ɛ sín kún. 14Blǒ nú togun towe bǐ kpó akɔta tɔn lɛ́ɛ bǐ kpó ní tunwun ɖɔ hwi wɛ nyí Mawu Nǔbǐwúkpétɔ́ hlɔ̌nhlɔ́nnɔ, bɔ hwi mɛ vo ɔ́, mɛ ɖěbǔ sɔ́ nɔ́ kpɔ́n Izlayɛ́li to ɔ́ jí ǎ.”
Currently Selected:
Judíti 9: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 9
9
Ɖɛ e Judíti xo é
1Judíti jɛ kpoli, bó xwe agbɔ̌nnusú do. É lɛ afín dó ta, bó ɖe avɔ gbigbi e é dó dó avɔ tɔn lɛ́ɛ glɔ́ é nyí wěxo. Gbadanu hwenu e Izlayɛ́linu lɛ́ɛ nɔ́ xwlé zǎlínkpɔ́n ɖo Sinsɛnxɔ mɛ ɖo Jeluzalɛ́mu ɔ́ wɛ. É sú xó ylɔ́ Aklúnɔ bó ɖɔ: 2 “Aklúnɔ Mawu tɔ́gbó ce Sinmɛnyɔ́ɔ tɔn, a sɔ́ hwǐ dó así n'i ɖɔ ní hu toɖévomɛnu e ɖó xó xá nɔví tɔn nyɔ̌nu ɔ́ gǎnnugǎnnu é. Mɛ énɛ́ lɛ́ɛ ɖe e nyí mɛ̌ lobo sɔ́ ɛ dó wa nǔ e jló yě ɔ́ dó kɔ́n wi n'i. A ka ko gbɛ́ ɖɔ nǔ kún ɖó ná nyí mɔ̌ ó có yě gba sɛ́n. 3Énɛ́ wútu wɛ a jǒ gǎn yětɔn lɛ́ɛ nú kú, bɔ è blɛ̌ yě lɔmɔ̌ ɖu. Hun yětɔn wá kɔn nyi zan e jí yě kɔ́n wi nú ɖyɔ̌vǐ ɔ́ ɖe ɔ́. A xo kannumɔ lɛ́ɛ kpó gǎn yětɔn lɛ́ɛ kpó, bó xo axɔ́sú lɛ́ɛ ɖo zinkpo yětɔn lɛ́ɛ jí. 4A jǒ asi yětɔn lɛ́ɛ bɔ è bɛ̌ yě yi; vǐ yětɔn nyɔ̌nu lɛ́ɛ húzú kannumɔ. Vǐ vívɛ́ná towe Izlayɛ́linu lɛ́ɛ má dɔkun yětɔn lɛ́ɛ bǐ dó wǔ. Tónú ná se nú we sín akpakpa nɔ sɔ́ yě. Winnyá e hɛ̌nnu yětɔn ɖu ɔ́ vɛ́ nú yě, bɔ yě ylɔ́ Mawu ɖɔ é ní wá dó alɔ émí.
“Mawu, Mawu ce, ɖǒtó mì, ɖǒtó nyɛ mɛ e nyí asúkúsi é. 5Nǔ e jɛ ɖo xóxó hwenu ɔ́ bǐ, nǔ e ɖo jijɛ wɛ éhɔ́nmɛ é bǐ, nǔ e ná wá jɛ sɔ ɔ́ bǐ ɔ́, hwi wɛ nɔ bló. Égbé kpó sɔ kpó ɔ́, hwi wɛ nɔ ɖɔ; nǔ e a lin ɔ́ wɛ nɔ́ jɛ. 6Nǔ e a nɔ lin bɔ yě nɔ́ jɛ lɛ́ɛ nɔ́ wá nukɔn towe, bo nɔ́ ɖɔ: ‘Mǐ ɖíe!’ Nǔgbó wɛ, nǔwiwa towe lɛ́ɛ ɖokpó ɖokpó sín nǔ wɛ a nɔ sɔ́, bɔ a ko nɔ tunwun alɔ e jí a na gbo hwɛ lɛ́ɛ nyi é ɖ'ayǐ. 7Hwi ɖésú mɔ Aklúnɔ, Asilíinu lɛ́ɛ wá, yě sukpɔ́ ɖésú, hlɔ̌nhlɔ́n ka lɛ́ ɖo yě wú. Yě nɔ́ gó ɖó sɔ́ yětɔn kpó sɔ́xátɔ́ yětɔn lɛ́ɛ kpó wú. Agbɔ̌n e ɖo sɔ́ja afɔzɔntɔ́ yětɔn lɛ́ɛ wú é nɔ́ ná goyíyí yě. Yě ɖeji dó ahwanfunnú yětɔn lɛ́ɛ, hwǐ yětɔn lɛ́ɛ, gǎ yětɔn lɛ́ɛ kpó kannakanna yětɔn lɛ́ɛ kpó wú. Yě tunwun ɖɔ hwi wɛ nyí Aklúnɔ é sixú ɖó ahwan lɛ́ɛ te é ǎ. 8Nyǐkɔ towe nɔ nyí Aklúnɔ. Cí adǎn nú yě gbɔn nǔwúkpíkpé towe gbla mɛ, bó hu acɛ nú yě ɖo xomɛsin towe mɛ. Ɛɛn, yě to, bó ná ɖu su nú Sinsɛnxɔ mímɛ́ towe, goxɔ e mɛ a ɖe ɖo susu towe mɛ ɔ́, yě ɖɔ émí ná hɛn blí, bó ná flí vɔ̌sákpe towe gba kpó ahwanfunnú yětɔn lɛ́ɛ kpó. 9Kpɔ́n go e yí wɛ yě ɖe é; ɖe xomɛsin towe xlɛ́ yě. Nǎ hlɔ̌nhlɔ́n asúkúsi sín alɔ ce nú má bló linlin e un ɖó é. 10Zɔn dó mɛblɛ́ɖuxó e un ná ɖɔ é wú bó zin mɛɖaxó kpó kannumɔ kpó, gǎn kpó ahwanfuntɔ́ kpó dɛ́. Sú goyítɔ́ sín tito yětɔn lɛ́ɛ dó gbɔn nyɔ̌nu ɖokpó sín alɔ gbla mɛ. 11Ɖó gbɛtɔ́ gěgé jí wɛ hlɔ̌nhlɔ́n towe jínjɔ́n ǎ, é ká lɛ́ jínjɔ́n acɛ nǔwúkpétɔ́ lɛ́ɛ tɔn jí ǎ. Lo ɔ́, hwi wɛ nyí Mawu mɛ e ma nɔ jɛ tagba ǎ lɛ́ɛ tɔn, alɔdó yɔkpɔ́vú lɛ́ɛ tɔn, hwlɛngán mɛ e ma ɖó hlɔ̌nhlɔ́n ǎ lɛ́ɛ tɔn, alɔcyɔ́nmɛjítɔ́ mɛ e ma ɖó mɛ ɖé ǎ lɛ́ɛ tɔn, mɛhwlɛ́ngántɔ́ mɛ e ma sɔ́ ɖó nukún nǔɖé ǎ lɛ́ɛ tɔn. 12Mawu tɔ́ ce tɔn, Mawu Izlayɛ́li to ɔ́ tɔn, un hɔn wá su we. Axɔ́sú sɛ́xwé kpó ayǐkúngban kpó tɔn, hwi mɛ e ɖó xu é; axɔ́sú nǔɖíɖó towe lɛ́ɛ tɔn, un dó kɛnklɛ́n nú we, ɖǒtó ɖɛ ce. 13 Nǎ bónú mɛ blɛ́ xó e un ná ɖɔ lɛ́ɛ ní dó akpa mɛ wú, lobo sú mɛ e ɖó linlin baɖabaɖa dó akɔjijɛ towe wú é, dó Sinsɛnxɔ towe mímɛ́ wú é, dó Sinyɔ́ɔ kpó to e mɛ togun towe ɖe é kpó wú lɛ́ɛ sín kún. 14Blǒ nú togun towe bǐ kpó akɔta tɔn lɛ́ɛ bǐ kpó ní tunwun ɖɔ hwi wɛ nyí Mawu Nǔbǐwúkpétɔ́ hlɔ̌nhlɔ́nnɔ, bɔ hwi mɛ vo ɔ́, mɛ ɖěbǔ sɔ́ nɔ́ kpɔ́n Izlayɛ́li to ɔ́ jí ǎ.”
La Bible en langue fon © Alliance Biblique du Bénin, 2012.