Judíti 10
10
Judíti yi fí e kɛntɔ́ lɛ́ɛ ɖó gɔnu ɖó é
1Ée Judíti xo ɖɛ kpé, bó ɖɔ xó énɛ́ lɛ́ɛ bǐ nú Mawu Izlayɛ́li tɔn vɔ́ ɔ́, 2é sí te bo ylɔ́ mɛsɛntɔ́ tɔn. Énɛ́ gúdo ɔ́, é jɛ te wá xɔ e mɛ é nɔ́ ɖu gbɔjɛzán lɛ́ɛ kpó xwe lɛ́ɛ kpó ɖe é mɛ. 3É ɖe avɔ gbigbi e é dó ɔ́ kpó asúkúsi sín awu tɔn lɛ́ɛ kpó. É lɛ wǔ, bó sá ami wǎn flíflínɔ. É vún ɖa tɔn bo blá kpó avɔxwɛ ɖé kpó. É dó xwewu tɔn e é nɔ́ dó hwenu e asú tɔn Manasée ɖo gbɛ é. 4É dó afɔkpa tɔn kpódó jɛ̌ tɔn tɛnmɛ tɛnmɛ lɛ́ɛ kpó: wɔlɔ, alɔkɛ́, alɔgan, tógbé. É bló éɖée ɖó, bónú é ná jló súnnu e ná mɔ ɛ lɛ́ɛ. 5É sɔ́ vɛ̌ɛn sín gota ɖokpó nú mɛsɛntɔ́ tɔn, kpó gannú ɖé kpó bɔ ami gɔ́. É sɔ́ ɔ́ji sín linfín ɖó gannú ɖokpó mɛ kpó atínsínsɛ́n xúxú mlímlí kpó klɛ́klɛ́ kpó. É blá ajɔxanú lɛ́ɛ bǐ kpó yɛ̌yi kpó, bó bɛ́ ɖó ta nú mɛsɛntɔ́ tɔn. 6Énɛ́ gúdo ɔ́, yě mɛ we lɛ́ɛ bǐ tɔ́n bó ɖidó Betúli sín hɔn jí. Yě kpé Oziyási kpó tomɛxó we kpó: Cablisi kpó Caami kpó; yě mɛ e nɔ cɔ́ hɔn kpó sɔ́ja lɛ́ɛ kpó ɔ́ wɛ. 7Ée yě mɔ Judíti bɔ nukún mɛ tɔn húzú, bɔ é ɖyɔ́ awu ɔ́, yě kpa ɖɛkpɛnyínyɔ́ tɔn, bó ɖɔ n'i ɖɔ: 8“Mawu tɔ́gbó mǐtɔn lɛ́ɛ tɔn ní kɔn nyɔ̌ná tɔn dó jǐ towe. Ní ná bónú linlin e a ɖǒ nú susu Izlayɛ́li togun ɔ́ é kpó Jeluzalɛ́mu kpó ɔ́ ní nyí wiwa.” 9Judíti ɖe kɔ́ nú Mawu, bó ɖɔ nú súnnu atɔn lɛ́ɛ ɖɔ: “Mi ná gbe nú yě ní hun toxo ɔ́ sín hɔn nú mì. Un ná tɔ́n bó ná yi bló nǔ e mǐ nɔ kpɔ́ bó to ɔ́.” Énɛ́ ɔ́, yě ɖe gbe nú sɔ́ja lɛ́ɛ ɖɔ yě ní hun hɔn ɔ́ lě e é byɔ́ gbɔn é. 10Sɔ́ja lɛ́ɛ se gbe, bɔ Judíti tɔ́n sín toxo ɔ́ mɛ kpó mɛsɛntɔ́ tɔn kpó. To ɔ́ mɛ nu lɛ́ɛ bɔ nukún nyi wǔ tɔn bó ɖo kpínkpɔ́n ɛ wɛ, hwenu e é ɖo te jɛ sín só ɔ́ jí wɛ bó ɖo tɔdo ɔ́ xó zlɛ́ wɛ é káká bɔ nukún wá hwedó jǐ tɔn.
11Judíti kpó mɛsɛntɔ́ tɔn kpó zɔn tlélé gbɔn tɔdo ɔ́ mɛ. Yě kpé Asilíi sín sɔ́ja nukɔntɔn lɛ́ɛ. 12Yě ɖó Judíti te, bó kanbyɔ́ ɛ ɖɔ: “To tɛ́ mɛ nu wɛ nú we? Fítɛ́ a gosín? Fítɛ́ a xwe?” É yí gbe nú yě ɖɔ: “Eblée ví wɛ nú mì. Un hɔn sín yě gɔ́n, ɖó zaanɖé din ɔ́, yě ná jɛ alɔ mitɔn mɛ 13Un jló ná mɔ ahwangán mitɔn Holofɛ́ni, bó ná jlɛ́ ali jɔ ali n'i. Un ná xlɛ́ ali e é ná gbɔn ɖo sókan mɛ, bɔ ahwanfuntɔ́ tɔn ɖokpó lě má ná kú ǎ é.” 14Sɔ́ja lɛ́ɛ ɖo tó ɖó e wɛ, bó ká ɖo nukún tɔn mɛ kpɔ́n wɛ. Yě mɔ ɖɔ é nyɔ́ ɖɛkpɛ ɖésú, bó ɖɔ n'i ɖɔ: 15“Wezun e a dǒ bó jɛ te bléwún wá sɔ́ hwiɖée wá xlɛ́ ahwangán kannɔ mǐtɔn ɔ́ wɛ xɔ gbɛ nú we. Din ɔ́, hun káká yi goxɔ tɔn kɔn. Gbɛ̌ mǐtɔn ɖě lɛ́ɛ ná kplá we káká yi gɔ̌n tɔn. 16A jɛ nukɔn tɔn hǔn, ma ɖi xɛsi ó; amɔ̌, lɛ̌ vɔ́ ɖɔ xó e a hɛn wá ɔ́ n'i, é ná wlíbo nú we ganjí.”
17Yě cyán sɔ́ja kanwe ko (100), ɖo yě mɛ, bónú yě ná kplá Judíti kpó mɛsɛntɔ́ tɔn kpó. Yě kplá ɛ yi Holofɛ́ni sín goxɔ ɔ́ kɔn. 18Sɔ́ja e ɖo ahwanslǎ ɔ́ mɛ ɔ́ bǐ kplé ɖó é jlá wǐwá tɔn. Yě sín togoo lɛ́ dó e. Judíti nɔ te ɖo Holofɛ́ni sín goxɔ kɔn nú yě ná dó ɖɔ wǐwá tɔn n'i. 19Yě kpa ɖɛkpɛnyínyɔ́ tɔn, bɔ ée yě se ɖɔ Izlayɛ́li ví wɛ é ɔ́ kpácá yě. Yě nɔ́ ɖɔ ɖo yěɖée tɛ́ntin ɖɔ: “Mɛ̌ ká sixú gbɛ́ wǎn nú togun e ɖó nyɔ̌nu lěhunkɔ lɛ́ɛ é. È ma jó Izlayɛ́li ví súnnu ɖokpó dó gbɛ ó. Yě mɛ e ná nɔ gbɛ lɛ́ɛ hɛn ɔ́, yě ná blɛ́ gbɛ ɔ́ bǐ.”
20Mɛ e nɔ cɔ́ Holofɛ́ni lɛ́ɛ kpó ahwangán tɔn lɛ́ɛ kpó tɔ́n, bó wá kplá Judíti byɔ́ Holofɛ́ni sín goxɔ mɛ. 21Holofɛ́ni ɖo gbigbɔjɛ́ wɛ ɖo zan tɔn jí, ɖo amǔdɔ́ e è sɔ́ avɔ vɔvɔ ɖagbe ɖagbe ɖé bló é mɛ. Siká kpó awǐnnya xɔ akwɛ́ amamú lɛ́ɛ kpó, kpódó awǐnnya xɔ akwɛ́ ɖé lɛ́ɛ kpó wɛ è dǒ ɖó acɔ́ nú amǔdɔ́ ɔ́. 22È dǒ wɛn Holofɛ́ni ɖɔ Judíti wá. Ée é se mɔ̌ ɔ́, é sí te wá goxɔ tɔn nu. Mɛsɛntɔ́ tɔn lɛ́ɛ hɛn zogbɛ́n kpatágannɔ bó nɔ́ ɖo zɔnlin zun wɛ ɖo nukɔn tɔn. 23Judíti wá Holofɛ́ni kpó ahwangán tɔn lɛ́ɛ kpó nukɔn. Lě e é nyɔ́ ɖɛkpɛ gbɔn ɔ́ kpácá yě mɛ bǐ. Judíti jɛ kpoli ɖo Holofɛ́ni nukɔn, bó xwe agbɔ̌nnusú do. Lo ɔ́, Holofɛ́ni sín sɔ́ja lɛ́ɛ sɔ́ ɛ sí te.
Currently Selected:
Judíti 10: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 10
10
Judíti yi fí e kɛntɔ́ lɛ́ɛ ɖó gɔnu ɖó é
1Ée Judíti xo ɖɛ kpé, bó ɖɔ xó énɛ́ lɛ́ɛ bǐ nú Mawu Izlayɛ́li tɔn vɔ́ ɔ́, 2é sí te bo ylɔ́ mɛsɛntɔ́ tɔn. Énɛ́ gúdo ɔ́, é jɛ te wá xɔ e mɛ é nɔ́ ɖu gbɔjɛzán lɛ́ɛ kpó xwe lɛ́ɛ kpó ɖe é mɛ. 3É ɖe avɔ gbigbi e é dó ɔ́ kpó asúkúsi sín awu tɔn lɛ́ɛ kpó. É lɛ wǔ, bó sá ami wǎn flíflínɔ. É vún ɖa tɔn bo blá kpó avɔxwɛ ɖé kpó. É dó xwewu tɔn e é nɔ́ dó hwenu e asú tɔn Manasée ɖo gbɛ é. 4É dó afɔkpa tɔn kpódó jɛ̌ tɔn tɛnmɛ tɛnmɛ lɛ́ɛ kpó: wɔlɔ, alɔkɛ́, alɔgan, tógbé. É bló éɖée ɖó, bónú é ná jló súnnu e ná mɔ ɛ lɛ́ɛ. 5É sɔ́ vɛ̌ɛn sín gota ɖokpó nú mɛsɛntɔ́ tɔn, kpó gannú ɖé kpó bɔ ami gɔ́. É sɔ́ ɔ́ji sín linfín ɖó gannú ɖokpó mɛ kpó atínsínsɛ́n xúxú mlímlí kpó klɛ́klɛ́ kpó. É blá ajɔxanú lɛ́ɛ bǐ kpó yɛ̌yi kpó, bó bɛ́ ɖó ta nú mɛsɛntɔ́ tɔn. 6Énɛ́ gúdo ɔ́, yě mɛ we lɛ́ɛ bǐ tɔ́n bó ɖidó Betúli sín hɔn jí. Yě kpé Oziyási kpó tomɛxó we kpó: Cablisi kpó Caami kpó; yě mɛ e nɔ cɔ́ hɔn kpó sɔ́ja lɛ́ɛ kpó ɔ́ wɛ. 7Ée yě mɔ Judíti bɔ nukún mɛ tɔn húzú, bɔ é ɖyɔ́ awu ɔ́, yě kpa ɖɛkpɛnyínyɔ́ tɔn, bó ɖɔ n'i ɖɔ: 8“Mawu tɔ́gbó mǐtɔn lɛ́ɛ tɔn ní kɔn nyɔ̌ná tɔn dó jǐ towe. Ní ná bónú linlin e a ɖǒ nú susu Izlayɛ́li togun ɔ́ é kpó Jeluzalɛ́mu kpó ɔ́ ní nyí wiwa.” 9Judíti ɖe kɔ́ nú Mawu, bó ɖɔ nú súnnu atɔn lɛ́ɛ ɖɔ: “Mi ná gbe nú yě ní hun toxo ɔ́ sín hɔn nú mì. Un ná tɔ́n bó ná yi bló nǔ e mǐ nɔ kpɔ́ bó to ɔ́.” Énɛ́ ɔ́, yě ɖe gbe nú sɔ́ja lɛ́ɛ ɖɔ yě ní hun hɔn ɔ́ lě e é byɔ́ gbɔn é. 10Sɔ́ja lɛ́ɛ se gbe, bɔ Judíti tɔ́n sín toxo ɔ́ mɛ kpó mɛsɛntɔ́ tɔn kpó. To ɔ́ mɛ nu lɛ́ɛ bɔ nukún nyi wǔ tɔn bó ɖo kpínkpɔ́n ɛ wɛ, hwenu e é ɖo te jɛ sín só ɔ́ jí wɛ bó ɖo tɔdo ɔ́ xó zlɛ́ wɛ é káká bɔ nukún wá hwedó jǐ tɔn.
11Judíti kpó mɛsɛntɔ́ tɔn kpó zɔn tlélé gbɔn tɔdo ɔ́ mɛ. Yě kpé Asilíi sín sɔ́ja nukɔntɔn lɛ́ɛ. 12Yě ɖó Judíti te, bó kanbyɔ́ ɛ ɖɔ: “To tɛ́ mɛ nu wɛ nú we? Fítɛ́ a gosín? Fítɛ́ a xwe?” É yí gbe nú yě ɖɔ: “Eblée ví wɛ nú mì. Un hɔn sín yě gɔ́n, ɖó zaanɖé din ɔ́, yě ná jɛ alɔ mitɔn mɛ 13Un jló ná mɔ ahwangán mitɔn Holofɛ́ni, bó ná jlɛ́ ali jɔ ali n'i. Un ná xlɛ́ ali e é ná gbɔn ɖo sókan mɛ, bɔ ahwanfuntɔ́ tɔn ɖokpó lě má ná kú ǎ é.” 14Sɔ́ja lɛ́ɛ ɖo tó ɖó e wɛ, bó ká ɖo nukún tɔn mɛ kpɔ́n wɛ. Yě mɔ ɖɔ é nyɔ́ ɖɛkpɛ ɖésú, bó ɖɔ n'i ɖɔ: 15“Wezun e a dǒ bó jɛ te bléwún wá sɔ́ hwiɖée wá xlɛ́ ahwangán kannɔ mǐtɔn ɔ́ wɛ xɔ gbɛ nú we. Din ɔ́, hun káká yi goxɔ tɔn kɔn. Gbɛ̌ mǐtɔn ɖě lɛ́ɛ ná kplá we káká yi gɔ̌n tɔn. 16A jɛ nukɔn tɔn hǔn, ma ɖi xɛsi ó; amɔ̌, lɛ̌ vɔ́ ɖɔ xó e a hɛn wá ɔ́ n'i, é ná wlíbo nú we ganjí.”
17Yě cyán sɔ́ja kanwe ko (100), ɖo yě mɛ, bónú yě ná kplá Judíti kpó mɛsɛntɔ́ tɔn kpó. Yě kplá ɛ yi Holofɛ́ni sín goxɔ ɔ́ kɔn. 18Sɔ́ja e ɖo ahwanslǎ ɔ́ mɛ ɔ́ bǐ kplé ɖó é jlá wǐwá tɔn. Yě sín togoo lɛ́ dó e. Judíti nɔ te ɖo Holofɛ́ni sín goxɔ kɔn nú yě ná dó ɖɔ wǐwá tɔn n'i. 19Yě kpa ɖɛkpɛnyínyɔ́ tɔn, bɔ ée yě se ɖɔ Izlayɛ́li ví wɛ é ɔ́ kpácá yě. Yě nɔ́ ɖɔ ɖo yěɖée tɛ́ntin ɖɔ: “Mɛ̌ ká sixú gbɛ́ wǎn nú togun e ɖó nyɔ̌nu lěhunkɔ lɛ́ɛ é. È ma jó Izlayɛ́li ví súnnu ɖokpó dó gbɛ ó. Yě mɛ e ná nɔ gbɛ lɛ́ɛ hɛn ɔ́, yě ná blɛ́ gbɛ ɔ́ bǐ.”
20Mɛ e nɔ cɔ́ Holofɛ́ni lɛ́ɛ kpó ahwangán tɔn lɛ́ɛ kpó tɔ́n, bó wá kplá Judíti byɔ́ Holofɛ́ni sín goxɔ mɛ. 21Holofɛ́ni ɖo gbigbɔjɛ́ wɛ ɖo zan tɔn jí, ɖo amǔdɔ́ e è sɔ́ avɔ vɔvɔ ɖagbe ɖagbe ɖé bló é mɛ. Siká kpó awǐnnya xɔ akwɛ́ amamú lɛ́ɛ kpó, kpódó awǐnnya xɔ akwɛ́ ɖé lɛ́ɛ kpó wɛ è dǒ ɖó acɔ́ nú amǔdɔ́ ɔ́. 22È dǒ wɛn Holofɛ́ni ɖɔ Judíti wá. Ée é se mɔ̌ ɔ́, é sí te wá goxɔ tɔn nu. Mɛsɛntɔ́ tɔn lɛ́ɛ hɛn zogbɛ́n kpatágannɔ bó nɔ́ ɖo zɔnlin zun wɛ ɖo nukɔn tɔn. 23Judíti wá Holofɛ́ni kpó ahwangán tɔn lɛ́ɛ kpó nukɔn. Lě e é nyɔ́ ɖɛkpɛ gbɔn ɔ́ kpácá yě mɛ bǐ. Judíti jɛ kpoli ɖo Holofɛ́ni nukɔn, bó xwe agbɔ̌nnusú do. Lo ɔ́, Holofɛ́ni sín sɔ́ja lɛ́ɛ sɔ́ ɛ sí te.
La Bible en langue fon © Alliance Biblique du Bénin, 2012.