Judíti 8
8
È ɖe Judíti xlɛ́
1Judíti se nǔ e jɛ lé. É wɛ vǐ nyɔ̌nu Mɛlali tɔn, bɔ Mɛlali ka nyí vǐ súnnu Osi tɔn; Osi wɛ nyí vǐ súnnu Jozɛ́fu tɔn. Jozɛ́fu wɛ nyí vǐ súnnu Uziyɛ́li tɔn; Uziyɛ́li wɛ nyí vǐ súnnu Ilukya tɔn. Ilukya wɛ nyí vǐ súnnu Ananiyasi tɔn, Ananiyasi wɛ nyí vǐ súnnu Jedenyɔ́ɔ tɔn; Jedenyɔ́ɔ wɛ nyí vǐ súnnu Hlafayi tɔn; Hlafayi wɛ nyí vǐ súnnu Akitobi tɔn; Akitobi wɛ nyí vǐ súnnu Elíi tɔn; Elíi wɛ nyí vǐ súnnu Ilukya tɔn; Ilukya wɛ nyí vǐ súnnu Eliabu tɔn. Eliabu wɛ nyí vǐ súnnu Natanayɛ́li tɔn; Natanayɛ́li wɛ nyí vǐ súnnu Salamiyɛ́li tɔn; Salamiyɛ́li wɛ nyí vǐ súnnu Salasadayi tɔn. Salasadayi wɛ nyí vǐ súnnu Jakɔ́bu tɔn. 2Judíti ko nyí Manasée sín asi ɖ'ayǐ; é kpó é kpó bǐ gosín akɔta ɖokpó ɔ́ mɛ. Manasée kú hwenu e è ɖo jinukún ya dó wɛ ɔ́. 3É wɛ nɔ́ cɔ́ yě mɛ e nɔ blá jinukún ɖo gle mɛ lɛ́ɛ ɔ́. Hwesivɔ́ gáɖágáɖá ɖé wɛ hun bó mu i, bɔ é kú ɖ'é nu, ɖo Betúli, toxo tɔn mɛ. É sɔ́ ɛ ɖi dó tɔ́gbó tɔn lɛ́ɛ kpá, ɖo gle e ɖo Dotáni kpó Balamɔ́ɔ kpó tɛ́ntin é mɛ.
4Sín xwe atɔn, sun ɛnɛ ɖíe wɛ Judíti ko ɖo asúkúkúxɔmɛ, ɖo xwé tɔn gbe. 5 É gbá goxɔ ɖé nyi xwé tɔn sín agba jí. É nɔ́ dó awu ɖé ján nyi lutuvɔ tɔn lɛ́ɛ glɔ́. 6Sín hwenu e asú tɔn kú ɔ́, é nɔ́ blá nu ayǐhɔ́ngbe ayǐhɔ́ngbe, gbɔjɛzán kpo sɔ, gbɔjɛzán gbe, sun yɔ̌yɔ́ jɛ́n ma ɖ'é mɛ ǎ. É nɔ́ lɛ́ blá nu xwezán gbe lɛ́ɛ, kpó awǎjijɛzán gbe Izlayɛ́li tɔn lɛ́ɛ kpó ǎ. 7Judíti nyɔ́ ɖɛkpɛ tawun. Asú tɔn Manasée ɔ́ zé siká, kpatágan, mɛsɛntɔ́ súnnu, mɛsɛntɔ́ nyɔ̌nu, kanlin kpó gle kpó ɖ'ayǐ n'i. É nɔ́ kpé nukún dɔkun énɛ́ lɛ́ɛ bǐ wú. 8Mɛ ɖé sixú ɖɔ xó tɔn nyanya ǎ, ɖó é nɔ́ sí Mawu ɖésú.
9Judíti se ɖɔ sin kún sɔ́ ɖe ó. Awakanmɛ kú mɛ bǐ, bɔ mɛ bǐ nɔ́ ɖɔ toxɔ́sú ɔ́ sín nǔ. Judíti lɛ́ se nǔ e Oziyási ɖɔ lɛ́ɛ bǐ, bó xwlé ɖɔ émí ná jó Betúli to ɔ́ nú Asilíinu lɛ́ɛ azǎn atɔn gbe. 10Judíti sɛ́ mɛsɛntɔ́ tɔn nyɔ̌nu e nɔ́ kpé nukún dó dɔkun tɔn lɛ́ɛ wú ɔ́ sɛ́ dó Oziyási, Lablisi kpó Calumu kpó nú yě ní wá émí gɔ́n.
11Ée tomɛxó lɛ́ɛ wá Judíti gɔ́n ɔ́, é ɖɔ nú yě ɖɔ: “Mi ɖótó mi Betúli xɔ́sú e mi; nǔ e mi ɖɔ nú togun ɔ́ sɔgbe ǎ; mi ɖɔ bo zin alɔ dó akɔ́n, káká bó dɔn Mawu d'é mɛ, bó ná jó toxo ɔ́ nú kɛntɔ́ mitɔn lɛ́ɛ nú é má hwlɛ́n mi gán cóbónú azǎn atɔ́ɔ́n gbe su ǎ ɔ́ nɛ́. 12 Mɛ nǎhún mi nyí bó ná ba xó Mawu azǎn élɔ́ gbe, bó ná hwlɛ́n tɛnmɛ xá ɛ ɖo gbɛtɔ́ sín nǔwiwa lɛ́ɛ mɛ? 13Mi jló ná tunwun nǔ e Aklúnɔ Nǔbǐwúkpétɔ́ ɔ́ ná bló ɔ́, lo ɔ́, mi sixú mɔ nukúnnú jɛ linlin tɔn lɛ́ɛ wú ǎ. 14 Mi sixú mɔ nukúnnú jɛ nǔ e ɖo xomɛ nú gbɛtɔ́ é wú káká bó ná mɔ nǔ jɛ nǔ e é nɔ́ lin lɛ́ɛ wú ǎ. Bɔ nɛ̌ mi ka ná mɔ nukúnnú jɛ Mawu e bló nǔ e mɔ wɛ mi ɖe é bǐ e wú gbɔn? Mi sixú mɔ nukúnnú jɛ nǔ e ɖo xo tɔn mɛ ɔ́, abǐ linlin tɔn wú a? Nɔví ce lɛ́ɛ mi, mi ma fɔ́n Aklúnɔ Mawu mitɔn sín adǎn dó jǐ ó. 15Nú é má wá dó alɔ mi káká jɛ azǎn tɔn gbe ǎ ɔ́, é hɛn ɔ́, é ná hwlɛ́n mi gán hwenu e é jló e ɔ́, abǐ é hɛn ɔ́, é ná jó mi dó bɔ mi ná kú ɖo kɛntɔ́ mitɔn lɛ́ɛ nukɔn. 16Mi ma ɖɔ dandan nú linlin Aklúnɔ Mawu mitɔn lɛ́ɛ tɔn ó; Mawu cí gbɛtɔ́ ɖɔhun ǎ; è sixú zɔn jǐ tɔn ɖɔ é ná bló nǔ dandan ǎ. 17Mi nú mǐ ná xwesɔ bo lɛ́ sa vo n'i, é ná ɖótó mi nú é jló e ɔ́. 18Mi kpɔ́n kúnkan xóxó lɛ́ɛ káká jɛ din; hɛ̌nnu mitɔn ɖé, akɔta mitɔn ɖé, abǐ togun mitɔn ɖé sɛn nǔmɛsɛn e gbɛtɔ́ sɔ́ alɔ dó bló ná lɛ́ɛ ɖě, lě e é jɛ gbɔn ɖ'ayǐ ǎ. 19É wɛ zɔ́n bɔ ahwan gba tɔ́gbó mitɔn lɛ́ɛ, bɔ kɛntɔ́ ɖu ɖo yě jí bó vívá yě. 20Lo ɔ́, mi sɔ́ tunwun Mawu ɖé zɛ Aklúnɔ wú ǎ. É wɛ zɔ́n bɔ mi ɖeji ɖɔ é kún ná ɖe kɔ sín mi kpó kúnkan mitɔn kpó wú ó. 21Nú toxo mitɔn j'ayǐ ɔ́, Judée to ɔ́ bǐ wɛ j'ayǐ; yě ná gba Sinsɛnxɔ ɔ́ bó ɖu su ná; Mawu ka ná dɔn tó tɔn nú mǐ. 22Nú to mitɔn mɛ nu lɛ́ɛ ná gán, nú yě má ná yi kannumɔgbénu ǎ ɔ́, nú to mǐtɔn ná nɔ te ɔ́, Mawu sɔ́ dó alɔ mitɔn mɛ. Mi ná nyí kannumɔ nú to ɖěvo mɛ nu lɛ́ɛ. Gǎn mitɔn yɔ̌yɔ́ lɛ́ɛ ná ɖe do nú mi bo zun mi. 23Kannumɔ nyínyí mitɔn ná blá wǔ nú mɛɖé ǎ. É nyɔ́ wa ɔ́, Aklúnɔ ná sɔ́ mi dó bló winnyánú ná. 24Nǔ nyí mɔ̌ hǔn, mi bo ɖe xlɛ́ mɛ mitɔn lɛ́ɛ ɖɔ gbɛ yětɔn ɖo alɔ mitɔn mɛ. Tɛn mímɛ́ ɔ́, Sinsɛnxɔ ɔ́ kpó vɔ̌sákpe ɔ́ kpó ná nɔ te ɔ́, é ɖo alɔ mǐtɔn mɛ. 25Mi nú mǐ ná dó kú nú Aklúnɔ Mawu mǐtɔn ée dó mǐ tɔ bó ná kpɔ́n nǔ e wa nú mǐ nyǐ é, lě e é bló gbɔn nú tɔ́gbó mitɔn lɛ́ɛ ɔ́. 26 Mi flín lě e é bló gbɔn xá Ablaxámu é kpó lě e é dó Izáki tɔ gbɔn é kpó. Mi flín nǔ e kpé Jakɔ́bu ɖo Mɛzopotamíi hwenu e é nɔ́ kpé nukún do nylɔ tɔn Labáan sín gbɔ̌ lɛ́ɛ wú é. 27É dó ya nú yě, bó kpɔ́n nǔ e ɖo xo yětɔn mɛ é; lo ɔ́, é bló gbɔn mɔ̌ xá mi ǎ; é dɔn tó nú mi ǎ. Aklúnɔ nɔ́ dɔn tó nú mɛ e nɔ sɛ yá ɛ lɛ́ɛ nú ayi yětɔn ná ɖo te.”
28Oziyási yí gbe nú Judíti ɖɔ: “Nǔ e a ɖɔ ɔ́ bǐ wɛ sɔ gbe, bɔ mɛɖé sixú hɔn nyi gbě ǎ. 29Gbɛtɔ́ e ɖó sɛ́núnywɛ́ é wɛ a nyǐ tɛgbɛ. Sín ɖyɔ̌vǐ mɛ wɛ togun lɛ́ɛ bǐ mɔ nukúnnú jɛ nǔnywɛ́ towe wú, bó tunwun ɖɔ ayi towe xɔ akwɛ́. 30Lo ɔ́, sinnugblá wɛ sin togun ɔ́ ɖésú, bɔ yě dó cɔcɔ nú mi, bɔ mǐ dó akpá e mǐ dó é. Din ɔ́, mǐ ɖó ná ɖe dandan. 31Hwɛ ɔ́, nyɔ̌nu e a nyi ɔ́ nɔ́ nɔ gbejí nú Mawu, bó sa vo nú Mawu dó ta mǐtɔn mɛ nú jǐ ní ja, énɛ́ ɔ́, dotɔ mǐtɔn lɛ́ɛ ná gɔ́, bɔ kɔxúmɛ sɔ́ ná dó ya nú mǐ ǎ.”
32Judíti yí gbe nú yě ɖɔ: “Mi ɖótó mì: un ná bló nǔɖé; jijimɛ e ná se ɔ́ ná vɔ́ ɖɔ nú jijimɛ ɖě ɔ́ ayǐhɔ́ngbe ayǐhɔ́ngbe. 33Zǎn élɔ́ mɛ ɔ́, mi ná nɔ tohɔn ɔ́ li nu, bɔ nyɛ kpó mɛsɛntɔ́ ce nyɔ̌nu ɔ́ kpó ná tɔ́n. Aklúnɔ ná sɔ́ mì dó bló alǐnnyánú e ná hwlɛ́n togun tɔn gán cóbónú hwenu e mi ná jó toxo ɔ́ nú kɛntɔ́ lɛ́ɛ dó ɔ́ ná su. 34Lo ɔ́, mi ma ba do nú nǔ e bló gbé un ja ɔ́ ó; mi ná mɔ nukúnnú jɛ wú có é ná jɛ ǎ.” 35Oziyási kpó gǎn ɖé lɛ́ɛ kpó ɖɔ n'i ɖɔ: “Yi dó fífá jí; Aklúnɔ ní bó nɔ xá we nú a nǎ ba hlɔn ɖo kɛntɔ́ mǐtɔn lɛ́ɛ jí.”
36Yě gosín Judíti sín goxɔ mɛ bó yi tɛn yětɔn lɛ́ɛ mɛ.
Currently Selected:
Judíti 8: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 8
8
È ɖe Judíti xlɛ́
1Judíti se nǔ e jɛ lé. É wɛ vǐ nyɔ̌nu Mɛlali tɔn, bɔ Mɛlali ka nyí vǐ súnnu Osi tɔn; Osi wɛ nyí vǐ súnnu Jozɛ́fu tɔn. Jozɛ́fu wɛ nyí vǐ súnnu Uziyɛ́li tɔn; Uziyɛ́li wɛ nyí vǐ súnnu Ilukya tɔn. Ilukya wɛ nyí vǐ súnnu Ananiyasi tɔn, Ananiyasi wɛ nyí vǐ súnnu Jedenyɔ́ɔ tɔn; Jedenyɔ́ɔ wɛ nyí vǐ súnnu Hlafayi tɔn; Hlafayi wɛ nyí vǐ súnnu Akitobi tɔn; Akitobi wɛ nyí vǐ súnnu Elíi tɔn; Elíi wɛ nyí vǐ súnnu Ilukya tɔn; Ilukya wɛ nyí vǐ súnnu Eliabu tɔn. Eliabu wɛ nyí vǐ súnnu Natanayɛ́li tɔn; Natanayɛ́li wɛ nyí vǐ súnnu Salamiyɛ́li tɔn; Salamiyɛ́li wɛ nyí vǐ súnnu Salasadayi tɔn. Salasadayi wɛ nyí vǐ súnnu Jakɔ́bu tɔn. 2Judíti ko nyí Manasée sín asi ɖ'ayǐ; é kpó é kpó bǐ gosín akɔta ɖokpó ɔ́ mɛ. Manasée kú hwenu e è ɖo jinukún ya dó wɛ ɔ́. 3É wɛ nɔ́ cɔ́ yě mɛ e nɔ blá jinukún ɖo gle mɛ lɛ́ɛ ɔ́. Hwesivɔ́ gáɖágáɖá ɖé wɛ hun bó mu i, bɔ é kú ɖ'é nu, ɖo Betúli, toxo tɔn mɛ. É sɔ́ ɛ ɖi dó tɔ́gbó tɔn lɛ́ɛ kpá, ɖo gle e ɖo Dotáni kpó Balamɔ́ɔ kpó tɛ́ntin é mɛ.
4Sín xwe atɔn, sun ɛnɛ ɖíe wɛ Judíti ko ɖo asúkúkúxɔmɛ, ɖo xwé tɔn gbe. 5 É gbá goxɔ ɖé nyi xwé tɔn sín agba jí. É nɔ́ dó awu ɖé ján nyi lutuvɔ tɔn lɛ́ɛ glɔ́. 6Sín hwenu e asú tɔn kú ɔ́, é nɔ́ blá nu ayǐhɔ́ngbe ayǐhɔ́ngbe, gbɔjɛzán kpo sɔ, gbɔjɛzán gbe, sun yɔ̌yɔ́ jɛ́n ma ɖ'é mɛ ǎ. É nɔ́ lɛ́ blá nu xwezán gbe lɛ́ɛ, kpó awǎjijɛzán gbe Izlayɛ́li tɔn lɛ́ɛ kpó ǎ. 7Judíti nyɔ́ ɖɛkpɛ tawun. Asú tɔn Manasée ɔ́ zé siká, kpatágan, mɛsɛntɔ́ súnnu, mɛsɛntɔ́ nyɔ̌nu, kanlin kpó gle kpó ɖ'ayǐ n'i. É nɔ́ kpé nukún dɔkun énɛ́ lɛ́ɛ bǐ wú. 8Mɛ ɖé sixú ɖɔ xó tɔn nyanya ǎ, ɖó é nɔ́ sí Mawu ɖésú.
9Judíti se ɖɔ sin kún sɔ́ ɖe ó. Awakanmɛ kú mɛ bǐ, bɔ mɛ bǐ nɔ́ ɖɔ toxɔ́sú ɔ́ sín nǔ. Judíti lɛ́ se nǔ e Oziyási ɖɔ lɛ́ɛ bǐ, bó xwlé ɖɔ émí ná jó Betúli to ɔ́ nú Asilíinu lɛ́ɛ azǎn atɔn gbe. 10Judíti sɛ́ mɛsɛntɔ́ tɔn nyɔ̌nu e nɔ́ kpé nukún dó dɔkun tɔn lɛ́ɛ wú ɔ́ sɛ́ dó Oziyási, Lablisi kpó Calumu kpó nú yě ní wá émí gɔ́n.
11Ée tomɛxó lɛ́ɛ wá Judíti gɔ́n ɔ́, é ɖɔ nú yě ɖɔ: “Mi ɖótó mi Betúli xɔ́sú e mi; nǔ e mi ɖɔ nú togun ɔ́ sɔgbe ǎ; mi ɖɔ bo zin alɔ dó akɔ́n, káká bó dɔn Mawu d'é mɛ, bó ná jó toxo ɔ́ nú kɛntɔ́ mitɔn lɛ́ɛ nú é má hwlɛ́n mi gán cóbónú azǎn atɔ́ɔ́n gbe su ǎ ɔ́ nɛ́. 12 Mɛ nǎhún mi nyí bó ná ba xó Mawu azǎn élɔ́ gbe, bó ná hwlɛ́n tɛnmɛ xá ɛ ɖo gbɛtɔ́ sín nǔwiwa lɛ́ɛ mɛ? 13Mi jló ná tunwun nǔ e Aklúnɔ Nǔbǐwúkpétɔ́ ɔ́ ná bló ɔ́, lo ɔ́, mi sixú mɔ nukúnnú jɛ linlin tɔn lɛ́ɛ wú ǎ. 14 Mi sixú mɔ nukúnnú jɛ nǔ e ɖo xomɛ nú gbɛtɔ́ é wú káká bó ná mɔ nǔ jɛ nǔ e é nɔ́ lin lɛ́ɛ wú ǎ. Bɔ nɛ̌ mi ka ná mɔ nukúnnú jɛ Mawu e bló nǔ e mɔ wɛ mi ɖe é bǐ e wú gbɔn? Mi sixú mɔ nukúnnú jɛ nǔ e ɖo xo tɔn mɛ ɔ́, abǐ linlin tɔn wú a? Nɔví ce lɛ́ɛ mi, mi ma fɔ́n Aklúnɔ Mawu mitɔn sín adǎn dó jǐ ó. 15Nú é má wá dó alɔ mi káká jɛ azǎn tɔn gbe ǎ ɔ́, é hɛn ɔ́, é ná hwlɛ́n mi gán hwenu e é jló e ɔ́, abǐ é hɛn ɔ́, é ná jó mi dó bɔ mi ná kú ɖo kɛntɔ́ mitɔn lɛ́ɛ nukɔn. 16Mi ma ɖɔ dandan nú linlin Aklúnɔ Mawu mitɔn lɛ́ɛ tɔn ó; Mawu cí gbɛtɔ́ ɖɔhun ǎ; è sixú zɔn jǐ tɔn ɖɔ é ná bló nǔ dandan ǎ. 17Mi nú mǐ ná xwesɔ bo lɛ́ sa vo n'i, é ná ɖótó mi nú é jló e ɔ́. 18Mi kpɔ́n kúnkan xóxó lɛ́ɛ káká jɛ din; hɛ̌nnu mitɔn ɖé, akɔta mitɔn ɖé, abǐ togun mitɔn ɖé sɛn nǔmɛsɛn e gbɛtɔ́ sɔ́ alɔ dó bló ná lɛ́ɛ ɖě, lě e é jɛ gbɔn ɖ'ayǐ ǎ. 19É wɛ zɔ́n bɔ ahwan gba tɔ́gbó mitɔn lɛ́ɛ, bɔ kɛntɔ́ ɖu ɖo yě jí bó vívá yě. 20Lo ɔ́, mi sɔ́ tunwun Mawu ɖé zɛ Aklúnɔ wú ǎ. É wɛ zɔ́n bɔ mi ɖeji ɖɔ é kún ná ɖe kɔ sín mi kpó kúnkan mitɔn kpó wú ó. 21Nú toxo mitɔn j'ayǐ ɔ́, Judée to ɔ́ bǐ wɛ j'ayǐ; yě ná gba Sinsɛnxɔ ɔ́ bó ɖu su ná; Mawu ka ná dɔn tó tɔn nú mǐ. 22Nú to mitɔn mɛ nu lɛ́ɛ ná gán, nú yě má ná yi kannumɔgbénu ǎ ɔ́, nú to mǐtɔn ná nɔ te ɔ́, Mawu sɔ́ dó alɔ mitɔn mɛ. Mi ná nyí kannumɔ nú to ɖěvo mɛ nu lɛ́ɛ. Gǎn mitɔn yɔ̌yɔ́ lɛ́ɛ ná ɖe do nú mi bo zun mi. 23Kannumɔ nyínyí mitɔn ná blá wǔ nú mɛɖé ǎ. É nyɔ́ wa ɔ́, Aklúnɔ ná sɔ́ mi dó bló winnyánú ná. 24Nǔ nyí mɔ̌ hǔn, mi bo ɖe xlɛ́ mɛ mitɔn lɛ́ɛ ɖɔ gbɛ yětɔn ɖo alɔ mitɔn mɛ. Tɛn mímɛ́ ɔ́, Sinsɛnxɔ ɔ́ kpó vɔ̌sákpe ɔ́ kpó ná nɔ te ɔ́, é ɖo alɔ mǐtɔn mɛ. 25Mi nú mǐ ná dó kú nú Aklúnɔ Mawu mǐtɔn ée dó mǐ tɔ bó ná kpɔ́n nǔ e wa nú mǐ nyǐ é, lě e é bló gbɔn nú tɔ́gbó mitɔn lɛ́ɛ ɔ́. 26 Mi flín lě e é bló gbɔn xá Ablaxámu é kpó lě e é dó Izáki tɔ gbɔn é kpó. Mi flín nǔ e kpé Jakɔ́bu ɖo Mɛzopotamíi hwenu e é nɔ́ kpé nukún do nylɔ tɔn Labáan sín gbɔ̌ lɛ́ɛ wú é. 27É dó ya nú yě, bó kpɔ́n nǔ e ɖo xo yětɔn mɛ é; lo ɔ́, é bló gbɔn mɔ̌ xá mi ǎ; é dɔn tó nú mi ǎ. Aklúnɔ nɔ́ dɔn tó nú mɛ e nɔ sɛ yá ɛ lɛ́ɛ nú ayi yětɔn ná ɖo te.”
28Oziyási yí gbe nú Judíti ɖɔ: “Nǔ e a ɖɔ ɔ́ bǐ wɛ sɔ gbe, bɔ mɛɖé sixú hɔn nyi gbě ǎ. 29Gbɛtɔ́ e ɖó sɛ́núnywɛ́ é wɛ a nyǐ tɛgbɛ. Sín ɖyɔ̌vǐ mɛ wɛ togun lɛ́ɛ bǐ mɔ nukúnnú jɛ nǔnywɛ́ towe wú, bó tunwun ɖɔ ayi towe xɔ akwɛ́. 30Lo ɔ́, sinnugblá wɛ sin togun ɔ́ ɖésú, bɔ yě dó cɔcɔ nú mi, bɔ mǐ dó akpá e mǐ dó é. Din ɔ́, mǐ ɖó ná ɖe dandan. 31Hwɛ ɔ́, nyɔ̌nu e a nyi ɔ́ nɔ́ nɔ gbejí nú Mawu, bó sa vo nú Mawu dó ta mǐtɔn mɛ nú jǐ ní ja, énɛ́ ɔ́, dotɔ mǐtɔn lɛ́ɛ ná gɔ́, bɔ kɔxúmɛ sɔ́ ná dó ya nú mǐ ǎ.”
32Judíti yí gbe nú yě ɖɔ: “Mi ɖótó mì: un ná bló nǔɖé; jijimɛ e ná se ɔ́ ná vɔ́ ɖɔ nú jijimɛ ɖě ɔ́ ayǐhɔ́ngbe ayǐhɔ́ngbe. 33Zǎn élɔ́ mɛ ɔ́, mi ná nɔ tohɔn ɔ́ li nu, bɔ nyɛ kpó mɛsɛntɔ́ ce nyɔ̌nu ɔ́ kpó ná tɔ́n. Aklúnɔ ná sɔ́ mì dó bló alǐnnyánú e ná hwlɛ́n togun tɔn gán cóbónú hwenu e mi ná jó toxo ɔ́ nú kɛntɔ́ lɛ́ɛ dó ɔ́ ná su. 34Lo ɔ́, mi ma ba do nú nǔ e bló gbé un ja ɔ́ ó; mi ná mɔ nukúnnú jɛ wú có é ná jɛ ǎ.” 35Oziyási kpó gǎn ɖé lɛ́ɛ kpó ɖɔ n'i ɖɔ: “Yi dó fífá jí; Aklúnɔ ní bó nɔ xá we nú a nǎ ba hlɔn ɖo kɛntɔ́ mǐtɔn lɛ́ɛ jí.”
36Yě gosín Judíti sín goxɔ mɛ bó yi tɛn yětɔn lɛ́ɛ mɛ.
La Bible en langue fon © Alliance Biblique du Bénin, 2012.