Judíti 7
7
1Azǎn e jɛ fínɛ́ ɔ́, Holofɛ́ni ɖe gbe nú ahwan tɔn lɛ́ɛ kpó mɛ e wá dó alɔ ɛ lɛ́ɛ kpán ɖɔ: “Mi gba Betúli, mi ján ali e yi sókan mɛ lɛ́ɛ, bó tɔ́n ahwan Izlayɛ́li ví lɛ́ɛ.” 2Gbɛtɔ́ ahwan-yitɔ́ lɛ́ɛ bǐ jɛ ali. Sɔ́ja afɔzɔntɔ́ děgba ɛnɛ afatɔ́n (170.000), sɔ́xátɔ́ děgba atɔn (12.000) wɛ ɖo ahwan mɛ, è ka xa gbɛtɔ́ e zɔn afɔ bo hɛn agban lɛ́ɛ ǎ. Gbɛtɔ́ wɔ̌buwɔ́bú ɖé lɛ́ɛ wɛ. 3Yě jɛ gbětótló e ɖo Betúli ɔ́ mɛ, ɖo tɔjɔtɛn ɔ́ kpá. Yě gba kpé Dotáni sín xá ɔ́ bǐ mɛ, káká yi jɛ Belibayímu ɖo akpá ɖé xwé kpó Betúli wá yi Kiyamɔ ɖo Izlayɛ́li nukɔn; ɖo akpá ɖě ɔ́ xwé. 4Ée Izlayɛ́li ví lɛ́ɛ mɔ ahwan wɔ̌buwɔ́bú nɛ́ ɔ́, xɛsi jɛ yě jí; bɔ yě nɔ́ ɖɔ ɖo yěɖée tɛ́ntin ɖɔ: “Mɛ énɛ́ lɛ́ɛ ná vɔ to ɔ́ bǐ. Só ɖaxó ɖaxó lɛ́ɛ, dodo lɛ́ɛ kpó só kléwún kléwún lɛ́ɛ bǐ kpó wɛ yě ná gba.”
5 Mɛ ɖokpó ɖokpó ba ahwanfunnú tɔn mɔ; yě tá myɔ dó agbǒ lɛ́ɛ jí, bó nɔ́ cɔ́ zǎn. 6Azǎn e jɛ fínɛ́ é gúdo ɔ́, Holofɛ́ni ɖe sɔ́xátɔ́ tɔn lɛ́ɛ bǐ tɔ́n ɖo Izlayɛ́li ví lɛ́ɛ nukɔn ɖo Betúli. 7É kpɔ́n ali e yi toxo mɛ lɛ́ɛ é tlítlí; é yi kpɔ́n dotɔ lɛ́ɛ bó klá jɛ yě nu. É zɔ́n ɖɔ è cɔ́ yě, bó lɛ́ kɔ wá yi ahwan tɔn lɛ́ɛ gɔ́n. 8Énɛ́ lo ɔ́, Edɔ́mu xɔ́sú lɛ́ɛ bǐ, nukɔntɔ́ Mɔwabu tɔn lɛ́ɛ kpódó ahwankannumɔ e ɖo Mɛditɛlanɛ́ɛ xu ɔ́ tó lɛ́ɛ bǐ kpó sɛ yá ɛ, bó ɖɔ n'i ɖɔ: 9“Mɛ̌si, nú a ɖǒtó mì ɔ́, mɛ ɖokpó lě ná j'ayǐ ɖo ahwan towe mɛ ǎ. 10Izlayɛ́li ví lɛ́ɛ ɖeji dó ahwanfunnú yětɔn wú ǎ; lo ɔ́, fí e yě ɖe ɖo aga sókan mɛ é wɛ ɖo tasyɛ́n ná yě wɛ; lo ɔ́, é bɔwǔ nú è nǎ yi aga dɔ̌n ǎ. 11Mɛ̌si, ma fun ahwan xá yě ó; énɛ́ ɔ́, mɛ towe ɖé ná kú ǎ. 12Nɔ ahwanslǎ towe mɛ, hwɛ kpó mɛ towe lɛ́ɛ kpó. Jǒ mɛsɛntɔ́ towe lɛ́ɛ dó, yě nyi ahwan jɛ tɔjɔtɛn e nɔ sa ɖo só ɔ́ sín dodo lɛ́ɛ. 13Nǔgbó ɔ́, fínɛ́ wɛ Betulinu lɛ́ɛ nɔ́ wá dun sin ɖe. Nú yě ba sin kpo ɔ́, yě bǐ ná kú sin kú, bó ná gbɔ bó jó toxo yětɔn dó. Midɛɛ lɛ́ɛ ɔ́, mi ná xá aga ɖo akpá akpá mi kpó ahwan mitɔn kpó. Mi ná ɖe mɛcɔ́tɔ́ ɖó fínɛ́, bɔ mɛ ɖěbǔ ná sixú tɔ́n sín toxo ɔ́ mɛ ǎ. 14Adɔ ná hu to ɔ́ mɛ nu lɛ́ɛ bǐ, yě kpó asi yětɔn kpó vǐ yětɔn lɛ́ɛ kpó. Cóbónú mi ná gba yě ɔ́, cyɔ yětɔn lɛ́ɛ ná kó tɛ́ kpaɖaɖa ɖo alitó alitó. 15Yě fɔ́n gǔ, bó gbɛ́ kpléɖɔ e nɔ gbɔ ahwan xó é. Énɛ́ wú ɔ́, dɔn tó nú yě ɖésú.”
16Holofɛ́ni kpódó Gǎn hɔn-yitɔ́ tɔn lɛ́ɛ kpó se xó yětɔn, bó zɔ́n ɖɔ yě ní bló d'é jí. 17Ahwan Amumɔ́ɔnu lɛ́ɛ tɔn kpó Asilíinu tɔn kpó děgba ɖě afatɔ́n (5.000) wá jɛ agban dó tɔdo ɔ́ mɛ. Yě nyi alɔ dó Izlayɛ́li ví lɛ́ɛ sín dotɔ kpódó tɔjɔtɛn lɛ́ɛ kpó. 18Edɔ́munu lɛ́ɛ kpó Amumɔ́ɔnu lɛ́ɛ kpó wá jɛ ahwanslǎ mɛ ɖo Dotáni sín nukɔn, bɔ yě ɖe mɛ hǎbǔ yi tofɔligbé kpódó zǎnzǎnhwe jí ɖo Eglebɛ́ti nukɔn, ɖo Kusi kpá, ɖo Mɔcimu sín tɔsisa kpá. Asilíinu lɛ́ɛ sín ahwan e kpo ɔ́ jɛ ahwanslǎ mɛ ɖo gbětótló mɛ, bó gɔ́ fínɛ́ bǐ. Goxɔ yětɔn lɛ́ɛ kpó agban yětɔn lɛ́ɛ kpó sukpɔ́ taala. 19Izlayɛ́li ví lɛ́ɛ sú xó ylɔ́ Aklúnɔ ɖó awakanmɛ kú yě. Kɛntɔ́ yětɔn lɛ́ɛ ján yě bɔ yě sixú hɔn ɖ'é nu ǎ. 20Asilíinu lɛ́ɛ sín ahwan bǐ, sɔ́ja lɛ́ɛ, ahwankɛkɛ́ lɛ́ɛ kpó sɔ́xátɔ́ lɛ́ɛ kpó ján Izlayɛ́li ví lɛ́ɛ xɔ azǎn gban-nukún-ɛnɛ (34).
21Sin vɔ ɖo sindo lɛ́ɛ mɛ; mɛɖé sɔ́ nɔ́ nu sin lě e é jló gbɔn ɔ́ ǎ, lo ɔ́, sin ɔ́, è nɔ jlɛ́ wɛ. 22Yɔkpɔ́vú lɛ́ɛ vɔ bǐ, nyɔ̌nu lɛ́ɛ, dɔ̌nkpɛvú kpó ɖyɔ̌vǐ lɛ́ɛ kpó bǐ gbɔ́jɔ́ kan, ɖó kɔ xú yě dín. Yě bǐ nɔ́ j'ayǐ ɖo alikpá, ɖo tohɔn lɛ́ɛ li nu. 23Togun ɔ́ bǐ kplé, súnnu kpó nyɔ̌nu kpó, yɔkpɔ́vú kpó mɛxó kpó, bó sɛ yá Oziyási kpó tomɛxó lɛ́ɛ kpó. Yě nɔ́ sú xó tlílí bó nɔ́ ɖɔ ɖo tomɛxó lɛ́ɛ nukɔn ɖɔ: 24“Aklúnɔ ní bó gbo hwɛ nú mi kpó mǐ kpó. Éhɔ́nmɛ ɔ́, mi dɔn mǐ dó gɛdɛ mɛ ɖo Asilíinu lɛ́ɛ gɔ́n. 25Bɔ din ɔ́, mɛɖé sixú wá dó alɔ mǐ ǎ. Mawu jó mǐ nú yě. Sinnugblá ná hu mǐ bǐ, bɔ mǐ ná kú dó ya mɛ, ɖo nukɔn yětɔn. 26Mi gbɔ bo ylɔ́ Holofɛ́ni sín mɛ lɛ́ɛ kpó ahwangɔnu tɔn kpán ní xá toxo ɔ́. 27Nǔgbó wɛ, mǐ gbɔ bo jɛ alɔ yětɔn mɛ ɔ́, é nyɔ́ hú. Mǐ ná nyí kannumɔ yětɔn, lo ɔ́, mǐ ná nɔ gbɛ bɔ mi sɔ́ ná mɔ vǐ mǐtɔn kpó asi mǐtɔn lɛ́ɛ kpó bɔ yě ná kú ɖo nukɔn mitɔn ǎ. 28Kɛnklɛ́n wɛ mǐ dó nú mi, mǐ sɔ́ Mawu tɔ́gbó mǐtɔn lɛ́ɛ tɔn dó afɔ nú mi; é wɛ ɖo tó dɔn nú mǐ wɛ ɖó hwɛ e mǐ kpó tɔ́gbó mǐtɔn lɛ́ɛ kpó hu ɔ́ wú: mi bló nú awě e ɖo mǐ xo wɛ ɔ́ ní jɛ zɔ nú mǐ.”
29Yě bǐ jɛ azɔn wɛn jí zɛ̌ɛ́n ɖo agun ɔ́ mɛ. Yě bǐ jɛ xó sú ylɔ́ Aklúnɔ jí. 30Bɔ Oziyási ɖɔ nú yě ɖɔ: “Nɔví súnnu nɔví nyɔ̌nu, mi kpan akɔ́n! Mi nú mǐ ná glá káká jɛ azǎn atɔn gbe. Aklúnɔ Mawu mǐtɔn ɔ́ ná kú nǔbláwǔ mǐtɔn; é sixú jó mǐ dó bǐ yi fó ǎ. 31Nú azǎn atɔn lɛ́ɛ dín wá yi nú mǐ ma mɔ alɔdó ɖěbǔ ǎ ɔ́, un ná bló nǔ e mi ɖɔ ɔ́.”
32Énɛ́ ɔ́ gúdo ɔ́, súnnu lɛ́ɛ bǐ yi tɛn yětɔn mɛ ɖo ahohó lɛ́ɛ kpó agbǒ lɛ́ɛ kpó jí. Nyɔ̌nu lɛ́ɛ kpó yɔkpɔ́vú lɛ́ɛ kpó lɛ́ kɔ yi xwé gbe. Awakanmɛ kú to ɔ́ mɛ nu lɛ́ɛ bǐ.
Currently Selected:
Judíti 7: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 7
7
1Azǎn e jɛ fínɛ́ ɔ́, Holofɛ́ni ɖe gbe nú ahwan tɔn lɛ́ɛ kpó mɛ e wá dó alɔ ɛ lɛ́ɛ kpán ɖɔ: “Mi gba Betúli, mi ján ali e yi sókan mɛ lɛ́ɛ, bó tɔ́n ahwan Izlayɛ́li ví lɛ́ɛ.” 2Gbɛtɔ́ ahwan-yitɔ́ lɛ́ɛ bǐ jɛ ali. Sɔ́ja afɔzɔntɔ́ děgba ɛnɛ afatɔ́n (170.000), sɔ́xátɔ́ děgba atɔn (12.000) wɛ ɖo ahwan mɛ, è ka xa gbɛtɔ́ e zɔn afɔ bo hɛn agban lɛ́ɛ ǎ. Gbɛtɔ́ wɔ̌buwɔ́bú ɖé lɛ́ɛ wɛ. 3Yě jɛ gbětótló e ɖo Betúli ɔ́ mɛ, ɖo tɔjɔtɛn ɔ́ kpá. Yě gba kpé Dotáni sín xá ɔ́ bǐ mɛ, káká yi jɛ Belibayímu ɖo akpá ɖé xwé kpó Betúli wá yi Kiyamɔ ɖo Izlayɛ́li nukɔn; ɖo akpá ɖě ɔ́ xwé. 4Ée Izlayɛ́li ví lɛ́ɛ mɔ ahwan wɔ̌buwɔ́bú nɛ́ ɔ́, xɛsi jɛ yě jí; bɔ yě nɔ́ ɖɔ ɖo yěɖée tɛ́ntin ɖɔ: “Mɛ énɛ́ lɛ́ɛ ná vɔ to ɔ́ bǐ. Só ɖaxó ɖaxó lɛ́ɛ, dodo lɛ́ɛ kpó só kléwún kléwún lɛ́ɛ bǐ kpó wɛ yě ná gba.”
5 Mɛ ɖokpó ɖokpó ba ahwanfunnú tɔn mɔ; yě tá myɔ dó agbǒ lɛ́ɛ jí, bó nɔ́ cɔ́ zǎn. 6Azǎn e jɛ fínɛ́ é gúdo ɔ́, Holofɛ́ni ɖe sɔ́xátɔ́ tɔn lɛ́ɛ bǐ tɔ́n ɖo Izlayɛ́li ví lɛ́ɛ nukɔn ɖo Betúli. 7É kpɔ́n ali e yi toxo mɛ lɛ́ɛ é tlítlí; é yi kpɔ́n dotɔ lɛ́ɛ bó klá jɛ yě nu. É zɔ́n ɖɔ è cɔ́ yě, bó lɛ́ kɔ wá yi ahwan tɔn lɛ́ɛ gɔ́n. 8Énɛ́ lo ɔ́, Edɔ́mu xɔ́sú lɛ́ɛ bǐ, nukɔntɔ́ Mɔwabu tɔn lɛ́ɛ kpódó ahwankannumɔ e ɖo Mɛditɛlanɛ́ɛ xu ɔ́ tó lɛ́ɛ bǐ kpó sɛ yá ɛ, bó ɖɔ n'i ɖɔ: 9“Mɛ̌si, nú a ɖǒtó mì ɔ́, mɛ ɖokpó lě ná j'ayǐ ɖo ahwan towe mɛ ǎ. 10Izlayɛ́li ví lɛ́ɛ ɖeji dó ahwanfunnú yětɔn wú ǎ; lo ɔ́, fí e yě ɖe ɖo aga sókan mɛ é wɛ ɖo tasyɛ́n ná yě wɛ; lo ɔ́, é bɔwǔ nú è nǎ yi aga dɔ̌n ǎ. 11Mɛ̌si, ma fun ahwan xá yě ó; énɛ́ ɔ́, mɛ towe ɖé ná kú ǎ. 12Nɔ ahwanslǎ towe mɛ, hwɛ kpó mɛ towe lɛ́ɛ kpó. Jǒ mɛsɛntɔ́ towe lɛ́ɛ dó, yě nyi ahwan jɛ tɔjɔtɛn e nɔ sa ɖo só ɔ́ sín dodo lɛ́ɛ. 13Nǔgbó ɔ́, fínɛ́ wɛ Betulinu lɛ́ɛ nɔ́ wá dun sin ɖe. Nú yě ba sin kpo ɔ́, yě bǐ ná kú sin kú, bó ná gbɔ bó jó toxo yětɔn dó. Midɛɛ lɛ́ɛ ɔ́, mi ná xá aga ɖo akpá akpá mi kpó ahwan mitɔn kpó. Mi ná ɖe mɛcɔ́tɔ́ ɖó fínɛ́, bɔ mɛ ɖěbǔ ná sixú tɔ́n sín toxo ɔ́ mɛ ǎ. 14Adɔ ná hu to ɔ́ mɛ nu lɛ́ɛ bǐ, yě kpó asi yětɔn kpó vǐ yětɔn lɛ́ɛ kpó. Cóbónú mi ná gba yě ɔ́, cyɔ yětɔn lɛ́ɛ ná kó tɛ́ kpaɖaɖa ɖo alitó alitó. 15Yě fɔ́n gǔ, bó gbɛ́ kpléɖɔ e nɔ gbɔ ahwan xó é. Énɛ́ wú ɔ́, dɔn tó nú yě ɖésú.”
16Holofɛ́ni kpódó Gǎn hɔn-yitɔ́ tɔn lɛ́ɛ kpó se xó yětɔn, bó zɔ́n ɖɔ yě ní bló d'é jí. 17Ahwan Amumɔ́ɔnu lɛ́ɛ tɔn kpó Asilíinu tɔn kpó děgba ɖě afatɔ́n (5.000) wá jɛ agban dó tɔdo ɔ́ mɛ. Yě nyi alɔ dó Izlayɛ́li ví lɛ́ɛ sín dotɔ kpódó tɔjɔtɛn lɛ́ɛ kpó. 18Edɔ́munu lɛ́ɛ kpó Amumɔ́ɔnu lɛ́ɛ kpó wá jɛ ahwanslǎ mɛ ɖo Dotáni sín nukɔn, bɔ yě ɖe mɛ hǎbǔ yi tofɔligbé kpódó zǎnzǎnhwe jí ɖo Eglebɛ́ti nukɔn, ɖo Kusi kpá, ɖo Mɔcimu sín tɔsisa kpá. Asilíinu lɛ́ɛ sín ahwan e kpo ɔ́ jɛ ahwanslǎ mɛ ɖo gbětótló mɛ, bó gɔ́ fínɛ́ bǐ. Goxɔ yětɔn lɛ́ɛ kpó agban yětɔn lɛ́ɛ kpó sukpɔ́ taala. 19Izlayɛ́li ví lɛ́ɛ sú xó ylɔ́ Aklúnɔ ɖó awakanmɛ kú yě. Kɛntɔ́ yětɔn lɛ́ɛ ján yě bɔ yě sixú hɔn ɖ'é nu ǎ. 20Asilíinu lɛ́ɛ sín ahwan bǐ, sɔ́ja lɛ́ɛ, ahwankɛkɛ́ lɛ́ɛ kpó sɔ́xátɔ́ lɛ́ɛ kpó ján Izlayɛ́li ví lɛ́ɛ xɔ azǎn gban-nukún-ɛnɛ (34).
21Sin vɔ ɖo sindo lɛ́ɛ mɛ; mɛɖé sɔ́ nɔ́ nu sin lě e é jló gbɔn ɔ́ ǎ, lo ɔ́, sin ɔ́, è nɔ jlɛ́ wɛ. 22Yɔkpɔ́vú lɛ́ɛ vɔ bǐ, nyɔ̌nu lɛ́ɛ, dɔ̌nkpɛvú kpó ɖyɔ̌vǐ lɛ́ɛ kpó bǐ gbɔ́jɔ́ kan, ɖó kɔ xú yě dín. Yě bǐ nɔ́ j'ayǐ ɖo alikpá, ɖo tohɔn lɛ́ɛ li nu. 23Togun ɔ́ bǐ kplé, súnnu kpó nyɔ̌nu kpó, yɔkpɔ́vú kpó mɛxó kpó, bó sɛ yá Oziyási kpó tomɛxó lɛ́ɛ kpó. Yě nɔ́ sú xó tlílí bó nɔ́ ɖɔ ɖo tomɛxó lɛ́ɛ nukɔn ɖɔ: 24“Aklúnɔ ní bó gbo hwɛ nú mi kpó mǐ kpó. Éhɔ́nmɛ ɔ́, mi dɔn mǐ dó gɛdɛ mɛ ɖo Asilíinu lɛ́ɛ gɔ́n. 25Bɔ din ɔ́, mɛɖé sixú wá dó alɔ mǐ ǎ. Mawu jó mǐ nú yě. Sinnugblá ná hu mǐ bǐ, bɔ mǐ ná kú dó ya mɛ, ɖo nukɔn yětɔn. 26Mi gbɔ bo ylɔ́ Holofɛ́ni sín mɛ lɛ́ɛ kpó ahwangɔnu tɔn kpán ní xá toxo ɔ́. 27Nǔgbó wɛ, mǐ gbɔ bo jɛ alɔ yětɔn mɛ ɔ́, é nyɔ́ hú. Mǐ ná nyí kannumɔ yětɔn, lo ɔ́, mǐ ná nɔ gbɛ bɔ mi sɔ́ ná mɔ vǐ mǐtɔn kpó asi mǐtɔn lɛ́ɛ kpó bɔ yě ná kú ɖo nukɔn mitɔn ǎ. 28Kɛnklɛ́n wɛ mǐ dó nú mi, mǐ sɔ́ Mawu tɔ́gbó mǐtɔn lɛ́ɛ tɔn dó afɔ nú mi; é wɛ ɖo tó dɔn nú mǐ wɛ ɖó hwɛ e mǐ kpó tɔ́gbó mǐtɔn lɛ́ɛ kpó hu ɔ́ wú: mi bló nú awě e ɖo mǐ xo wɛ ɔ́ ní jɛ zɔ nú mǐ.”
29Yě bǐ jɛ azɔn wɛn jí zɛ̌ɛ́n ɖo agun ɔ́ mɛ. Yě bǐ jɛ xó sú ylɔ́ Aklúnɔ jí. 30Bɔ Oziyási ɖɔ nú yě ɖɔ: “Nɔví súnnu nɔví nyɔ̌nu, mi kpan akɔ́n! Mi nú mǐ ná glá káká jɛ azǎn atɔn gbe. Aklúnɔ Mawu mǐtɔn ɔ́ ná kú nǔbláwǔ mǐtɔn; é sixú jó mǐ dó bǐ yi fó ǎ. 31Nú azǎn atɔn lɛ́ɛ dín wá yi nú mǐ ma mɔ alɔdó ɖěbǔ ǎ ɔ́, un ná bló nǔ e mi ɖɔ ɔ́.”
32Énɛ́ ɔ́ gúdo ɔ́, súnnu lɛ́ɛ bǐ yi tɛn yětɔn mɛ ɖo ahohó lɛ́ɛ kpó agbǒ lɛ́ɛ kpó jí. Nyɔ̌nu lɛ́ɛ kpó yɔkpɔ́vú lɛ́ɛ kpó lɛ́ kɔ yi xwé gbe. Awakanmɛ kú to ɔ́ mɛ nu lɛ́ɛ bǐ.
La Bible en langue fon © Alliance Biblique du Bénin, 2012.