Judíti 6
6
1Mɛ lɛ́ɛ jɛ hunnyahunnya bló jí ɖo goxɔ e mɛ yě kplé ɖe é, bɔ Holofɛ́ni yí xó bó ɖɔ nú jǒnɔ lɛ́ɛ kpó Mɔwabunu lɛ́ɛ bǐ kpó ɖɔ: 2“Mɛ nǎhún wɛ hwɛ ka nyí Akiyɔ́ɔ? Bɔ midɛɛ lɛ́ɛ e sa miɖée nú Izlayɛ́li é ɔ́, mɛ nǎhún wɛ mi nyí bɔ a ɖɔ xó ɖi gbeyíɖɔ Mawu tɔn ɖɔhun? Mi ɖɔ è ma tɔ́n ahwan Izlayɛ́li ó ɖɔ Mawu ná cyɔ́n alɔ yě jí. Mawu ɖěvo sɔ́ tíin zɛ Nabukodonɔzɔ́ɔ wú wɛ a? É wɛ ná sɛ́ ahwan tɔn nǔwúkpétɔ́ ɔ́ sɛ́ dó, bɔ é ná gba mɛ énɛ́ lɛ́ɛ. É ná sú kún yětɔn dó sín ayǐkúngban ɔ́ jí, bɔ Mawu yětɔn sixú hwlɛ́n yě gán ǎ. 3Mǐ mɛ e nyí mɛsɛntɔ́ tɔn lɛ́ɛ ɔ́, nǔ ɖokpó jɛ́n mǐ ná dó yě bɔ yě ná xwɛ. Yě sixú nɔ te ɖo sɔ́xátɔ́ mǐtɔn lɛ́ɛ nukɔn ǎ. 4Mǐ ná dó yě bǐ zo, só yětɔn lɛ́ɛ ná gbɔ́n hun yětɔn, bɔ cyɔ yětɔn ná tɛ́ kpaɖaɖa ɖo ayǐkúngban jí. Yě sixú nɔ te ɖo nukɔn mǐtɔn ɖěbǔ ǎ. Mǐ ná vívá yě. Xó e Nabukodonɔzɔ́ɔ e ɖɔ nǔ dó ayǐkúngban ɔ́ bǐ nu ɔ́ dó é nɛ́. É ka ɖɔ ɔ́, è nɔ bló ɖ'é ji. 5Hwi Akiyɔ́ɔ, a sa hwiɖée nú kɛntɔ́ mɛslɛ́tɔ́ ɖɔhun. Éhɔ́nmɛ ɔ́, a sɔ́ ná mɔ nukún ce mɛ ɖě káká jɛ hwenu e un ná dó sɛ́n nú togun nɛ́ e hɔn sín Ejípu tomɛ é ǎ. 6Un lɛ́ kɔ wá ɔ́, ahwan ce lɛ́ɛ kpó gǎn ahwan-yitɔ́ ce lɛ́ɛ kpó ná sɔ́ hwǎn adaja mɛ nú we, bɔ hwi lɔ ná jɛ ayǐ ɖo mɛ e xo akpa lɛ́ɛ mɛ. 7Mɛsɛntɔ́ ce lɛ́ɛ ná kplá we yi sókan mɛ; yě ná jó we dó nyi toxo e ɖo só ɔ́ sín agblɔ̌ mɛ lé. 8Fínɛ́ wɛ yě ná wa nǔ towe ɖe, hwi kpó Izlayɛ́li ví lɛ́ɛ kpó. 9Ɖó a lin ɖɔ mǐ ná ɖu ɖo yě jí ǎ, ma bló nǔ ɖi mɛ e nǔ wa ɖɔhun ó. Énɛ́ un ɖɔ nɛ́, ée un ɖɔ ɔ́ wɛ ka ná jɛ.”
10Holofɛ́ni zɔ́n mɛsɛntɔ́ e ɖo goxɔ tɔn mɛ lɛ́ɛ ɖɔ yě ní wlí Akiyɔ́ɔ bó kplá ɛ yi Betúli, bó jó e nú Izlayɛ́li ví lɛ́ɛ. 11Mɛsɛntɔ́ lɛ́ɛ ɖó alɔ jǐ tɔn, bó dɔn ɛ sín ahwanslǎ mɛ jɛ gbětótló mɛ. Yě wlí sókan mɛ sín ali bó wá jɛ tɔjɔtɛn e ɖo Betúli sín dodomɛ é. 12Betúli e ɖo aga dɔ̌n é nɛ́. Ée yě mɛ e nɔ cɔ́ to ɔ́ lɛ́ɛ mɔ yě jǎwe lě ɔ́, yě xo ahwanfunnú yětɔn lɛ́ɛ sɔ́, bó yi kpé yě. Yě da kannakanna dó yě, bó ɖó Asilíinu lɛ́ɛ te. 13Asilíinu lɛ́ɛ jó agɔ yi gǔdo, ɖo só ɔ́ sín dodomɛ fínɛ́. Yě blá Akiyɔ́ɔ, bó jó e nyi fínɛ́. Énɛ́ gúdo ɔ́, yě lɛ́ kɔ wá yi Holofɛ́ni gɔ́n. 14Izlayɛ́li ví lɛ́ɛ jɛ te sín toxo yětɔn mɛ, bó mɔ Akiyɔ́ɔ. Yě tunwun i, bó kplá ɛ yi Betúli. Yě sɔ́ ɛ xlɛ́ togán yětɔn lɛ́ɛ. 15Yědɛɛ lɛ́ɛ nɛ́ nyí: Oziyási Mika ví ɔ́, ɖo Sinmɛnyɔ́ɔ sín akɔta mɛ, Cablisi, Otiniyɛ́li ví ɔ́, kpó Kami Mɛlikiyɛ́li ví ɔ́ kpó. 16Yě kplé tomɛxó e ɖo toxo ɔ́ mɛ lɛ́ɛ é, mɛxó kpó yɔkpɔ́vú kpó bǐ kplé togun bléwún. È kplá Akiyɔ́ɔ wá agun ɔ́ tɛ́ntin, bɔ Oziyási kan nǔ e jɛ ɔ́ bǐ byɔ́ ɛ. 17Akiyɔ́ɔ yí gbe bo ɖɔ nǔ e yě ɖɔ ɖo toxóɖɔgbɛ́ Holofɛ́ni tɔn mɛ é. É ɖɔ nǔ e é ɖésúnɔ ɖɔ nú Asilíi xɔ́sú lɛ́ɛ kpó Holofɛ́ni sín goyíyí xó e é ɖɔ dó Izlayɛ́li wú é lɛ́ɛ kpán. 18Énɛ́ lo ɔ́, togun ɔ́ bǐ jɛ kpo ɖo Aklúnɔ nukɔn, bó xwe agbɔ̌nnusú do, bó zé gbe yi jǐ, bó xo ɖɛ bó nɔ́ ɖɔ. 19“Aklúnɔ, Mawu e ɖo jǐnukúnsin é, kpɔ́n goyíyí kɛntɔ́ mǐtɔn lɛ́ɛ tɔn. Kú nǔbláwǔ nú togun towe e xo gba fún wɛ yě ɖe ɔ́. Nyi kɔ kpɔ́n mɛ e nyí towe lɛ́ɛ é.”
20Bɔ Izlayɛ́li ví lɛ́ɛ ná akɔ́nkpinkpan Akiyɔ́ɔ, bó kpa gbe n'i taala. 21Oziyási kplá ɛ yi xwé tɔn gbe, bó ɖa nǔɖuɖu n'i, é kpó tomɛxó lɛ́ɛ kpó. Ɖo zǎn ɔ́ bǐ mɛ ɔ́, yě sú xó ylɔ́ Mawu Izlayɛ́li tɔn.
Currently Selected:
Judíti 6: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 6
6
1Mɛ lɛ́ɛ jɛ hunnyahunnya bló jí ɖo goxɔ e mɛ yě kplé ɖe é, bɔ Holofɛ́ni yí xó bó ɖɔ nú jǒnɔ lɛ́ɛ kpó Mɔwabunu lɛ́ɛ bǐ kpó ɖɔ: 2“Mɛ nǎhún wɛ hwɛ ka nyí Akiyɔ́ɔ? Bɔ midɛɛ lɛ́ɛ e sa miɖée nú Izlayɛ́li é ɔ́, mɛ nǎhún wɛ mi nyí bɔ a ɖɔ xó ɖi gbeyíɖɔ Mawu tɔn ɖɔhun? Mi ɖɔ è ma tɔ́n ahwan Izlayɛ́li ó ɖɔ Mawu ná cyɔ́n alɔ yě jí. Mawu ɖěvo sɔ́ tíin zɛ Nabukodonɔzɔ́ɔ wú wɛ a? É wɛ ná sɛ́ ahwan tɔn nǔwúkpétɔ́ ɔ́ sɛ́ dó, bɔ é ná gba mɛ énɛ́ lɛ́ɛ. É ná sú kún yětɔn dó sín ayǐkúngban ɔ́ jí, bɔ Mawu yětɔn sixú hwlɛ́n yě gán ǎ. 3Mǐ mɛ e nyí mɛsɛntɔ́ tɔn lɛ́ɛ ɔ́, nǔ ɖokpó jɛ́n mǐ ná dó yě bɔ yě ná xwɛ. Yě sixú nɔ te ɖo sɔ́xátɔ́ mǐtɔn lɛ́ɛ nukɔn ǎ. 4Mǐ ná dó yě bǐ zo, só yětɔn lɛ́ɛ ná gbɔ́n hun yětɔn, bɔ cyɔ yětɔn ná tɛ́ kpaɖaɖa ɖo ayǐkúngban jí. Yě sixú nɔ te ɖo nukɔn mǐtɔn ɖěbǔ ǎ. Mǐ ná vívá yě. Xó e Nabukodonɔzɔ́ɔ e ɖɔ nǔ dó ayǐkúngban ɔ́ bǐ nu ɔ́ dó é nɛ́. É ka ɖɔ ɔ́, è nɔ bló ɖ'é ji. 5Hwi Akiyɔ́ɔ, a sa hwiɖée nú kɛntɔ́ mɛslɛ́tɔ́ ɖɔhun. Éhɔ́nmɛ ɔ́, a sɔ́ ná mɔ nukún ce mɛ ɖě káká jɛ hwenu e un ná dó sɛ́n nú togun nɛ́ e hɔn sín Ejípu tomɛ é ǎ. 6Un lɛ́ kɔ wá ɔ́, ahwan ce lɛ́ɛ kpó gǎn ahwan-yitɔ́ ce lɛ́ɛ kpó ná sɔ́ hwǎn adaja mɛ nú we, bɔ hwi lɔ ná jɛ ayǐ ɖo mɛ e xo akpa lɛ́ɛ mɛ. 7Mɛsɛntɔ́ ce lɛ́ɛ ná kplá we yi sókan mɛ; yě ná jó we dó nyi toxo e ɖo só ɔ́ sín agblɔ̌ mɛ lé. 8Fínɛ́ wɛ yě ná wa nǔ towe ɖe, hwi kpó Izlayɛ́li ví lɛ́ɛ kpó. 9Ɖó a lin ɖɔ mǐ ná ɖu ɖo yě jí ǎ, ma bló nǔ ɖi mɛ e nǔ wa ɖɔhun ó. Énɛ́ un ɖɔ nɛ́, ée un ɖɔ ɔ́ wɛ ka ná jɛ.”
10Holofɛ́ni zɔ́n mɛsɛntɔ́ e ɖo goxɔ tɔn mɛ lɛ́ɛ ɖɔ yě ní wlí Akiyɔ́ɔ bó kplá ɛ yi Betúli, bó jó e nú Izlayɛ́li ví lɛ́ɛ. 11Mɛsɛntɔ́ lɛ́ɛ ɖó alɔ jǐ tɔn, bó dɔn ɛ sín ahwanslǎ mɛ jɛ gbětótló mɛ. Yě wlí sókan mɛ sín ali bó wá jɛ tɔjɔtɛn e ɖo Betúli sín dodomɛ é. 12Betúli e ɖo aga dɔ̌n é nɛ́. Ée yě mɛ e nɔ cɔ́ to ɔ́ lɛ́ɛ mɔ yě jǎwe lě ɔ́, yě xo ahwanfunnú yětɔn lɛ́ɛ sɔ́, bó yi kpé yě. Yě da kannakanna dó yě, bó ɖó Asilíinu lɛ́ɛ te. 13Asilíinu lɛ́ɛ jó agɔ yi gǔdo, ɖo só ɔ́ sín dodomɛ fínɛ́. Yě blá Akiyɔ́ɔ, bó jó e nyi fínɛ́. Énɛ́ gúdo ɔ́, yě lɛ́ kɔ wá yi Holofɛ́ni gɔ́n. 14Izlayɛ́li ví lɛ́ɛ jɛ te sín toxo yětɔn mɛ, bó mɔ Akiyɔ́ɔ. Yě tunwun i, bó kplá ɛ yi Betúli. Yě sɔ́ ɛ xlɛ́ togán yětɔn lɛ́ɛ. 15Yědɛɛ lɛ́ɛ nɛ́ nyí: Oziyási Mika ví ɔ́, ɖo Sinmɛnyɔ́ɔ sín akɔta mɛ, Cablisi, Otiniyɛ́li ví ɔ́, kpó Kami Mɛlikiyɛ́li ví ɔ́ kpó. 16Yě kplé tomɛxó e ɖo toxo ɔ́ mɛ lɛ́ɛ é, mɛxó kpó yɔkpɔ́vú kpó bǐ kplé togun bléwún. È kplá Akiyɔ́ɔ wá agun ɔ́ tɛ́ntin, bɔ Oziyási kan nǔ e jɛ ɔ́ bǐ byɔ́ ɛ. 17Akiyɔ́ɔ yí gbe bo ɖɔ nǔ e yě ɖɔ ɖo toxóɖɔgbɛ́ Holofɛ́ni tɔn mɛ é. É ɖɔ nǔ e é ɖésúnɔ ɖɔ nú Asilíi xɔ́sú lɛ́ɛ kpó Holofɛ́ni sín goyíyí xó e é ɖɔ dó Izlayɛ́li wú é lɛ́ɛ kpán. 18Énɛ́ lo ɔ́, togun ɔ́ bǐ jɛ kpo ɖo Aklúnɔ nukɔn, bó xwe agbɔ̌nnusú do, bó zé gbe yi jǐ, bó xo ɖɛ bó nɔ́ ɖɔ. 19“Aklúnɔ, Mawu e ɖo jǐnukúnsin é, kpɔ́n goyíyí kɛntɔ́ mǐtɔn lɛ́ɛ tɔn. Kú nǔbláwǔ nú togun towe e xo gba fún wɛ yě ɖe ɔ́. Nyi kɔ kpɔ́n mɛ e nyí towe lɛ́ɛ é.”
20Bɔ Izlayɛ́li ví lɛ́ɛ ná akɔ́nkpinkpan Akiyɔ́ɔ, bó kpa gbe n'i taala. 21Oziyási kplá ɛ yi xwé tɔn gbe, bó ɖa nǔɖuɖu n'i, é kpó tomɛxó lɛ́ɛ kpó. Ɖo zǎn ɔ́ bǐ mɛ ɔ́, yě sú xó ylɔ́ Mawu Izlayɛ́li tɔn.
La Bible en langue fon © Alliance Biblique du Bénin, 2012.