Judíti 11
11
1Holofɛ́ni ɖɔ n'i ɖɔ: “Kpan akɔ́n! Ma ɖi xɛsi ó. Un nɔ wa adǎnú ɖěbǔ xá mɛ e yi gbe ɖɔ émí ná sɛn Nabukodonɔzɔ́ɔ axɔ́sú wɛ̌kɛ́ ɔ́ bǐ tɔn é ǎ. 2Nú togun towe e ɖo sókan élɔ́ mɛ ɔ́ má kó hu tɛ́ ná ǎ ɔ́, un ná fun ahwan xá yě ǎ. 3Ɖɔ xó nú mi. Aniwú a hɔn sín yě gɔ́n wá mǐ gɔ́n? A jlǒ ná hwlɛ́n ta towe wɛ ǎ cé? Kpan akɔ́n, a nǎ nɔ gbɛ égbé, bó ná nɔ sɔ. 4Mɛ ɖé ná wa nǔ nyanya ɖé nú we ǎ, é nyɔ́ wa ɔ́, è nǎ wlíbo nú we ganjí, lě e è nɔ wlíbo nú axɔ́sú ce Nabukodonɔzɔ́ɔ Sín mɛsɛntɔ́ lɛ́ɛ é ɖɔhun.”
5Judíti ɖɔ nú Holofɛ́ni ɖɔ: “Yǐ xó kannumɔ towe tɔn se; se xó ce Mɛɖaxó ce. Zǎn élɔ́ mɛ ɔ́, un ná ɖó adingban ɖěbǔ nú we ǎ. 6Nú a se xó ce ɔ́ Mawu na bló bɔ nǔ e lin wɛ a ɖe ɔ́ a nǎ kpé bǐ wú. A nǎ j'ayǐ ɖo nǔ e wa wɛ a ɖe lɛ́ɛ ɖě mɛ ǎ. 7 Ɖě e é nyí nǔgbó bɔ Nabukodonɔzɔ́ɔ axɔ́sú wɛ̌kɛ́ ɔ́ bǐ tɔn ɖo gbɛ, bó ɖó acɛ ɖaxó ɔ́, un xwlé nú we ɖɔ: é sɛ́ we dó nú a nǎ ɖe nǔ e ɖo gbɛ ɔ́ ɖokpó ɖokpó ɖó ali tɔn jí. Gbɛtɔ́ lɛ́ɛ nɔ́ se tónú nú axɔ́sú ɔ́, acɛ towe wɛ nyí tɔn, gběkanlin lɛ́ɛ, kanlin e è nɔ nyi lɛ́ɛ kpó xɛ lɛ́ɛ bǐ kpó ná nɔ gbɛ nú Nabukodonɔzɔ́ɔ kpó hɛ̌nnu tɔn kpó. 8Mǐ se ɖɔ a nyɔ́ nǔ i bó bí. Mɛ bǐ wɛ tunwun ɖɔ a kún nɔ́ ɖi xɛsi ó ɖo axɔ́súɖuto ɔ́ mɛ. A tunwun nǔ tɛnmɛ tɛnmɛ, bó ɖe hwiɖée xlɛ́ ɖo ahwanfunfun lixo.
9“Mǐ tunwun xó e Akiyɔ́ɔ ɔ́ ɖɔ nú we hwenu e a kplé yě ɔ́. Betúli sín mɛ lɛ́ɛ yí Akiyɔ́ɔ ɔ́ dó xwé, bɔ é ɖɔ nǔ e é ɖɔ ɖo nukɔn towe ɔ́ bǐ nú yě. 10Sɛ́mɛɖó ce, gǎn ce, sɔ́ xó énɛ́ lɛ́ɛ dó ylɔ́ xójɔxó, ɖó xójɔxó wɛ Akiyɔ́ɔ ɖɔ. Sɛ́nbá sixú xo togun mǐtɔn sín vǐ lɛ́ɛ ǎ; ahwan sixú gba yě ǎ, afi nú yě jɛ agɔ dó Mawu yětɔn. 11Nǔ e ká ɖo jijɛ wɛ din é nɛ́. Énɛ́ wú wɛ mɛɖé má ná nya we ǎ. A nǎ klɛ́n afɔ ɖokpó ǎ. Kú ná fyán Izlayɛ́li ví lɛ́ɛ, ɖó hwɛ yětɔn lɛ́ɛ ná xwedó yě wú. Yě ná dó xomɛsin nú Mawu ɖi lě e yě nɔ́ bló gbɔn hwenu e yě jló ná bló nǔ e má nyɔ́ Mawu nukún mɛ ǎ é. 12Nǔɖuɖu sɔ́ ɖo yě sí ǎ, sin ɖésú hán. Yě kó jɛ kanlin e sɛ́n Aklúnɔ yětɔn gbɛ́ ɖɔ yě má ɖu ó lɛ́ɛ ɖu jí. 13 Yě ná lɛ́ ɖu nǔ nukɔntɔn e yě ya lɛ́ɛ kpódó mǎɖówǒ vɛ̌ɛn kpó ami kpó tɔn. Lo ɔ́, nǔ énɛ́ lɛ́ɛ bǐ ɔ́ vɔ̌sánú-xwlémawutɔ́ e ɖo Jeluzalɛ́mu lɛ́ɛ wɛ è sɔ́ ɖ'ayǐ ná, bɔ mɛ ɖěbǔ ɖó ná ɖó alɔ wú ɖo togun ɔ́ mɛ ǎ. 14Lo ɔ́, Jeluzalɛ́munu lɛ́ɛ kó gba sɛ́n énɛ́ ɔ́, bɔ Betúli sin mɛ lɛ́ɛ kó byɔ́ gbe énɛ́ ɔ́ ɖo mɛxó lɛ́ɛ sín kplé jí. 15Gbe e gbe yě ná ná gbe énɛ́ ɔ́ yě ná jɛ nǔ nɛ́ lɛ́ɛ ɖu jí. Gbe nɛ́ gbe ɔ́, Mawu ná jó yě dó acɛ towe mɛ bɔ nǔ bǐ ná gblé dó yě. 16Ée un se mɔ̌ ɔ́, un hɔn sín yě gɔ́n: Mawu sɛ́ mì dó ɖɔ má wa nǔ ɖaxó ɖé xá we, bɔ nǔ énɛ́ ná kpácá mɛ e ná wá se lɛ́ɛ bǐ. 17Nyɛ kannumɔ towe élɔ́ ɔ́, nyɔ̌nu gbejínɔtɔ́ Mawu e ɖo jǐxwé ɔ́ tɔn wɛ nú mì. Un nɔ xo ɖɛ zǎn kéze. Égbé din ɔ́, un ná nɔ xá we. Amɔ̌, un ná nɔ́ tɔ́n sín ahwankpá ɔ́ mɛ zǎn mɛ lɛ́ɛ bǐ, bó ná nɔ́ yi xo ɖɛ ɖo só Gijɔ́ɔn tɔn jí. Fínɛ́ wɛ Mawu ná ɖe hwenu e yě ná ɖó walɔ nyanya lɛ́ɛ é xlɛ́ mì. 18Énɛ́ ɔ́, un ná lɛ́ kɔ wá ɖɔ nú we; bɔ hwi kpó sɔ́ja towe lɛ́ɛ bǐ kpó ná yi tɔ́n ahwan yě. Mɛ ɖěbǔ ná nɔ te ɖo nukɔn towe ǎ. 19Énɛ́ ɔ́ wá yi ɔ́, un ná kplá we gbɔn Judáa toxo lɛ́ɛ mɛ káká yi Jeluzalɛ́mu. Un ná sɔ́ gǎnzinkpo towe jínjɔ́n toxo ɔ́ tɛ́ntin. A nǎ hɛn to ɔ́ mɛ nu lɛ́ɛ ɖi gbɔ̌ e má ɖó nyinyitɔ́ ǎ é ɖɔhun, bɔ avǔn vɔ́vɔ́ ná hó we ǎ. È ko ɖe xlɛ́ mì ɖ'ayǐ; énɛ́ wútu wɛ è sɛ́ mì dó nú má ɖɔ nú we.”
20Xó e Judíti ɖɔ lɛ́ɛ nyɔ́ Holofɛ́ni kpó ahwangán tɔn lɛ́ɛ kpó nukún mɛ. Yě kpa nǔnywɛ́ tɔn bó ɖɔ: 21“Sín wɛ̌kɛ́ ɔ́ sín bǐbɛ́mɛ káká yi fífónu tɔn ɔ́, nyɔ̌nu ɖěbǔ nyɔ́ ɖɛkpɛ sɔ we, bó nɔ́ ɖɔ xó kpódó nǔmɔjɛnǔmɛ kpó mɔ̌ ǎ.” 22Holofɛ́ni ɖɔ nú Judíti ɖɔ: “Nǔ ɖagbe wɛ Mawu wa bó sɛ́ we dó fí jɛ nukɔn nú togun towe nú má ɖu ɖo jǐ tɔn, bó vívá kún nú mɛ e ko gbɛ́ hu tɛ́ nú gǎn ce Nabukodonɔzɔ́ɔ lɛ́ɛ é. 23Bɔ hwɛ ɔ́, a nyɔ̌ ɖɛkpɛ, bó nɔ́ ɖɔ xó ganjí. Nú a blǒ ɖi lě e a ɖɔ gbɔn ɔ́, Mawu towe ná húzú Mawu ce. A nǎ nɔ axɔ́sú Nabukodonɔzɔ́ɔ sín hɔnmɛ, bɔ nyǐkɔ towe ná gba kpé wɛ̌kɛ́ ɔ́ bǐ sésé mɛ.”
Currently Selected:
Judíti 11: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 11
11
1Holofɛ́ni ɖɔ n'i ɖɔ: “Kpan akɔ́n! Ma ɖi xɛsi ó. Un nɔ wa adǎnú ɖěbǔ xá mɛ e yi gbe ɖɔ émí ná sɛn Nabukodonɔzɔ́ɔ axɔ́sú wɛ̌kɛ́ ɔ́ bǐ tɔn é ǎ. 2Nú togun towe e ɖo sókan élɔ́ mɛ ɔ́ má kó hu tɛ́ ná ǎ ɔ́, un ná fun ahwan xá yě ǎ. 3Ɖɔ xó nú mi. Aniwú a hɔn sín yě gɔ́n wá mǐ gɔ́n? A jlǒ ná hwlɛ́n ta towe wɛ ǎ cé? Kpan akɔ́n, a nǎ nɔ gbɛ égbé, bó ná nɔ sɔ. 4Mɛ ɖé ná wa nǔ nyanya ɖé nú we ǎ, é nyɔ́ wa ɔ́, è nǎ wlíbo nú we ganjí, lě e è nɔ wlíbo nú axɔ́sú ce Nabukodonɔzɔ́ɔ Sín mɛsɛntɔ́ lɛ́ɛ é ɖɔhun.”
5Judíti ɖɔ nú Holofɛ́ni ɖɔ: “Yǐ xó kannumɔ towe tɔn se; se xó ce Mɛɖaxó ce. Zǎn élɔ́ mɛ ɔ́, un ná ɖó adingban ɖěbǔ nú we ǎ. 6Nú a se xó ce ɔ́ Mawu na bló bɔ nǔ e lin wɛ a ɖe ɔ́ a nǎ kpé bǐ wú. A nǎ j'ayǐ ɖo nǔ e wa wɛ a ɖe lɛ́ɛ ɖě mɛ ǎ. 7 Ɖě e é nyí nǔgbó bɔ Nabukodonɔzɔ́ɔ axɔ́sú wɛ̌kɛ́ ɔ́ bǐ tɔn ɖo gbɛ, bó ɖó acɛ ɖaxó ɔ́, un xwlé nú we ɖɔ: é sɛ́ we dó nú a nǎ ɖe nǔ e ɖo gbɛ ɔ́ ɖokpó ɖokpó ɖó ali tɔn jí. Gbɛtɔ́ lɛ́ɛ nɔ́ se tónú nú axɔ́sú ɔ́, acɛ towe wɛ nyí tɔn, gběkanlin lɛ́ɛ, kanlin e è nɔ nyi lɛ́ɛ kpó xɛ lɛ́ɛ bǐ kpó ná nɔ gbɛ nú Nabukodonɔzɔ́ɔ kpó hɛ̌nnu tɔn kpó. 8Mǐ se ɖɔ a nyɔ́ nǔ i bó bí. Mɛ bǐ wɛ tunwun ɖɔ a kún nɔ́ ɖi xɛsi ó ɖo axɔ́súɖuto ɔ́ mɛ. A tunwun nǔ tɛnmɛ tɛnmɛ, bó ɖe hwiɖée xlɛ́ ɖo ahwanfunfun lixo.
9“Mǐ tunwun xó e Akiyɔ́ɔ ɔ́ ɖɔ nú we hwenu e a kplé yě ɔ́. Betúli sín mɛ lɛ́ɛ yí Akiyɔ́ɔ ɔ́ dó xwé, bɔ é ɖɔ nǔ e é ɖɔ ɖo nukɔn towe ɔ́ bǐ nú yě. 10Sɛ́mɛɖó ce, gǎn ce, sɔ́ xó énɛ́ lɛ́ɛ dó ylɔ́ xójɔxó, ɖó xójɔxó wɛ Akiyɔ́ɔ ɖɔ. Sɛ́nbá sixú xo togun mǐtɔn sín vǐ lɛ́ɛ ǎ; ahwan sixú gba yě ǎ, afi nú yě jɛ agɔ dó Mawu yětɔn. 11Nǔ e ká ɖo jijɛ wɛ din é nɛ́. Énɛ́ wú wɛ mɛɖé má ná nya we ǎ. A nǎ klɛ́n afɔ ɖokpó ǎ. Kú ná fyán Izlayɛ́li ví lɛ́ɛ, ɖó hwɛ yětɔn lɛ́ɛ ná xwedó yě wú. Yě ná dó xomɛsin nú Mawu ɖi lě e yě nɔ́ bló gbɔn hwenu e yě jló ná bló nǔ e má nyɔ́ Mawu nukún mɛ ǎ é. 12Nǔɖuɖu sɔ́ ɖo yě sí ǎ, sin ɖésú hán. Yě kó jɛ kanlin e sɛ́n Aklúnɔ yětɔn gbɛ́ ɖɔ yě má ɖu ó lɛ́ɛ ɖu jí. 13 Yě ná lɛ́ ɖu nǔ nukɔntɔn e yě ya lɛ́ɛ kpódó mǎɖówǒ vɛ̌ɛn kpó ami kpó tɔn. Lo ɔ́, nǔ énɛ́ lɛ́ɛ bǐ ɔ́ vɔ̌sánú-xwlémawutɔ́ e ɖo Jeluzalɛ́mu lɛ́ɛ wɛ è sɔ́ ɖ'ayǐ ná, bɔ mɛ ɖěbǔ ɖó ná ɖó alɔ wú ɖo togun ɔ́ mɛ ǎ. 14Lo ɔ́, Jeluzalɛ́munu lɛ́ɛ kó gba sɛ́n énɛ́ ɔ́, bɔ Betúli sin mɛ lɛ́ɛ kó byɔ́ gbe énɛ́ ɔ́ ɖo mɛxó lɛ́ɛ sín kplé jí. 15Gbe e gbe yě ná ná gbe énɛ́ ɔ́ yě ná jɛ nǔ nɛ́ lɛ́ɛ ɖu jí. Gbe nɛ́ gbe ɔ́, Mawu ná jó yě dó acɛ towe mɛ bɔ nǔ bǐ ná gblé dó yě. 16Ée un se mɔ̌ ɔ́, un hɔn sín yě gɔ́n: Mawu sɛ́ mì dó ɖɔ má wa nǔ ɖaxó ɖé xá we, bɔ nǔ énɛ́ ná kpácá mɛ e ná wá se lɛ́ɛ bǐ. 17Nyɛ kannumɔ towe élɔ́ ɔ́, nyɔ̌nu gbejínɔtɔ́ Mawu e ɖo jǐxwé ɔ́ tɔn wɛ nú mì. Un nɔ xo ɖɛ zǎn kéze. Égbé din ɔ́, un ná nɔ xá we. Amɔ̌, un ná nɔ́ tɔ́n sín ahwankpá ɔ́ mɛ zǎn mɛ lɛ́ɛ bǐ, bó ná nɔ́ yi xo ɖɛ ɖo só Gijɔ́ɔn tɔn jí. Fínɛ́ wɛ Mawu ná ɖe hwenu e yě ná ɖó walɔ nyanya lɛ́ɛ é xlɛ́ mì. 18Énɛ́ ɔ́, un ná lɛ́ kɔ wá ɖɔ nú we; bɔ hwi kpó sɔ́ja towe lɛ́ɛ bǐ kpó ná yi tɔ́n ahwan yě. Mɛ ɖěbǔ ná nɔ te ɖo nukɔn towe ǎ. 19Énɛ́ ɔ́ wá yi ɔ́, un ná kplá we gbɔn Judáa toxo lɛ́ɛ mɛ káká yi Jeluzalɛ́mu. Un ná sɔ́ gǎnzinkpo towe jínjɔ́n toxo ɔ́ tɛ́ntin. A nǎ hɛn to ɔ́ mɛ nu lɛ́ɛ ɖi gbɔ̌ e má ɖó nyinyitɔ́ ǎ é ɖɔhun, bɔ avǔn vɔ́vɔ́ ná hó we ǎ. È ko ɖe xlɛ́ mì ɖ'ayǐ; énɛ́ wútu wɛ è sɛ́ mì dó nú má ɖɔ nú we.”
20Xó e Judíti ɖɔ lɛ́ɛ nyɔ́ Holofɛ́ni kpó ahwangán tɔn lɛ́ɛ kpó nukún mɛ. Yě kpa nǔnywɛ́ tɔn bó ɖɔ: 21“Sín wɛ̌kɛ́ ɔ́ sín bǐbɛ́mɛ káká yi fífónu tɔn ɔ́, nyɔ̌nu ɖěbǔ nyɔ́ ɖɛkpɛ sɔ we, bó nɔ́ ɖɔ xó kpódó nǔmɔjɛnǔmɛ kpó mɔ̌ ǎ.” 22Holofɛ́ni ɖɔ nú Judíti ɖɔ: “Nǔ ɖagbe wɛ Mawu wa bó sɛ́ we dó fí jɛ nukɔn nú togun towe nú má ɖu ɖo jǐ tɔn, bó vívá kún nú mɛ e ko gbɛ́ hu tɛ́ nú gǎn ce Nabukodonɔzɔ́ɔ lɛ́ɛ é. 23Bɔ hwɛ ɔ́, a nyɔ̌ ɖɛkpɛ, bó nɔ́ ɖɔ xó ganjí. Nú a blǒ ɖi lě e a ɖɔ gbɔn ɔ́, Mawu towe ná húzú Mawu ce. A nǎ nɔ axɔ́sú Nabukodonɔzɔ́ɔ sín hɔnmɛ, bɔ nyǐkɔ towe ná gba kpé wɛ̌kɛ́ ɔ́ bǐ sésé mɛ.”
La Bible en langue fon © Alliance Biblique du Bénin, 2012.