Ɛsitɛ́ɛ Glɛ̌sigbe 7
7
Azɔ̌ gblé dó Hamáa, bɔ é kú
1 Axɔ́sú ɔ́ kpó Hamáa kpó zɔn yi axɔ́si ɔ́ gɔ́n, bó nɔ agɔ̌ ɖaxó e é ylɔ́ ɔ́ do mɛ. 2 Azɔn wegɔ́ ɔ́ e yě yi xwe ɔ́ tɛn mɛ, lobo ɖu nǔ ɖ'alɔ te é ɔ́, axɔ́sú ɔ́ wá ɖɔ nú Ɛsitɛ́ɛ ɖɔ: “Nɛ̌ wɛ gbɔn nú we axɔ́si Ɛsitɛ́ɛ? Ani ba wɛ a ka ɖe? Étɛ́ byɔ́ wɛ a ka ɖe tawun? É ná bó nyí vlɔ̌ ɖó we axɔ́súɖuto ce tɔn wɛ ɔ́, un ná ná we.” 3 É yí gbe ɖɔ: “Ényí nǔ ce nyɔ́ mɛ nukún mɛ hǔn, è bo hwlɛ́n togun ce kpódó nyɛ ɖésú kpó ɖó gbɛ. Nǔ e ba wɛ un ɖe ɖo mɛ sí é nɛ́. 4 Nǔgbó wɛ, togun ce kpó nyɛ kpó ɔ́, è sa mǐ bónú è nǎ dó ya nú mǐ, bó dó dɔkun mǐtɔn lɛ́ɛ zo, bó sɔ́ mǐ kpó vǐ mǐtɔn lɛ́ɛ kpó dó ɖó kannumɔ. Káká jɛ fí din ɔ́, un kɛ nu ɖěbǔ ǎ, có é nyí nǔ ɖo nǔ ganjí wɛ ɔ́, mɛhɛngblétɔ́ mɔ̌hun ɔ́ ká sixú wa azɔ̌ ɖo hɔnmɛ ǎ.” 5 Axɔ́sú ɔ́ kɛ nu bo ɖɔ: “Mɛ̌ ká glá dó nǔ mɔ̌hun sin?” 6 Ɛsitɛ́ɛ yí gbe ɖɔ: “Kɛntɔ́ mǐtɔn ɔ́, Hamáa nya dídá énɛ́ ɔ́ wɛ.”
Hwenɛ́nu ɔ́, xɛsi jɛ Hamáa jí tlóló ɖo axɔ́sú ɔ́ kpódó axɔ́si ɔ́ kpán sín nukún mɛ, bɔ é jɛ sísɔ́sísɔ́ jí. 7 Axɔ́sú ɔ́ sí te sín agbanɖutɛn ɔ́, bó yi jikpá ɔ́ mɛ. Hamáa gbɔ bo jɛ vo sa nú axɔ́si ɔ́ jí, ɖó é mɔ ɖɔ ninɔmɛ émítɔn gblé. 8 É dlɛ́n éɖée nyi zinkpo bubɔ e jí Ɛsitɛ́ɛ jínjɔ́n é mɛ, bó ɖo vo sa n'i wɛ, bɔ axɔ́sú ɔ́ lɛ́ kɔ sín jikpá ɔ́ mɛ lobo mɔ ɛ. Tlóló ɔ́, axɔ́sú ɔ́ ɖɔ: “A jlǒ ná ɖó xó xá asi ce ɖo xwé ce gbe wɛ a?” Hamáa mɔ nǔ jɛ xó ɔ́ mɛ, lobo lílɛ́ ta kpódó winnyá kpó.
9 Bugatáan e nyí ɖokpó ɖo kásɛntɔ́ lɛ́ɛ mɛ é yí xó, lobo ɖɔ nú axɔ́sú ɔ́ ɖɔ: “Atín e Hamáa sɔ́ ɖó te nú Maadocée e ɖe wě e è ɖe dó axɔ́sú ɔ́ wú ɔ́ gba é ɖíe; Hamáa sín xwé nukɔn wɛ é ɖe; gaɖiɖi tɔn yi mɛ̌tlu koatɔ́n (25) mɔ̌.” Axɔ́sú ɔ́ ɖe gbe ɖɔ: “È nǐ bó ká ɛ nyi jí.” 10 Bɔ è ká Hamáa nyi atín e é sɔ́ ɖó te, bɔ è nǎ hu Maadocée ɖ'é jí é jí. Énɛ́ gúdo ɔ́, axɔ́sú ɔ́ wá fá xomɛ bǐ.
Currently Selected:
Ɛsitɛ́ɛ Glɛ̌sigbe 7: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.