Ɛsitɛ́ɛ Glɛ̌sigbe D
D
Ɛsitɛ́ɛ yi axɔ́sú ɔ́ gɔ́n
1 Azǎn atɔngɔ́ ɔ́ gbe ɔ́, Ɛsitɛ́ɛ ɖó ɖɛ e xo wɛ é ɖe ɔ́ te; é ɖe nǔwamɛvɔ e mɛ é nɔ, bó dó byɔ́ alɔdó Mawu lɛ́ɛ é ɖ'ayǐ, lobo fɔ acɔ́vɔ tɔn lɛ́ɛ gbá. 2 É ɖó acɔ́ mɔ̌, cóbó lɛ́ ylɔ́ Mawu e nɔ́ mɔ nǔ bǐ, lobo ka nɔ hwlɛ́n nǔ bǐ gán é. Énɛ́ gúdo ɔ́, é jɛ ali, é kpó kásɛntɔ́ tɔn we kpó. 3 É wa dɛ̌dɛ̌, bó gán jɛ mɛ ɖokpó wú ɖo yě mɛ. 4 Mɛ wegɔ́ ɔ́ ká bɔ dó wǔ tɔn, bɔ alɔ tɔn ɖo awu gaga ɔ́ wú. 5 Ɖɛkpɛ tɔn gba ayi dó nú mɛ; é ɖó awǎjijɛ ɖo nukúnta, lo ɔ́, xɛsi ka ɖo ayi mɛ n'i.
6 Ɛsitɛ́ɛ gbɔn hɔnli e ko ɖo hɔn ɔ́ mɛ lɛ́ɛ bǐ li nu, bó wá yi xwetɔ́n ɖo axɔ́sú ɔ́ nukɔn. É ɖo ayǐjínjɔ́n ɖo gǎnzinkpo tɔn jí, lobo ɖó acɔ́ bǐ. Sikánú kpódó awǐnnya jɔ awǐnnya ɖé lɛ́ɛ kpó wɛ é dó ɖó acɔ́ ná; ninɔmɛ tɔn jí wǔ ɖésú. 7 É ɖe nukún mɛ sín ayǐ tlóló, lobo kpɔ́n ɛ kpódó xomɛsin kpán. Gǎn vɔ ɖo axɔ́si ɔ́ wú bǐ, bɔ nukún mɛ tɔn ɖyɔ́ hwɛkan; é xɛ́ nǔ; é gbɔ bó sɔ́ ta tɔn nyi kásɛntɔ́ e ɖo nukɔn n'i ɔ́ sín abɔ̌ta. 8 Hwenɛ́nu ɔ́, Mawu lílɛ́ ayi dó xomɛ nú axɔ́sú ɔ́, bɔ é jó xomɛsin dó; ado hu axɔ́sú ɔ́; é lɔ́n sín zinkpo tɔn jí, bó wá yi wlí Ɛsitɛ́ɛ hɛn káká bɔ é wá mɔ éɖée. É wá ɖɔ xó dó hwíhwɛ́ ayi n'i: 9 É kanbyɔ́ ɛ ɖɔ: “Étɛ́ wɛ ɖo wiwa we wɛ Ɛsitɛ́ɛ? Xɛ nya ɖo jǐ towe tɔ́ wɛ nú mì sín! Ma ɖi xɛsi ó! 10 A nǎ kú ǎ, gɔ̌n ce má wá kplikpli sɛ́n ɔ́ mɛ kpaa lɛ́ɛ wɛ é kan. 11 Sɛ wá gɔ̌n ce.” 12 Hwenɛ́nu ɔ́, é zé sikákpogɛ tɔn nyi kɔlivla mɛ nú Ɛsitɛ́ɛ; énɛ́ gúdo ɔ́, é kplá así kɔ n'i lobo ɖɔ: “Ɖɔ xó nú mì má ɖíɖɔ́.” 13 Ɛsitɛ́ɛ yí gbe n'i bó ɖɔ: “Ée un mɔ we lě ɔ́, a cí Mawuwɛnsagun ɖɔhun, bɔ ayixa ce bǐ gbadó, bɔ xɛsi jɛ jǐ ce ɖó susu towe wú. 14 Nǔgbó wɛ, a nyɔ̌ kpɔ́n, lobo ka lɛ́ ɖó sɛ́nukún mɛ.” 15 Hwenu e axɔ́si ɔ́ ɖo xó énɛ́ lɛ́ɛ ɖɔ wɛ ɔ́, é lɛ́ bú dó éɖée. 16 Axɔ́sú ɔ́ sín ayi gba dó bǐ, bɔ é kpódó mɛ tɔn lɛ́ɛ kpó zɔn jǐ tɔn, bó gbídí i káká bɔ é lɛ́ vɔ́ slɔ́.
Currently Selected:
Ɛsitɛ́ɛ Glɛ̌sigbe D: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.