Ɛsitɛ́ɛ Glɛ̌sigbe B
B
Wěma e zɔ́n ɖɔ è hu Jwifu lɛ́ɛ é
14 Xó e ɖo wěma e axɔ́sú ɔ́ wlán é mɛ é ɖíe: “Axɔ́sú ɖaxó Aatazɛɛzɛsi e ɖɔ nǔ dó tokpɔn kantɔn tɛ́nwe (127) lɛ́ɛ nu sín Ɛndu káká wá Etiopíi é wɛ ɖo xó élɔ́ ɖɔ sɛ́ dó gǎn hɔn-yitɔ́ lɛ́ɛ kpódó gǎn ɖo gǎn glɔ́ lɛ́ɛ kpó wɛ.
15 “Nyɛ mɛ e gbló ada nú axɔ́súɖuto ce gbɔn akɔta nabí ɖé lɛ́ɛ jí é; un jló, é ká nyí susu e ɖo gǎn ɖuɖu mɛ é ba wɛ un ɖe ǎ; lo ɔ́, mɛnuninɔ kpódó mɛɖéejíɖuɖe kpó ɖagbewiwa kpó sín ayixa nú mɛ e ɖo glɔ̌ ce lɛ́ɛ é ná nɔ fɛɛ mɛ nú axɔ́súɖuto ce ná hun nukún, lobo ka na nɔ́ dó asá dogbó to ɖě tɔn yi to ɖěvo mɛ tagba mɛ vo, lobo nú fífá e gbɛ ɔ́ bǐ ɖo biba wɛ é ná dó tíin.
16 “Hwenu e un kan nǔ byɔ́ wěɖexámɛtɔ́ ce dó lě e è sixú bló gbɔn bɔ nǔ ná nyí mɔ̌ ɖo to ɔ́ mɛ é wú é ɔ́, wěɖexámɛtɔ́ ce e è nɔ ylɔ́ ɖɔ Hamáa, bó nyí gbɛtɔ́ nǔnywɛ́tɔ́, kanxotɔ́, gbejínɔtɔ́ lobo ka nyí gbɛtɔ́ nukúnɖéjí wegɔ́ ɔ́ e ɖo axɔ́súɖuto ɔ́ mɛ é, 17 ɖe xlɛ́ mì ɖɔ akɔta e ko ɖo ayǐkúngban jí lɛ́ɛ bǐ mɛ ɔ́, togun ayi baɖabaɖanɔ ɖé wá byɔ́ yě mɛ; sɛ́n tɔn lɛ́ɛ sɔgbe xá akɔta ɖěbǔ tɔn ǎ; yě ká sɔ́ nɔ́ lɛ́ ké ya nú sɛ́n e ɖɔ nǔ dó axɔ́súɖuto ɔ́ nu lɛ́ɛ lɔ ɔ́ ǎ, lobo húzú nǔjɛnǔmɛ nú bǔninɔ sín acɛkpikpa e nu mǐ ɖe, bó ɖo tito wɛ kpódó ayijlɔ́jlɔ́ kpó, bɔ mɔɖɔ ɖé má ɖ'é wú ǎ é. 18 Un se ɖɔ togun énɛ́ ɔ́ ɖokpónɔ géé wɛ ɖo hunnyahunnya mɛ xá akɔta e ko ɖo gbɛ ɔ́ mɛ lɛ́ɛ é bǐ ɖo ali bǐ nu; é fɛ́n vo, lobo nɔ wa nǔ xwedó sɛ́n e má nyí mǐtɔn ǎ lɛ́ɛ; gbɛnyɔ́ná mǐtɔn myá nukún n'i ǎ, lobɔ é nɔ́ ɖo nǔ nyanya bǐ dó sin wɛ, lobo nú axɔ́súɖuto ɔ́ má mɔ fífá gbeɖé ó. 19 Nǔ e wú wɛ un ná gbe ɖɔ mɛ e sín nyíkɔ Hamáa, xɛ nya ɖo gbɛnyɔ́ná mǐtɔn lɛ́ɛ jí tɔ́, ée ɖo tɔ́ wegɔ́ ɔ́ tɛnmɛ nú mǐ é wlán dó wěma ɔ́ mɛ lɛ́ɛ é ɔ́, è nǐ sú kún bǐ tɔn dó, nyɔ̌nu kpódó vǐ lɛ́ɛ bǐ sésé kpán, ɖo hwǐ ɖíɖá kɛntɔ́ yětɔn lɛ́ɛ tɔn nu, ma kú nǔbláwǔ nú yě ɖěbǔ, ɖo azǎn wɛ̌nɛgɔ́ ɔ́ sín xwe wěwegɔ́ ɔ́ gbe, ɖo xwe élɔ́ mɛ é nɛ́. 20 Mɛ énɛ́ lɛ́ɛ e égbé ɖi sɔ e wá yi é ɖɔhun ɔ́, yě nyí kɛntɔ́ mɛ ɖě lɛ́ɛ tɔn lɛ́ɛ é ɔ́, è nǎ kpíkpé yě dó dogbó mɛ kpódó zǐngídi kpó kéze gbe ɖokpó; énɛ́ ɔ́, to mǐtɔn ná jɛ éɖée sí, lobɔ nǔ bǐ ná jɛ yiyi nú mɛ bǐ jí linsinlinsin”
Currently Selected:
Ɛsitɛ́ɛ Glɛ̌sigbe B: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.