Daniyɛ́li Glɛ̌sigbe Xónusɔ́ɖóte
Xónusɔ́ɖóte
Daniyɛ́li wéma e è tínmɛ dó Glɛ̌sigbe mɛ jɛ nukɔn lɛ́ɛ ɖó akpáxwé gaga atɔn, bɔ è nɔ mɔ ɖo Daniyɛ́li wéma Ebléegbe mɛ tɔn mɛ ǎ. Jɛ nukɔn ɔ́, è nɔ mɔ ɖɛ e Azaliya xo é, kpódó han e dɔ̌nkpɛvú atɔn lɛ́ɛ ji é kpó (3.24-90).
Ɖo Daniyɛ́li 3.19-23 mɛ ɔ́, wěmawlántɔ́ ɔ́ ɖɔ lě e è zě Daniyɛ́li sín xɔ́ntɔn atɔn lɛ́ɛ nyi dó myɔkpó mɛ gbɔn é wú. È bɛ̌ yě nyi dó myɔkpó mɛ, ɖó yě gbɛ́ ɖɔ émí kún ná ɖe kɔ́ nú akpajlɛ́ e è sɔ́ siká dó bló ná é ó. Daniyɛ́li wéma e è tínmɛ dó Glɛ̌sigbe mɛ jɛ nukɔn lɛ́ɛ lɛ́ sɔ́ ɖɛ e Daniyɛ́li sín xɔ́ntɔn atɔn lɛ́ɛ ɖokpó xo é, kpódó Mawu kpikpa sín han ɖokpó kpó gɔ́ ná. Nǔ e è sɔ́ gɔ́ ná ɖo Glɛ̌sigbe mɛ nɛ́ ɔ́ nɔ́ lɛ́ dó mɛ e ɖo wǔvɛ́ mɔ wɛ ɖó Mawu tamɛ lɛ́ɛ é sín nǔɖiɖi gesí. É lɛ́ dó nǔbǐwúkpíkpé Mawu tɔn gesí.
Akpáxwé ɖěvo e è wǎ sɔ́ gɔ́ ná lɛ́ɛ sɔ́ ɖó xó ɖé káká kpódó wěma dodó ɔ́ kpó hǔn, Daniyɛ́li ɖésú jɛ́n ná nyí. É kpo ɖo wǐnnyáwínnyá mɛ cóbó gbo hwɛ e é gbo bɔ mǐ se ɖo Suzánu sín tan mɛ é. Ée é ká wá nyí mɛxó ɔ́, é wɛ lɛ́ nyí mɔ̌, bɔ hwenuxó Bɛlu tɔn kpódó Dan Ɖaxó ɔ́ tɔn kpó wá ɖo lě e é ɖe gbɔn é.
Nǔ tají tají e ɖo wěma ɔ́ mɛ lɛ́ɛ
Azaliya sín ɖɛ kpódó Daniyɛ́li xɔ́ntɔn atɔn lɛ́ɛ sín han kpó (3.24-90)
Suzánu (13)
Bɛlu kpódó Dan Ɖaxó ɔ́ kpó (14)
Currently Selected:
Daniyɛ́li Glɛ̌sigbe Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.