Balúki 2
2
1Énɛ́ ɔ́, Aklúnɔ wa nǔ e xó é ɖɔ ɖ'ayǐ e xá mǐ: É wa xá hwɛɖɔtɔ́ e nɔ ɖɔ hwɛ ɖo Izlayɛ́li lɛ́ɛ, bó wa xá axɔ́sú lɛ́ɛ, gǎn mǐtɔn lɛ́ɛ kpó mɛ e ɖo Judáa lɛ́ɛ kpó. 2Aklúnɔ sɛ́ nyladó gěgé dó Jeluzalɛ́mu. Nyladó mɔ̌hun ɖé ko jɛ ɖo ayǐkúngban ɔ́ jí kpɔ́n ǎ, có è ka wlán dó Mɔyízisɛ́n wéma ɔ́ mɛ. 3É gló bǐ bɔ mɛ lɛ́ɛ ɖu vǐ yětɔn súnnu kpó nyɔ̌nu kpó sín lan. 4Éé hú mɔ̌ ɔ́, é lɛ́ jó yě nyi axɔ́súɖuto e lɛ́ dó yě lɛ́ɛ sín kan nu. Énɛ́ ɔ́, togun e ɖo akpá yětɔn bɔ Mawu nyi yě sɛ́ dó yě gɔ́n lɛ́ɛ nɔ zun yě, bó nɔ́ dó winnyá yě. 5Mǐ wɛ ɖó ná kpa acɛ, mǐ ka wá húzú kannumɔ. Ɖó mi hu hwɛ dó Aklúnɔ Mawu mǐtɔn, mi ɖótó xó e é ɖɔ nú mi ɔ́ ǎ.
6Aklúnɔ Mawu mǐtɔn ɔ́, hwɛjijɔnɔ wɛ; lo ɔ́, mǐdɛɛ lɛ́ɛ kpó tɔ́gbó mǐtɔn lɛ́ɛ kpó ɔ́, mǐ ɖu winnyá lě e mɔ gbɔn wɛ è ɖe égbé din é. 7Aklúnɔ kó ɖɔ nyladó énɛ́ lɛ́ɛ xó nú mǐ ɖ'ayǐ, bɔ bǐ ka wá kɔn nyi mǐ jí. 8Mǐ xo ɖɛ ɖɔ é ní ɖe walɔ nyanya énɛ́ lɛ́ɛ sín ayi mɛ nú mǐ ǎ. 9Aklúnɔ ɖésú wɛ kplé awě énɛ́ ɖ'ayǐ, bó wá sɛ́ yě dó mǐ. Ɛɛn, nǔ e Aklúnɔ byɔ́ ɖɔ é mǐ ní bló ɔ́, nǔ sɔgbe wɛ. Aklúnɔ ɖésú wɛ kplé awě énɛ́ lɛ́ɛ ɖ'ayǐ bó wá sɛ́ yě dó mǐ. Ɛɛn, nǔ e Aklúnɔ zɔ́n mǐ ɖɔ mǐ ni bló ɔ́ bǐ wɛ sɔgbe. 10Amɔ̌, mǐ se xó e Aklúnɔ ɖɔ é ǎ; mǐ xwedó sɛ́n tɔn e é sɔ́ dó nukɔn nú mǐ é ǎ.
Alɔdó byɔ́byɔ́ Aklúnɔ
11Aklúnɔ Mawu Izlayɛ́li tɔn, a ɖe togun towe tɔ́n sín Ejípu kpó hlɔ̌nhlɔ́n kpó. Hlɔ̌nhlɔ́n towe ma ɖó jlɛ̌ ɔ́ kpó acɛkpikpa towe kpó wɛ ká nyí tɔn. Nǔ e nyí nǔkpácámɛ lɛ́ɛ, nǔdábaɖa lɛ́ɛ kpó wɛ a dǒ wa mɔ̌ ná. 12Din ɔ́, mǐ yí gbe ɖɔ: mǐ hu hwɛ, mǐ fɔ́n gǔ, mǐ xwedó sɛ́n towe lɛ́ɛ ǎ Aklúnɔ Mawu mǐtɔn. 13Mǐ wá húzú togun kpɛví ɖo togun e mɛ a sɛ́ mǐ dó lɛ́ɛ tɛ́ntin. Ɖe xomɛsin towe dó zɔ nú mǐ. 14Aklúnɔ, ɖǒtó nǔ e byɔ́ we wɛ mǐ ɖe ɖo ɖɛ mǐtɔn mɛ ɔ́. Kpɔ́n dó hwi ɖésúnɔ wú bó ɖe mǐ sín awě élɔ́ mɛ. Blǒ bónú mɛ e tún to nú mǐ lɛ́ɛ ní nyɔ́ xomɛ dó mǐ wú. 15Énɛ́ ɔ́, ayǐkúngban bǐ ná tunwun ɖɔ hwi wɛ nyí Aklúnɔ Mawu mǐtɔn, bɔ mǐ wɛ nyí togun towe, bó nyí nǔ towe. 16Aklúnɔ, ɖo aga fí e a ɖe ɖo Sinsɛnxɔ towe mɛ ɔ́, nyi kɔ kpɔ́n togun towe, flín mǐ sɛ́ dó. Tɛ́ tó bó se xó e ɖɔ wɛ mǐ ɖe é. 17Hun nukún bó kpɔ́n. Nú mǐ kú ɔ́, nú lǐndɔ̌n mǐtɔn jó agbaza dó ɔ́, nú mǐ yi kútomɛ ɔ́, mǐ mɛ ɖě sɔ́ ná sixú kpa susu nú we ǎ, mǐ sɔ́ ná tunwun hwɛjijɔ towe ǎ Aklúnɔ. 18Mɛ e nɔ kpa susu nú we bó nɔ́ tunwun hwɛjijɔ towe ɔ́ wɛ nyí: gbɛtɔ́ e ɖo aluwɛ mɛ, bɔ hlɔ̌nhlɔ́n ɖé má sɔ́ ɖo wǔ tɔn ǎ, bɔ é nɔ́ zɔn tɔ́tɔ́, bɔ nukún tɔn nɔ xwe avivi bɔ é ɖo xovɛ́ é.
19Énɛ́ wú ɔ́, Aklúnɔ, nú mǐ ɖo ɖɛ xo wɛ ɖo nukɔn towe bó ɖo vo sa nú we wɛ ɔ́, nǔnyɔ́wa tɔ́gbó mǐtɔn lɛ́ɛ alǒ axɔ́sú mǐtɔn lɛ́ɛ tɔn wú wɛ mǐ nɔ gán jɛ ǎ. 20Ɖó xomɛ ɖaxó e a sin e ɔ́, mǐdɛɛ lɛ́ɛ wɛ a sin dó. A ko ɖɔ ɖ'ayǐ gbɔn gbeyíɖɔ towe lɛ́ɛ jí ɖɔ: 21 “Mi yi do nú axɔ́sú Babilɔ́nu tɔn, bó sɛn ɛ. Énɛ́ ɔ́, mǐ ná nɔ to e Aklúnɔ ná tɔ́gbó mǐtɔn lɛ́ɛ ɔ́ mɛ. 22Amɔ̌, nú mi gbɛ́ axɔ́sú Babilɔ́nu tɔn sɛn lě e é byɔ́ mǐ gbɔn ɔ́ 23un ná ɖó awǎjijɛ han kpó xwe han mitɔn lɛ́ɛ kpó te ɖo Jeluzalɛ́mu kpó Judáa toxo lɛ́ɛ mɛ kpán. Un ná ɖó awǒbóbó kpó alɔwlíwlí han mitɔn lɛ́ɛ kpó te. To ɔ́ bǐ ná cí awǐnnya kplékplé ɖɔhun. È nǎ bɛ́ mɛ bǐ sín to ɔ́ mɛ.”
24 Mǐ ka bló d'é jí lě e a ɖɔ gbɔn ɖɔ mǐ ní sɛn Babilɔ́nu xɔ́sú ɔ́ é ǎ. Énɛ́ wútu ɔ́, a blǒ nǔ e a ɖɔ gbɔn mɛsɛntɔ́ towe gbeyíɖɔ lɛ́ɛ jí é: “È nǎ kun axɔ́sú mǐtɔn lɛ́ɛ kpó daágbó mitɔn lɛ́ɛ kpó sín xú sín yɔdo yětɔn lɛ́ɛ mɛ.” 25Tɔ́gbó mǐtɔn lɛ́ɛ kpó axɔ́sú mǐtɔn lɛ́ɛ kpó ɔ́ wǔvɛ́ ɖaxó ɖé mɛ wɛ yě kú dó. Yě kú ɖo xovɛ́, ahwan kpó jɛmɛjí kpó mɛ. Cyɔ yětɔn nɔ wěxo bɔ ɖo kéze ɔ́, hwesivɔ́ nɔ́ mɔ yě; é ká su zǎn mɛ ɔ́, jɔhɔn nɔ mɔ yě. 26Bɔ Sinsɛnxɔ e è sɔ́ ɖó te nú we ɔ́ a jǒ dó ɖó gbɛ e mɛ é ɖe din e mɛ, ɖó dǐdá Judáa togun ɔ́ tɔn wú.
27Nǔ ɖo mɔ̌ có, Aklúnɔ Mawu mǐtɔn, kpɔ́n wɛ a kpɔ́n bó bló nú mǐ kpó xomɛnyínyɔ́ kpó ɖésú. 28 A ko ɖɔ xó énɛ́ bǐ gbɔn mɛsɛntɔ́ towe Mɔyízi jí azǎn ée a ɖe gbe n'i ɖo Izlayɛ́li ví lɛ́ɛ bǐ nukɔn ɖɔ ní wlán sɛ́n towe lɛ́ɛ é. 29“Nú mi ma se xó ce lɛ́ɛ ǎ ɔ́, togun wɔ̌buwɔ́bú e mi nyí din ɔ́ ná wá húzú togun masɔatɛ́n ɖo togun ɖěe tɛ́ntin un ná sɛ́ mi dó lɛ́ɛ.” 30Un tunwun ɖɔ mi kún ná se xó ce lɛ́ɛ ó, ɖó togun tótlítɔ́ wɛ nú mi. Amɔ̌, fí e è nǎ tún to nú mi yi jɛ, bɔ mi ná jɛ tamɛ lin jí ɔ́ ɖo fínɛ́, 31bó ná mɔ ɖɔ nyi wɛ nyí Aklúnɔ Mawu mitɔn. Un ná ná mi ayiɖote kpó tó e nɔ se nǔ ɔ́ kpó. 32Mi yi jɛ to e mɛ è nǎ tún to nú mi yi é ɔ́, mi ná nɔ́ ji han dó kpa susu nú mì, bó ná nɔ́ flín mì. 33Mi ná flín nǔ e jɛ ɖo tɔ́gbó mitɔn hwenu, hwenu e yě fɔ́n gǔ dó jǐ ce ɔ́, énɛ́ ɔ́, mi ná lɛ́ kɔ sín tótlítlí mitɔn kpó walɔ nyanya mitɔn lɛ́ɛ kpó gúdo. 34“Énɛ́ ɔ́, un ná kplá mi lɛ́ kɔ wá to e un dó akpá tɔn nú tɔ́gbó mitɔn Ablaxámu, Izáki kpó Jakɔ́bu kpán ɖɔ mi ná ɖu gǔ tɔn é mɛ. Un sɔ́ ná ɖe mi kpo ǎ, un ná gba kún mitɔn kpé. 35 Un ná jɛ akɔ mavɔ mavɔ ɖokpó xá mi. Un ná nyí Mawu mitɔn, bɔ mi ná nyí togun ce, bɔ un sɔ́ ná nya togun ce Izlayɛ́li ɖó gbě sín to e un ná ɛ ɔ́ mɛ ǎ.”
Currently Selected:
Balúki 2: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Balúki 2
2
1Énɛ́ ɔ́, Aklúnɔ wa nǔ e xó é ɖɔ ɖ'ayǐ e xá mǐ: É wa xá hwɛɖɔtɔ́ e nɔ ɖɔ hwɛ ɖo Izlayɛ́li lɛ́ɛ, bó wa xá axɔ́sú lɛ́ɛ, gǎn mǐtɔn lɛ́ɛ kpó mɛ e ɖo Judáa lɛ́ɛ kpó. 2Aklúnɔ sɛ́ nyladó gěgé dó Jeluzalɛ́mu. Nyladó mɔ̌hun ɖé ko jɛ ɖo ayǐkúngban ɔ́ jí kpɔ́n ǎ, có è ka wlán dó Mɔyízisɛ́n wéma ɔ́ mɛ. 3É gló bǐ bɔ mɛ lɛ́ɛ ɖu vǐ yětɔn súnnu kpó nyɔ̌nu kpó sín lan. 4Éé hú mɔ̌ ɔ́, é lɛ́ jó yě nyi axɔ́súɖuto e lɛ́ dó yě lɛ́ɛ sín kan nu. Énɛ́ ɔ́, togun e ɖo akpá yětɔn bɔ Mawu nyi yě sɛ́ dó yě gɔ́n lɛ́ɛ nɔ zun yě, bó nɔ́ dó winnyá yě. 5Mǐ wɛ ɖó ná kpa acɛ, mǐ ka wá húzú kannumɔ. Ɖó mi hu hwɛ dó Aklúnɔ Mawu mǐtɔn, mi ɖótó xó e é ɖɔ nú mi ɔ́ ǎ.
6Aklúnɔ Mawu mǐtɔn ɔ́, hwɛjijɔnɔ wɛ; lo ɔ́, mǐdɛɛ lɛ́ɛ kpó tɔ́gbó mǐtɔn lɛ́ɛ kpó ɔ́, mǐ ɖu winnyá lě e mɔ gbɔn wɛ è ɖe égbé din é. 7Aklúnɔ kó ɖɔ nyladó énɛ́ lɛ́ɛ xó nú mǐ ɖ'ayǐ, bɔ bǐ ka wá kɔn nyi mǐ jí. 8Mǐ xo ɖɛ ɖɔ é ní ɖe walɔ nyanya énɛ́ lɛ́ɛ sín ayi mɛ nú mǐ ǎ. 9Aklúnɔ ɖésú wɛ kplé awě énɛ́ ɖ'ayǐ, bó wá sɛ́ yě dó mǐ. Ɛɛn, nǔ e Aklúnɔ byɔ́ ɖɔ é mǐ ní bló ɔ́, nǔ sɔgbe wɛ. Aklúnɔ ɖésú wɛ kplé awě énɛ́ lɛ́ɛ ɖ'ayǐ bó wá sɛ́ yě dó mǐ. Ɛɛn, nǔ e Aklúnɔ zɔ́n mǐ ɖɔ mǐ ni bló ɔ́ bǐ wɛ sɔgbe. 10Amɔ̌, mǐ se xó e Aklúnɔ ɖɔ é ǎ; mǐ xwedó sɛ́n tɔn e é sɔ́ dó nukɔn nú mǐ é ǎ.
Alɔdó byɔ́byɔ́ Aklúnɔ
11Aklúnɔ Mawu Izlayɛ́li tɔn, a ɖe togun towe tɔ́n sín Ejípu kpó hlɔ̌nhlɔ́n kpó. Hlɔ̌nhlɔ́n towe ma ɖó jlɛ̌ ɔ́ kpó acɛkpikpa towe kpó wɛ ká nyí tɔn. Nǔ e nyí nǔkpácámɛ lɛ́ɛ, nǔdábaɖa lɛ́ɛ kpó wɛ a dǒ wa mɔ̌ ná. 12Din ɔ́, mǐ yí gbe ɖɔ: mǐ hu hwɛ, mǐ fɔ́n gǔ, mǐ xwedó sɛ́n towe lɛ́ɛ ǎ Aklúnɔ Mawu mǐtɔn. 13Mǐ wá húzú togun kpɛví ɖo togun e mɛ a sɛ́ mǐ dó lɛ́ɛ tɛ́ntin. Ɖe xomɛsin towe dó zɔ nú mǐ. 14Aklúnɔ, ɖǒtó nǔ e byɔ́ we wɛ mǐ ɖe ɖo ɖɛ mǐtɔn mɛ ɔ́. Kpɔ́n dó hwi ɖésúnɔ wú bó ɖe mǐ sín awě élɔ́ mɛ. Blǒ bónú mɛ e tún to nú mǐ lɛ́ɛ ní nyɔ́ xomɛ dó mǐ wú. 15Énɛ́ ɔ́, ayǐkúngban bǐ ná tunwun ɖɔ hwi wɛ nyí Aklúnɔ Mawu mǐtɔn, bɔ mǐ wɛ nyí togun towe, bó nyí nǔ towe. 16Aklúnɔ, ɖo aga fí e a ɖe ɖo Sinsɛnxɔ towe mɛ ɔ́, nyi kɔ kpɔ́n togun towe, flín mǐ sɛ́ dó. Tɛ́ tó bó se xó e ɖɔ wɛ mǐ ɖe é. 17Hun nukún bó kpɔ́n. Nú mǐ kú ɔ́, nú lǐndɔ̌n mǐtɔn jó agbaza dó ɔ́, nú mǐ yi kútomɛ ɔ́, mǐ mɛ ɖě sɔ́ ná sixú kpa susu nú we ǎ, mǐ sɔ́ ná tunwun hwɛjijɔ towe ǎ Aklúnɔ. 18Mɛ e nɔ kpa susu nú we bó nɔ́ tunwun hwɛjijɔ towe ɔ́ wɛ nyí: gbɛtɔ́ e ɖo aluwɛ mɛ, bɔ hlɔ̌nhlɔ́n ɖé má sɔ́ ɖo wǔ tɔn ǎ, bɔ é nɔ́ zɔn tɔ́tɔ́, bɔ nukún tɔn nɔ xwe avivi bɔ é ɖo xovɛ́ é.
19Énɛ́ wú ɔ́, Aklúnɔ, nú mǐ ɖo ɖɛ xo wɛ ɖo nukɔn towe bó ɖo vo sa nú we wɛ ɔ́, nǔnyɔ́wa tɔ́gbó mǐtɔn lɛ́ɛ alǒ axɔ́sú mǐtɔn lɛ́ɛ tɔn wú wɛ mǐ nɔ gán jɛ ǎ. 20Ɖó xomɛ ɖaxó e a sin e ɔ́, mǐdɛɛ lɛ́ɛ wɛ a sin dó. A ko ɖɔ ɖ'ayǐ gbɔn gbeyíɖɔ towe lɛ́ɛ jí ɖɔ: 21 “Mi yi do nú axɔ́sú Babilɔ́nu tɔn, bó sɛn ɛ. Énɛ́ ɔ́, mǐ ná nɔ to e Aklúnɔ ná tɔ́gbó mǐtɔn lɛ́ɛ ɔ́ mɛ. 22Amɔ̌, nú mi gbɛ́ axɔ́sú Babilɔ́nu tɔn sɛn lě e é byɔ́ mǐ gbɔn ɔ́ 23un ná ɖó awǎjijɛ han kpó xwe han mitɔn lɛ́ɛ kpó te ɖo Jeluzalɛ́mu kpó Judáa toxo lɛ́ɛ mɛ kpán. Un ná ɖó awǒbóbó kpó alɔwlíwlí han mitɔn lɛ́ɛ kpó te. To ɔ́ bǐ ná cí awǐnnya kplékplé ɖɔhun. È nǎ bɛ́ mɛ bǐ sín to ɔ́ mɛ.”
24 Mǐ ka bló d'é jí lě e a ɖɔ gbɔn ɖɔ mǐ ní sɛn Babilɔ́nu xɔ́sú ɔ́ é ǎ. Énɛ́ wútu ɔ́, a blǒ nǔ e a ɖɔ gbɔn mɛsɛntɔ́ towe gbeyíɖɔ lɛ́ɛ jí é: “È nǎ kun axɔ́sú mǐtɔn lɛ́ɛ kpó daágbó mitɔn lɛ́ɛ kpó sín xú sín yɔdo yětɔn lɛ́ɛ mɛ.” 25Tɔ́gbó mǐtɔn lɛ́ɛ kpó axɔ́sú mǐtɔn lɛ́ɛ kpó ɔ́ wǔvɛ́ ɖaxó ɖé mɛ wɛ yě kú dó. Yě kú ɖo xovɛ́, ahwan kpó jɛmɛjí kpó mɛ. Cyɔ yětɔn nɔ wěxo bɔ ɖo kéze ɔ́, hwesivɔ́ nɔ́ mɔ yě; é ká su zǎn mɛ ɔ́, jɔhɔn nɔ mɔ yě. 26Bɔ Sinsɛnxɔ e è sɔ́ ɖó te nú we ɔ́ a jǒ dó ɖó gbɛ e mɛ é ɖe din e mɛ, ɖó dǐdá Judáa togun ɔ́ tɔn wú.
27Nǔ ɖo mɔ̌ có, Aklúnɔ Mawu mǐtɔn, kpɔ́n wɛ a kpɔ́n bó bló nú mǐ kpó xomɛnyínyɔ́ kpó ɖésú. 28 A ko ɖɔ xó énɛ́ bǐ gbɔn mɛsɛntɔ́ towe Mɔyízi jí azǎn ée a ɖe gbe n'i ɖo Izlayɛ́li ví lɛ́ɛ bǐ nukɔn ɖɔ ní wlán sɛ́n towe lɛ́ɛ é. 29“Nú mi ma se xó ce lɛ́ɛ ǎ ɔ́, togun wɔ̌buwɔ́bú e mi nyí din ɔ́ ná wá húzú togun masɔatɛ́n ɖo togun ɖěe tɛ́ntin un ná sɛ́ mi dó lɛ́ɛ.” 30Un tunwun ɖɔ mi kún ná se xó ce lɛ́ɛ ó, ɖó togun tótlítɔ́ wɛ nú mi. Amɔ̌, fí e è nǎ tún to nú mi yi jɛ, bɔ mi ná jɛ tamɛ lin jí ɔ́ ɖo fínɛ́, 31bó ná mɔ ɖɔ nyi wɛ nyí Aklúnɔ Mawu mitɔn. Un ná ná mi ayiɖote kpó tó e nɔ se nǔ ɔ́ kpó. 32Mi yi jɛ to e mɛ è nǎ tún to nú mi yi é ɔ́, mi ná nɔ́ ji han dó kpa susu nú mì, bó ná nɔ́ flín mì. 33Mi ná flín nǔ e jɛ ɖo tɔ́gbó mitɔn hwenu, hwenu e yě fɔ́n gǔ dó jǐ ce ɔ́, énɛ́ ɔ́, mi ná lɛ́ kɔ sín tótlítlí mitɔn kpó walɔ nyanya mitɔn lɛ́ɛ kpó gúdo. 34“Énɛ́ ɔ́, un ná kplá mi lɛ́ kɔ wá to e un dó akpá tɔn nú tɔ́gbó mitɔn Ablaxámu, Izáki kpó Jakɔ́bu kpán ɖɔ mi ná ɖu gǔ tɔn é mɛ. Un sɔ́ ná ɖe mi kpo ǎ, un ná gba kún mitɔn kpé. 35 Un ná jɛ akɔ mavɔ mavɔ ɖokpó xá mi. Un ná nyí Mawu mitɔn, bɔ mi ná nyí togun ce, bɔ un sɔ́ ná nya togun ce Izlayɛ́li ɖó gbě sín to e un ná ɛ ɔ́ mɛ ǎ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.