Balúki 1
1
1 Wěma élɔ́ ɔ́, Balúki wɛ wlán ɖo Babilɔ́nu. Nya nɛ́ ɔ́, Nɛlia ví wɛ, Maaseya vívú wɛ. Maaseya ɔ́, Sedesíyasi ví wɛ, Asadiasi vívú wɛ. Asadiasi ɔ́, Hilikiya sín vǐ wɛ. 2Hwenu e Babilɔ́nunu lɛ́ɛ wá yí Jeluzalɛ́mu bó dó zo ɔ́ sín xwe atɔ́ɔ́ngɔ́ ɔ́ mɛ, ɖo sun tɛ́nwegɔ́ xwe nɛ́ ɔ́ tɔn sín azǎn tɛ́nwegɔ́ ɔ́ gbe wɛ é wlán wěma ɔ́. 3 Balúki xa wěma élɔ́ ɖo Yekoniya Yowakímu ví Judáa xɔ́sú ɔ́ kpó togun e wá se nǔxixa ɔ́ é bǐ kpán nukɔn. 4Mɛ e ɖo Babilɔ́nu ɖo Súdi tɔ tó lɛ́ɛ bǐ ɖo fínɛ́. Gǎn hɔn-yitɔ́ lɛ́ɛ, axɔ́ví lɛ́ɛ, hɛ̌nnugán lɛ́ɛ kpó togun ɔ́ bǐ kpán, bɛ́ sín yɔkpɔ́vú jí káká yi jɛ mɛxó lɛ́ɛ bǐ sésé jí. 5Ée é xa wěma ɔ́ gúdo ɔ́, togun ɔ́ bǐ ya avǐ, bó blá nu, bó xo ɖɛ ɖo Aklúnɔ nukɔn. 6Énɛ́ ɔ́, yě jɔ akwɛ́. Mɛ ɖokpó ɖokpó ná lě e é kpé wú gbɔn é. 7Yě sɔ́ akwɛ́ ɔ́ sɛ́ dó vɔ̌sánú-xwlémawutɔ́ Yowakímu, Hilukiya ví, Calumu ví ɔ́ ɖo Jeluzalɛ́mu. Akwɛ́ ɖokpó énɛ́ ɔ́ vɔ̌sánú-xwlémawutɔ́ ɖě lɛ́ɛ kpó togun ɔ́ bǐ kpó tɔn wɛ.
8-9Azǎn kó jɛ bɔ Nabukodonɔzɔ́ɔ Babilɔ́nu xɔ́sú ɔ́ tún to nú Yekoniya kpó nukɔntɔ́ lɛ́ɛ kpó, alɔnuzɔ́watɔ́ lɛ́ɛ kpó, gǎn hɔn-yitɔ́ lɛ́ɛ kpó, kpódó togun e ɖo to ɔ́ mɛ ɔ́ bǐ kpán sín Jeluzalɛ́mu, bó bɛ́ yě yi Babilɔ́nu. Énɛ́ gúdo ɔ́, Sedesíyasi Joziyási ví, axɔ́sú Judáa tɔn zɔ́n ɖɔ è nǐ bló gannú kpó kpatágan kpó nú Sinsɛnxɔ Jeluzalɛ́mu tɔn. Azǎn wǒgɔ́ ɔ́ e ɖo Sivani sín sun mɛ ɔ́, Balúki bɛ́ gannú e è bɛ̌ sín Sinsɛnxɔ mɛ ɖo Jeluzalɛ́mu lɛ́ɛ, bó lɛ́ kɔ nú yě sɛ́ dó Judáa tomɛ.
10Wɛn e mɛ e è tún to ná lɛ́ɛ sɛ́ dó Jeluzalɛ́mu lɛ́ɛ ɖíe: “Mǐ sɛ́ akwɛ́ dó mi. Mi ná sɔ́ akwɛ́ ɔ́ dó xɔ kanlin dó sá vɔ̌ e è nɔ dó zo lɛ́ɛ kpó hwɛsɔ́kɛmɛvɔ́ lɛ́ɛ kpó. Mǐ ná lɛ́ xɔ zǎlínkpɔ́n. Mi ná sá vɔ̌ énɛ́ lɛ́ɛ bǐ ɖo vɔ̌sákpe Aklúnɔ Mawu mǐtɔn tɔn jí. 11Mi xo ɖɛ nú axɔ́sú Nabukodonɔzɔ́ɔ kpó vǐ tɔn Balutazáa kpán. Mi byɔ́ nú yě ɖɔ yě ni dɔ́ ji jǐnukúnsin kpó ayǐkúngban kpó ɖɔhun. 12Énɛ́ ɔ́, Aklúnɔ ná ná mǐ hlɔ̌nhlɔ́n, bó ná mǐ awǎjijɛ. Énɛ́ ɔ́, axɔ́sú Nabukodonɔzɔ́ɔ kpó vǐ tɔn Balutazáa kpó ná nya xɛ ɖo mǐ jí. Mǐ ná sɛn yě nú hwenu gěgé, bɔ yě ná nyɔ́ xomɛ dó mǐ wú. 13Mi xo ɖɛ nú Aklúnɔ Mawu mǐtɔn dó ta mǐ lɔ tɔn mɛ. Ɖó mǐ hu hwɛ dó Aklúnɔ Mawu mǐtɔn, bɔ káká jɛ égbé ɔ́, xomɛsin tɔn ko lɛ́ kɔ sín mǐ gúdo ǎ. 14Mi sɛ́ wěma élɔ́ dó mǐ bónú mǐ ná xa ɖo togun ɔ́ bǐ nukɔn, ɖo Aklúnɔ gbasá. Mi xa Azavaxwe ɔ́ hwenu, bó xa hwenu e é jɛ xá ɖɔ è nǐ xa lɛ́ɛ bǐ.”
MƐ E È TÚN TO NÁ LƐ́Ɛ SÍN ƉƐ
Hwɛgbeyíyí
15Mi ná ɖɔ: “Aklúnɔ Mawu mǐtɔn ɔ́, hwɛjijɔnɔ wɛ. Mǐdɛɛ lɛ́ɛ ɔ́ winnyá wɛ ɖó ná hu mǐ, lě e mǐ ɖe gbɔn égbé din é. Ɛɛn, mǐ mɛ Judáanu lɛ́ɛ kpó Jeluzalɛ́munu lɛ́ɛ kpó, 16winnyá ɖó ná hu mǐ, bó hu axɔ́sú mǐtɔn lɛ́ɛ, gǎn mǐtɔn lɛ́ɛ, vɔ̌sánú-xwlémawutɔ́ mǐtɔn lɛ́ɛ, gbeyíɖɔ mǐtɔn lɛ́ɛ kpó tɔ́gbó mǐtɔn lɛ́ɛ kpán. 17Ɛɛn, mǐ hu hwɛ dó Aklúnɔ, 18Ɖó ée Aklúnɔ Mawu mǐtɔn ɖɔ mǐ ní xwedó sɛ́n e émí sɔ́ ɖ'ayǐ nú mǐ lɛ́ɛ é ɔ́, mǐ se gbe n'i ǎ, mǐ ɖótó Aklúnɔ Mawu mǐtɔn tɔn ǎ. 19Sín gbe e gbe Aklúnɔ Mawu mǐtɔn ɖe tɔ́gbó mǐtɔn lɛ́ɛ tɔ́n sín Ejípu e káká jɛ din ɔ́, mǐ se tónú n'i ǎ, bó nɔ́ wa nǔ ma lin tamɛ kpɔ́n; mǐ se xó tɔn ǎ. 20 Énɛ́ wú wɛ nyladó kpó nudómɛ kpó vun blá mǐ, lě e mɔ gbɔn wɛ mi ɖe din é. Gbe e gbe é ɖe tɔ́gbó mǐtɔn lɛ́ɛ tɔ́n sín Ejípu bó ná ná mǐ to e mɛ wǐin kpó nyibúnɔ́sin kpó nɔ sa tɔ ɖe é ɔ́, Mɔyízi mɛsɛntɔ́ tɔn ɔ́ ko ɖɔ nudómɛ élɔ́ sín xó ɖ'ayǐ. 21É sɛ́ gbeyíɖɔ lɛ́ɛ dó mǐ, mǐ ka se xó e Aklúnɔ ɖɔ gbɔn yě jí ɔ́ ǎ. 22É nyɔ́ wa ɔ́ nǔ nyanya e ɖo mǐ ɖokpó ɖokpó sín ayi mɛ é wɛ mǐ xwedó bó yi sɛn nǔ ɖěvo lɛ́ɛ, bó wa nǔ e má nyɔ́ Aklúnɔ Mawu mǐtɔn nukún mɛ ǎ lɛ́ɛ.”
Currently Selected:
Balúki 1: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Balúki 1
1
1 Wěma élɔ́ ɔ́, Balúki wɛ wlán ɖo Babilɔ́nu. Nya nɛ́ ɔ́, Nɛlia ví wɛ, Maaseya vívú wɛ. Maaseya ɔ́, Sedesíyasi ví wɛ, Asadiasi vívú wɛ. Asadiasi ɔ́, Hilikiya sín vǐ wɛ. 2Hwenu e Babilɔ́nunu lɛ́ɛ wá yí Jeluzalɛ́mu bó dó zo ɔ́ sín xwe atɔ́ɔ́ngɔ́ ɔ́ mɛ, ɖo sun tɛ́nwegɔ́ xwe nɛ́ ɔ́ tɔn sín azǎn tɛ́nwegɔ́ ɔ́ gbe wɛ é wlán wěma ɔ́. 3 Balúki xa wěma élɔ́ ɖo Yekoniya Yowakímu ví Judáa xɔ́sú ɔ́ kpó togun e wá se nǔxixa ɔ́ é bǐ kpán nukɔn. 4Mɛ e ɖo Babilɔ́nu ɖo Súdi tɔ tó lɛ́ɛ bǐ ɖo fínɛ́. Gǎn hɔn-yitɔ́ lɛ́ɛ, axɔ́ví lɛ́ɛ, hɛ̌nnugán lɛ́ɛ kpó togun ɔ́ bǐ kpán, bɛ́ sín yɔkpɔ́vú jí káká yi jɛ mɛxó lɛ́ɛ bǐ sésé jí. 5Ée é xa wěma ɔ́ gúdo ɔ́, togun ɔ́ bǐ ya avǐ, bó blá nu, bó xo ɖɛ ɖo Aklúnɔ nukɔn. 6Énɛ́ ɔ́, yě jɔ akwɛ́. Mɛ ɖokpó ɖokpó ná lě e é kpé wú gbɔn é. 7Yě sɔ́ akwɛ́ ɔ́ sɛ́ dó vɔ̌sánú-xwlémawutɔ́ Yowakímu, Hilukiya ví, Calumu ví ɔ́ ɖo Jeluzalɛ́mu. Akwɛ́ ɖokpó énɛ́ ɔ́ vɔ̌sánú-xwlémawutɔ́ ɖě lɛ́ɛ kpó togun ɔ́ bǐ kpó tɔn wɛ.
8-9Azǎn kó jɛ bɔ Nabukodonɔzɔ́ɔ Babilɔ́nu xɔ́sú ɔ́ tún to nú Yekoniya kpó nukɔntɔ́ lɛ́ɛ kpó, alɔnuzɔ́watɔ́ lɛ́ɛ kpó, gǎn hɔn-yitɔ́ lɛ́ɛ kpó, kpódó togun e ɖo to ɔ́ mɛ ɔ́ bǐ kpán sín Jeluzalɛ́mu, bó bɛ́ yě yi Babilɔ́nu. Énɛ́ gúdo ɔ́, Sedesíyasi Joziyási ví, axɔ́sú Judáa tɔn zɔ́n ɖɔ è nǐ bló gannú kpó kpatágan kpó nú Sinsɛnxɔ Jeluzalɛ́mu tɔn. Azǎn wǒgɔ́ ɔ́ e ɖo Sivani sín sun mɛ ɔ́, Balúki bɛ́ gannú e è bɛ̌ sín Sinsɛnxɔ mɛ ɖo Jeluzalɛ́mu lɛ́ɛ, bó lɛ́ kɔ nú yě sɛ́ dó Judáa tomɛ.
10Wɛn e mɛ e è tún to ná lɛ́ɛ sɛ́ dó Jeluzalɛ́mu lɛ́ɛ ɖíe: “Mǐ sɛ́ akwɛ́ dó mi. Mi ná sɔ́ akwɛ́ ɔ́ dó xɔ kanlin dó sá vɔ̌ e è nɔ dó zo lɛ́ɛ kpó hwɛsɔ́kɛmɛvɔ́ lɛ́ɛ kpó. Mǐ ná lɛ́ xɔ zǎlínkpɔ́n. Mi ná sá vɔ̌ énɛ́ lɛ́ɛ bǐ ɖo vɔ̌sákpe Aklúnɔ Mawu mǐtɔn tɔn jí. 11Mi xo ɖɛ nú axɔ́sú Nabukodonɔzɔ́ɔ kpó vǐ tɔn Balutazáa kpán. Mi byɔ́ nú yě ɖɔ yě ni dɔ́ ji jǐnukúnsin kpó ayǐkúngban kpó ɖɔhun. 12Énɛ́ ɔ́, Aklúnɔ ná ná mǐ hlɔ̌nhlɔ́n, bó ná mǐ awǎjijɛ. Énɛ́ ɔ́, axɔ́sú Nabukodonɔzɔ́ɔ kpó vǐ tɔn Balutazáa kpó ná nya xɛ ɖo mǐ jí. Mǐ ná sɛn yě nú hwenu gěgé, bɔ yě ná nyɔ́ xomɛ dó mǐ wú. 13Mi xo ɖɛ nú Aklúnɔ Mawu mǐtɔn dó ta mǐ lɔ tɔn mɛ. Ɖó mǐ hu hwɛ dó Aklúnɔ Mawu mǐtɔn, bɔ káká jɛ égbé ɔ́, xomɛsin tɔn ko lɛ́ kɔ sín mǐ gúdo ǎ. 14Mi sɛ́ wěma élɔ́ dó mǐ bónú mǐ ná xa ɖo togun ɔ́ bǐ nukɔn, ɖo Aklúnɔ gbasá. Mi xa Azavaxwe ɔ́ hwenu, bó xa hwenu e é jɛ xá ɖɔ è nǐ xa lɛ́ɛ bǐ.”
MƐ E È TÚN TO NÁ LƐ́Ɛ SÍN ƉƐ
Hwɛgbeyíyí
15Mi ná ɖɔ: “Aklúnɔ Mawu mǐtɔn ɔ́, hwɛjijɔnɔ wɛ. Mǐdɛɛ lɛ́ɛ ɔ́ winnyá wɛ ɖó ná hu mǐ, lě e mǐ ɖe gbɔn égbé din é. Ɛɛn, mǐ mɛ Judáanu lɛ́ɛ kpó Jeluzalɛ́munu lɛ́ɛ kpó, 16winnyá ɖó ná hu mǐ, bó hu axɔ́sú mǐtɔn lɛ́ɛ, gǎn mǐtɔn lɛ́ɛ, vɔ̌sánú-xwlémawutɔ́ mǐtɔn lɛ́ɛ, gbeyíɖɔ mǐtɔn lɛ́ɛ kpó tɔ́gbó mǐtɔn lɛ́ɛ kpán. 17Ɛɛn, mǐ hu hwɛ dó Aklúnɔ, 18Ɖó ée Aklúnɔ Mawu mǐtɔn ɖɔ mǐ ní xwedó sɛ́n e émí sɔ́ ɖ'ayǐ nú mǐ lɛ́ɛ é ɔ́, mǐ se gbe n'i ǎ, mǐ ɖótó Aklúnɔ Mawu mǐtɔn tɔn ǎ. 19Sín gbe e gbe Aklúnɔ Mawu mǐtɔn ɖe tɔ́gbó mǐtɔn lɛ́ɛ tɔ́n sín Ejípu e káká jɛ din ɔ́, mǐ se tónú n'i ǎ, bó nɔ́ wa nǔ ma lin tamɛ kpɔ́n; mǐ se xó tɔn ǎ. 20 Énɛ́ wú wɛ nyladó kpó nudómɛ kpó vun blá mǐ, lě e mɔ gbɔn wɛ mi ɖe din é. Gbe e gbe é ɖe tɔ́gbó mǐtɔn lɛ́ɛ tɔ́n sín Ejípu bó ná ná mǐ to e mɛ wǐin kpó nyibúnɔ́sin kpó nɔ sa tɔ ɖe é ɔ́, Mɔyízi mɛsɛntɔ́ tɔn ɔ́ ko ɖɔ nudómɛ élɔ́ sín xó ɖ'ayǐ. 21É sɛ́ gbeyíɖɔ lɛ́ɛ dó mǐ, mǐ ka se xó e Aklúnɔ ɖɔ gbɔn yě jí ɔ́ ǎ. 22É nyɔ́ wa ɔ́ nǔ nyanya e ɖo mǐ ɖokpó ɖokpó sín ayi mɛ é wɛ mǐ xwedó bó yi sɛn nǔ ɖěvo lɛ́ɛ, bó wa nǔ e má nyɔ́ Aklúnɔ Mawu mǐtɔn nukún mɛ ǎ lɛ́ɛ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.