Balúki 3
3
1“Aklúnɔ Nǔbǐwúkpétɔ́, Mawu Izlayɛ́li tɔn, awakanmɛ kú mǐ, bɔ mǐ ɖo xó sú ylɔ́ we wɛ adohu adohu. 2Aklúnɔ, ɖǒtó mǐ, kú nǔbláwǔ mǐtɔn, ɖó mǐ hu hwɛ dó we. 3Hwɛ ɔ́, axɔ́sú wɛ nú we ɖo tɛgbɛ gbe; mǐdɛɛ lɛ́ɛ ka sɔ́ mǐɖée nyi gbě ɖo tɛgbɛ gbe. 4Aklúnɔ, Nǔbǐwúkpétɔ́, Mawu Izlayɛ́li tɔn, se xó e sú ylɔ́ we wɛ mǐ mɛ e ko nyí mɛkúkú lɛ́ɛ ɖe é. Vǐ wɛ mǐ nyí nú mɛ e hu hwɛ dó we lɛ́ɛ, mɛ e ma se tónú nú we ǎ lɛ́ɛ, Aklúnɔ Mawu mǐtɔn. Énɛ́ wútu wɛ nyladó lɛ́ɛ má jó mǐ dó ǎ. 5Ma flín hwɛ tɔ́gbó mǐtɔn lɛ́ɛ tɔn ó, lo ɔ́, bó flín nǔwúkpíkpé towe, flín ɖɔ hwi wɛ nyí Mawu. 6Ɛɛn, hwi wɛ nyí Aklúnɔ Mawu mǐtɔn, bɔ mǐ ná kpa susu nú we. 7A sɔ́ sísí towe dó ayi mǐtɔn mɛ, bónú mǐ ná sixú ylɔ́ we. Mǐ ná kpa susu nú we ɖo fí e è tún to nú mǐ wá ɖó é. Ɛɛn, mǐ ɖe nyladó e tɔ́gbó mǐtɔn lɛ́ɛ wa ɖo wǔ we ɔ́ sín ayi mǐtɔn mɛ. 8Éhɔ́nmɛ ɔ́, mǐ ɖo zɔ nú to mǐtɔn, ɖo to e mɛ a sɛ́ mǐ dó é. Ɖo fí ɔ́, è nɔ zun mǐ, bó nɔ́ ɖo nu dó mǐ wɛ. Nǔwanyido tɔ́gbó mǐtɔn e klán sín wǔ we lɛ́ɛ tɔn wú wɛ è ɖo tó dɔn nú mǐ wɛ, Aklúnɔ Mawu mǐtɔn.”
SƐ́NÚNYWƐ́ Ɔ́
Sɛ́núnywɛ́ e è wɔn é
9 Izlayɛ́li ví lɛ́ɛ, mi se sɛ́n e nɔ́ ná gbɛ ɔ́.
Mi ɖó tó te bó ná nyɔ́ nǔ i.
10Kɛntɔ́ tomɛ wɛ mi ɖe,
bó ɖo kpikpo wɛ ɖo mɛ ɖěvo tomɛ.
Aniwú nǔ ká nyí mɔ̌?
11Mɛ blíblí wɛ mi nyí, ɖó mi nɔ ɖó alɔ mɛ kúkú lɛ́ɛ wú,
mi ɖo mɛ e ɖo kútomɛ lɛ́ɛ mɛ.
Ani wɛ zɔ́n mɔ̌?
12Nǔnywɛ́ sín jɔtɛn e mi jó dó é wɛ zɔ́n mɔ̌.
13Ényí Aklúnɔ sín ali ɔ́ wɛ mi ko xwedó ɔ́,
mi ná kó ɖo fífá mɛ tɛgbɛ.
14Mi ba fí e nǔnywɛ́, hlɔ̌nhlɔ́n kpó tamɛbibɔ kpó ɖe é bó mɔ,
énɛ́ ɔ́, mi ná tunwun fí e mi ná mɔ jidɔ́,
nukún e ta awǎjijɛ kpó fífá kpó ɖe é.
Gbɛtɔ́ sixú mɔ fí e nǔnywɛ́ ɖe é ǎ
15 Mɛ̌ ka tunwun fí e nǔnywɛ́ nɔ́ nɔ ɔ́?
Mɛ̌ ka byɔ́ jɛ̌xɔ tɔn lɛ́ɛ mɛ? 16Akɔta ɖě lɛ́ɛ sín gǎn lɛ́ɛ ɔ́, fítɛ́ yě ká ɖe din,
yě mɛ e nɔ ɖe gbe dó gběkanlin lɛ́ɛ é,
17yě mɛ e nɔ ɖɔ xó nú xɛví lɛ́ɛ bɔ yě nɔ́ se lɛ́ɛ ɔ́,
fítɛ́ yě ɖe, fítɛ́ wɛ yě ɖe? Yě mɛ e ɖó dɔkun maxamaxa,
bó ɖó siká kpó kpatágan kpɔ́ gégé lɛ́ɛ kpó,
yě mɛ e wú gbɛtɔ́ lɛ́ɛ nɔ́ gán jɛ lɛ́ɛ ɔ́, fítɛ́ yě ɖe?
18Fítɛ́ alɔnuzɔ́watɔ́ e nɔ wa kpatáganzɔ́,
bɔ é nɔ́ mɛ́ lɛ́ɛ ká ɖe?
Azɔ̌ yětɔn jó xwixwí dó ǎ.
19Yě bǐ blíbú, yě yi abaɖaxwéjɛsú,
bɔ mɛ ɖěvo jɛ tɛn yětɔn mɛ.
20È ji vǐ ɖěvo lɛ́ɛ bɔ yě nɔ ayǐkúngban jí,
yě lɔ ka tunwun nǔnywɛ́ sín ali ǎ.
21Yě tunwun lě e yě ná mɔ gbɔn é ǎ; ayi yětɔn mɔ ǎ,
bɔ vǐ yětɔn lɛ́ɛ lɔ gbɔn zɔ nú ali ɔ́.
22Mɛ ɖé se nǔnywɛ́xó ɖo Kanáa ǎ,
mɛɖé mɔ ɛ ɖo Tenamu ǎ.
23Agáa sín hɛ̌nnumɔ e ɖo gbě tɔn nya kpé
gbɔn ayǐkúngban ɔ́ jí lɛ́ɛ,
ajɔ̌tɔ́ Madiáan tɔn lɛ́ɛ kpó Temáa tɔn lɛ́ɛ kpó ,
hwenuxóɖɔtɔ́ lɛ́ɛ kpó nǔdobatɔ́ lɛ́ɛ kpó lɔ mɔ ali e
è nɔ gbɔn yi nǔnywɛ́ gɔ́n é ǎ.
24Izlayɛ́li ví lɛ́ɛ mi, mi kpɔ́n!
Xwé Mawu tɔn d'agba mɛ!
Tɛnmɛ e nyí étɔn e gbló mɛ nya!
25É ɖo waɖaɖa, bó ɖó dogbó ǎ!
É yi jǐ, è mɔ fí e é fó dó é ǎ!
26 Fínɛ́ wɛ è ji gbɛtɔ́ sakasaka lɛ́ɛ ɖe;
gbɛtɔ́ nǔsúɖaxó xóxó hwenu tɔn lɛ́ɛ;
yě jɔ asú, bó nyɔ́ ahwan fun bɔ é vɛ́ jlɛ́.
27Có Mawu sɔ́ yě bó ná xlɛ́ yě ali nǔnywɛ́ tɔn ǎ.
28Yě mɛ bǐ wɛ kú ɖó nǔnywɛ́ hwe dó yě;
yě blíbú ɖó gǔgú yětɔn wú.
29Mɛ̌ ka yi jǐxwé bó yi sɔ́ nǔnywɛ́ sín dɔ̌n wá?
30Mɛ̌ ká yi xu gúdo bó yi mɔ ɛ,
bó sɔ́ siká akú dó xɔ ná wá?
31Mɛ ɖěbǔ tunwun ali Nǔnywɛ́ tɔn ǎ.
Mɛ ɖé ká tunwun ali e yi gɔ̌n tɔn é ǎ.
Aklúnɔ ɖokpó wɛ tunwun nǔ e nyí nǔnywɛ́ ɔ́ é
32Nukúnnú mɔ jɛ nǔ bǐ wú tɔn wɛ zɔ́n
bɔ é dó tunwun nǔ e nyí nǔnywɛ́ ɔ́ é.
É wɛ to lě e ayǐkúngban ɔ́ ná nɔ tɛgbɛ sɔ́ yi é,
bó bɛ́ kanlin afɔ ɛnɛnɔ lɛ́ɛ kɔn nyi jí.
33É nɔ́ sɛ́ wěziza dó bɔ é nɔ́ yi,
é nɔ́ ylɔ́ ɛ bɔ é nɔ́ se gbe n'i ɖo síja jí.
34Sunví lɛ́ɛ ɖo kinkɛn wɛ
kpó awǎjijɛ kpán ɖo tɛn yětɔn lɛ́ɛ mɛ.
35Mawu nɔ́ ylɔ́ yě bɔ yě nɔ́ yí gbe n'i ɖɔ:
“Mǐ ɖíe!” Yě nɔ́ ɖo kinkɛn wɛ
kpó awǎjijɛ kpán nú mɛ e ɖó yě é.
36É wɛ nyí Mawu mǐtɔn.
Mɛ ɖěbǔ cí éyɛ́ ɖɔhun ǎ.
37É mɔ ali e yi nǔnywɛ́ gɔ́n é bǐ sésé.
É xlɛ́ ali nɛ́ ɔ́ Jakɔ́bu, mɛsɛntɔ́ tɔn sín togun.
É xlɛ́ ali énɛ́ ɔ́ Izlayɛ́li e nyí togun tɔn vívɛ́ná ɔ́ é.
38Énɛ́ gúdo wɛ Nǔnywɛ́ wá tɔ́n jɛ ayǐkúngban jí
bó nɔ gbɛtɔ́ lɛ́ɛ tɛ́ntin.
Currently Selected:
Balúki 3: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Balúki 3
3
1“Aklúnɔ Nǔbǐwúkpétɔ́, Mawu Izlayɛ́li tɔn, awakanmɛ kú mǐ, bɔ mǐ ɖo xó sú ylɔ́ we wɛ adohu adohu. 2Aklúnɔ, ɖǒtó mǐ, kú nǔbláwǔ mǐtɔn, ɖó mǐ hu hwɛ dó we. 3Hwɛ ɔ́, axɔ́sú wɛ nú we ɖo tɛgbɛ gbe; mǐdɛɛ lɛ́ɛ ka sɔ́ mǐɖée nyi gbě ɖo tɛgbɛ gbe. 4Aklúnɔ, Nǔbǐwúkpétɔ́, Mawu Izlayɛ́li tɔn, se xó e sú ylɔ́ we wɛ mǐ mɛ e ko nyí mɛkúkú lɛ́ɛ ɖe é. Vǐ wɛ mǐ nyí nú mɛ e hu hwɛ dó we lɛ́ɛ, mɛ e ma se tónú nú we ǎ lɛ́ɛ, Aklúnɔ Mawu mǐtɔn. Énɛ́ wútu wɛ nyladó lɛ́ɛ má jó mǐ dó ǎ. 5Ma flín hwɛ tɔ́gbó mǐtɔn lɛ́ɛ tɔn ó, lo ɔ́, bó flín nǔwúkpíkpé towe, flín ɖɔ hwi wɛ nyí Mawu. 6Ɛɛn, hwi wɛ nyí Aklúnɔ Mawu mǐtɔn, bɔ mǐ ná kpa susu nú we. 7A sɔ́ sísí towe dó ayi mǐtɔn mɛ, bónú mǐ ná sixú ylɔ́ we. Mǐ ná kpa susu nú we ɖo fí e è tún to nú mǐ wá ɖó é. Ɛɛn, mǐ ɖe nyladó e tɔ́gbó mǐtɔn lɛ́ɛ wa ɖo wǔ we ɔ́ sín ayi mǐtɔn mɛ. 8Éhɔ́nmɛ ɔ́, mǐ ɖo zɔ nú to mǐtɔn, ɖo to e mɛ a sɛ́ mǐ dó é. Ɖo fí ɔ́, è nɔ zun mǐ, bó nɔ́ ɖo nu dó mǐ wɛ. Nǔwanyido tɔ́gbó mǐtɔn e klán sín wǔ we lɛ́ɛ tɔn wú wɛ è ɖo tó dɔn nú mǐ wɛ, Aklúnɔ Mawu mǐtɔn.”
SƐ́NÚNYWƐ́ Ɔ́
Sɛ́núnywɛ́ e è wɔn é
9 Izlayɛ́li ví lɛ́ɛ, mi se sɛ́n e nɔ́ ná gbɛ ɔ́.
Mi ɖó tó te bó ná nyɔ́ nǔ i.
10Kɛntɔ́ tomɛ wɛ mi ɖe,
bó ɖo kpikpo wɛ ɖo mɛ ɖěvo tomɛ.
Aniwú nǔ ká nyí mɔ̌?
11Mɛ blíblí wɛ mi nyí, ɖó mi nɔ ɖó alɔ mɛ kúkú lɛ́ɛ wú,
mi ɖo mɛ e ɖo kútomɛ lɛ́ɛ mɛ.
Ani wɛ zɔ́n mɔ̌?
12Nǔnywɛ́ sín jɔtɛn e mi jó dó é wɛ zɔ́n mɔ̌.
13Ényí Aklúnɔ sín ali ɔ́ wɛ mi ko xwedó ɔ́,
mi ná kó ɖo fífá mɛ tɛgbɛ.
14Mi ba fí e nǔnywɛ́, hlɔ̌nhlɔ́n kpó tamɛbibɔ kpó ɖe é bó mɔ,
énɛ́ ɔ́, mi ná tunwun fí e mi ná mɔ jidɔ́,
nukún e ta awǎjijɛ kpó fífá kpó ɖe é.
Gbɛtɔ́ sixú mɔ fí e nǔnywɛ́ ɖe é ǎ
15 Mɛ̌ ka tunwun fí e nǔnywɛ́ nɔ́ nɔ ɔ́?
Mɛ̌ ka byɔ́ jɛ̌xɔ tɔn lɛ́ɛ mɛ? 16Akɔta ɖě lɛ́ɛ sín gǎn lɛ́ɛ ɔ́, fítɛ́ yě ká ɖe din,
yě mɛ e nɔ ɖe gbe dó gběkanlin lɛ́ɛ é,
17yě mɛ e nɔ ɖɔ xó nú xɛví lɛ́ɛ bɔ yě nɔ́ se lɛ́ɛ ɔ́,
fítɛ́ yě ɖe, fítɛ́ wɛ yě ɖe? Yě mɛ e ɖó dɔkun maxamaxa,
bó ɖó siká kpó kpatágan kpɔ́ gégé lɛ́ɛ kpó,
yě mɛ e wú gbɛtɔ́ lɛ́ɛ nɔ́ gán jɛ lɛ́ɛ ɔ́, fítɛ́ yě ɖe?
18Fítɛ́ alɔnuzɔ́watɔ́ e nɔ wa kpatáganzɔ́,
bɔ é nɔ́ mɛ́ lɛ́ɛ ká ɖe?
Azɔ̌ yětɔn jó xwixwí dó ǎ.
19Yě bǐ blíbú, yě yi abaɖaxwéjɛsú,
bɔ mɛ ɖěvo jɛ tɛn yětɔn mɛ.
20È ji vǐ ɖěvo lɛ́ɛ bɔ yě nɔ ayǐkúngban jí,
yě lɔ ka tunwun nǔnywɛ́ sín ali ǎ.
21Yě tunwun lě e yě ná mɔ gbɔn é ǎ; ayi yětɔn mɔ ǎ,
bɔ vǐ yětɔn lɛ́ɛ lɔ gbɔn zɔ nú ali ɔ́.
22Mɛ ɖé se nǔnywɛ́xó ɖo Kanáa ǎ,
mɛɖé mɔ ɛ ɖo Tenamu ǎ.
23Agáa sín hɛ̌nnumɔ e ɖo gbě tɔn nya kpé
gbɔn ayǐkúngban ɔ́ jí lɛ́ɛ,
ajɔ̌tɔ́ Madiáan tɔn lɛ́ɛ kpó Temáa tɔn lɛ́ɛ kpó ,
hwenuxóɖɔtɔ́ lɛ́ɛ kpó nǔdobatɔ́ lɛ́ɛ kpó lɔ mɔ ali e
è nɔ gbɔn yi nǔnywɛ́ gɔ́n é ǎ.
24Izlayɛ́li ví lɛ́ɛ mi, mi kpɔ́n!
Xwé Mawu tɔn d'agba mɛ!
Tɛnmɛ e nyí étɔn e gbló mɛ nya!
25É ɖo waɖaɖa, bó ɖó dogbó ǎ!
É yi jǐ, è mɔ fí e é fó dó é ǎ!
26 Fínɛ́ wɛ è ji gbɛtɔ́ sakasaka lɛ́ɛ ɖe;
gbɛtɔ́ nǔsúɖaxó xóxó hwenu tɔn lɛ́ɛ;
yě jɔ asú, bó nyɔ́ ahwan fun bɔ é vɛ́ jlɛ́.
27Có Mawu sɔ́ yě bó ná xlɛ́ yě ali nǔnywɛ́ tɔn ǎ.
28Yě mɛ bǐ wɛ kú ɖó nǔnywɛ́ hwe dó yě;
yě blíbú ɖó gǔgú yětɔn wú.
29Mɛ̌ ka yi jǐxwé bó yi sɔ́ nǔnywɛ́ sín dɔ̌n wá?
30Mɛ̌ ká yi xu gúdo bó yi mɔ ɛ,
bó sɔ́ siká akú dó xɔ ná wá?
31Mɛ ɖěbǔ tunwun ali Nǔnywɛ́ tɔn ǎ.
Mɛ ɖé ká tunwun ali e yi gɔ̌n tɔn é ǎ.
Aklúnɔ ɖokpó wɛ tunwun nǔ e nyí nǔnywɛ́ ɔ́ é
32Nukúnnú mɔ jɛ nǔ bǐ wú tɔn wɛ zɔ́n
bɔ é dó tunwun nǔ e nyí nǔnywɛ́ ɔ́ é.
É wɛ to lě e ayǐkúngban ɔ́ ná nɔ tɛgbɛ sɔ́ yi é,
bó bɛ́ kanlin afɔ ɛnɛnɔ lɛ́ɛ kɔn nyi jí.
33É nɔ́ sɛ́ wěziza dó bɔ é nɔ́ yi,
é nɔ́ ylɔ́ ɛ bɔ é nɔ́ se gbe n'i ɖo síja jí.
34Sunví lɛ́ɛ ɖo kinkɛn wɛ
kpó awǎjijɛ kpán ɖo tɛn yětɔn lɛ́ɛ mɛ.
35Mawu nɔ́ ylɔ́ yě bɔ yě nɔ́ yí gbe n'i ɖɔ:
“Mǐ ɖíe!” Yě nɔ́ ɖo kinkɛn wɛ
kpó awǎjijɛ kpán nú mɛ e ɖó yě é.
36É wɛ nyí Mawu mǐtɔn.
Mɛ ɖěbǔ cí éyɛ́ ɖɔhun ǎ.
37É mɔ ali e yi nǔnywɛ́ gɔ́n é bǐ sésé.
É xlɛ́ ali nɛ́ ɔ́ Jakɔ́bu, mɛsɛntɔ́ tɔn sín togun.
É xlɛ́ ali énɛ́ ɔ́ Izlayɛ́li e nyí togun tɔn vívɛ́ná ɔ́ é.
38Énɛ́ gúdo wɛ Nǔnywɛ́ wá tɔ́n jɛ ayǐkúngban jí
bó nɔ gbɛtɔ́ lɛ́ɛ tɛ́ntin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.