2 Makabée Xónusɔ́ɖóte
Xónusɔ́ɖóte
Makabée wéma wegɔ́ ɔ́ nyí kan bónú è gbɛ dó nukɔntɔn ɔ́ nu ǎ. É ná bó ba ná kpi tan ɖokpó ɔ́ lɛ́ɛ ɔ́, alɔ vo wɛ é dó kpi, lobo ka nɔ tɛ ɖɛ̌ sinsɛn sín walɔ ɖagbe ɖagbe ɖé lɛ́ɛ jí.
Ée é kpo xwe kɛnnɛ (160) mɔ̌, bɔ è nǎ ji Jezu Klísu ɔ́ gúdo ɔ́, Jwifu ɖé nɔ́ nyí Jazɔ́ɔn Silɛ́nunu bó wlán wěma atɔ́ɔ́n dó nǔ ɖaxó ɖaxó e Makabée lɛ́ɛ jlɛ́ wá yi é lɛ́ɛ wú.
Xwe nabí ɖé gúdo ɔ́, ɖo é kpo xwe kantɔn-nukún-ɛnɛ (124) bɔ è nǎ ji Jezu Klísu ɔ́, Jwifu ɖěvo wá sɛ sin xwe nú wěma nɛ́ lɛ́ɛ, bó gɔ́ tan kléwún kléwún ɖé lɛ́ɛ ná, lobo lɛ́ jlá nǔɖé lɛ́ɛ ɖó ɖ'é mɛ. Azɔ̌ énɛ́ e é wá ɔ́ wɛ wá ɖo Makabée wéma wegɔ́ ɔ́ nyí wɛ. Nǔ e wú è wlán wěma ɔ́ wɛ nyí ɖɔ Jwifu e ɖo Ejípu lɛ́ɛ lɔ ná nɔ flín, bó ná nɔ́ ɖu xwekpéxwenu amisánú Sinsɛnxɔ Jeluzalɛ́mu tɔn ɔ́ tɔn (Jǎan 10.22); Sinsɛnxɔ nɛ́ ɔ́ e Judáa Makabée fun ahwan bo yí bɔ è lɛ̌ slá wǔ ná ɖo é kpo xwe kɛnnɛ atɔ́ɔ́n (165) yi kɛnnɛ-nukún-ɛnɛ (164) bɔ è nǎ ji Jezu Klísu é. Nǔ mɔ̌hun tó myá nukún nú wěmawlántɔ́ ɔ́, mǐ mɔ ɖo wěma ɔ́ sín akpáxwé nukɔntɔn ɔ́ mɛ (1—2), ɖo tají ɔ́, ɖo wěma we e xó e è ɖɔ ɖo akpá énɛ́ xwé bɔ sinsɛngán Jeluzalɛ́mu tɔn lɛ́ɛ wɛ wlán sɛ́ dó Jwifu lɛ́ɛ sín agun e ɖo Ejípu tomɛ é.
Wěma ɔ́ sín akpáxwé wegɔ́ ɔ́ (3—7) ɖɔ lě e Glɛ̌sinu lɛ́ɛ abǐ mɛ e ɖo yětɔn jí lɛ́ɛ é bɛ́ dɔkun e ɖo Sinsɛnxɔ ɔ́ mɛ lɛ́ɛ, bó nɔ́ wá sɛn nǔmɛsɛn yětɔn lɛ́ɛ ɖo fínɛ́ gbɔn é. Akpáxwé ɖokpó nɛ́ ɔ́ jɛ́n lɛ́ ɖɔ lě e Glɛ̌sinu lɛ́ɛ nɔ jló ná zín Jwifu lɛ́ɛ jí gbɔn gǎnnugǎnnu nú yě ná gbɛ̌ nǔɖiɖi yětɔn bó xwedó walɔ Glɛ̌sinu lɛ́ɛ tɔn kpódó sinsɛn yětɔn kpó gbɔn é.
Ɖo akpáxwé atɔngɔ́ e sú ta nú wěma ɔ́ mɛ ɔ́, è ɖɔ lě e Judáa Makabée fɔ́n gǔ, bó fun ahwan, bó ɖu ɖo Glɛ̌sinu lɛ́ɛ jí káká, bó yí Sinsɛnxɔ ɔ́ sín yě sí, bɔ è lɛ̌ jɛ Mawu sɛn ɖ'é mɛ jí gbɔn é.
Mɔ̌ jɛ́n é lɛ́ ɖɔ ahwan jí ɖu ɖe Judáa tɔn nabí ɖé sín xó káká wá jɛ hwenu e Nikanɔ́ɔ, ahwangán Dɛmɛtliwúsi nukɔntɔn ɔ́ kú dó é.
Nǔ tají tají e ɖo wěma ɔ́ mɛ lɛ́ɛ
Wěma e è sɛ́ dó Jwifu e ɖo Ejípu lɛ́ɛ (1.1—2.18)
Wěmawlántɔ́ ɔ́ dó wěma tɔn gesí (2.19-32)
Eliodɔ́ɔ sín tan (3)
Ya e axɔ́sú Antiyokúsi ɛnɛgɔ́ ɔ́ dó nú Jwifu lɛ́ɛ é (4—7)
Ahwan jí ɖu ɖe Judáa tɔn kpódó wǔ slá nú Sinsɛnxɔ ɔ́ kpó (8.1—10.8)
Ahwan e Judáa fun xá togun e lɛ́ dó e lɛ́ɛ bó fun xá Liziyási é (10.9—13.26)
Ahwan e Judáa fun xá Nikanɔ́ɔ é (14—15)
Currently Selected:
2 Makabée Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.