2 Makabée 5
5
È tɔ́n ahwan Ejípu azɔn wegɔ́
1Hwenɛ́nu ɔ́, Andlonikúsi ɖo nǔ sɔ́ wɛ bó ná yi tɔ́n ahwan Ejípu azɔn wegɔ́ ɔ́. 2Xɔ azǎn kanɖé (40) mɔ̌ ɖo Jeluzalɛ́mu toxo ɔ́ bǐ mɛ ɔ́, mɛ lɛ́ɛ nɔ mɔ sɔ́xátɔ́ ɖé lɛ́ɛ, bɔ yě dó awu e è kó kpó siká kpán é. Yě nɔ́ kán wezun gbɔn jɔmɛ kpódó ahwangɔnu ɖé lɛ́ɛ kpán; yědɛɛ lɛ́ɛ hɛn gǎ kpódó dɛnkpe kpán. 3Yě to yěɖée sonu sonu, mɛ afɔɖé kanɖé wǒ (250) ɖo gbɛ̌ta ɖokpó ɖokpó mɛ, bɔ yě sɔ́ ahwannú. Fí bǐ wɛ è ɖo ahwan tɔ́n mɛ ɖe wɛ, bó lɛ́ ɖo ahwan jɛ mɛɖée jí ɖe wɛ. Gǎglónú lɛ́ɛ ɖo dǐndán wɛ xu ɖo adǎn jí ɖɔhun. Gǎ ɖo caɖaɖa zungbó ɖaxó ɖɔhun. È ɖo gǎ da dó fí bǐ wɛ, bɔ sikáwu lɛ́ɛ ɖo kínkɔ́n wɛ ɖo ahwanwu tɛnmɛ tɛnmɛ lɛ́ɛ jí. 4Jeluzalɛ́munu lɛ́ɛ bǐ ɖo ɖɛ mɛ, bónú nǔ énɛ́ lɛ́ɛ e ɖo tíntɔ́n wɛ lɛ́ɛ é ní nyí nǔ ɖagbe sín xlɛ́.
Jazɔ́ɔn tɔ́n ahwan Jeluzalɛ́mu
5Mɛ ɖé lɛ́ɛ jlá kpé ɖɔ Antiyokúsi kú. Bɔ tlóló ɔ́, Jazɔ́ɔn kplé gbɛtɔ́ afatɔ́n (1.000) bó tɔ́n ahwan Jeluzalɛ́mu. É nya mɛ e nɔ cɔ́ ahohó toxo ɔ́ tɔn lɛ́ɛ é, bó yí toxo ɔ́. Mɛnɛlasi hɔn hwlá cí agbǒ Sinsɛnxɔ ɔ́ tɔn mɛ. 6Jazɔ́ɔn hu Izlayɛ́li ví e kpo lɛ́ɛ é má kú nǔbláwǔ nú yě. É mɔ nǔ jɛ wú ɖɔ ayǐjijɛ ɖé kún sɔ́ hú hɛ̌nnumɔ mɛtɔn lɛ́ɛ jí ɖu ɖe ó ǎ. É vɛ́ dó kɛntɔ́ jí wɛ émí ɖu ɖe sín, lo ɔ́, togun tɔn sín mɛ lɛ́ɛ wɛ. 7Nǔ cí mɔ̌ có, é ka kpé wú bó ɖu gǎn ǎ. É na ɖɔ ɔ́, alɛ énɛ́ e é da ɔ́, nǔ wɛ nyí bó dó winnyá ɛ, bɔ é ɖó ná lɛ́ hɔn yi cí Amumɔ́ɔnu lɛ́ɛ to mɛ. 8Adǎkaxotɔ́gbɛ e é zán é sín fífó sɔ́ wá ɖó bɛ̌nu ɖé ǎ. È to ɖó hwɛ n'i ɖo Alabu lɛ́ɛ xɔ́sú Aletási nukɔn. É nɔ́ hɔn sín toxo ɖě mɛ yi ɖěvo mɛ. Bɔ mɛ bǐ jɛ gǒmɛ n'i. Mɛ lɛ́ɛ gbɛ́ wǎn n'i ɖésú, bɔ é sɔ́ xɔ nǔ ɖěbǔ ɖo nukún yětɔn mɛ ǎ. Nǔ e ká zɔ́n ɔ́ ɖíe: É ɖu su nú togun tɔn sín sɛ́n lɛ́ɛ, bó xo dǎka to tɔn mɛ nu lɛ́ɛ wú titewungbe. Wǎgbɔ wǎgbɔ tɔn ɔ́, è nya ɛ káká yi Ejípu. 9É gosín fínɛ́, bó yi Glɛ̌sinu lɛ́ɛ sín tomɛ, ɖó é ɖó nukún ɖɔ émí ná mɔ bibɛtɛn ɖo Lasedemɔ́nunu lɛ́ɛ e ko nyí Jwifu lɛ́ɛ sín hɛ̌nnumɔ é gɔ́n. Nya nɛ́ e nya toví gěgé dó gbě ɔ́, ɖésú kú jɛ gbě. 10Jazɔ́ɔn jó cyɔ gěgé nyi ayǐkúngban maɖimaɖi. Mɔ̌ ɖokpó ɔ́, mɛɖé ya avǐ n'i ǎ. Mɛ ɖé wa cyɔnú tɔn ǎ, é ká ɖó tɛnmɛ ɖě ɖo tɔ́gbó tɔn lɛ́ɛ sín yɔ mɛ ǎ.
Antiyokúsi Epifani bɛ́ nǔ e ɖo Sinsɛnxɔ Jeluzalɛ́mu tɔn mɛ lɛ́ɛ
11Ée axɔ́sú Antiyokúsi se nǔ e jɔ ɖo Jeluzalɛ́mu ɔ́, é vɛdó ɖɔ Judée to ɔ́ bǐ wɛ fɔ́n gǔ sín. Énɛ́ ɔ́, é gosín Ejípu kpó adǎnkanlin sín xomɛsin kpán, bó bɛ́ ahwangɔnu tɔn lɛ́ɛ dó yí toxo ɔ́. 12É zɔ́n sɔ́ja tɔn lɛ́ɛ ɖɔ yě ni hu mɛ e yě ná kpé lɛ́ɛ bǐ, ma kú nǔbláwǔ nú mɛɖé, bó gbo gbe mɛ e hɔn bɛ ɖo xwé gbe lɛ́ɛ. 13Yě hu dɔ̌nkpɛ lɛ́ɛ kpó mɛxó lɛ́ɛ kpán; yě sú kún dó nú nyɔ̌nu lɛ́ɛ kpó yɔkpɔ́vú lɛ́ɛ kpán, bó gbo gbe ɖyɔ̌vǐ lɛ́ɛ kpó vǐ yɛ̌yɛ́ lɛ́ɛ kpán. 14Ɖo azǎn atɔn gbla mɛ ɔ́, gbɛtɔ́ adɔ̌kpo ɛnɛ (80.000) wɛ kú ɖo Jeluzalɛ́mu: Gbɛtɔ́ adɔ̌kpo we (40.000) kú ɖo adǎnúwatɔ́ lɛ́ɛ lɔ nu, bɔ è sa adɔ̌kpo we (40.000) mɔ̌ ɖo kannumɔgbénu.
15Énɛ́ ɔ́ ká víví hwedó Antiyokúsi. É syɛ́n ta bó byɔ́ Sinsɛnxɔ e mɛ́ hú ɖě lɛ́ɛ bǐ ɖo ayǐkúngban jí é mɛ. Mɛnɛlasi e ɖu su nú to tɔn, bo sa to tɔn ɔ́ wɛ jɛ nukɔn n'i yi fínɛ́. 16Alɔ e axɔ́sú ɔ́ ko dó ɖu su ná é wɛ é sɔ́ dó yi bɛ́ nǔzínzán mímɛ́ lɛ́ɛ ná. É fin nǔníná e axɔ́sú ɖěvo lɛ́ɛ bɛ́ dó tɛn nɛ́ ɔ́ mɛ bó ná dó kpa susu n'i, bɔ é ka ná lɛ́ nyɔ́ ɖɛkpɛ d'é jí é.
17Goyíyí Antiyokúsi tɔn zɔ́n bɔ è mɔ nǔ jɛ wú ɖɔ: Jeluzalɛ́munu lɛ́ɛ sín hwɛ wú wɛ Nǔbǐɖótɔ́ ɔ́ ɖo xomɛsin jí nú hwenu ywɛywɛ ɖé ǎ. Bɔ énɛ́ ɔ́ wú wɛ é ɖe kɔ dó Sinsɛnxɔ ɔ́. 18Ényí toxo ɔ́ mɛ nu lɛ́ɛ má ko wa nǔ nyi do sɔ mɔ̌ ǎ ɔ́, alɔ na ko jɛ axɔ́sú nɛ́ wú sín hwenu e é wá é. È na kó lɛ́ kɔ n'i sín linlin ma sɔgbe tɔn gúdo ɖi Eliodɔ́ɔ e axɔ́sú Selekúsi sɛ́ dó ɖɔ é ní wá yi kpɔ́n dɔkun e ɖo Sinsɛnxɔ ɔ́ mɛ é ɖɔhun. 19Amɔ̌, Aklúnɔ cyán togun tɔn ɖó Sinsɛnxɔ ɔ́ wú ǎ, lo ɔ́, é jló ɖɔ Sinsɛnxɔ ɔ́ ná tíin ɖó togun ɔ́ wú wɛ. 20Énɛ́ wú wɛ ya e nyí togun ɔ́ bǐ tɔn ɔ́ tó kɔn nyi Sinsɛnxɔ ɔ́ lɔmɔ̌ jí hwɛ̌. Bɔ ɖo nukɔn mɛ ɔ́, nyɔ̌ná e è na togun ɔ́ é ɔ́, élɔ́ wá mɔ étɔn ɖ'é mɛ. Hwenu e Nǔbǐwúkpétɔ́ ɔ́ ɖo xomɛsin jí ɔ́, é dó vɛ́ nú Sinsɛnxɔ ɔ́. Amɔ̌, hwenu e Nǔbǐwúkpétɔ́ ɔ́ wá ɖɔ hwɛ gbo xá togun tɔn ɔ́, Sinsɛnxɔ ɔ́ lɛ́ mɔ ɖɛkpɛnyínyɔ́ tɔn sɔ́.
Antiyokúsi Epifani lɛ́ hu Jwifu ɖé lɛ́ɛ ɖo Jeluzalɛ́mu
21Antiyokúsi bɛ́ kpatágan tɔ́nu kanɖé tántɔn (48) sín Sinsɛnxɔ ɔ́ mɛ, bó yá wǔ lɛ́ kɔ yi Antiyɔ́ci. Nya goyítɔ́ nɛ́ ɔ́ ɖeji dó éɖée wú bó vɛdó nǔ bǐ wú jɛ́n émí ná nɔ kpé, káká bó ná kun tɔjíhún gbɔn ayǐkúngban jí, abǐ é ná zɔ́n sɔ́ja lɛ́ɛ ɖɔ yě ní zun zɔnlin gbɔn xu jí sín. 22É sɔ́ tokpɔngán lɛ́ɛ nú yě ná dó ya nú togun Jwifu lɛ́ɛ tɔn. Filípu, Flijíinu ɔ́ wɛ ɖo Jeluzalɛ́mu, bó lɛ́ nylá kún hú Antiyokúsi. 23Andlonikúsi e ɖo Galizímu só ɔ́ jí ɔ́, Antiyokúsi wɛ ɖ'ayǐ. Bɔ Mɛnɛlasi xo kpó ɖó nú nya we nɛ́ lɛ́ɛ. Mɛnɛlasi nɛ́ ɔ́ lɛ́ dó ya nú togun tɔn hú mɛ we ɖě lɛ́ɛ.
Antiyokúsi gbɛ́ wǎn nú Jwifu lɛ́ɛ ɖésú. 24Énɛ́ wú wɛ é sɛ́ sɔ́ja Mizi tɔn lɛ́ɛ sín gǎn e è nɔ ylɔ́ ɖɔ Apoloniwúsi ɔ́ dó Jeluzalɛ́mu, bɔ ahwanfuntɔ́ adɔ̌kpo ɖokpó afɔɖé (22.000) xwedó e. É zɔ́n ɖɔ yě ni hu súnnu mɛxó e ɖo toxo ɔ́ mɛ lɛ́ɛ, bó sa nyɔ̌nu lɛ́ɛ kpódó yɔkpɔ́vú lɛ́ɛ kpán sín kannumɔ. 25Ée Apoloniwúsi wá Jeluzalɛ́mu toxo ɔ́ mɛ ɔ́, é wa nǔ mɛ e nɔ xo fífá kan é ɖɔhun. É nɔ te kpɔ́n gbɔjɛzán gbe, Jwifu lɛ́ɛ sín azǎn mímɛ́ ɔ́. É zɔn dó gbɔjɛzán Jwifu lɛ́ɛ tɔn wú bó to ahwanfɔɖiɖe ɖokpó. 26É ná gbe ɖɔ è hu mɛ e wá nǔ énɛ́ kpɔ́n gbé lɛ́ɛ bǐ. Énɛ́ gúdo ɔ́, é kpódó sɔ́ja tɔn lɛ́ɛ kpán kán wezun bó byɔ́ toxo ɔ́ mɛ bó ná vívá gbɛtɔ́ wɔ̌buwɔ́bú ɖé sín kún.
27Lo ɔ́, Judáa e è nɔ lɛ́ ylɔ́ ɖɔ Makabée ɔ́ kpódó súnnu tɛ́nnɛ ɖěvo kpán hɔn yi bɛ, ɖo sókan mɛ. Yě nɔ fínɛ́ bó zán gbɛ kanlin gbě mɛ tɔn ɖɔhun. Bó má ná dó ɖu su ǎ wútu ɔ́, yě nɔ́ ɖu ama kɛ́ɖɛ́.
Currently Selected:
2 Makabée 5: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 5
5
È tɔ́n ahwan Ejípu azɔn wegɔ́
1Hwenɛ́nu ɔ́, Andlonikúsi ɖo nǔ sɔ́ wɛ bó ná yi tɔ́n ahwan Ejípu azɔn wegɔ́ ɔ́. 2Xɔ azǎn kanɖé (40) mɔ̌ ɖo Jeluzalɛ́mu toxo ɔ́ bǐ mɛ ɔ́, mɛ lɛ́ɛ nɔ mɔ sɔ́xátɔ́ ɖé lɛ́ɛ, bɔ yě dó awu e è kó kpó siká kpán é. Yě nɔ́ kán wezun gbɔn jɔmɛ kpódó ahwangɔnu ɖé lɛ́ɛ kpán; yědɛɛ lɛ́ɛ hɛn gǎ kpódó dɛnkpe kpán. 3Yě to yěɖée sonu sonu, mɛ afɔɖé kanɖé wǒ (250) ɖo gbɛ̌ta ɖokpó ɖokpó mɛ, bɔ yě sɔ́ ahwannú. Fí bǐ wɛ è ɖo ahwan tɔ́n mɛ ɖe wɛ, bó lɛ́ ɖo ahwan jɛ mɛɖée jí ɖe wɛ. Gǎglónú lɛ́ɛ ɖo dǐndán wɛ xu ɖo adǎn jí ɖɔhun. Gǎ ɖo caɖaɖa zungbó ɖaxó ɖɔhun. È ɖo gǎ da dó fí bǐ wɛ, bɔ sikáwu lɛ́ɛ ɖo kínkɔ́n wɛ ɖo ahwanwu tɛnmɛ tɛnmɛ lɛ́ɛ jí. 4Jeluzalɛ́munu lɛ́ɛ bǐ ɖo ɖɛ mɛ, bónú nǔ énɛ́ lɛ́ɛ e ɖo tíntɔ́n wɛ lɛ́ɛ é ní nyí nǔ ɖagbe sín xlɛ́.
Jazɔ́ɔn tɔ́n ahwan Jeluzalɛ́mu
5Mɛ ɖé lɛ́ɛ jlá kpé ɖɔ Antiyokúsi kú. Bɔ tlóló ɔ́, Jazɔ́ɔn kplé gbɛtɔ́ afatɔ́n (1.000) bó tɔ́n ahwan Jeluzalɛ́mu. É nya mɛ e nɔ cɔ́ ahohó toxo ɔ́ tɔn lɛ́ɛ é, bó yí toxo ɔ́. Mɛnɛlasi hɔn hwlá cí agbǒ Sinsɛnxɔ ɔ́ tɔn mɛ. 6Jazɔ́ɔn hu Izlayɛ́li ví e kpo lɛ́ɛ é má kú nǔbláwǔ nú yě. É mɔ nǔ jɛ wú ɖɔ ayǐjijɛ ɖé kún sɔ́ hú hɛ̌nnumɔ mɛtɔn lɛ́ɛ jí ɖu ɖe ó ǎ. É vɛ́ dó kɛntɔ́ jí wɛ émí ɖu ɖe sín, lo ɔ́, togun tɔn sín mɛ lɛ́ɛ wɛ. 7Nǔ cí mɔ̌ có, é ka kpé wú bó ɖu gǎn ǎ. É na ɖɔ ɔ́, alɛ énɛ́ e é da ɔ́, nǔ wɛ nyí bó dó winnyá ɛ, bɔ é ɖó ná lɛ́ hɔn yi cí Amumɔ́ɔnu lɛ́ɛ to mɛ. 8Adǎkaxotɔ́gbɛ e é zán é sín fífó sɔ́ wá ɖó bɛ̌nu ɖé ǎ. È to ɖó hwɛ n'i ɖo Alabu lɛ́ɛ xɔ́sú Aletási nukɔn. É nɔ́ hɔn sín toxo ɖě mɛ yi ɖěvo mɛ. Bɔ mɛ bǐ jɛ gǒmɛ n'i. Mɛ lɛ́ɛ gbɛ́ wǎn n'i ɖésú, bɔ é sɔ́ xɔ nǔ ɖěbǔ ɖo nukún yětɔn mɛ ǎ. Nǔ e ká zɔ́n ɔ́ ɖíe: É ɖu su nú togun tɔn sín sɛ́n lɛ́ɛ, bó xo dǎka to tɔn mɛ nu lɛ́ɛ wú titewungbe. Wǎgbɔ wǎgbɔ tɔn ɔ́, è nya ɛ káká yi Ejípu. 9É gosín fínɛ́, bó yi Glɛ̌sinu lɛ́ɛ sín tomɛ, ɖó é ɖó nukún ɖɔ émí ná mɔ bibɛtɛn ɖo Lasedemɔ́nunu lɛ́ɛ e ko nyí Jwifu lɛ́ɛ sín hɛ̌nnumɔ é gɔ́n. Nya nɛ́ e nya toví gěgé dó gbě ɔ́, ɖésú kú jɛ gbě. 10Jazɔ́ɔn jó cyɔ gěgé nyi ayǐkúngban maɖimaɖi. Mɔ̌ ɖokpó ɔ́, mɛɖé ya avǐ n'i ǎ. Mɛ ɖé wa cyɔnú tɔn ǎ, é ká ɖó tɛnmɛ ɖě ɖo tɔ́gbó tɔn lɛ́ɛ sín yɔ mɛ ǎ.
Antiyokúsi Epifani bɛ́ nǔ e ɖo Sinsɛnxɔ Jeluzalɛ́mu tɔn mɛ lɛ́ɛ
11Ée axɔ́sú Antiyokúsi se nǔ e jɔ ɖo Jeluzalɛ́mu ɔ́, é vɛdó ɖɔ Judée to ɔ́ bǐ wɛ fɔ́n gǔ sín. Énɛ́ ɔ́, é gosín Ejípu kpó adǎnkanlin sín xomɛsin kpán, bó bɛ́ ahwangɔnu tɔn lɛ́ɛ dó yí toxo ɔ́. 12É zɔ́n sɔ́ja tɔn lɛ́ɛ ɖɔ yě ni hu mɛ e yě ná kpé lɛ́ɛ bǐ, ma kú nǔbláwǔ nú mɛɖé, bó gbo gbe mɛ e hɔn bɛ ɖo xwé gbe lɛ́ɛ. 13Yě hu dɔ̌nkpɛ lɛ́ɛ kpó mɛxó lɛ́ɛ kpán; yě sú kún dó nú nyɔ̌nu lɛ́ɛ kpó yɔkpɔ́vú lɛ́ɛ kpán, bó gbo gbe ɖyɔ̌vǐ lɛ́ɛ kpó vǐ yɛ̌yɛ́ lɛ́ɛ kpán. 14Ɖo azǎn atɔn gbla mɛ ɔ́, gbɛtɔ́ adɔ̌kpo ɛnɛ (80.000) wɛ kú ɖo Jeluzalɛ́mu: Gbɛtɔ́ adɔ̌kpo we (40.000) kú ɖo adǎnúwatɔ́ lɛ́ɛ lɔ nu, bɔ è sa adɔ̌kpo we (40.000) mɔ̌ ɖo kannumɔgbénu.
15Énɛ́ ɔ́ ká víví hwedó Antiyokúsi. É syɛ́n ta bó byɔ́ Sinsɛnxɔ e mɛ́ hú ɖě lɛ́ɛ bǐ ɖo ayǐkúngban jí é mɛ. Mɛnɛlasi e ɖu su nú to tɔn, bo sa to tɔn ɔ́ wɛ jɛ nukɔn n'i yi fínɛ́. 16Alɔ e axɔ́sú ɔ́ ko dó ɖu su ná é wɛ é sɔ́ dó yi bɛ́ nǔzínzán mímɛ́ lɛ́ɛ ná. É fin nǔníná e axɔ́sú ɖěvo lɛ́ɛ bɛ́ dó tɛn nɛ́ ɔ́ mɛ bó ná dó kpa susu n'i, bɔ é ka ná lɛ́ nyɔ́ ɖɛkpɛ d'é jí é.
17Goyíyí Antiyokúsi tɔn zɔ́n bɔ è mɔ nǔ jɛ wú ɖɔ: Jeluzalɛ́munu lɛ́ɛ sín hwɛ wú wɛ Nǔbǐɖótɔ́ ɔ́ ɖo xomɛsin jí nú hwenu ywɛywɛ ɖé ǎ. Bɔ énɛ́ ɔ́ wú wɛ é ɖe kɔ dó Sinsɛnxɔ ɔ́. 18Ényí toxo ɔ́ mɛ nu lɛ́ɛ má ko wa nǔ nyi do sɔ mɔ̌ ǎ ɔ́, alɔ na ko jɛ axɔ́sú nɛ́ wú sín hwenu e é wá é. È na kó lɛ́ kɔ n'i sín linlin ma sɔgbe tɔn gúdo ɖi Eliodɔ́ɔ e axɔ́sú Selekúsi sɛ́ dó ɖɔ é ní wá yi kpɔ́n dɔkun e ɖo Sinsɛnxɔ ɔ́ mɛ é ɖɔhun. 19Amɔ̌, Aklúnɔ cyán togun tɔn ɖó Sinsɛnxɔ ɔ́ wú ǎ, lo ɔ́, é jló ɖɔ Sinsɛnxɔ ɔ́ ná tíin ɖó togun ɔ́ wú wɛ. 20Énɛ́ wú wɛ ya e nyí togun ɔ́ bǐ tɔn ɔ́ tó kɔn nyi Sinsɛnxɔ ɔ́ lɔmɔ̌ jí hwɛ̌. Bɔ ɖo nukɔn mɛ ɔ́, nyɔ̌ná e è na togun ɔ́ é ɔ́, élɔ́ wá mɔ étɔn ɖ'é mɛ. Hwenu e Nǔbǐwúkpétɔ́ ɔ́ ɖo xomɛsin jí ɔ́, é dó vɛ́ nú Sinsɛnxɔ ɔ́. Amɔ̌, hwenu e Nǔbǐwúkpétɔ́ ɔ́ wá ɖɔ hwɛ gbo xá togun tɔn ɔ́, Sinsɛnxɔ ɔ́ lɛ́ mɔ ɖɛkpɛnyínyɔ́ tɔn sɔ́.
Antiyokúsi Epifani lɛ́ hu Jwifu ɖé lɛ́ɛ ɖo Jeluzalɛ́mu
21Antiyokúsi bɛ́ kpatágan tɔ́nu kanɖé tántɔn (48) sín Sinsɛnxɔ ɔ́ mɛ, bó yá wǔ lɛ́ kɔ yi Antiyɔ́ci. Nya goyítɔ́ nɛ́ ɔ́ ɖeji dó éɖée wú bó vɛdó nǔ bǐ wú jɛ́n émí ná nɔ kpé, káká bó ná kun tɔjíhún gbɔn ayǐkúngban jí, abǐ é ná zɔ́n sɔ́ja lɛ́ɛ ɖɔ yě ní zun zɔnlin gbɔn xu jí sín. 22É sɔ́ tokpɔngán lɛ́ɛ nú yě ná dó ya nú togun Jwifu lɛ́ɛ tɔn. Filípu, Flijíinu ɔ́ wɛ ɖo Jeluzalɛ́mu, bó lɛ́ nylá kún hú Antiyokúsi. 23Andlonikúsi e ɖo Galizímu só ɔ́ jí ɔ́, Antiyokúsi wɛ ɖ'ayǐ. Bɔ Mɛnɛlasi xo kpó ɖó nú nya we nɛ́ lɛ́ɛ. Mɛnɛlasi nɛ́ ɔ́ lɛ́ dó ya nú togun tɔn hú mɛ we ɖě lɛ́ɛ.
Antiyokúsi gbɛ́ wǎn nú Jwifu lɛ́ɛ ɖésú. 24Énɛ́ wú wɛ é sɛ́ sɔ́ja Mizi tɔn lɛ́ɛ sín gǎn e è nɔ ylɔ́ ɖɔ Apoloniwúsi ɔ́ dó Jeluzalɛ́mu, bɔ ahwanfuntɔ́ adɔ̌kpo ɖokpó afɔɖé (22.000) xwedó e. É zɔ́n ɖɔ yě ni hu súnnu mɛxó e ɖo toxo ɔ́ mɛ lɛ́ɛ, bó sa nyɔ̌nu lɛ́ɛ kpódó yɔkpɔ́vú lɛ́ɛ kpán sín kannumɔ. 25Ée Apoloniwúsi wá Jeluzalɛ́mu toxo ɔ́ mɛ ɔ́, é wa nǔ mɛ e nɔ xo fífá kan é ɖɔhun. É nɔ te kpɔ́n gbɔjɛzán gbe, Jwifu lɛ́ɛ sín azǎn mímɛ́ ɔ́. É zɔn dó gbɔjɛzán Jwifu lɛ́ɛ tɔn wú bó to ahwanfɔɖiɖe ɖokpó. 26É ná gbe ɖɔ è hu mɛ e wá nǔ énɛ́ kpɔ́n gbé lɛ́ɛ bǐ. Énɛ́ gúdo ɔ́, é kpódó sɔ́ja tɔn lɛ́ɛ kpán kán wezun bó byɔ́ toxo ɔ́ mɛ bó ná vívá gbɛtɔ́ wɔ̌buwɔ́bú ɖé sín kún.
27Lo ɔ́, Judáa e è nɔ lɛ́ ylɔ́ ɖɔ Makabée ɔ́ kpódó súnnu tɛ́nnɛ ɖěvo kpán hɔn yi bɛ, ɖo sókan mɛ. Yě nɔ fínɛ́ bó zán gbɛ kanlin gbě mɛ tɔn ɖɔhun. Bó má ná dó ɖu su ǎ wútu ɔ́, yě nɔ́ ɖu ama kɛ́ɖɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.