2 Makabée 4
4
Sinmɔ́ɔ kpa xó ɖɔ dó Oniyási nu
1Un ko ɖe lě e Sinmɔ́ɔ flú togun tɔn gbɔn ɔ́ xlɛ́ ɖ'ayǐ. É ɖokpó ɔ́ jɛ́n lɛ́ ɖɔ dɔkun Sinsɛnxɔ ɔ́ tɔn xó nú Apoloniwúsi. Nya ɖokpó énɛ́ ɔ́ jɛ́n lɛ́ ɖo ji dó Oniyási wɛ bo ɖɔ: “Vɔ̌sánú-xwlémawutɔ́ ɖaxó ɔ́ wɛ ɖ'alɔ Eliodɔ́ɔ wú, nǔ e zɔ́n bɔ awě nɛ́ lɛ́ɛ xo e ɔ́ nɛ́!” 2Sinmɔ́ɔ glá káká bó ɖɔ Oniyási nyí acɛkpikpa ɔ́ sín kɛntɔ́. Lo ɔ́, Oniyási nɔ wa ɖagbe nú toxo ɔ́, é nɔ́ nya xɛ ɖo togun tɔn sín mɛ lɛ́ɛ jí, bó nɔ́ tɛ́nkpɔ́n, bó nɔ́ nyi sɛ́n lɛ́ɛ. 3Mɛnúvɛ́mɛwú Sinmɔ́ɔ tɔn ɔ́ syɛ́n káká bɔ é yí gbe nú nya tɔn lɛ́ɛ ɖokpó bɔ é hu mɛ ɖé lɛ́ɛ. 4Oniyási mɔ nǔ jɛ wú ɖɔ gbeklán xá mɛ nɛ́ ɔ́, kú sín nǔ wɛ. Ɖó é tunwun ɖɔ Apoloniwúsi e nyí Mɛnɛsitée ví, bó lɛ́ nyí tokpɔngán Silíi ɖaxó ɔ́ kpódó Fenisíi kpán tɔn ɔ́ nɔ yí alɔ nú Sinmɔ́ɔ sín linlin nyanya lɛ́ɛ. 5Énɛ́ wú ɔ́, Oniyási yi mɔ axɔ́sú ɔ́; é nyí é ná dó hwɛ nɔví tɔn Izlayɛ́li ví lɛ́ɛ wú wɛ ǎ, lo ɔ́, é ná jɛ ahwan togun ɔ́ kpódó mɛ ɖokpó ɖokpó sín nyɔ̌ná kpán jí wú wɛ. 6Nǔgbó ɔ́, nú axɔ́sú ɔ́ má wa nǔɖé ǎ ɔ́, é ná sixú mɔ fífá nú to ɔ́ sín nukɔn yiyi ǎ. Ɖó Sinmɔ́ɔ ɖo nǔmasɔgbe wiwa tɔn lɛ́ɛ ná ɖó te wɛ ǎ.
Vɔ̌sánú-xwlémawutɔ́ ɖaxó Jazɔ́ɔn ɖó walɔ Glɛ̌sinu lɛ́ɛ tɔn ayǐ
7 Énɛ́ gúdo ɔ́, axɔ́sú Selekúsi wá gosín gbɛmɛ fí, bɔ Antiyokúsi e nɔ nyí Epifani ɔ́ wá xɔ to.
Hwenɛ́nu ɖokpó ɔ́, Oniyási sín nɔví Jazɔ́ɔn zán ayi gɛ́dɛ́gɛ́dɛ́, bɔ è sɔ́ ɛ vɔ̌sánú-xwlémawutɔ́ ɖaxó. 8É yi mɔ axɔ́sú ɔ́, bó dó akpá ɖɔ émí ná ná ɛ kpatágan tɔ́nu wǒ ɖo nǔjɔ lɛ́ɛ mɛ kpódó kpatágan kilóo afɔwó afɔɖé (2.200) ɖěvo kpán sín fí ɖěvo lɛ́ɛ. 9É lɛ́ dó akpá ɖɔ ényí axɔ́sú ɔ́ ná gbe bɔ émí gbá azɔ̌mɛxwé ɖokpó nú dɔ̌nkpɛvú wínnyáwínnyá lɛ́ɛ kpódó fí e è na nɔ yi yí nǔnywɛ́, bó nɔ́ da ayihún ɖe é ɖokpó kpán ɔ́, émí ná lɛ́ sú i kpatágan tɔ́nu ɛnɛ ɖěvo. 10Axɔ́sú ɔ́ ká yí gbe tɔn n'i.
Énɛ́ gúdo tlóló ɔ́, Jazɔ́ɔn yí acɛkpikpa bó zɔ́n Izlayɛ́li ví e kpo lɛ́ɛ ɖɔ dandan mɛ ɔ́, yě ɖó ná zán gbɛ Glɛ̌sinu lɛ́ɛ ɖɔhun. 11 Nyɔ̌ná e axɔ́sú ɔ́ lɛ́ nyɔ́ xomɛ, bó ná Jwifu lɛ́ɛ, ɖó nǔwiwa Jǎan Epolɛ́mu sín tɔ́ ɔ́ tɔn wú lɛ́ɛ é ɔ́, é sú yě dó. É wá lín káká ɔ́, è sɛ́ Epolɛ́mu dó Hlɔ̌ma, nú é ná nyí afɔsɔ́ɖótetɔ́ togun ɔ́ tɔn bó ná nu alɛ xá Hlɔ̌manu lɛ́ɛ. Jazɔ́ɔn lɛ́ sú kún dó nú Mawusɛ́n ɔ́ sín titomɛ lɛ́ɛ lɔmɔ̌, bó ɖó walɔ e gbɔn vo nú sɛ́n énɛ́ lɛ́ɛ é ayǐ. 12Nǔnywɛ́ kpó ayihúndatɛn kpán sín xɔ e é gbá ɖó só e jí Sinsɛnxɔ ɔ́ ɖe é sín do ɔ́, hun xomɛ n'i taala. É dɔn dɔ̌nkpɛvú asúká lɛ́ɛ nú yě ná jɛ Glɛ̌sinu lɛ́ɛ sín aza xwe jí. 13Ɖěe walɔ Glɛ̌sinu lɛ́ɛ tɔn húzú acɔ́nú gbɔn ɔ́ nɛ́. Mɛ lɛ́ɛ jɛ nǔ wa jí to ɖěvomɛnu lɛ́ɛ ɖɔhun. Jazɔ́ɔn wɛ ka zɔ́n nǔ nɛ́ lɛ́ɛ bǐ. Nya nɛ́ ɔ́, gbɛtɔ́ nyanya wɛ, kɛntɔ́ Mawu tɔn wɛ. É jɛ xá bó ná nyí vɔ̌sánú-xwlémawutɔ́ ɖaxó ǎ. 14Má dó sú ta ná ɔ́, vɔ̌sánú-xwlémawutɔ́ lɛ́ɛ ɖésú sɔ́ nɔ wlíbo nú vɔ̌sákpe ɔ́ sín nǔwiwa lɛ́ɛ ǎ. Yě sɔ́ nɔ ɖó sísí nú Sinsɛnxɔ ɔ́ ǎ, bó dó vɛ̌ nú vɔ̌sísá lɛ́ɛ. Yě se kpɛn gbe lě ɔ́, yě nɔ́ dlɔ́n dó lɔ̌nyijǐ lɔ̌nfɔnkan e Mawusɛ́n ɔ́ gbɛ́ é. 15Yě ɖe kɔ dó walɔ tɔ́gbó yětɔn lɛ́ɛ tɔn, bó xwedó Glɛ̌sinu lɛ́ɛ tɔn. 16Énɛ́ wú wɛ ée é wá yá é ɔ́, yě wá byɔ́ wǔvɛ́ mɛ. Ɖó Glɛ̌sinu lɛ́ɛ sín walɔ jɛ yětɔn jí, bɔ yě nɔ́ jló ná wa nǔ bǐ yě ɖɔhun. Amɔ̌, Glɛ̌sinu lɛ́ɛ wá húzú kɛntɔ́ yětɔn, bó ná wá dó ya nú yě ɖésú. 17Mɛ ɖé nɔ gbɛ́ gbe nú Mawusɛ́n lɛ́ɛ ma sún sin tɔn ǎ. Tan e kpo bɔ mi na se é ná ɖe kúnnu ná.
18Xwe ɛnɛ mɛ tɛgbɛ ɔ́, ɖo Tíi toxo ɔ́ mɛ ɔ́, è nɔ bló lɔ̌nyijǐ lɔ̌nfɔnkan sín agba hwlɛ́nhwlɛ́n, bɔ axɔ́sú ɔ́ nɔ ɖo tɛn tɔn mɛ. 19Jazɔ́ɔn, nya blíblí nɛ́ ɔ́ nɔ sɛ́ súnnu ɖěɖě è sɔ́ Antiyɔ́cinu nyínyí sín kɛ́n ná lɛ́ɛ é dó, bɔ yě nɔ́ nyí Jeluzalɛ́mu sín afɔsɔ́ɖótetɔ́. Yě nɔ́ hɛn gankwɛ́ afɔɖé kanwe ko (300) dó yěɖée jí nú vɔ̌sísá e yě ná xwlé nǔmɛsɛn Helaklɛ́si é. Amɔ̌, mɛ nɛ́ lɛ́ɛ nɔ́ ɖɔ nú yěɖée ɖɔ é kún jɛ xá nú è na sɔ́ akwɛ́ nɛ́ ɔ́ dó sá vɔ̌ ná ó; è hɛn bó zán dó nǔ ɖěvo wú ɔ́, é nyɔ́ hú. 20Jazɔ́ɔn jló ɖɔ akwɛ́ nɛ́ ɔ́ ní nɔ vɔ̌sánú Helaklɛ́si sín kanta. Lo ɔ́, yě mɛ e hɛn akwɛ́ ɔ́ wá lɛ́ɛ sɔ́ dó zɔ́n ahwanfunfun sín zohún ná.
Antiyokúsi Epifani yi Jeluzalɛ́mu
21Antiyokúsi sɛ́ Apoloniwúsi, Mɛnɛsitée ví ɔ́ dó Ejípu tomɛ. É ɖó ná nɔ gǎnzaxwixwe nú axɔ́sú Filomɛtɔ́ɔ sín nǔwiwa lɛ́ɛ tɛnmɛ. Antiyokúsi ka wá se ɖɔ lě e émí ɖo acɛ kpa wɛ gbɔn ɔ́ kún nyɔ́ Filomɛtɔ́ɔ nukún mɛ ó. É ka tɛ́nkpɔ́n bó jɛ ahwan to tɔn jí. É yi Jopée, bó gosín fínɛ́ yi Jeluzalɛ́mu. 22Jazɔ́ɔn kpódó mɛ e ɖo toxo ɔ́ mɛ lɛ́ɛ kpán yí i, bɔ é fɛ́ wǔ. Yě tá zohwín dó jɛ nukɔn n'i byɔ́ Jeluzalɛ́mu, bɔ awǒbóbó ɖ'é nú. Énɛ́ gúdo ɔ́, Antiyokúsi lɛ́ kɔ wá yi Fenisíi kpódó ahwanfuntɔ́ tɔn lɛ́ɛ kpán.
Mɛnɛlasi húzú vɔ̌sánú-xwlémawutɔ́ ɖaxó
23Xwe atɔn gúdo ɔ́, Jazɔ́ɔn sɛ́ Mɛnɛlasi dó axɔ́sú Antiyokúsi. Mɛnɛlasi nɛ́ ɔ́, Sinmɔ́ɔ e xó un ko ɖɔ é sín nɔví wɛ. Jazɔ́ɔn sɛ́ ɛ dó nú é ná sɔ́ akwɛ́ yi jó nú axɔ́sú ɔ́, bó ka ná ɖɔ xó xá ɛ dó nǔ tají tají ɖé lɛ́ɛ wú. 24È sɔ́ Mɛnɛlasi yi dó gesí nú axɔ́sú ɔ́, bɔ mɛkpikpa tɔn kpó nǔwalɔ mɛjɔmɛ nyínyí tɔn lɛ́ɛ kpán zɔ́n, bɔ axɔ́sú ɔ́ ɖó kɛ́n jǐ tɔn. É xo kan káká bɔ è sɔ́ ɛ vɔ̌sánú-xwlémawutɔ́ ɖaxó. Énɛ́ wú ɔ́, é ná kpatágan tɔ́nu tántɔn hú Jazɔ́ɔn. 25Wěma e ɖe xlɛ́ ɖɔ é ɖó acɛ nɛ́ ɔ́, axɔ́sú ɔ́ sɔ́ dó así n'i. Énɛ́ gúdo ɔ́, é lɛ́ kɔ yi Jeluzalɛ́mu. Lo ɔ́, é ɖó walɔ ɖagbe e sɔgbe xá vɔ̌sánú-xwlémawutɔ́ ɖaxó nyínyí ɔ́ ɖěbǔ ǎ. É nyɔ́ wa ɔ́, acɛgannaganna-kpanúmɛtɔ́, adǎnúwatɔ́ wɛ n'i, bɔ é nɔ sin xomɛ adǎnkanlin ɖɔhun. 26Jazɔ́ɔn ɖó ayi, bó nya nɔví tɔn jɔnwun ɔ́. Mɛ ɖěvo ka wá nya é lɔmɔ̌ bɔ é gbɔ bó hɔn yi Amumɔ́ɔnu lɛ́ɛ to mɛ.
27Lě e gǎn jɛ Mɛnɛlasi lɔ mɛ gbɔn ɔ́ nɛ́. Lo ɔ́, kpatágan e sín akpá é dó nú axɔ́sú ɔ́, é sɔ́ jó ǎ. 28Có Sositlati, ahwangán Jeluzalɛ́mu tɔn ɔ́ ɖo akwɛ́ nɛ́ ɔ́ byɔ́ ɛ wɛ. Ɖó é wɛ nɔ kpé nukún dó nǔ e kan takwɛ́ lɛ́ɛ bǐ wú. Énɛ́ wú wɛ axɔ́sú ɔ́ ylɔ́ yě mɛ we lɛ́ɛ. 29Ée Mɛnɛlasi xweyǐgbe ɔ́, é sɔ́ nɔví tɔn Lisimaki bɔ é ná kpɔ́n tɛnmɛ n'i ɖo vɔ̌sánú-xwlémawutɔ́ ɖaxó sín azɔ̌ tɔn kanta, bɔ Sositlati sɔ́ Klatɛ́si sɔ́jagán Cíplunu lɛ́ɛ tɔn ɔ́, bɔ é ná kpɔ́n tɛnmɛ n'i ɖo ahwangán sín kanta.
Mɛnɛlasi hu vɔ̌sánú-xwlémawutɔ́ ɖaxó Oniyási
30Hwenɛ́nu ɔ́, Táasinu lɛ́ɛ kpódó Maalɔ́sinu lɛ́ɛ kpán fɔ́n gǔ. Ɖó axɔ́sú ɔ́ sɔ́ toxo yětɔn lɛ́ɛ sɔ́ ná Antiyokísi, é mɛ e ɖo asi wegɔ́ ɔ́ sín ali nu n'i é vɔ̌nu. 31Axɔ́sú ɔ́ yá wǔ bó yi ɖɔ xó nɛ́ ɔ́ gbo, bó sɔ́ Andlonikúsi e nyí axɔ́súzɔ́watɔ́ nukúnɖéjí é, nú é ná kpɔ́n nǔ lɛ́ɛ jí n'i ɖo Antiyɔ́ci. 32Mɛnɛlasi mɔ ɖɔ é ɖó ná zɔn dó nǔ nɛ́ ɔ́ wú. É yi fin sikánú e ɖo Sinsɛnxɔ ɔ́ mɛ lɛ́ɛ ɖě, bó sɔ́ ɖě dó kan agban ná nú Andlonikúsi. É yi sa ɖě lɛ́ɛ ɖo Tíi kpódó toxo e lɛ́ lɛ̌ dó e lɛ́ɛ kpán mɛ. 33Ée Oniyási se xó nɛ́ ɔ́ céɖécéɖé ɔ́, é hɔn yi bɛ ɖo Sinsɛnxɔ ɖé mɛ, ɖo Dafunɛ́ɛ, malín málín dó Antiyɔ́ci. Fínɛ́ wɛ é jɛ hwɛ dó Mɛnɛlasi jí ɖe. 34 Mɛnɛlasi ka yi mɔ Andlonikúsi ɖo nǔglɔ́, bó byɔ́ ɛ syɛ́nsyɛ́n ɖɔ é ní hu Oniyási. Énɛ́ ɔ́, Andlonikúsi wá yi mɔ Oniyási, bó ɖó adingban dó ɖe ayi ɖ'ayǐ n'i. É dlɛ́n alɔ tɔn aɖisí ɔ́, bó dó akpá ɖé lɛ́ɛ n'i. É tɛ́nkpɔ́n bó byɔ́ ɛ ɖɔ é ní tɔ́n sín Sinsɛnxɔ ɔ́ mɛ. Có Oniyási ka ɖeji bǐ yi fó ǎ. Ée é tɔ́n lě ɔ́, Andlonikúsi zɔn jǐ tɔn bó hu i, ma xwedó hwɛjijɔ sín nǔwiwa ɖěbǔ. 35Énɛ́ wú wɛ Jwifu lɛ́ɛ kpódó mɛ e ma nyí Jwifu ǎ lɛ́ɛ gěgé kpán sín ayi gbadó, bɔ yě fɔ́n gǔ ɖó mɛhuhu baɖabaɖa énɛ́ ɔ́ wú.
Andlonikúsi sún mɛ e é hu ɔ́ sín sin
36Ée axɔ́sú ɔ́ lɛ́ kɔ sín Silisíi ɔ́, Jwifu e ɖo Antiyɔ́ci lɛ́ɛ yi mɔ ɛ ɖó hu e è hu Oniyási dó acɛ jí ɔ́ wú. Alǎnnú nɛ́ ɔ́ nyɔ́ Glɛ̌sinu lɛ́ɛ ɖésú sín nukún mɛ ǎ. 37Wǔ kú axɔ́sú Antiyokúsi taala, bɔ é lɛ́ blá wǔ n'i, bɔ é jɛ avǐ ya jí, ɖó é flín sɛ́núnywɛ́ kpódó walɔ ɖagbe kpó e mɛ e é hu é tɔn. 38Énɛ́ gúdo ɔ́, xomɛ ɖaxó ɖé sin i, bɔ é zɔ́n bɔ è ɖe vɔ̌sánú-xwlémawutɔ́ sín awu vɔvɔ ɔ́ sín kɔ nú Andlonikúsi, bó lɛ́ ɖe e jɛ mɛ̌, bɔ é xo toxo ɔ́ bǐ zlɛ́ dó jǐ tɔn káká yi fí e é hu Oniyási ɖe é. Axɔ́sú ɔ́ zɔ́n ɖɔ è hu mɛhutɔ́ ɔ́ ɖo tɛn nɛ́ ɔ́ mɛ. Lě e Aklúnɔ dɔn tó nú Andlonikúsi dó hwɛjijɔ jí gbɔn é nɛ́.
È hu Lisimaki
39Hwenɛ́nu ɔ́, Lisimaki blá ɖɔ xá nɔví tɔn Mɛnɛlasi bó fin nǔ gěgé ɖo Sinsɛnxɔ Jeluzalɛ́mu tɔn mɛ. Mɔ̌ wɛ é ko bɛ́ sikánú wɔ̌buwɔ́bú ɖé lɛ́ɛ hɛn yi. È se xó nɛ́ ɔ́ ɖo toxo ɔ́ mɛ, bɔ mɛ lɛ́ɛ sɛ ta kplé dó Lisimaki wú. 40Mɛ lɛ́ɛ fɔ́n adǎn bó ɖo zǐngídi jí. Lisimaki ka fɔ ahwanfunnú nú gbɛtɔ́ ɖibla yi afɔwó-afatɔ́n (3.000) mɔ̌ bó jɛ mɛ e fɔ́n gǔ lɛ́ɛ sín kún vívá jí. Nya ɖé tíin, bɔ è nɔ ylɔ́ ɛ ɖɔ Olanɔsi; mɛxóflú ɖé wɛ, bó ɖo nukɔn nú sɔ́ja lɛ́ɛ. 41Ée mɛ lɛ́ɛ mɔ ɖɔ Lisimaki tɔ́n ahwan émí ɔ́, mɛ ɖě nɔ́ ɖíɖá awǐnnya, mɛ ɖěvo nɔ zé kpo ɖaxó. Mɛ ɖěvo lɛ́ɛ nɔ wún vɔ̌sánú lɛ́ɛ sín afín. Yě nɔ́ nyi nǔ nɛ́ lɛ́ɛ dó Lisimaki kpódó mɛ tɔn lɛ́ɛ kpán. 42Mɔ̌ wɛ yě bló bó gbléwǔ sɔ́ja gěgé; yě hu mɛ ɖé lɛ́ɛ, mɛ e kpo lɛ́ɛ bǐ ká hɔn yi. Yě hu Lisimaki e fin Sinsɛnxɔ mɛ sín nǔ lɛ́ɛ, ɖo malín málín dó xɔ e mɛ dɔkun lɛ́ɛ ɖe é.
È ɖe Mɛnɛlasi nyi te dó acɛ jí
43Yě ylɔ́ hwɛ Mɛnɛlasi ɖó nǔ e jɛ nɛ́ lɛ́ɛ wú. 44Ée axɔ́sú ɔ́ wá Tíi ɔ́, tomɛxó Jeluzalɛ́mu tɔn lɛ́ɛ ɖe mɛ atɔn sɛ́ dó e, nú yě ná ná mɔjɛmɛ axɔ́sú ɔ́ ɖó hwɛ e dó Mɛnɛlasi wɛ è ɖe ɔ́ wú. 45Mɛnɛlasi mɔ ɖɔ é kún ná kpa émí ó. É ka dó akpá nú Putolemɛ́ɛ, Dolimɛ́nu ví ɔ́ ɖɔ émí ná ná ɛ akwɛ́ gěgé nú é ná dó nyí ɖɛ̌mɛnu émítɔn ɖó axɔ́sú ɔ́ gɔ́n, nú é ná gbo ɖó émítɔn jí. 46Putolemɛ́ɛ bló nǔ mɛ xwe jɔ yi gbé ɖɔhun, bó dɔn axɔ́sú ɔ́ jɛ zɔ, ɖo tɛn ɖé mɛ, bɔ agbanutín ɖé lɛ́ɛ ɖo fínɛ́, bɔ é húzú gbe dó kɔ nú axɔ́sú ɔ́. 47Mɔ̌ wɛ é gbɛ́ hwɛ dó nya e zɔ́n bɔ nǔ baɖabaɖa nɛ́ jɛ é gbɔn ɔ́ nɛ́. É nyɔ́ wa ɔ́, é ɖó kúhwɛ nú mɛsɛ́dó lɛ́ɛ. Lo ɔ́, nú Siti lɛ́ɛ nukɔn wɛ mɛ nɛ́ lɛ́ɛ ɖo kúnnu ɖe nú yěɖée ɖe wɛ ɔ́, yě ná kó mɔ ɖɔ xomɛvɔ́nɔ wɛ nú yě. 48Lě e yě sɔ́ mɛ táfú sín bǎ dó dɔn tó nú nya atɔn e jɛ hun dó Jeluzalɛ́munu Jwifu lɛ́ɛ kpódó nǔ mǐmɛ́ e ɖo Sinsɛnxɔ ɔ́ mɛ lɛ́ɛ kpán jí gbɔn é nɛ́. 49Alǎnnú nɛ́ ɔ́ hɛn hǔn nú Tíinu lɛ́ɛ, bɔ yě sɔ́ nǔwamɛvɔ dó. 50Amɔ̌, Mɛnɛlasi kpo ɖo gǎn nyí wɛ, ɖó akwɛ́ nɔ jɛ nukɔn nú mɛ e lɔ mɛ acɛkpikpa ɖe lɛ́ɛ. Dǎka tɔn fɔ́n bó ɖo syɛ́nsyɛ́n d'é jí wɛ, bɔ é gbɔ bó húzú kɛntɔ́ ɖaxó togun tɔn tɔn.
Currently Selected:
2 Makabée 4: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 4
4
Sinmɔ́ɔ kpa xó ɖɔ dó Oniyási nu
1Un ko ɖe lě e Sinmɔ́ɔ flú togun tɔn gbɔn ɔ́ xlɛ́ ɖ'ayǐ. É ɖokpó ɔ́ jɛ́n lɛ́ ɖɔ dɔkun Sinsɛnxɔ ɔ́ tɔn xó nú Apoloniwúsi. Nya ɖokpó énɛ́ ɔ́ jɛ́n lɛ́ ɖo ji dó Oniyási wɛ bo ɖɔ: “Vɔ̌sánú-xwlémawutɔ́ ɖaxó ɔ́ wɛ ɖ'alɔ Eliodɔ́ɔ wú, nǔ e zɔ́n bɔ awě nɛ́ lɛ́ɛ xo e ɔ́ nɛ́!” 2Sinmɔ́ɔ glá káká bó ɖɔ Oniyási nyí acɛkpikpa ɔ́ sín kɛntɔ́. Lo ɔ́, Oniyási nɔ wa ɖagbe nú toxo ɔ́, é nɔ́ nya xɛ ɖo togun tɔn sín mɛ lɛ́ɛ jí, bó nɔ́ tɛ́nkpɔ́n, bó nɔ́ nyi sɛ́n lɛ́ɛ. 3Mɛnúvɛ́mɛwú Sinmɔ́ɔ tɔn ɔ́ syɛ́n káká bɔ é yí gbe nú nya tɔn lɛ́ɛ ɖokpó bɔ é hu mɛ ɖé lɛ́ɛ. 4Oniyási mɔ nǔ jɛ wú ɖɔ gbeklán xá mɛ nɛ́ ɔ́, kú sín nǔ wɛ. Ɖó é tunwun ɖɔ Apoloniwúsi e nyí Mɛnɛsitée ví, bó lɛ́ nyí tokpɔngán Silíi ɖaxó ɔ́ kpódó Fenisíi kpán tɔn ɔ́ nɔ yí alɔ nú Sinmɔ́ɔ sín linlin nyanya lɛ́ɛ. 5Énɛ́ wú ɔ́, Oniyási yi mɔ axɔ́sú ɔ́; é nyí é ná dó hwɛ nɔví tɔn Izlayɛ́li ví lɛ́ɛ wú wɛ ǎ, lo ɔ́, é ná jɛ ahwan togun ɔ́ kpódó mɛ ɖokpó ɖokpó sín nyɔ̌ná kpán jí wú wɛ. 6Nǔgbó ɔ́, nú axɔ́sú ɔ́ má wa nǔɖé ǎ ɔ́, é ná sixú mɔ fífá nú to ɔ́ sín nukɔn yiyi ǎ. Ɖó Sinmɔ́ɔ ɖo nǔmasɔgbe wiwa tɔn lɛ́ɛ ná ɖó te wɛ ǎ.
Vɔ̌sánú-xwlémawutɔ́ ɖaxó Jazɔ́ɔn ɖó walɔ Glɛ̌sinu lɛ́ɛ tɔn ayǐ
7 Énɛ́ gúdo ɔ́, axɔ́sú Selekúsi wá gosín gbɛmɛ fí, bɔ Antiyokúsi e nɔ nyí Epifani ɔ́ wá xɔ to.
Hwenɛ́nu ɖokpó ɔ́, Oniyási sín nɔví Jazɔ́ɔn zán ayi gɛ́dɛ́gɛ́dɛ́, bɔ è sɔ́ ɛ vɔ̌sánú-xwlémawutɔ́ ɖaxó. 8É yi mɔ axɔ́sú ɔ́, bó dó akpá ɖɔ émí ná ná ɛ kpatágan tɔ́nu wǒ ɖo nǔjɔ lɛ́ɛ mɛ kpódó kpatágan kilóo afɔwó afɔɖé (2.200) ɖěvo kpán sín fí ɖěvo lɛ́ɛ. 9É lɛ́ dó akpá ɖɔ ényí axɔ́sú ɔ́ ná gbe bɔ émí gbá azɔ̌mɛxwé ɖokpó nú dɔ̌nkpɛvú wínnyáwínnyá lɛ́ɛ kpódó fí e è na nɔ yi yí nǔnywɛ́, bó nɔ́ da ayihún ɖe é ɖokpó kpán ɔ́, émí ná lɛ́ sú i kpatágan tɔ́nu ɛnɛ ɖěvo. 10Axɔ́sú ɔ́ ká yí gbe tɔn n'i.
Énɛ́ gúdo tlóló ɔ́, Jazɔ́ɔn yí acɛkpikpa bó zɔ́n Izlayɛ́li ví e kpo lɛ́ɛ ɖɔ dandan mɛ ɔ́, yě ɖó ná zán gbɛ Glɛ̌sinu lɛ́ɛ ɖɔhun. 11 Nyɔ̌ná e axɔ́sú ɔ́ lɛ́ nyɔ́ xomɛ, bó ná Jwifu lɛ́ɛ, ɖó nǔwiwa Jǎan Epolɛ́mu sín tɔ́ ɔ́ tɔn wú lɛ́ɛ é ɔ́, é sú yě dó. É wá lín káká ɔ́, è sɛ́ Epolɛ́mu dó Hlɔ̌ma, nú é ná nyí afɔsɔ́ɖótetɔ́ togun ɔ́ tɔn bó ná nu alɛ xá Hlɔ̌manu lɛ́ɛ. Jazɔ́ɔn lɛ́ sú kún dó nú Mawusɛ́n ɔ́ sín titomɛ lɛ́ɛ lɔmɔ̌, bó ɖó walɔ e gbɔn vo nú sɛ́n énɛ́ lɛ́ɛ é ayǐ. 12Nǔnywɛ́ kpó ayihúndatɛn kpán sín xɔ e é gbá ɖó só e jí Sinsɛnxɔ ɔ́ ɖe é sín do ɔ́, hun xomɛ n'i taala. É dɔn dɔ̌nkpɛvú asúká lɛ́ɛ nú yě ná jɛ Glɛ̌sinu lɛ́ɛ sín aza xwe jí. 13Ɖěe walɔ Glɛ̌sinu lɛ́ɛ tɔn húzú acɔ́nú gbɔn ɔ́ nɛ́. Mɛ lɛ́ɛ jɛ nǔ wa jí to ɖěvomɛnu lɛ́ɛ ɖɔhun. Jazɔ́ɔn wɛ ka zɔ́n nǔ nɛ́ lɛ́ɛ bǐ. Nya nɛ́ ɔ́, gbɛtɔ́ nyanya wɛ, kɛntɔ́ Mawu tɔn wɛ. É jɛ xá bó ná nyí vɔ̌sánú-xwlémawutɔ́ ɖaxó ǎ. 14Má dó sú ta ná ɔ́, vɔ̌sánú-xwlémawutɔ́ lɛ́ɛ ɖésú sɔ́ nɔ wlíbo nú vɔ̌sákpe ɔ́ sín nǔwiwa lɛ́ɛ ǎ. Yě sɔ́ nɔ ɖó sísí nú Sinsɛnxɔ ɔ́ ǎ, bó dó vɛ̌ nú vɔ̌sísá lɛ́ɛ. Yě se kpɛn gbe lě ɔ́, yě nɔ́ dlɔ́n dó lɔ̌nyijǐ lɔ̌nfɔnkan e Mawusɛ́n ɔ́ gbɛ́ é. 15Yě ɖe kɔ dó walɔ tɔ́gbó yětɔn lɛ́ɛ tɔn, bó xwedó Glɛ̌sinu lɛ́ɛ tɔn. 16Énɛ́ wú wɛ ée é wá yá é ɔ́, yě wá byɔ́ wǔvɛ́ mɛ. Ɖó Glɛ̌sinu lɛ́ɛ sín walɔ jɛ yětɔn jí, bɔ yě nɔ́ jló ná wa nǔ bǐ yě ɖɔhun. Amɔ̌, Glɛ̌sinu lɛ́ɛ wá húzú kɛntɔ́ yětɔn, bó ná wá dó ya nú yě ɖésú. 17Mɛ ɖé nɔ gbɛ́ gbe nú Mawusɛ́n lɛ́ɛ ma sún sin tɔn ǎ. Tan e kpo bɔ mi na se é ná ɖe kúnnu ná.
18Xwe ɛnɛ mɛ tɛgbɛ ɔ́, ɖo Tíi toxo ɔ́ mɛ ɔ́, è nɔ bló lɔ̌nyijǐ lɔ̌nfɔnkan sín agba hwlɛ́nhwlɛ́n, bɔ axɔ́sú ɔ́ nɔ ɖo tɛn tɔn mɛ. 19Jazɔ́ɔn, nya blíblí nɛ́ ɔ́ nɔ sɛ́ súnnu ɖěɖě è sɔ́ Antiyɔ́cinu nyínyí sín kɛ́n ná lɛ́ɛ é dó, bɔ yě nɔ́ nyí Jeluzalɛ́mu sín afɔsɔ́ɖótetɔ́. Yě nɔ́ hɛn gankwɛ́ afɔɖé kanwe ko (300) dó yěɖée jí nú vɔ̌sísá e yě ná xwlé nǔmɛsɛn Helaklɛ́si é. Amɔ̌, mɛ nɛ́ lɛ́ɛ nɔ́ ɖɔ nú yěɖée ɖɔ é kún jɛ xá nú è na sɔ́ akwɛ́ nɛ́ ɔ́ dó sá vɔ̌ ná ó; è hɛn bó zán dó nǔ ɖěvo wú ɔ́, é nyɔ́ hú. 20Jazɔ́ɔn jló ɖɔ akwɛ́ nɛ́ ɔ́ ní nɔ vɔ̌sánú Helaklɛ́si sín kanta. Lo ɔ́, yě mɛ e hɛn akwɛ́ ɔ́ wá lɛ́ɛ sɔ́ dó zɔ́n ahwanfunfun sín zohún ná.
Antiyokúsi Epifani yi Jeluzalɛ́mu
21Antiyokúsi sɛ́ Apoloniwúsi, Mɛnɛsitée ví ɔ́ dó Ejípu tomɛ. É ɖó ná nɔ gǎnzaxwixwe nú axɔ́sú Filomɛtɔ́ɔ sín nǔwiwa lɛ́ɛ tɛnmɛ. Antiyokúsi ka wá se ɖɔ lě e émí ɖo acɛ kpa wɛ gbɔn ɔ́ kún nyɔ́ Filomɛtɔ́ɔ nukún mɛ ó. É ka tɛ́nkpɔ́n bó jɛ ahwan to tɔn jí. É yi Jopée, bó gosín fínɛ́ yi Jeluzalɛ́mu. 22Jazɔ́ɔn kpódó mɛ e ɖo toxo ɔ́ mɛ lɛ́ɛ kpán yí i, bɔ é fɛ́ wǔ. Yě tá zohwín dó jɛ nukɔn n'i byɔ́ Jeluzalɛ́mu, bɔ awǒbóbó ɖ'é nú. Énɛ́ gúdo ɔ́, Antiyokúsi lɛ́ kɔ wá yi Fenisíi kpódó ahwanfuntɔ́ tɔn lɛ́ɛ kpán.
Mɛnɛlasi húzú vɔ̌sánú-xwlémawutɔ́ ɖaxó
23Xwe atɔn gúdo ɔ́, Jazɔ́ɔn sɛ́ Mɛnɛlasi dó axɔ́sú Antiyokúsi. Mɛnɛlasi nɛ́ ɔ́, Sinmɔ́ɔ e xó un ko ɖɔ é sín nɔví wɛ. Jazɔ́ɔn sɛ́ ɛ dó nú é ná sɔ́ akwɛ́ yi jó nú axɔ́sú ɔ́, bó ka ná ɖɔ xó xá ɛ dó nǔ tají tají ɖé lɛ́ɛ wú. 24È sɔ́ Mɛnɛlasi yi dó gesí nú axɔ́sú ɔ́, bɔ mɛkpikpa tɔn kpó nǔwalɔ mɛjɔmɛ nyínyí tɔn lɛ́ɛ kpán zɔ́n, bɔ axɔ́sú ɔ́ ɖó kɛ́n jǐ tɔn. É xo kan káká bɔ è sɔ́ ɛ vɔ̌sánú-xwlémawutɔ́ ɖaxó. Énɛ́ wú ɔ́, é ná kpatágan tɔ́nu tántɔn hú Jazɔ́ɔn. 25Wěma e ɖe xlɛ́ ɖɔ é ɖó acɛ nɛ́ ɔ́, axɔ́sú ɔ́ sɔ́ dó así n'i. Énɛ́ gúdo ɔ́, é lɛ́ kɔ yi Jeluzalɛ́mu. Lo ɔ́, é ɖó walɔ ɖagbe e sɔgbe xá vɔ̌sánú-xwlémawutɔ́ ɖaxó nyínyí ɔ́ ɖěbǔ ǎ. É nyɔ́ wa ɔ́, acɛgannaganna-kpanúmɛtɔ́, adǎnúwatɔ́ wɛ n'i, bɔ é nɔ sin xomɛ adǎnkanlin ɖɔhun. 26Jazɔ́ɔn ɖó ayi, bó nya nɔví tɔn jɔnwun ɔ́. Mɛ ɖěvo ka wá nya é lɔmɔ̌ bɔ é gbɔ bó hɔn yi Amumɔ́ɔnu lɛ́ɛ to mɛ.
27Lě e gǎn jɛ Mɛnɛlasi lɔ mɛ gbɔn ɔ́ nɛ́. Lo ɔ́, kpatágan e sín akpá é dó nú axɔ́sú ɔ́, é sɔ́ jó ǎ. 28Có Sositlati, ahwangán Jeluzalɛ́mu tɔn ɔ́ ɖo akwɛ́ nɛ́ ɔ́ byɔ́ ɛ wɛ. Ɖó é wɛ nɔ kpé nukún dó nǔ e kan takwɛ́ lɛ́ɛ bǐ wú. Énɛ́ wú wɛ axɔ́sú ɔ́ ylɔ́ yě mɛ we lɛ́ɛ. 29Ée Mɛnɛlasi xweyǐgbe ɔ́, é sɔ́ nɔví tɔn Lisimaki bɔ é ná kpɔ́n tɛnmɛ n'i ɖo vɔ̌sánú-xwlémawutɔ́ ɖaxó sín azɔ̌ tɔn kanta, bɔ Sositlati sɔ́ Klatɛ́si sɔ́jagán Cíplunu lɛ́ɛ tɔn ɔ́, bɔ é ná kpɔ́n tɛnmɛ n'i ɖo ahwangán sín kanta.
Mɛnɛlasi hu vɔ̌sánú-xwlémawutɔ́ ɖaxó Oniyási
30Hwenɛ́nu ɔ́, Táasinu lɛ́ɛ kpódó Maalɔ́sinu lɛ́ɛ kpán fɔ́n gǔ. Ɖó axɔ́sú ɔ́ sɔ́ toxo yětɔn lɛ́ɛ sɔ́ ná Antiyokísi, é mɛ e ɖo asi wegɔ́ ɔ́ sín ali nu n'i é vɔ̌nu. 31Axɔ́sú ɔ́ yá wǔ bó yi ɖɔ xó nɛ́ ɔ́ gbo, bó sɔ́ Andlonikúsi e nyí axɔ́súzɔ́watɔ́ nukúnɖéjí é, nú é ná kpɔ́n nǔ lɛ́ɛ jí n'i ɖo Antiyɔ́ci. 32Mɛnɛlasi mɔ ɖɔ é ɖó ná zɔn dó nǔ nɛ́ ɔ́ wú. É yi fin sikánú e ɖo Sinsɛnxɔ ɔ́ mɛ lɛ́ɛ ɖě, bó sɔ́ ɖě dó kan agban ná nú Andlonikúsi. É yi sa ɖě lɛ́ɛ ɖo Tíi kpódó toxo e lɛ́ lɛ̌ dó e lɛ́ɛ kpán mɛ. 33Ée Oniyási se xó nɛ́ ɔ́ céɖécéɖé ɔ́, é hɔn yi bɛ ɖo Sinsɛnxɔ ɖé mɛ, ɖo Dafunɛ́ɛ, malín málín dó Antiyɔ́ci. Fínɛ́ wɛ é jɛ hwɛ dó Mɛnɛlasi jí ɖe. 34 Mɛnɛlasi ka yi mɔ Andlonikúsi ɖo nǔglɔ́, bó byɔ́ ɛ syɛ́nsyɛ́n ɖɔ é ní hu Oniyási. Énɛ́ ɔ́, Andlonikúsi wá yi mɔ Oniyási, bó ɖó adingban dó ɖe ayi ɖ'ayǐ n'i. É dlɛ́n alɔ tɔn aɖisí ɔ́, bó dó akpá ɖé lɛ́ɛ n'i. É tɛ́nkpɔ́n bó byɔ́ ɛ ɖɔ é ní tɔ́n sín Sinsɛnxɔ ɔ́ mɛ. Có Oniyási ka ɖeji bǐ yi fó ǎ. Ée é tɔ́n lě ɔ́, Andlonikúsi zɔn jǐ tɔn bó hu i, ma xwedó hwɛjijɔ sín nǔwiwa ɖěbǔ. 35Énɛ́ wú wɛ Jwifu lɛ́ɛ kpódó mɛ e ma nyí Jwifu ǎ lɛ́ɛ gěgé kpán sín ayi gbadó, bɔ yě fɔ́n gǔ ɖó mɛhuhu baɖabaɖa énɛ́ ɔ́ wú.
Andlonikúsi sún mɛ e é hu ɔ́ sín sin
36Ée axɔ́sú ɔ́ lɛ́ kɔ sín Silisíi ɔ́, Jwifu e ɖo Antiyɔ́ci lɛ́ɛ yi mɔ ɛ ɖó hu e è hu Oniyási dó acɛ jí ɔ́ wú. Alǎnnú nɛ́ ɔ́ nyɔ́ Glɛ̌sinu lɛ́ɛ ɖésú sín nukún mɛ ǎ. 37Wǔ kú axɔ́sú Antiyokúsi taala, bɔ é lɛ́ blá wǔ n'i, bɔ é jɛ avǐ ya jí, ɖó é flín sɛ́núnywɛ́ kpódó walɔ ɖagbe kpó e mɛ e é hu é tɔn. 38Énɛ́ gúdo ɔ́, xomɛ ɖaxó ɖé sin i, bɔ é zɔ́n bɔ è ɖe vɔ̌sánú-xwlémawutɔ́ sín awu vɔvɔ ɔ́ sín kɔ nú Andlonikúsi, bó lɛ́ ɖe e jɛ mɛ̌, bɔ é xo toxo ɔ́ bǐ zlɛ́ dó jǐ tɔn káká yi fí e é hu Oniyási ɖe é. Axɔ́sú ɔ́ zɔ́n ɖɔ è hu mɛhutɔ́ ɔ́ ɖo tɛn nɛ́ ɔ́ mɛ. Lě e Aklúnɔ dɔn tó nú Andlonikúsi dó hwɛjijɔ jí gbɔn é nɛ́.
È hu Lisimaki
39Hwenɛ́nu ɔ́, Lisimaki blá ɖɔ xá nɔví tɔn Mɛnɛlasi bó fin nǔ gěgé ɖo Sinsɛnxɔ Jeluzalɛ́mu tɔn mɛ. Mɔ̌ wɛ é ko bɛ́ sikánú wɔ̌buwɔ́bú ɖé lɛ́ɛ hɛn yi. È se xó nɛ́ ɔ́ ɖo toxo ɔ́ mɛ, bɔ mɛ lɛ́ɛ sɛ ta kplé dó Lisimaki wú. 40Mɛ lɛ́ɛ fɔ́n adǎn bó ɖo zǐngídi jí. Lisimaki ka fɔ ahwanfunnú nú gbɛtɔ́ ɖibla yi afɔwó-afatɔ́n (3.000) mɔ̌ bó jɛ mɛ e fɔ́n gǔ lɛ́ɛ sín kún vívá jí. Nya ɖé tíin, bɔ è nɔ ylɔ́ ɛ ɖɔ Olanɔsi; mɛxóflú ɖé wɛ, bó ɖo nukɔn nú sɔ́ja lɛ́ɛ. 41Ée mɛ lɛ́ɛ mɔ ɖɔ Lisimaki tɔ́n ahwan émí ɔ́, mɛ ɖě nɔ́ ɖíɖá awǐnnya, mɛ ɖěvo nɔ zé kpo ɖaxó. Mɛ ɖěvo lɛ́ɛ nɔ wún vɔ̌sánú lɛ́ɛ sín afín. Yě nɔ́ nyi nǔ nɛ́ lɛ́ɛ dó Lisimaki kpódó mɛ tɔn lɛ́ɛ kpán. 42Mɔ̌ wɛ yě bló bó gbléwǔ sɔ́ja gěgé; yě hu mɛ ɖé lɛ́ɛ, mɛ e kpo lɛ́ɛ bǐ ká hɔn yi. Yě hu Lisimaki e fin Sinsɛnxɔ mɛ sín nǔ lɛ́ɛ, ɖo malín málín dó xɔ e mɛ dɔkun lɛ́ɛ ɖe é.
È ɖe Mɛnɛlasi nyi te dó acɛ jí
43Yě ylɔ́ hwɛ Mɛnɛlasi ɖó nǔ e jɛ nɛ́ lɛ́ɛ wú. 44Ée axɔ́sú ɔ́ wá Tíi ɔ́, tomɛxó Jeluzalɛ́mu tɔn lɛ́ɛ ɖe mɛ atɔn sɛ́ dó e, nú yě ná ná mɔjɛmɛ axɔ́sú ɔ́ ɖó hwɛ e dó Mɛnɛlasi wɛ è ɖe ɔ́ wú. 45Mɛnɛlasi mɔ ɖɔ é kún ná kpa émí ó. É ka dó akpá nú Putolemɛ́ɛ, Dolimɛ́nu ví ɔ́ ɖɔ émí ná ná ɛ akwɛ́ gěgé nú é ná dó nyí ɖɛ̌mɛnu émítɔn ɖó axɔ́sú ɔ́ gɔ́n, nú é ná gbo ɖó émítɔn jí. 46Putolemɛ́ɛ bló nǔ mɛ xwe jɔ yi gbé ɖɔhun, bó dɔn axɔ́sú ɔ́ jɛ zɔ, ɖo tɛn ɖé mɛ, bɔ agbanutín ɖé lɛ́ɛ ɖo fínɛ́, bɔ é húzú gbe dó kɔ nú axɔ́sú ɔ́. 47Mɔ̌ wɛ é gbɛ́ hwɛ dó nya e zɔ́n bɔ nǔ baɖabaɖa nɛ́ jɛ é gbɔn ɔ́ nɛ́. É nyɔ́ wa ɔ́, é ɖó kúhwɛ nú mɛsɛ́dó lɛ́ɛ. Lo ɔ́, nú Siti lɛ́ɛ nukɔn wɛ mɛ nɛ́ lɛ́ɛ ɖo kúnnu ɖe nú yěɖée ɖe wɛ ɔ́, yě ná kó mɔ ɖɔ xomɛvɔ́nɔ wɛ nú yě. 48Lě e yě sɔ́ mɛ táfú sín bǎ dó dɔn tó nú nya atɔn e jɛ hun dó Jeluzalɛ́munu Jwifu lɛ́ɛ kpódó nǔ mǐmɛ́ e ɖo Sinsɛnxɔ ɔ́ mɛ lɛ́ɛ kpán jí gbɔn é nɛ́. 49Alǎnnú nɛ́ ɔ́ hɛn hǔn nú Tíinu lɛ́ɛ, bɔ yě sɔ́ nǔwamɛvɔ dó. 50Amɔ̌, Mɛnɛlasi kpo ɖo gǎn nyí wɛ, ɖó akwɛ́ nɔ jɛ nukɔn nú mɛ e lɔ mɛ acɛkpikpa ɖe lɛ́ɛ. Dǎka tɔn fɔ́n bó ɖo syɛ́nsyɛ́n d'é jí wɛ, bɔ é gbɔ bó húzú kɛntɔ́ ɖaxó togun tɔn tɔn.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.