2 Makabée 6
6
È sɔ́ sinsɛn Glɛ̌sinu lɛ́ɛ tɔn ɖ'ayǐ ɖo Sinsɛnxɔ ɔ́ mɛ
1Hwenu kpɛví ɖé gúdo ɔ́, axɔ́sú ɔ́ sɛ́ Atɛ́ninu Jelɔ́nti dó Jeluzalɛ́mu. É ɖó ná zín Jwifu lɛ́ɛ jí bɔ yě ná ɖe kɔ dó tɔ́gbó yětɔn lɛ́ɛ sín sɛ́n, bó ná xwedó Mawusɛ́n lɛ́ɛ dó zán gbɛ yětɔn lɛ́ɛ ǎ. 2Hú mɔ̌ ɔ́, é ɖó ná ɖu su nú Sinsɛnxɔ Jeluzalɛ́mu tɔn, bó ná sɔ́ ɖó Zewúsi e nyí nǔmɛsɛn Olɛ́npu só ɔ́ tɔn ɔ́ sín kanta. Sinsɛnxɔ Galizímu só ɔ́ tɔn ɔ́, é ɖó ná sɔ́ ɖó Zewúsi, nǔmɛsɛn e nɔ kpé nukún jǒnɔ yíyí wú é kanta, lě e yě mɛ e ɖo to énɛ́ ɔ́ mɛ lɛ́ɛ é byɔ́ gbɔn é.
3Nyladó énɛ́ lɛ́ɛ e ɖo syɛ́nsyɛ́n d'é jí wɛ ɔ́ vɛ́ wǔ nú mɛ bǐ, bɔ didɛ ɖ'é nú syɛ́n ɖésú. 4Bɔ yě mɛ e ma nyí Jwifu ǎ lɛ́ɛ nɔ ɖo nǔ e má sɔgbe ǎ lɛ́ɛ jlɛ́ wɛ ɖo Sinsɛnxɔ ɔ́ mɛ. Yě nɔ́ da ayihún gblégblé xá tonyatɔ́ lɛ́ɛ, bó nɔ́ ɖó xó xá yě ɖo kɔ́xo mímɛ́ lɛ́ɛ ta. Mɔ̌ ɖokpó ɔ́, yě nɔ́ ɖo nǔ e sɛ́n ɔ́ gbɛ́ lɛ́ɛ fɔ wá tɛn nɛ́ ɔ́ mɛ wɛ. 5Bɔ kanlin e sín sɛ́n Mawu dó lɛ́ɛ wɛ yě nɔ́ fɔ tɛ́ gbɔn vɔ̌sákpe ɔ́ jí. 6Jwifu lɛ́ɛ ɖó acɛ bó ná nyi gbɔjɛzán ɔ́, abǐ bó ná ɖu tɔ́gbó yětɔn lɛ́ɛ sín xwe ǎ; yě sixú ɖɔ vɔ́vɔ́ ɖɔ émí nyí Jwifu ǎ. 7Sun ɖokpó mɛ, sun ɖokpó mɛ tɛgbɛ ɔ́, azǎn e gbe è ji axɔ́sú ɔ́, é ɖo dandan mɛ bɔ yě lɔ ɖó ná ɖu nǔɖuɖu e è ɖa ɖo énɛ́ kanta é, bɔ nǔ nɛ́ ɔ́ ka nɔ vɛ́ wǔ nú yě taala. É nyí Diyɔnisɔ́si sín xwe wá ɔ́, è nɔ hɛn yě gǎnnugǎnnu bɔ yě nɔ́ xwe aza e è nɔ sɔ́ kan ama ɖ'é wú dó lɔn ná é, bó ná nɔ tito mɛ sikɔsikɔ dó kpa susu nú nǔmɛsɛn nɛ́ ɔ́.
8Putolemayísinu lɛ́ɛ byɔ́ ɖɔ è ni sɔ́ gbetakɛ́n ɖokpó dó wěma mɛ ɖɔ: Gbɔn Glɛ̌si toxo e yá dó Judée gbé ɔ́ jí lɛ́ɛ mɛ ɔ́, Jwifu e ɖo fínɛ́ lɛ́ɛ ɖó ná nɔ wa nǔ ɖokpó ɔ́. Yě ná nɔ ɖu hlɛ̌n ɖo nǔwiwa lɛ́ɛ do mɛ. 9Ɖɔ è ni gbo gbe mɛ e ná gbɛ́ ɖɔ émí kún ná xwedó walɔ Glɛ̌sinu lɛ́ɛ tɔn ó lɛ́ɛ. Hǔn, awě e ná xo mɛ lɛ́ɛ ɔ́, mɛɖé sɔ́ dán ǎ.
10 Mɔ̌ wɛ è ɖo ná dɔn nyɔ̌nu we yi hwɛgun ɖó yě gbo ada nú vǐ yětɔn lɛ́ɛ wútu. È blǎ yɛ̌yɛ́ví lɛ́ɛ dó anɔ̌ yětɔn lɛ́ɛ wú, bó jlá yě gbɔn toxo ɔ́ bǐ mɛ. Énɛ́ gúdo ɔ́, è sɔ́ yě nyi gbě gbɔn toxo ɔ́ sín ahohó lɛ́ɛ tá. 11 Jwifu ɖěvo lɛ́ɛ yi hɔ́n hwlá dó sóxo mɛ e yá dó Jeluzalɛ́mu lɛ́ɛ é mɛ, bó nyi gbɔjɛzán ɔ́ ɖo nǔglɔ́. Mɛ lɛ́ɛ yi gba kpá nú Filípu bɔ é kplé yě bǐ bó dó zo. Sísí ɖó nú azǎn mímɛ́ nɛ́ ɔ́ wɛ zɔ́n, bɔ Jwifu nɛ́ lɛ́ɛ gbɛ́ ɖɔ émí kún ná jɛ ahwan émíɖée jí ó.
Wǔvɛ́ énɛ́ sín tínmɛ
12Un ɖo byɔ̌byɔ́ mɛ e ná xa wěma élɔ́ lɛ́ɛ wɛ ɖɔ awě nɛ́ lɛ́ɛ má kú awakanmɛ nú yě ó. Yě ɖǒ ná ɖi ɖɔ kplɔ́n má ná togun mǐtɔn wú wɛ wǔvɛ́ nɛ́ lɛ́ɛ tíin, é kún nyí kún tɔn ná sú dó wú wɛ ó. 13Nǔgbó ɔ́, é nɔ wá jɛ, bɔ mɛ ɖé lɛ́ɛ nɔ fɔ́n gǔ dó Mawu jí. É nyí é dɔn tó nú yě tlóló tɛn tɔn mɛ, bó má jó yě dó nú yě wa nǔ gblégblé xɔ hwenu gěgé ǎ ɔ́, xomɛnyínyɔ́ tɔn sín xlɛ̌ wɛ é nyí. 14Cóbó ná dɔn tó nú togun ɖě lɛ́ɛ ɔ́, Nǔbǐɖótɔ́ ɔ́ xo hwihwɛ́ éɖée bó nɔ́ gbɔ bɔ yě nɔ́ hu hwɛ e jló yě lɛ́ɛ bǐ hwɛ̌. Lo ɔ́, é ka jló ná wa mɔ̌ xá mǐdɛɛ lɛ́ɛ ǎ. 15Mɔ̌ wɛ é má nɔ jó mǐ dó nú mǐ nɔ hu hwɛ e jló mǐ lɛ́ɛ bǐ bó ná wá dɔn tó nú mǐ gbɔn gúdo ǎ é nɛ́. 16Énɛ́ ɔ́ wɛ zɔ́n bɔ mǐ má nɔ ba xomɛnyínyɔ́ tɔn kpo gbeɖé ǎ. Ényí Mawu ɖo togun tɔn kplɔ́n wɛ gbɔn wǔvɛ́ gbla mɛ ɔ́, é nɔ jó e dó ǎ. 17Un jló ná flín nǔgbó nɛ́ ɔ́ kpowun wɛ. Ée un gbo jagé énɛ́ wá yi é ɔ́, mǐ ná lɛ́ wá hwenuxó mǐtɔn jí.
Eleazáa sɛ́nkplɔ́nmɛtɔ́ ɔ́ kú
18 Eleazáa ɖo sɛ́nkplɔ́nmɛtɔ́ nukúnɖéjí lɛ́ɛ mɛ. É nyí mɛxó tawun bó nyɔ́ ɖɛkpɛ tawun. È jlǒ ná zín jǐ tɔn, bónú é ná ɖu aglǔzalan dandan, bó hun aglan tɔn gǎnnugǎnnu. 19-20Eleazáa ka mɔ ɖɔ émí kú kpódó susu kpán ɔ́, é nyɔ́ hú émí nɔ gbɛ bó ɖu winnyá. Énɛ́ wútu ɔ́, é tún lan ɔ́, bó gó bó ɖidó fí e è nǎ hu i ɖe é. É wa mɔ̌ bó ɖe lě e mɛ ɖokpó ɖokpó ɖó ná wa nǔ gbɔn ɖo hwenu mɔ̌hun lɛ́ɛ é xlɛ́. Gbɛ mɛtɔn ná bó myá nukún nú mɛ ɔ́, è ɖǒ ná kpan akɔ́n bó gbɛ́ nǔɖuɖu e sín sɛ́n è dǒ lɛ́ɛ.
21Mɛ e nyí gǎn nú nǔɖuɖu nɛ́ e má sɔgbe xá Mɔyízisɛ́n ɔ́ ǎ lɛ́ɛ tunwun Eleazáa ɔ́, é ko lín. Yě kplá ɛ jɛ zɔ bó ɖɔ n'i ɖɔ: “Hwi ɖésú ɖa lan e a hɛn ɔ́, a nǎ ɖu ɔ́, bó sɔ́ wá. A nǎ wa nǔ ɖi ɖɔ vɔ̌sálan e axɔ́sú ɔ́ zɔ́n ɔ́ ɖu wɛ a ɖe ɖɔhun. 22Ényí a wa mɔ̌ ɔ́, é ná nyɔ́ xomɛ dó wǔ we, bɔ a nǎ gló kú ɔ́, ɖó mǐ kpó hwi kpán nyí xɔ́ntɔn din ɔ́, é kó lín.”
23Lo ɔ́, Eleazáa jló ná wa nǔ e má xɔ susu nú ninɔmɛ tɔn é ǎ. Xwe tɔn ko sɛ yi, bɔ mɛ bǐ nɔ sí i ɖó mɛxónyínyí tɔn kpó ɖa tɔn wěwé tété ɔ́ kpán wú. Hǔn walɔ e jɛ xá nǔ nɛ́ lɛ́ɛ bǐ é, ɖo tají ɔ́, ée sɔgbe xá sɛ́n mímɛ́ e Mawu ɖésú sɔ́ ɖ'ayǐ é wɛ é zin alɔ dó akɔ́n bó ná xwedó. Mɔ̌ wútu wɛ é byɔ́ ɖɔ è nǐ hwlɛ́n dó bó hu émí. 24Eleazáa ɖɔ d'é jí ɖɔ: “Xwe e ɖo ta ce ɔ́ byɔ́ ɖɔ má wa nǔ e ma sɔgbe ǎ é ǎ. É má nyí mɔ̌ ǎ ɔ́, mɛ wínnyáwínnyá lɛ́ɛ táá wá mɔ ɖɔ un ko ɖó xwe kanwe wǒ (90) cóbó lɛ́ sí te bo xwedó hwɛndo toɖévomɛnu lɛ́ɛ tɔn. 25Ɖo ninɔmɛ ma sɔgbe nɛ́ ɔ́ mɛ ɔ́, nǔ wa nyi do ce ná zɔ́n bɔ yě lɔmɔ̌ ná jó yěɖée dó bɔ è nǎ blɛ́. Nyɛ ɔ́, azǎn ywɛywɛ ɖé jɛ́n kpo bɔ un na lɛ́ nɔ gbɛ ná, bɔ kpikpomɛ ce ná wá nyí winnyá bɔ wi ce ná wá kɔ́n. 26Ényí un na bo gló tódɔnnúmɛ gbɛtɔ́ lɛ́ɛ tɔn din ɔ́, un ɖo gbɛ oo, abǐ un kú oo, un ná gló hwɛɖiɖɔ Nǔbǐwúkpétɔ́ ɔ́ tɔn ǎ. 27Énɛ́ ɔ́ wɛ zɔ́n bɔ un gbó adɔ bo gosín gbɛmɛ fí éhɔ́nmɛ ɔ́, un ná ɖe mɛjɔmɛ nyínyí xwe e ɖo ta ce é tɔn xlɛ́. 28Ényí un nɔ jlokoko mɛ, mɛɖé má zín jǐ ce bó kú dó Mawusɛ́n e nyí nǔsísí é tamɛ ɔ́, un na ná kú ɖagbe sín xlɛ̌ mɛ wínnyáwínnyá lɛ́ɛ.”
Ée é ɖɔ xó nɛ́ lɛ́ɛ gúdo ɔ́, é zun zɔnlin tlɔlɔ ɖidó fí e è ɖǒ ná hu i ɖe é. 29Mɛ e kplá ɛ xwe huhutɛn lɛ́ɛ mɔ ɖɔ xó énɛ́ lɛ́ɛ ɖi taɖunɔxó. Énɛ́ ɔ́ wú ɔ́, yě húzú walɔ dó wǔ tɔn: bɔ yě mɛ e din zaanɖé ɔ́, yě ɖo xomɛ nyɔ́ dó wǔ tɔn wɛ lɛ́ɛ ɔ́ jɛ hun nylá dó e jí. 30Ée é kpo zaanɖé bɔ Eleazáa na kú ɖo kpo kpó bǎ kpó yětɔn lɛ́ɛ nu ɔ́, é ɖo azɔn wɛn wɛ bó ɖɔ: “Aklúnɔ tunwun nǔ bǐ ganjí. É tunwun ɖɔ un hɛn ɔ́, un ná ko gló kú. É ɖo mɔ̌ có din ɔ́, agbaza ce ɖo wǔvɛ́ mɔ wɛ titewungbe ɖo bǎ nu. Amɔ̌, ɖo ayi ce mɛ ɔ́, un ɖo ya ji wɛ kpó awǎjijɛ kpán, ɖó un nɔ sí Mawu.” 31Lě e nya nɛ́ ɔ́ gosín gbɛmɛ fí gbɔn é nɛ́. Gbɔn kú nɛ́ ɔ́ gbla mɛ ɔ́, é sɔ́ nyí mɛ wínnyáwínnyá lɛ́ɛ kɛ́ɖɛ́ wɛ é ná xlɛ́ akɔ́nkpinkpan ɖaxó énɛ́ ɔ́ ǎ. Lo ɔ́, togun tɔn ɔ́ bǐ kplékplé wɛ é ná xlɛ̌.
Currently Selected:
2 Makabée 6: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 6
6
È sɔ́ sinsɛn Glɛ̌sinu lɛ́ɛ tɔn ɖ'ayǐ ɖo Sinsɛnxɔ ɔ́ mɛ
1Hwenu kpɛví ɖé gúdo ɔ́, axɔ́sú ɔ́ sɛ́ Atɛ́ninu Jelɔ́nti dó Jeluzalɛ́mu. É ɖó ná zín Jwifu lɛ́ɛ jí bɔ yě ná ɖe kɔ dó tɔ́gbó yětɔn lɛ́ɛ sín sɛ́n, bó ná xwedó Mawusɛ́n lɛ́ɛ dó zán gbɛ yětɔn lɛ́ɛ ǎ. 2Hú mɔ̌ ɔ́, é ɖó ná ɖu su nú Sinsɛnxɔ Jeluzalɛ́mu tɔn, bó ná sɔ́ ɖó Zewúsi e nyí nǔmɛsɛn Olɛ́npu só ɔ́ tɔn ɔ́ sín kanta. Sinsɛnxɔ Galizímu só ɔ́ tɔn ɔ́, é ɖó ná sɔ́ ɖó Zewúsi, nǔmɛsɛn e nɔ kpé nukún jǒnɔ yíyí wú é kanta, lě e yě mɛ e ɖo to énɛ́ ɔ́ mɛ lɛ́ɛ é byɔ́ gbɔn é.
3Nyladó énɛ́ lɛ́ɛ e ɖo syɛ́nsyɛ́n d'é jí wɛ ɔ́ vɛ́ wǔ nú mɛ bǐ, bɔ didɛ ɖ'é nú syɛ́n ɖésú. 4Bɔ yě mɛ e ma nyí Jwifu ǎ lɛ́ɛ nɔ ɖo nǔ e má sɔgbe ǎ lɛ́ɛ jlɛ́ wɛ ɖo Sinsɛnxɔ ɔ́ mɛ. Yě nɔ́ da ayihún gblégblé xá tonyatɔ́ lɛ́ɛ, bó nɔ́ ɖó xó xá yě ɖo kɔ́xo mímɛ́ lɛ́ɛ ta. Mɔ̌ ɖokpó ɔ́, yě nɔ́ ɖo nǔ e sɛ́n ɔ́ gbɛ́ lɛ́ɛ fɔ wá tɛn nɛ́ ɔ́ mɛ wɛ. 5Bɔ kanlin e sín sɛ́n Mawu dó lɛ́ɛ wɛ yě nɔ́ fɔ tɛ́ gbɔn vɔ̌sákpe ɔ́ jí. 6Jwifu lɛ́ɛ ɖó acɛ bó ná nyi gbɔjɛzán ɔ́, abǐ bó ná ɖu tɔ́gbó yětɔn lɛ́ɛ sín xwe ǎ; yě sixú ɖɔ vɔ́vɔ́ ɖɔ émí nyí Jwifu ǎ. 7Sun ɖokpó mɛ, sun ɖokpó mɛ tɛgbɛ ɔ́, azǎn e gbe è ji axɔ́sú ɔ́, é ɖo dandan mɛ bɔ yě lɔ ɖó ná ɖu nǔɖuɖu e è ɖa ɖo énɛ́ kanta é, bɔ nǔ nɛ́ ɔ́ ka nɔ vɛ́ wǔ nú yě taala. É nyí Diyɔnisɔ́si sín xwe wá ɔ́, è nɔ hɛn yě gǎnnugǎnnu bɔ yě nɔ́ xwe aza e è nɔ sɔ́ kan ama ɖ'é wú dó lɔn ná é, bó ná nɔ tito mɛ sikɔsikɔ dó kpa susu nú nǔmɛsɛn nɛ́ ɔ́.
8Putolemayísinu lɛ́ɛ byɔ́ ɖɔ è ni sɔ́ gbetakɛ́n ɖokpó dó wěma mɛ ɖɔ: Gbɔn Glɛ̌si toxo e yá dó Judée gbé ɔ́ jí lɛ́ɛ mɛ ɔ́, Jwifu e ɖo fínɛ́ lɛ́ɛ ɖó ná nɔ wa nǔ ɖokpó ɔ́. Yě ná nɔ ɖu hlɛ̌n ɖo nǔwiwa lɛ́ɛ do mɛ. 9Ɖɔ è ni gbo gbe mɛ e ná gbɛ́ ɖɔ émí kún ná xwedó walɔ Glɛ̌sinu lɛ́ɛ tɔn ó lɛ́ɛ. Hǔn, awě e ná xo mɛ lɛ́ɛ ɔ́, mɛɖé sɔ́ dán ǎ.
10 Mɔ̌ wɛ è ɖo ná dɔn nyɔ̌nu we yi hwɛgun ɖó yě gbo ada nú vǐ yětɔn lɛ́ɛ wútu. È blǎ yɛ̌yɛ́ví lɛ́ɛ dó anɔ̌ yětɔn lɛ́ɛ wú, bó jlá yě gbɔn toxo ɔ́ bǐ mɛ. Énɛ́ gúdo ɔ́, è sɔ́ yě nyi gbě gbɔn toxo ɔ́ sín ahohó lɛ́ɛ tá. 11 Jwifu ɖěvo lɛ́ɛ yi hɔ́n hwlá dó sóxo mɛ e yá dó Jeluzalɛ́mu lɛ́ɛ é mɛ, bó nyi gbɔjɛzán ɔ́ ɖo nǔglɔ́. Mɛ lɛ́ɛ yi gba kpá nú Filípu bɔ é kplé yě bǐ bó dó zo. Sísí ɖó nú azǎn mímɛ́ nɛ́ ɔ́ wɛ zɔ́n, bɔ Jwifu nɛ́ lɛ́ɛ gbɛ́ ɖɔ émí kún ná jɛ ahwan émíɖée jí ó.
Wǔvɛ́ énɛ́ sín tínmɛ
12Un ɖo byɔ̌byɔ́ mɛ e ná xa wěma élɔ́ lɛ́ɛ wɛ ɖɔ awě nɛ́ lɛ́ɛ má kú awakanmɛ nú yě ó. Yě ɖǒ ná ɖi ɖɔ kplɔ́n má ná togun mǐtɔn wú wɛ wǔvɛ́ nɛ́ lɛ́ɛ tíin, é kún nyí kún tɔn ná sú dó wú wɛ ó. 13Nǔgbó ɔ́, é nɔ wá jɛ, bɔ mɛ ɖé lɛ́ɛ nɔ fɔ́n gǔ dó Mawu jí. É nyí é dɔn tó nú yě tlóló tɛn tɔn mɛ, bó má jó yě dó nú yě wa nǔ gblégblé xɔ hwenu gěgé ǎ ɔ́, xomɛnyínyɔ́ tɔn sín xlɛ̌ wɛ é nyí. 14Cóbó ná dɔn tó nú togun ɖě lɛ́ɛ ɔ́, Nǔbǐɖótɔ́ ɔ́ xo hwihwɛ́ éɖée bó nɔ́ gbɔ bɔ yě nɔ́ hu hwɛ e jló yě lɛ́ɛ bǐ hwɛ̌. Lo ɔ́, é ka jló ná wa mɔ̌ xá mǐdɛɛ lɛ́ɛ ǎ. 15Mɔ̌ wɛ é má nɔ jó mǐ dó nú mǐ nɔ hu hwɛ e jló mǐ lɛ́ɛ bǐ bó ná wá dɔn tó nú mǐ gbɔn gúdo ǎ é nɛ́. 16Énɛ́ ɔ́ wɛ zɔ́n bɔ mǐ má nɔ ba xomɛnyínyɔ́ tɔn kpo gbeɖé ǎ. Ényí Mawu ɖo togun tɔn kplɔ́n wɛ gbɔn wǔvɛ́ gbla mɛ ɔ́, é nɔ jó e dó ǎ. 17Un jló ná flín nǔgbó nɛ́ ɔ́ kpowun wɛ. Ée un gbo jagé énɛ́ wá yi é ɔ́, mǐ ná lɛ́ wá hwenuxó mǐtɔn jí.
Eleazáa sɛ́nkplɔ́nmɛtɔ́ ɔ́ kú
18 Eleazáa ɖo sɛ́nkplɔ́nmɛtɔ́ nukúnɖéjí lɛ́ɛ mɛ. É nyí mɛxó tawun bó nyɔ́ ɖɛkpɛ tawun. È jlǒ ná zín jǐ tɔn, bónú é ná ɖu aglǔzalan dandan, bó hun aglan tɔn gǎnnugǎnnu. 19-20Eleazáa ka mɔ ɖɔ émí kú kpódó susu kpán ɔ́, é nyɔ́ hú émí nɔ gbɛ bó ɖu winnyá. Énɛ́ wútu ɔ́, é tún lan ɔ́, bó gó bó ɖidó fí e è nǎ hu i ɖe é. É wa mɔ̌ bó ɖe lě e mɛ ɖokpó ɖokpó ɖó ná wa nǔ gbɔn ɖo hwenu mɔ̌hun lɛ́ɛ é xlɛ́. Gbɛ mɛtɔn ná bó myá nukún nú mɛ ɔ́, è ɖǒ ná kpan akɔ́n bó gbɛ́ nǔɖuɖu e sín sɛ́n è dǒ lɛ́ɛ.
21Mɛ e nyí gǎn nú nǔɖuɖu nɛ́ e má sɔgbe xá Mɔyízisɛ́n ɔ́ ǎ lɛ́ɛ tunwun Eleazáa ɔ́, é ko lín. Yě kplá ɛ jɛ zɔ bó ɖɔ n'i ɖɔ: “Hwi ɖésú ɖa lan e a hɛn ɔ́, a nǎ ɖu ɔ́, bó sɔ́ wá. A nǎ wa nǔ ɖi ɖɔ vɔ̌sálan e axɔ́sú ɔ́ zɔ́n ɔ́ ɖu wɛ a ɖe ɖɔhun. 22Ényí a wa mɔ̌ ɔ́, é ná nyɔ́ xomɛ dó wǔ we, bɔ a nǎ gló kú ɔ́, ɖó mǐ kpó hwi kpán nyí xɔ́ntɔn din ɔ́, é kó lín.”
23Lo ɔ́, Eleazáa jló ná wa nǔ e má xɔ susu nú ninɔmɛ tɔn é ǎ. Xwe tɔn ko sɛ yi, bɔ mɛ bǐ nɔ sí i ɖó mɛxónyínyí tɔn kpó ɖa tɔn wěwé tété ɔ́ kpán wú. Hǔn walɔ e jɛ xá nǔ nɛ́ lɛ́ɛ bǐ é, ɖo tají ɔ́, ée sɔgbe xá sɛ́n mímɛ́ e Mawu ɖésú sɔ́ ɖ'ayǐ é wɛ é zin alɔ dó akɔ́n bó ná xwedó. Mɔ̌ wútu wɛ é byɔ́ ɖɔ è nǐ hwlɛ́n dó bó hu émí. 24Eleazáa ɖɔ d'é jí ɖɔ: “Xwe e ɖo ta ce ɔ́ byɔ́ ɖɔ má wa nǔ e ma sɔgbe ǎ é ǎ. É má nyí mɔ̌ ǎ ɔ́, mɛ wínnyáwínnyá lɛ́ɛ táá wá mɔ ɖɔ un ko ɖó xwe kanwe wǒ (90) cóbó lɛ́ sí te bo xwedó hwɛndo toɖévomɛnu lɛ́ɛ tɔn. 25Ɖo ninɔmɛ ma sɔgbe nɛ́ ɔ́ mɛ ɔ́, nǔ wa nyi do ce ná zɔ́n bɔ yě lɔmɔ̌ ná jó yěɖée dó bɔ è nǎ blɛ́. Nyɛ ɔ́, azǎn ywɛywɛ ɖé jɛ́n kpo bɔ un na lɛ́ nɔ gbɛ ná, bɔ kpikpomɛ ce ná wá nyí winnyá bɔ wi ce ná wá kɔ́n. 26Ényí un na bo gló tódɔnnúmɛ gbɛtɔ́ lɛ́ɛ tɔn din ɔ́, un ɖo gbɛ oo, abǐ un kú oo, un ná gló hwɛɖiɖɔ Nǔbǐwúkpétɔ́ ɔ́ tɔn ǎ. 27Énɛ́ ɔ́ wɛ zɔ́n bɔ un gbó adɔ bo gosín gbɛmɛ fí éhɔ́nmɛ ɔ́, un ná ɖe mɛjɔmɛ nyínyí xwe e ɖo ta ce é tɔn xlɛ́. 28Ényí un nɔ jlokoko mɛ, mɛɖé má zín jǐ ce bó kú dó Mawusɛ́n e nyí nǔsísí é tamɛ ɔ́, un na ná kú ɖagbe sín xlɛ̌ mɛ wínnyáwínnyá lɛ́ɛ.”
Ée é ɖɔ xó nɛ́ lɛ́ɛ gúdo ɔ́, é zun zɔnlin tlɔlɔ ɖidó fí e è ɖǒ ná hu i ɖe é. 29Mɛ e kplá ɛ xwe huhutɛn lɛ́ɛ mɔ ɖɔ xó énɛ́ lɛ́ɛ ɖi taɖunɔxó. Énɛ́ ɔ́ wú ɔ́, yě húzú walɔ dó wǔ tɔn: bɔ yě mɛ e din zaanɖé ɔ́, yě ɖo xomɛ nyɔ́ dó wǔ tɔn wɛ lɛ́ɛ ɔ́ jɛ hun nylá dó e jí. 30Ée é kpo zaanɖé bɔ Eleazáa na kú ɖo kpo kpó bǎ kpó yětɔn lɛ́ɛ nu ɔ́, é ɖo azɔn wɛn wɛ bó ɖɔ: “Aklúnɔ tunwun nǔ bǐ ganjí. É tunwun ɖɔ un hɛn ɔ́, un ná ko gló kú. É ɖo mɔ̌ có din ɔ́, agbaza ce ɖo wǔvɛ́ mɔ wɛ titewungbe ɖo bǎ nu. Amɔ̌, ɖo ayi ce mɛ ɔ́, un ɖo ya ji wɛ kpó awǎjijɛ kpán, ɖó un nɔ sí Mawu.” 31Lě e nya nɛ́ ɔ́ gosín gbɛmɛ fí gbɔn é nɛ́. Gbɔn kú nɛ́ ɔ́ gbla mɛ ɔ́, é sɔ́ nyí mɛ wínnyáwínnyá lɛ́ɛ kɛ́ɖɛ́ wɛ é ná xlɛ́ akɔ́nkpinkpan ɖaxó énɛ́ ɔ́ ǎ. Lo ɔ́, togun tɔn ɔ́ bǐ kplékplé wɛ é ná xlɛ̌.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.