2 Makabée 13
13
Antiyokúsi Epatɔ́ɔ zɔ́n bɔ è hu Mɛnɛlasi
1Ɖo xwe kantɔn koatɔ́n nukún ɛnɛgɔ́ (149) ɔ́ mɛ ɔ́, Judáa kpó mɛ tɔn lɛ́ɛ kpán se ɖɔ Antiyokúsi Epatɔ́ɔ xwe ahwan tɔ́n Judée gbé kpódó ahwan wɔ̌buwɔ́bú ɖé kpán. 2Liziyási e nyí gǎn hɔn-yitɔ́ nukɔntɔn ɔ́ ɖo mɛ e kplɔ́n nǔ axɔ́sú ɔ́ é lɛ́ɛ mɛ; é xwedó axɔ́sú ɔ́. Mɛ ɖokpó ɖokpó nɔ nukɔn nú ahwangɔnu Glɛ̌sinu lɛ́ɛ tɔn ɖé. Ɖo mɛ nɛ́ lɛ́ɛ mɛ ɔ́, è mɔ sɔ́ja adɔ̌kpo atɔ́ɔ́n děgba we afɔwó (110.000), sɔ́xátɔ́ děgba ɖě afatɔ́n afɔɖé kanwe ko (5.300), ajinakú e nɔ fun ahwan é ko nukún we, kpódó ahwankɛkɛ́ afɔɖé kanwe ko (300) kpó, bɔ yě hɛn jǐví ɖíɖá.
3Mɛnɛlasi yi xá yě, bó sɔ́ ayi sísɛ́ ɖaxó dó blɛ́ axɔ́sú ɔ́ ná, ɖɔ é ní sɛ yi nukɔn. É ɖo mɔ̌ wa wɛ bó ná dó hwlɛ́n to tɔn wú wɛ ǎ, lo ɔ́, é ɖo linlin wɛ ɖɔ émí ná lɛ́ mɔ vɔ̌sánú-xwlémawutɔ́ ɖaxó sín tɛnmɛ émí tɔn yí. 4Amɔ̌, Aklúnɔ, axɔ́sú axɔ́sú lɛ́ɛ tɔn ɔ́ wa nǔ, bɔ Antiyokúsi sin xomɛ dó Mɛnɛlasi; Liziyási ɖe xlɛ́ axɔ́sú ɔ́ ɖɔ Mɛnɛlasi alǎnnúwatɔ́ ɔ́ wɛ zɔ́n nǔ nyanya e ɖo jijɛ wɛ din lɛ́ɛ bǐ. Axɔ́sú ɔ́ ká ná gbe ɖɔ è ní kplá Mɛnɛlasi yi Belée, bó hu i lě e è ko nɔ bló gbɔn ɖo fínɛ́ é.
5Ɖo toxo nɛ́ mɛ ɔ́, agbǒ ɖaxó ɖé tíin bɔ jǐ yíyí tɔn yi nǔjlɛ́kpo koatɔ́n, bɔ afín gɔ́. Mɔ ɖé tíin ɖo aga nú agbǒ ɔ́, bó nɔ́ lílɛ́ bó nɔ́ kpíkpé mɛ dó afín ɔ́ mɛ. 6È nɔ kplá mɛ e vɔ nǔ e ɖo Sinsɛnxɔ ɖé mɛ é alǒ mɛ e xo dǎka ɖaxó ɖé mɔ̌ é yi fínɛ́, bó nɔ́ kpíkpé yě dó afín ɔ́ mɛ, bó nɔ́ hu yě. 7Lě e Mɛnɛlasi, nya baɖabaɖa nɛ́ ɔ́ kú gbɔn ɔ́ nɛ́. È ɖi i dó yɔdo ɖé mɛ lɔ vɔ́vɔ́ ǎ, 8é jɛ xá ǎ, ɖó é ɖu su nú Aklúnɔ sín vɔ̌sákpe ɔ́, zo mímɛ́ ɔ́ kpódó afín mímɛ́ ɔ́ kpán ɖésú. Bɔ nǔgbó ɔ́, afín mɛ wɛ Mɛnɛlasi kú dó.
Judási ɖu ɖo Antiyokúsi Epatɔ́ɔ jí ɖo Mɔdinu
9Axɔ́sú Antiyokúsi ɖo nukɔn yi wɛ kpódó linlin baɖabaɖa ɖé kpán. É ba ná dó ya nú Jwifu lɛ́ɛ hú lě e tɔ́ tɔn ko wa nǔ gbɔn é.
10Ée Judáa se xó nɛ́ ɔ́, é byɔ́ togun ɔ́ ɖɔ é ní sa vo nú Aklúnɔ zǎn kéze, bó nɔ́ ɖɔ: “Aklúnɔ! Lɛ̌ wá dó alɔ mǐ mɛ e sí ná xo sɛ́n ɔ́ kpó to mǐtɔn kpó, kpódó Sinsɛnxɔ mímɛ́ ɔ́ kpán yí sín wɛ è ɖe lɛ́ɛ! 11Aklúnɔ, din jɛ́n togun towe jɛ agbɔ̌n kpɛɖé mɔ jí. Ma jó mǐ dó nyi togun dǎnúwatɔ́ ɖěvo lɛ́ɛ lɔ mɛ ó!”
12Jwifu lɛ́ɛ se gbe nú gbehwán énɛ́ e é nyi sɛ́ dó yě é. Yě nɔ kpolijijɛ, bó ɖe kɔ́ xɔ azǎn atɔn. Yě sa vo nú Mawu xomɛnyɔ́tɔ́ ɔ́ ɖo avǐ kpódó nubláblá kpán mɛ.
Énɛ́ gúdo ɔ́, Judáa ná akɔ́nkpinkpan yě, bó zɔ́n yě ɖɔ yě nǐ nɔ acéjí.
13É ɖokpónɔ ɖɔ xó xá tomɛxó lɛ́ɛ. Énɛ́ gúdo ɔ́, é ɖe gbeta tɔ́n, bó jɛ ali bó ná yi gbo xó énɛ́ kpó Aklúnɔ sín hlɔ̌nhlɔ́n kpó. É jló ná nɔ te bɔ axɔ́sú ɔ́ sín ahwangɔnu ná yí Judée, bó ná wá cyɔ́n alɔ Jeluzalɛ́mu jí ǎ. 14Judáa sɔ́ lě e ahwan ná fó gbɔn é dó alɔ mɛ nú Wɛ̌kɛ́ɖótɔ́ ɔ́. É ka ná akɔ́nkpinkpan mɛ tɔn lɛ́ɛ nú yě ná fun ahwan káká yi kú, ɖó sɛ́n yětɔn ɔ́ kpó titomɛ yětɔn lɛ́ɛ kpó, kpó Jeluzalɛ́mu kpó, kpó Sinsɛnxɔ ɔ́ kpódó to ɔ́ bǐ kpán tamɛ.
Judáa kpódó ahwangɔnu tɔn kpán ɖó gɔnu ɖó malín málín dó Mɔdinu toxo ɔ́. 15Xóta e é sɔ́ dó asi nú sɔ́ja tɔn lɛ́ɛ é ɖíe: “Mawu ná ɖu ɖ'é jí!” É cyán dɔ̌nkpɛvú asúká ɖé lɛ́ɛ ɖo mɛ e nɔ kpan akɔ́n ganjí lɛ́ɛ mɛ. Yě zɔn zǎn bó tɔ́n ahwan kɛntɔ́ lɛ́ɛ ɖo fí e axɔ́sú ɔ́ sín goxɔ ɖe ɖo ahwanslǎ ɔ́ mɛ é. É hu gbɛtɔ́ ɖibla yi afɔwó mɔ̌ ɖo fínɛ́ (2.000). Sɔ́ja tɔn lɛ́ɛ lɔ lɛ́ hu ajinakú e d'agba hú ɖě lɛ́ɛ bǐ é kpódó mɛ e ɖ'é jí é kpán. 16Bó ná dó fó ɔ́, yě dó xɛsi kpódó hunnyahunnya kpán ahwangɔnu ɔ́ bǐ mɛ. Ée yě ɖu ɖ'é jí gúdo é ɔ́, Judáa kpódó mɛ tɔn lɛ́ɛ kpán jɛ ali. 17Ayǐhɔ́ngbe tɔn ɔ́, yě jlɛ́ nǔjíwǔ nɛ́ ɔ́ ɖó Aklúnɔ dó alɔ yě bó kpɔ́n yě jí.
18Axɔ́sú Antiyokúsi wá mɔ ɖɔ Jwifu lɛ́ɛ syɛ́n ta tawun. É ba wlɛnwín bó ná tɔ́n ahwan nɔtɛn yětɔn lɛ́ɛ. 19É ɖi ahwanzɔnlin, bó ná yi gba Bɛti-Súu, agbǒ Jwifu lɛ́ɛ tɔn nɛ́ ɔ́, è ka nɔ cɔ́ ganjí. Jwifu lɛ́ɛ ká nya ɛ. É lɛ́ tɔ́n ahwan fun gbé, bɔ yě ká lɛ́ ɖu ɖo jǐ tɔn. 20Judáa ná nǔ e hu dó mɛ e ɖo Bɛti-Súu lɛ́ɛ yě. 21Lo ɔ́, Hlodɔkúsi e nyí sɔ́ja Jwifu lɛ́ɛ tɔn ɖokpó ɔ́ yi sa lě e Jwifu lɛ́ɛ nɔ wa nǔ gbɔn, bó nɔ́ ɖu ɖo ahwan jí é nú kɛntɔ́ lɛ́ɛ. Énɛ́ ɔ́, è ba ɛ, bó wlí i, bó hu i. 22Axɔ́sú ɔ́ lɛ́ kpé Bɛti-Súu mɛ lɛ́ɛ azɔn wegɔ́ ɔ́, bó jló ná gbɔ kɛn xá yě. Yědɛɛ lɛ́ɛ ka yí gbe, bɔ Antiyokúsi ɖe ahwangɔnu tɔn lɛ́ɛ sín sozonu. Judási lɛ́ ɖu ɖo jǐ tɔn.
23Énɛ́ gúdo ɔ́, é tɔ́n ahwan Judáa kpódó sɔ́ja tɔn lɛ́ɛ kpán, é ká kpa ɛ ǎ.
Axɔ́sú ɔ́ jó Filípu nyi Antiyɔ́ci. É zɔ́n ɛ ɖɔ é ní kpé nukún axɔ́súɖuto ɔ́ sín nǔ lɛ́ɛ wú nú émí. Lo ɔ́, Filípu fɔ́n gǔ dó jǐ tɔn. Bɔ Antiyokúsi sín ayi bǐ gbadó bɔ é gbɔ bó ná nǔ e ba wɛ yě ɖe lɛ́ɛ bǐ yě, bó gbɔ kɛn xá yě. É wá sá vɔ̌, bó ná nǔɖé lɛ́ɛ dó wlí yɛ̌yi nú Sinsɛnxɔ ɔ́, 24bó yí Judáa Makabée sín jǒnɔ ganjí.
Énɛ́ gúdo ɔ́, axɔ́sú ɔ́ sɔ́ Ejemɔnidi dó ɖó tokpɔngán toxo e gosín Putolemayísi wá yi Geleníi é tɔn. 25É yi Putolemayísi, lo ɔ́, mɛ e ɖo fínɛ́ lɛ́ɛ hun xomɛ dó alɛ e é nu xá Jwifu lɛ́ɛ é wú ǎ. Yě ɖo xomɛsin jí, bó jló ɖɔ è ni xo alɛ énɛ́ ɔ́ nyi kɛ́n. 26Liziyási ka yi xó ɖo mɛ bǐ nukɔn. É kpa gbe nú akɔ énɛ́ e é jɛ xá Jwifu lɛ́ɛ é taala. É tɛ́nkpɔ́n bó ná mɔjɛmɛ nǔ nɛ́ ɔ́ tɔn mɛ lɛ́ɛ, bó dó fá xomɛ nú yě, bó xo hwihwɛ́ yě. Énɛ́ gúdo ɔ́, é lɛ́ kɔ yi Antiyɔ́ci.
Nǔ e jɔ hwenu e axɔ́sú Antiyokúsi tɔ́n ahwan Jwifu lɛ́ɛ é nɛ́, lě e é ka jó agɔ yi gúdo gbɔn ɔ́ nɛ́.
Currently Selected:
2 Makabée 13: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 13
13
Antiyokúsi Epatɔ́ɔ zɔ́n bɔ è hu Mɛnɛlasi
1Ɖo xwe kantɔn koatɔ́n nukún ɛnɛgɔ́ (149) ɔ́ mɛ ɔ́, Judáa kpó mɛ tɔn lɛ́ɛ kpán se ɖɔ Antiyokúsi Epatɔ́ɔ xwe ahwan tɔ́n Judée gbé kpódó ahwan wɔ̌buwɔ́bú ɖé kpán. 2Liziyási e nyí gǎn hɔn-yitɔ́ nukɔntɔn ɔ́ ɖo mɛ e kplɔ́n nǔ axɔ́sú ɔ́ é lɛ́ɛ mɛ; é xwedó axɔ́sú ɔ́. Mɛ ɖokpó ɖokpó nɔ nukɔn nú ahwangɔnu Glɛ̌sinu lɛ́ɛ tɔn ɖé. Ɖo mɛ nɛ́ lɛ́ɛ mɛ ɔ́, è mɔ sɔ́ja adɔ̌kpo atɔ́ɔ́n děgba we afɔwó (110.000), sɔ́xátɔ́ děgba ɖě afatɔ́n afɔɖé kanwe ko (5.300), ajinakú e nɔ fun ahwan é ko nukún we, kpódó ahwankɛkɛ́ afɔɖé kanwe ko (300) kpó, bɔ yě hɛn jǐví ɖíɖá.
3Mɛnɛlasi yi xá yě, bó sɔ́ ayi sísɛ́ ɖaxó dó blɛ́ axɔ́sú ɔ́ ná, ɖɔ é ní sɛ yi nukɔn. É ɖo mɔ̌ wa wɛ bó ná dó hwlɛ́n to tɔn wú wɛ ǎ, lo ɔ́, é ɖo linlin wɛ ɖɔ émí ná lɛ́ mɔ vɔ̌sánú-xwlémawutɔ́ ɖaxó sín tɛnmɛ émí tɔn yí. 4Amɔ̌, Aklúnɔ, axɔ́sú axɔ́sú lɛ́ɛ tɔn ɔ́ wa nǔ, bɔ Antiyokúsi sin xomɛ dó Mɛnɛlasi; Liziyási ɖe xlɛ́ axɔ́sú ɔ́ ɖɔ Mɛnɛlasi alǎnnúwatɔ́ ɔ́ wɛ zɔ́n nǔ nyanya e ɖo jijɛ wɛ din lɛ́ɛ bǐ. Axɔ́sú ɔ́ ká ná gbe ɖɔ è ní kplá Mɛnɛlasi yi Belée, bó hu i lě e è ko nɔ bló gbɔn ɖo fínɛ́ é.
5Ɖo toxo nɛ́ mɛ ɔ́, agbǒ ɖaxó ɖé tíin bɔ jǐ yíyí tɔn yi nǔjlɛ́kpo koatɔ́n, bɔ afín gɔ́. Mɔ ɖé tíin ɖo aga nú agbǒ ɔ́, bó nɔ́ lílɛ́ bó nɔ́ kpíkpé mɛ dó afín ɔ́ mɛ. 6È nɔ kplá mɛ e vɔ nǔ e ɖo Sinsɛnxɔ ɖé mɛ é alǒ mɛ e xo dǎka ɖaxó ɖé mɔ̌ é yi fínɛ́, bó nɔ́ kpíkpé yě dó afín ɔ́ mɛ, bó nɔ́ hu yě. 7Lě e Mɛnɛlasi, nya baɖabaɖa nɛ́ ɔ́ kú gbɔn ɔ́ nɛ́. È ɖi i dó yɔdo ɖé mɛ lɔ vɔ́vɔ́ ǎ, 8é jɛ xá ǎ, ɖó é ɖu su nú Aklúnɔ sín vɔ̌sákpe ɔ́, zo mímɛ́ ɔ́ kpódó afín mímɛ́ ɔ́ kpán ɖésú. Bɔ nǔgbó ɔ́, afín mɛ wɛ Mɛnɛlasi kú dó.
Judási ɖu ɖo Antiyokúsi Epatɔ́ɔ jí ɖo Mɔdinu
9Axɔ́sú Antiyokúsi ɖo nukɔn yi wɛ kpódó linlin baɖabaɖa ɖé kpán. É ba ná dó ya nú Jwifu lɛ́ɛ hú lě e tɔ́ tɔn ko wa nǔ gbɔn é.
10Ée Judáa se xó nɛ́ ɔ́, é byɔ́ togun ɔ́ ɖɔ é ní sa vo nú Aklúnɔ zǎn kéze, bó nɔ́ ɖɔ: “Aklúnɔ! Lɛ̌ wá dó alɔ mǐ mɛ e sí ná xo sɛ́n ɔ́ kpó to mǐtɔn kpó, kpódó Sinsɛnxɔ mímɛ́ ɔ́ kpán yí sín wɛ è ɖe lɛ́ɛ! 11Aklúnɔ, din jɛ́n togun towe jɛ agbɔ̌n kpɛɖé mɔ jí. Ma jó mǐ dó nyi togun dǎnúwatɔ́ ɖěvo lɛ́ɛ lɔ mɛ ó!”
12Jwifu lɛ́ɛ se gbe nú gbehwán énɛ́ e é nyi sɛ́ dó yě é. Yě nɔ kpolijijɛ, bó ɖe kɔ́ xɔ azǎn atɔn. Yě sa vo nú Mawu xomɛnyɔ́tɔ́ ɔ́ ɖo avǐ kpódó nubláblá kpán mɛ.
Énɛ́ gúdo ɔ́, Judáa ná akɔ́nkpinkpan yě, bó zɔ́n yě ɖɔ yě nǐ nɔ acéjí.
13É ɖokpónɔ ɖɔ xó xá tomɛxó lɛ́ɛ. Énɛ́ gúdo ɔ́, é ɖe gbeta tɔ́n, bó jɛ ali bó ná yi gbo xó énɛ́ kpó Aklúnɔ sín hlɔ̌nhlɔ́n kpó. É jló ná nɔ te bɔ axɔ́sú ɔ́ sín ahwangɔnu ná yí Judée, bó ná wá cyɔ́n alɔ Jeluzalɛ́mu jí ǎ. 14Judáa sɔ́ lě e ahwan ná fó gbɔn é dó alɔ mɛ nú Wɛ̌kɛ́ɖótɔ́ ɔ́. É ka ná akɔ́nkpinkpan mɛ tɔn lɛ́ɛ nú yě ná fun ahwan káká yi kú, ɖó sɛ́n yětɔn ɔ́ kpó titomɛ yětɔn lɛ́ɛ kpó, kpó Jeluzalɛ́mu kpó, kpó Sinsɛnxɔ ɔ́ kpódó to ɔ́ bǐ kpán tamɛ.
Judáa kpódó ahwangɔnu tɔn kpán ɖó gɔnu ɖó malín málín dó Mɔdinu toxo ɔ́. 15Xóta e é sɔ́ dó asi nú sɔ́ja tɔn lɛ́ɛ é ɖíe: “Mawu ná ɖu ɖ'é jí!” É cyán dɔ̌nkpɛvú asúká ɖé lɛ́ɛ ɖo mɛ e nɔ kpan akɔ́n ganjí lɛ́ɛ mɛ. Yě zɔn zǎn bó tɔ́n ahwan kɛntɔ́ lɛ́ɛ ɖo fí e axɔ́sú ɔ́ sín goxɔ ɖe ɖo ahwanslǎ ɔ́ mɛ é. É hu gbɛtɔ́ ɖibla yi afɔwó mɔ̌ ɖo fínɛ́ (2.000). Sɔ́ja tɔn lɛ́ɛ lɔ lɛ́ hu ajinakú e d'agba hú ɖě lɛ́ɛ bǐ é kpódó mɛ e ɖ'é jí é kpán. 16Bó ná dó fó ɔ́, yě dó xɛsi kpódó hunnyahunnya kpán ahwangɔnu ɔ́ bǐ mɛ. Ée yě ɖu ɖ'é jí gúdo é ɔ́, Judáa kpódó mɛ tɔn lɛ́ɛ kpán jɛ ali. 17Ayǐhɔ́ngbe tɔn ɔ́, yě jlɛ́ nǔjíwǔ nɛ́ ɔ́ ɖó Aklúnɔ dó alɔ yě bó kpɔ́n yě jí.
18Axɔ́sú Antiyokúsi wá mɔ ɖɔ Jwifu lɛ́ɛ syɛ́n ta tawun. É ba wlɛnwín bó ná tɔ́n ahwan nɔtɛn yětɔn lɛ́ɛ. 19É ɖi ahwanzɔnlin, bó ná yi gba Bɛti-Súu, agbǒ Jwifu lɛ́ɛ tɔn nɛ́ ɔ́, è ka nɔ cɔ́ ganjí. Jwifu lɛ́ɛ ká nya ɛ. É lɛ́ tɔ́n ahwan fun gbé, bɔ yě ká lɛ́ ɖu ɖo jǐ tɔn. 20Judáa ná nǔ e hu dó mɛ e ɖo Bɛti-Súu lɛ́ɛ yě. 21Lo ɔ́, Hlodɔkúsi e nyí sɔ́ja Jwifu lɛ́ɛ tɔn ɖokpó ɔ́ yi sa lě e Jwifu lɛ́ɛ nɔ wa nǔ gbɔn, bó nɔ́ ɖu ɖo ahwan jí é nú kɛntɔ́ lɛ́ɛ. Énɛ́ ɔ́, è ba ɛ, bó wlí i, bó hu i. 22Axɔ́sú ɔ́ lɛ́ kpé Bɛti-Súu mɛ lɛ́ɛ azɔn wegɔ́ ɔ́, bó jló ná gbɔ kɛn xá yě. Yědɛɛ lɛ́ɛ ka yí gbe, bɔ Antiyokúsi ɖe ahwangɔnu tɔn lɛ́ɛ sín sozonu. Judási lɛ́ ɖu ɖo jǐ tɔn.
23Énɛ́ gúdo ɔ́, é tɔ́n ahwan Judáa kpódó sɔ́ja tɔn lɛ́ɛ kpán, é ká kpa ɛ ǎ.
Axɔ́sú ɔ́ jó Filípu nyi Antiyɔ́ci. É zɔ́n ɛ ɖɔ é ní kpé nukún axɔ́súɖuto ɔ́ sín nǔ lɛ́ɛ wú nú émí. Lo ɔ́, Filípu fɔ́n gǔ dó jǐ tɔn. Bɔ Antiyokúsi sín ayi bǐ gbadó bɔ é gbɔ bó ná nǔ e ba wɛ yě ɖe lɛ́ɛ bǐ yě, bó gbɔ kɛn xá yě. É wá sá vɔ̌, bó ná nǔɖé lɛ́ɛ dó wlí yɛ̌yi nú Sinsɛnxɔ ɔ́, 24bó yí Judáa Makabée sín jǒnɔ ganjí.
Énɛ́ gúdo ɔ́, axɔ́sú ɔ́ sɔ́ Ejemɔnidi dó ɖó tokpɔngán toxo e gosín Putolemayísi wá yi Geleníi é tɔn. 25É yi Putolemayísi, lo ɔ́, mɛ e ɖo fínɛ́ lɛ́ɛ hun xomɛ dó alɛ e é nu xá Jwifu lɛ́ɛ é wú ǎ. Yě ɖo xomɛsin jí, bó jló ɖɔ è ni xo alɛ énɛ́ ɔ́ nyi kɛ́n. 26Liziyási ka yi xó ɖo mɛ bǐ nukɔn. É kpa gbe nú akɔ énɛ́ e é jɛ xá Jwifu lɛ́ɛ é taala. É tɛ́nkpɔ́n bó ná mɔjɛmɛ nǔ nɛ́ ɔ́ tɔn mɛ lɛ́ɛ, bó dó fá xomɛ nú yě, bó xo hwihwɛ́ yě. Énɛ́ gúdo ɔ́, é lɛ́ kɔ yi Antiyɔ́ci.
Nǔ e jɔ hwenu e axɔ́sú Antiyokúsi tɔ́n ahwan Jwifu lɛ́ɛ é nɛ́, lě e é ka jó agɔ yi gúdo gbɔn ɔ́ nɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.