2 Makabée 14
14
Vɔ̌sánú-xwlémawutɔ́ ɖaxó Alukímu ɖó nǔvú dó Judáa nu
1Xwe atɔn gúdo ɔ́, Judáa kpó ahwan tɔn lɛ́ɛ kpán se xó élɔ́ ɔ́: Dɛmɛtliwúsi, Selekúsi ví ɔ́ kpó ahwangɔnu syɛ́nsyɛ́n ɖokpó kpán zɔn zohún tɔn lɛ́ɛ mɛ, bó wá zohúnglíntɛn Tlipoli tɔn. 2É yí to ɔ́, bó hu axɔ́sú Antiyokúsi. É lɛ́ hu Liziyási e è sɔ́ kplɔ́n axɔ́sú ɔ́ tɔn dó alɔ mɛ ná é lɔmɔ̌.
3Nya ɖé ka tíin hwenɛ́nu bɔ è nɔ ylɔ́ ɛ ɖɔ Alukímu, bɔ é kó nyí vɔ̌sánú-xwlémawutɔ́ ɖaxó kpɔ́n. Lo ɔ́, hwenu e Jwifu lɛ́ɛ fɔ́n gǔ ɔ́, é ɖésúnɔ jló bó xwedó hwɛndo Glɛ̌sinu lɛ́ɛ tɔn bó ɖu su nú sɛ́n ɔ́. Din ɔ́, é mɔ nǔ jɛ mɛ ɖɔ nukúnɖíɖó ɖě kún sɔ́ tíin nú émí ó, ɖó Jwifu lɛ́ɛ sɔ́ ná jó é dó gbeɖé nú é ná sɛkpɔ́ vɔ̌sákpe mímɛ́ ɔ́ ǎ. 4Énɛ́ gúdo ɔ́, é yi mɔ axɔ́sú Dɛmɛtliwúsi ɖo xwe kantɔn gban nukún ɖokpógɔ́ ɔ́ (151) mɛ. É hɛn axɔ́sú sín aza siká tɔn yi ná axɔ́sú ɔ́, bó hɛn dězan kpódó olívu sín ama e è ko nɔ ná ɖo Sinsɛnxɔ ɔ́ mɛ ɔ́ ɖɔhun. Gbe énɛ́ ɔ́ gbe ɔ́, é sɔ́ wa nǔ ɖěbǔ d'é jí ǎ. 5Amɔ̌, é mɔ nǔ e wú é ná zɔ́n dó bɔ tito tɔn e ma sɔgbe ɖěbǔ ɔ́ ná jɛ jlɔ́ n'i é. Azǎn e gbe Dɛmɛtliwúsi ylɔ́ ɛ wá wěɖexámɛtɔ́ tɔn lɛ́ɛ nukɔn, bó ná kan nǔ byɔ́ dó ninɔmɛ kpó linlin Jwifu lɛ́ɛ tɔn kpán wú é wɛ. Gbe e Alukímu yí ɔ́ ɖíe: 6“Ɖo Jwifu lɛ́ɛ mɛ ɔ́, gbɛ̌ta ɖé tíin bɔ mɛ e ɖ'é mɛ lɛ́ɛ ɔ́, è nɔ ylɔ́ yě ɖɔ Hasidéenu. Gǎn yětɔn nɔ nyí Judáa Makabée. Yě nɔ́ ɖo ahwan kpó gǔfínfɔ́n kpó nú sɔ́ wɛ magbokɔ, bó nɔ́ lɔn nú axɔ́súɖuto ɔ́ ná mɔ vivo ǎ. 7Yě wɛ ɖe mì sín vɔ̌sánú-xwlémawutɔ́ ɖaxó zinkpo e jí tɔ́ ce lɛ́ɛ sɔ́ mì ɖó é jí. Énɛ́ ɔ́ wú wɛ un wá fí din. 8Ɖo nǔ bǐ mɛ ɔ́, nyɔ̌ná axɔ́sú ɔ́ tɔn wɛ myá nukún nú mì. É ɖo mɔ̌ có, un nɔ lɛ́ kpɔ́n ɖagbe to ce mɛ nu lɛ́ɛ tɔn sɛ́ dó. Nǔgbó ɔ́, ayimasɔgbenánɔ sín nǔwiwa mɛ énɛ́ lɛ́ɛ e un ɖe nyǐ din lɛ́ɛ tɔn dó ya gěgé nú kplékplé togun mǐtɔn tɔn. 9Din ɔ́, hwi axɔ́sú ce ɔ́, un ɖo byɔ̌byɔ́ we wɛ ɖɔ a ni ba do nú nǔ énɛ́ lɛ́ɛ bǐ céɖécéɖé. A nɔ nyɔ́ xomɛ dó mɛ bǐ wú. Bo ɖe xomɛnyínyɔ́ towe xlɛ́ to mǐtɔn kpó togun mǐtɔn e sin adǎn ná wɛ è ɖe gbɔn alɔ bǐ mɛ é kpán. 10Nǔgbó ɔ́, nú Judáa ɖo gbɛ jɛ́n wɛ ɔ́, to ɔ́ ná mɔ vivo gbeɖé ǎ.”
11Ée Alukímu ɖɔ xó bó sɔ́ nu nyi ayǐ ɔ́, “axɔ́sú ɔ́ sín xɔ́ntɔn” e má nɔ ba Judáa xó ǎ lɛ́ɛ bló nǔ bǐ dó fɔ́n xomɛsin Dɛmɛtliwúsi tɔn. 12Tlóló ɔ́, axɔ́sú ɔ́ sɔ́ Nikanɔ́ɔ e nyí mɛ e ɖo nukɔn nú mɛ e nɔ fun ahwan kpódó ajinakú kpán lɛ́ɛ é, dó ɖó nukɔntɔ́ Judée tɔn, bó sɛ́ ɛ dó dɔ̌n. 13É ná gbe Nikanɔ́ɔ ɖɔ é ní hu Judáa, bó nya mɛ e ɖo kpɔ́ xá ɛ lɛ́ɛ gbɔn fí bǐ. É zɔ́n ɛ ɖɔ é ní lɛ́ sɔ́ vɔ̌sánú-xwlémawutɔ́ ɖaxó tɛnmɛ Alukímu tɔn jó n'i, ɖo Sinsɛnxɔ e nyí ɖaxó bǐ ɖo gbɛ ɔ́ mɛ é mɛ. 14Judéenu e ma nyí Jwifu ǎ bó hɔn ɖo Judáa nukɔn lɛ́ɛ nyi ahwan byɔ́ ahwangɔnu Nikanɔ́ɔ tɔn mɛ. Yě lin ɖɔ ayǐjijɛ Jwifu lɛ́ɛ tɔn kpó awě e ná xo yě lɛ́ɛ é kpán ná ɖó le nú yě.
Judáa sín nǔ jɛ Nikanɔ́ɔ tɔn jí, bɔ é dó hwɛ gbo xá ɛ
15 Jwifu lɛ́ɛ se ɖɔ Nikanɔ́ɔ jǎwe bɔ to ɔ́ mɛ nu e jɛ jǐ tɔn bó jǎwe ahwan tɔ́n yě gbé. Bɔ yě vun afúntúntún dó ta, bó byɔ́ aluwɛ mɛ bo sú xó ylɔ́ Mawu. Éyɛ́ wɛ kó dɔn togun tɔn kplé nú tɛgbɛ gbe, bó nɔ́ jlɛ́ nǔ sɔ́ nyi wědédé dó dó alɔ mɛ e nyí étɔn lɛ́ɛ ná magbokɔ. 16Énɛ́ gúdo ɔ́, Judáa e nyí gǎn yětɔn ɔ́ ɖe gbe nú yě ɖɔ yě ni yi. Bɔ azɔn ɖokpó ɔ́ tlóló ɔ́, yě jɛ ali, bó yi tɔ́n ahwan kɛntɔ́ lɛ́ɛ ɖo toxo e è nɔ ylɔ́ ɖɔ Dɛsáwu é kpá. 17Sinmɔ́ɔ, Judáa sín nɔví ɔ́ kó tɔ́n ahwan Nikanɔ́ɔ. Lo ɔ́, kɛntɔ́ lɛ́ɛ ká yá wǔ wá, bɔ é gbɔ bó jɛ agɔ jó yi gǔdo jí. 18Nikanɔ́ɔ se lě e Judáa kpódó ahwan tɔn lɛ́ɛ kpán nɔ syɛ́n ta, bo nɔ kpan akɔ́n ma ɖi xɛsi, bó nɔ́ jɛ hun dó to yětɔn jí sɔ́ é. É mɔ ɖɔ émí fun ahwan ɔ́ kpó adǎn kpán ɔ́, é kún ná kpa émí ó. 19Énɛ́ wútu ɔ́, é sɛ́ Pɔsidoniwúsi, Tewodótu kpódó Matatiyási kpán dó ɖɔ yě ní yi ɖɔgbotínsá xá Judáa.
20Judáa gbéjé nǔ e mɛsɛ́dó nɛ́ lɛ́ɛ wá sɔ́ ɖó te n'i lɛ́ɛ é kpɔ́n ganjí, bó sɔ́ xwlé ahwan tɔn lɛ́ɛ. Sɔ́ja lɛ́ɛ bǐ ɖó linlin ɖokpó ɔ́, bó yí gbe ɖɔ émí ná jó agɔ bó jɛ akɔ xá Nikanɔ́ɔ. 21Bɔ yě sɔ́ azǎn e gbe wɛ ahwangán lɛ́ɛ ná kpé yě ɖe é. Ahwankɛkɛ́ ɖokpó gosín ahwanslǎ ɖokpó ɖokpó mɛ, bɔ yě to zinkpo ɖ'ayǐ nú mɛ nukúnɖéjí lɛ́ɛ. 22Judáa ka ko sɔ́ sɔ́ja e ko sɔ́ ahwannú ganjí lɛ́ɛ ɖó fí e jɛ xá lɛ́ɛ é. Ényí kɛntɔ́ lɛ́ɛ wá yi ɖe afɔ ɖé nyi do cɛ́nwún ɔ́, yě ná ná sin tɔn. Lo ɔ́, ahwangán we lɛ́ɛ kpé yěɖée ganjí bɔ nǔ bǐ yi lyɛ̌ngbe lyɛ̌ngbe.
23Énɛ́ gúdo ɔ́, Nikanɔ́ɔ nɔ Jeluzalɛ́mu xɔ azǎn ywɛywɛ ɖé. É wa nǔ nyanya ɖé ǎ. É nyɔ́ wa ɔ́, é lɛ́ nya jǒnɔ wɔ̌buwɔ́bú e lɛ́ lɛ̌ dó e lɛ́ɛ é. 24É hɛn Judáa dó akpá, ɖó é yí wǎn n'i ɖésú. 25É kplɔ́n nǔ i ɖɔ é ní da asi bo ji vǐ. Judáa da asi, bó jɛ gbɛ ɖu jí ɖo fɛɛ mɛ.
Nikanɔ́ɔ húzú nukún mɛ dó Judáa jí
26Lo ɔ́, Alukímu mɔ ɖɔ Nikanɔ́ɔ kpó Judáa kpán jɛ yěɖée gbé se jí ganjí, bɔ é ba gbeɖókpɔ́wéma e mɛ yě dó alɔ é ɖokpó, lobo yi mɔ axɔ́sú Dɛmɛtliwúsi, bó ɖɔ n'i ɖɔ: “Nikanɔ́ɔ sín linlin lɛ́ɛ gbɔn vo nú nyɔ̌ná to ɔ́ tɔn lɛ́ɛ. Ɖó é sɔ́ Judáa, kɛntɔ́ axɔ́súɖuto ɔ́ tɔn, bɔ é wá ɖu gǎn jɛ gúdo tɔn.” 27Adingban e nya baɖabaɖa nɛ́ ɔ́ ɖó ɔ́ fɔ́n adǎn nú axɔ́sú ɔ́ dó Judáa wú. É wlán wěma élɔ́ kpó xomɛsin kpán sɛ́ dó Nikanɔ́ɔ: “Un ɖo gbe e a ɖǒ kpɔ́ xá Judáa Makabée é jí ǎ. A ɖǒ ná wlí nya énɛ́ ɔ́ bó ná sɛ́ ɛ dó Antiyɔ́ci azɔn ɖokpó. Gbe wɛ nyí bɔ un ɖe!”
28Ée Nikanɔ́ɔ yí wěma nɛ́ ɔ́, ayi tɔn gbadó. É mɔ ɖɔ gbejímánɔ nú gbeɖókpɔ́wéma e mɛ é d'alɔ xá nya e ma wa nǔ nyanya ɖěbǔ ǎ é kún sɔgbe ó. 29É ɖɔ mɔ̌, có é ká sixú gbɛ́ gbe nú axɔ́sú ɔ́ ǎ. É ɖo nǔ e wú é ná ɖó dó bó wa yɛ nú Jwifu lɛ́ɛ, bó ná dó se tónú nú axɔ́sú ɔ́ é ba wɛ 30Judáa ɖésú mɔ ɖɔ Nikanɔ́ɔ kún sɔ́ nɔ́ yí émí ganjí ó, é kún sɔ́ nɔ́ yá wǔ dó émí xóxó ɔ́ ɖɔhun ó. Ayi tɔn mɔ ɖɔ nǔ nyanya ɖé sín wuntun wɛ nyí walɔ énɛ́ ɔ́. Hǔn, é kplé xɔ́ntɔn tɔn lɛ́ɛ gěgé, bó yi hɔn bɛ, bó ná dó gló Nikanɔ́ɔ.
31 Nikanɔ́ɔ ɖésú mɔ ɖɔ Judáa wa yɛ nú émí. Énɛ́ ɔ́, é yi Sinsɛnxɔ e nyí ɖaxó, bó mɛ́ hú ɖě lɛ́ɛ bǐ ɖo gbɛ ɔ́ mɛ é mɛ; ɖo hwenu e vɔ̌sánú-xwlémawutɔ́ lɛ́ɛ nɔ xwlé vɔ̌sánú lɛ́ɛ dó é. É ɖe gbe ɖɔ è nǐ jó Judáa nú émí. 32Lo ɔ́, vɔ̌sánú-xwlémawutɔ́ lɛ́ɛ xwlé nǔ bǐ bó ɖɔ: “Mǐ tunwun fí e mɛ e ba wɛ a ɖe ɔ́ ɖé e ǎ.” 33Énɛ́ gúdo ɔ́, Nikanɔ́ɔ sí te dó Sinsɛnxɔ ɔ́ jí, bó dó akpá ɖɔ: “Ényí mi ma jó Judáa nú mì ǎ ɔ́, un ná gba Sinsɛnxɔ élɔ́, bó kíjá vɔ̌sákpe ɔ́, bó ná mɛ Sinsɛnxɔ ɖagbe ɖagbe ɖokpó nyi fí, bɔ é ná nɔ nǔmɛsɛn Diyɔnisɔ́si kanta.”
34Ée é ɖɔ xó nɛ́ ɔ́, bó sɔ́ nu nyi ayǐ é ɔ́, é ɖidó xwé. Tlóló ɔ́, vɔ̌sánú-xwlémawutɔ́ lɛ́ɛ dlɛ́n alɔ sɛ́ dó jǐxwé, bó sa vo nú Mawu e nɔ jɛ ahwan yě jí tɛgbɛ é, bó ɖɔ: 35“Aklúnɔ, nǔ ɖěbǔ hu dó we ǎ. É ɖo mɔ̌ có, a jlǒ ɖɔ Sinsɛnxɔ towe e mɛ a nɔ nɔ ɔ́ ní nɔ tɛ́ntin mǐtɔn. 36Aklúnɔ yɛhwe yɛhwe lɛ́ɛ tɔn, é lín din ǎ, bɔ mǐ slá wǔ nú Sinsɛnxɔ towe. Kɛnklɛ́n wɛ mǐ dó nú we, ma lɔn nú è sɔ́ ɖu su ná ɖě gbeɖé ó.”
Hlazisi kú
37Ɖo mɛxó Jeluzalɛ́mu tɔn lɛ́ɛ mɛ ɔ́, nya ɖé tíin, bɔ è nɔ ylɔ́ ɛ ɖɔ Hlazisi. Nyɔ̌ná togun Jwifu lɛ́ɛ tɔn nɔ myá nukún n'i, bɔ yě bǐ yí wǎn n'i ɖésú. È nɔ ylɔ́ ɛ ɖɔ “Jwifu lɛ́ɛ sín tɔ́”, ɖó wǎn yíyí e é ɖó nú yě ɔ́ wú. Lo ɔ́, mɛ ɖé wá yi slɛ́ ɛ nú Nikanɔ́ɔ. 38Hwenu e gǔfínfɔ́n bɛ́ tlóló ɔ́ wɛ mɛ lɛ́ɛ kó dó hwɛ ɛ ɖɔ é kpo ɖo Jwifu lɛ́ɛ sín hwɛndo fɔ wɛ. Gǎn ɖaxó wɛ é dó bó zé lanmɛ ná nɔ ganjí tɔn kpó gbɛ tɔn kpán dó jɛ ahwan yě jí ná. 39Bó ná dó ɖe lě do e é gbɛ́ wǎn nú Jwifu lɛ́ɛ sɔ́ é xlɛ́ ɔ́, Nikanɔ́ɔ sɛ́ sɔ́ja afɔwe kanwe ko (500) jɛjí dó, nú yě ná wlí Hlazisi. 40Nǔgbó ɔ́, é ɖeji ɖɔ émí ɖe nya nɛ́ ɔ́ sín Jwifu lɛ́ɛ mɛ ɔ́, bǎ didɛ ɖé wɛ é ná nyí bó ná dó xo yě.
41Sɔ́ja lɛ́ɛ kó ɖo ahohó e mɛ é ɖe ɔ́ ná yí wɛ. Hɔn e tɔ́n dó kɔ́xo ɔ́ jí ɔ́ fó wɛ yě ɖe, bɔ é ɖe gbe nú yě ɖɔ yě ni dó hɔn lɛ́ɛ zo. Ée Hlazisi mɔ ɖɔ yě lɛ́ lɛ̌ dó émí gbɔn fí bǐ ɔ́, é sún hwǐ dó é ɖésúnɔ jí. 42É mɔ ɖɔ émí kú kpó susu kpó ɔ́, é kpɔ́n te nú émí hú ɖɔ émí ní jɛ adǎnúwatɔ́ nɛ́ lɛ́ɛ sín alɔ mɛ, nú yě ná dó ya bǐ nú émí. Ɖó nǔ mɔ̌hun jɛ xá mɛ e gosín axɔ́ví hɛ́nnu mɛ é ǎ.
43Lo ɔ́, é sín lě e wǔyíyá ɖo ahwan ɔ́ sɔ́ gbɔn é wú, bɔ é sɔ́ kpé wú bó hu éɖée ǎ. Sɔ́ja lɛ́ɛ dó wezun wá xɔ ɔ́ mɛ. 44Énɛ́ gúdo ɔ́, Hlazisi kpan akɔ́n bó dó wezun yi dǒ ɖaxó lɛ́ɛ ta, bó lɔ́n sín dɔ̌n wá do. Ahwan e ɖo fínɛ́ lɛ́ɛ jó agɔ yi gúdo tlóló, bɔ Hlazisi jɛ tɛn gblogblo vɔ̌tɔ́ ɖé tɛ́ntin. 45Amɔ̌, é lɛ́ kpo ɖo gbɛ. É lɛ́ mɔ gǎn, bó fɔ́n sí te. Hun ko kpé fí bǐ n'i nɛ́. Akpa tɔn lɛ́ɛ ɖo wǔvɛ́ dó lanmɛ n'i wɛ có, é dó wezun bó zlɛ́ ahwan sɔ́ja lɛ́ɛ tɔn, bó yi xá só ɖaxó ɖé jí. 46Hun bǐ kó ɖibla vɔ sín lan tɔn mɛ. É nɔ́ dɔn adɔví tɔn lɛ́ɛ sín xomɛ, bó nɔ́ bɛ́ adɔví lɛ́ɛ dó alɔgogo mɛ, bó nyi dó sɔ́ja lɛ́ɛ. Énɛ́ gúdo ɔ́, é sa vo nú Aklúnɔ e ɖó gbɛ ɔ́, bó ɖó funfún é ɖɔ é ní lɛ́ vɔ́ gbɛ énɛ́ ɔ́ ná émí gbe ɖokpó. Lě e Hlazisi kú gbɔn é nɛ́!
Currently Selected:
2 Makabée 14: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 14
14
Vɔ̌sánú-xwlémawutɔ́ ɖaxó Alukímu ɖó nǔvú dó Judáa nu
1Xwe atɔn gúdo ɔ́, Judáa kpó ahwan tɔn lɛ́ɛ kpán se xó élɔ́ ɔ́: Dɛmɛtliwúsi, Selekúsi ví ɔ́ kpó ahwangɔnu syɛ́nsyɛ́n ɖokpó kpán zɔn zohún tɔn lɛ́ɛ mɛ, bó wá zohúnglíntɛn Tlipoli tɔn. 2É yí to ɔ́, bó hu axɔ́sú Antiyokúsi. É lɛ́ hu Liziyási e è sɔ́ kplɔ́n axɔ́sú ɔ́ tɔn dó alɔ mɛ ná é lɔmɔ̌.
3Nya ɖé ka tíin hwenɛ́nu bɔ è nɔ ylɔ́ ɛ ɖɔ Alukímu, bɔ é kó nyí vɔ̌sánú-xwlémawutɔ́ ɖaxó kpɔ́n. Lo ɔ́, hwenu e Jwifu lɛ́ɛ fɔ́n gǔ ɔ́, é ɖésúnɔ jló bó xwedó hwɛndo Glɛ̌sinu lɛ́ɛ tɔn bó ɖu su nú sɛ́n ɔ́. Din ɔ́, é mɔ nǔ jɛ mɛ ɖɔ nukúnɖíɖó ɖě kún sɔ́ tíin nú émí ó, ɖó Jwifu lɛ́ɛ sɔ́ ná jó é dó gbeɖé nú é ná sɛkpɔ́ vɔ̌sákpe mímɛ́ ɔ́ ǎ. 4Énɛ́ gúdo ɔ́, é yi mɔ axɔ́sú Dɛmɛtliwúsi ɖo xwe kantɔn gban nukún ɖokpógɔ́ ɔ́ (151) mɛ. É hɛn axɔ́sú sín aza siká tɔn yi ná axɔ́sú ɔ́, bó hɛn dězan kpódó olívu sín ama e è ko nɔ ná ɖo Sinsɛnxɔ ɔ́ mɛ ɔ́ ɖɔhun. Gbe énɛ́ ɔ́ gbe ɔ́, é sɔ́ wa nǔ ɖěbǔ d'é jí ǎ. 5Amɔ̌, é mɔ nǔ e wú é ná zɔ́n dó bɔ tito tɔn e ma sɔgbe ɖěbǔ ɔ́ ná jɛ jlɔ́ n'i é. Azǎn e gbe Dɛmɛtliwúsi ylɔ́ ɛ wá wěɖexámɛtɔ́ tɔn lɛ́ɛ nukɔn, bó ná kan nǔ byɔ́ dó ninɔmɛ kpó linlin Jwifu lɛ́ɛ tɔn kpán wú é wɛ. Gbe e Alukímu yí ɔ́ ɖíe: 6“Ɖo Jwifu lɛ́ɛ mɛ ɔ́, gbɛ̌ta ɖé tíin bɔ mɛ e ɖ'é mɛ lɛ́ɛ ɔ́, è nɔ ylɔ́ yě ɖɔ Hasidéenu. Gǎn yětɔn nɔ nyí Judáa Makabée. Yě nɔ́ ɖo ahwan kpó gǔfínfɔ́n kpó nú sɔ́ wɛ magbokɔ, bó nɔ́ lɔn nú axɔ́súɖuto ɔ́ ná mɔ vivo ǎ. 7Yě wɛ ɖe mì sín vɔ̌sánú-xwlémawutɔ́ ɖaxó zinkpo e jí tɔ́ ce lɛ́ɛ sɔ́ mì ɖó é jí. Énɛ́ ɔ́ wú wɛ un wá fí din. 8Ɖo nǔ bǐ mɛ ɔ́, nyɔ̌ná axɔ́sú ɔ́ tɔn wɛ myá nukún nú mì. É ɖo mɔ̌ có, un nɔ lɛ́ kpɔ́n ɖagbe to ce mɛ nu lɛ́ɛ tɔn sɛ́ dó. Nǔgbó ɔ́, ayimasɔgbenánɔ sín nǔwiwa mɛ énɛ́ lɛ́ɛ e un ɖe nyǐ din lɛ́ɛ tɔn dó ya gěgé nú kplékplé togun mǐtɔn tɔn. 9Din ɔ́, hwi axɔ́sú ce ɔ́, un ɖo byɔ̌byɔ́ we wɛ ɖɔ a ni ba do nú nǔ énɛ́ lɛ́ɛ bǐ céɖécéɖé. A nɔ nyɔ́ xomɛ dó mɛ bǐ wú. Bo ɖe xomɛnyínyɔ́ towe xlɛ́ to mǐtɔn kpó togun mǐtɔn e sin adǎn ná wɛ è ɖe gbɔn alɔ bǐ mɛ é kpán. 10Nǔgbó ɔ́, nú Judáa ɖo gbɛ jɛ́n wɛ ɔ́, to ɔ́ ná mɔ vivo gbeɖé ǎ.”
11Ée Alukímu ɖɔ xó bó sɔ́ nu nyi ayǐ ɔ́, “axɔ́sú ɔ́ sín xɔ́ntɔn” e má nɔ ba Judáa xó ǎ lɛ́ɛ bló nǔ bǐ dó fɔ́n xomɛsin Dɛmɛtliwúsi tɔn. 12Tlóló ɔ́, axɔ́sú ɔ́ sɔ́ Nikanɔ́ɔ e nyí mɛ e ɖo nukɔn nú mɛ e nɔ fun ahwan kpódó ajinakú kpán lɛ́ɛ é, dó ɖó nukɔntɔ́ Judée tɔn, bó sɛ́ ɛ dó dɔ̌n. 13É ná gbe Nikanɔ́ɔ ɖɔ é ní hu Judáa, bó nya mɛ e ɖo kpɔ́ xá ɛ lɛ́ɛ gbɔn fí bǐ. É zɔ́n ɛ ɖɔ é ní lɛ́ sɔ́ vɔ̌sánú-xwlémawutɔ́ ɖaxó tɛnmɛ Alukímu tɔn jó n'i, ɖo Sinsɛnxɔ e nyí ɖaxó bǐ ɖo gbɛ ɔ́ mɛ é mɛ. 14Judéenu e ma nyí Jwifu ǎ bó hɔn ɖo Judáa nukɔn lɛ́ɛ nyi ahwan byɔ́ ahwangɔnu Nikanɔ́ɔ tɔn mɛ. Yě lin ɖɔ ayǐjijɛ Jwifu lɛ́ɛ tɔn kpó awě e ná xo yě lɛ́ɛ é kpán ná ɖó le nú yě.
Judáa sín nǔ jɛ Nikanɔ́ɔ tɔn jí, bɔ é dó hwɛ gbo xá ɛ
15 Jwifu lɛ́ɛ se ɖɔ Nikanɔ́ɔ jǎwe bɔ to ɔ́ mɛ nu e jɛ jǐ tɔn bó jǎwe ahwan tɔ́n yě gbé. Bɔ yě vun afúntúntún dó ta, bó byɔ́ aluwɛ mɛ bo sú xó ylɔ́ Mawu. Éyɛ́ wɛ kó dɔn togun tɔn kplé nú tɛgbɛ gbe, bó nɔ́ jlɛ́ nǔ sɔ́ nyi wědédé dó dó alɔ mɛ e nyí étɔn lɛ́ɛ ná magbokɔ. 16Énɛ́ gúdo ɔ́, Judáa e nyí gǎn yětɔn ɔ́ ɖe gbe nú yě ɖɔ yě ni yi. Bɔ azɔn ɖokpó ɔ́ tlóló ɔ́, yě jɛ ali, bó yi tɔ́n ahwan kɛntɔ́ lɛ́ɛ ɖo toxo e è nɔ ylɔ́ ɖɔ Dɛsáwu é kpá. 17Sinmɔ́ɔ, Judáa sín nɔví ɔ́ kó tɔ́n ahwan Nikanɔ́ɔ. Lo ɔ́, kɛntɔ́ lɛ́ɛ ká yá wǔ wá, bɔ é gbɔ bó jɛ agɔ jó yi gǔdo jí. 18Nikanɔ́ɔ se lě e Judáa kpódó ahwan tɔn lɛ́ɛ kpán nɔ syɛ́n ta, bo nɔ kpan akɔ́n ma ɖi xɛsi, bó nɔ́ jɛ hun dó to yětɔn jí sɔ́ é. É mɔ ɖɔ émí fun ahwan ɔ́ kpó adǎn kpán ɔ́, é kún ná kpa émí ó. 19Énɛ́ wútu ɔ́, é sɛ́ Pɔsidoniwúsi, Tewodótu kpódó Matatiyási kpán dó ɖɔ yě ní yi ɖɔgbotínsá xá Judáa.
20Judáa gbéjé nǔ e mɛsɛ́dó nɛ́ lɛ́ɛ wá sɔ́ ɖó te n'i lɛ́ɛ é kpɔ́n ganjí, bó sɔ́ xwlé ahwan tɔn lɛ́ɛ. Sɔ́ja lɛ́ɛ bǐ ɖó linlin ɖokpó ɔ́, bó yí gbe ɖɔ émí ná jó agɔ bó jɛ akɔ xá Nikanɔ́ɔ. 21Bɔ yě sɔ́ azǎn e gbe wɛ ahwangán lɛ́ɛ ná kpé yě ɖe é. Ahwankɛkɛ́ ɖokpó gosín ahwanslǎ ɖokpó ɖokpó mɛ, bɔ yě to zinkpo ɖ'ayǐ nú mɛ nukúnɖéjí lɛ́ɛ. 22Judáa ka ko sɔ́ sɔ́ja e ko sɔ́ ahwannú ganjí lɛ́ɛ ɖó fí e jɛ xá lɛ́ɛ é. Ényí kɛntɔ́ lɛ́ɛ wá yi ɖe afɔ ɖé nyi do cɛ́nwún ɔ́, yě ná ná sin tɔn. Lo ɔ́, ahwangán we lɛ́ɛ kpé yěɖée ganjí bɔ nǔ bǐ yi lyɛ̌ngbe lyɛ̌ngbe.
23Énɛ́ gúdo ɔ́, Nikanɔ́ɔ nɔ Jeluzalɛ́mu xɔ azǎn ywɛywɛ ɖé. É wa nǔ nyanya ɖé ǎ. É nyɔ́ wa ɔ́, é lɛ́ nya jǒnɔ wɔ̌buwɔ́bú e lɛ́ lɛ̌ dó e lɛ́ɛ é. 24É hɛn Judáa dó akpá, ɖó é yí wǎn n'i ɖésú. 25É kplɔ́n nǔ i ɖɔ é ní da asi bo ji vǐ. Judáa da asi, bó jɛ gbɛ ɖu jí ɖo fɛɛ mɛ.
Nikanɔ́ɔ húzú nukún mɛ dó Judáa jí
26Lo ɔ́, Alukímu mɔ ɖɔ Nikanɔ́ɔ kpó Judáa kpán jɛ yěɖée gbé se jí ganjí, bɔ é ba gbeɖókpɔ́wéma e mɛ yě dó alɔ é ɖokpó, lobo yi mɔ axɔ́sú Dɛmɛtliwúsi, bó ɖɔ n'i ɖɔ: “Nikanɔ́ɔ sín linlin lɛ́ɛ gbɔn vo nú nyɔ̌ná to ɔ́ tɔn lɛ́ɛ. Ɖó é sɔ́ Judáa, kɛntɔ́ axɔ́súɖuto ɔ́ tɔn, bɔ é wá ɖu gǎn jɛ gúdo tɔn.” 27Adingban e nya baɖabaɖa nɛ́ ɔ́ ɖó ɔ́ fɔ́n adǎn nú axɔ́sú ɔ́ dó Judáa wú. É wlán wěma élɔ́ kpó xomɛsin kpán sɛ́ dó Nikanɔ́ɔ: “Un ɖo gbe e a ɖǒ kpɔ́ xá Judáa Makabée é jí ǎ. A ɖǒ ná wlí nya énɛ́ ɔ́ bó ná sɛ́ ɛ dó Antiyɔ́ci azɔn ɖokpó. Gbe wɛ nyí bɔ un ɖe!”
28Ée Nikanɔ́ɔ yí wěma nɛ́ ɔ́, ayi tɔn gbadó. É mɔ ɖɔ gbejímánɔ nú gbeɖókpɔ́wéma e mɛ é d'alɔ xá nya e ma wa nǔ nyanya ɖěbǔ ǎ é kún sɔgbe ó. 29É ɖɔ mɔ̌, có é ká sixú gbɛ́ gbe nú axɔ́sú ɔ́ ǎ. É ɖo nǔ e wú é ná ɖó dó bó wa yɛ nú Jwifu lɛ́ɛ, bó ná dó se tónú nú axɔ́sú ɔ́ é ba wɛ 30Judáa ɖésú mɔ ɖɔ Nikanɔ́ɔ kún sɔ́ nɔ́ yí émí ganjí ó, é kún sɔ́ nɔ́ yá wǔ dó émí xóxó ɔ́ ɖɔhun ó. Ayi tɔn mɔ ɖɔ nǔ nyanya ɖé sín wuntun wɛ nyí walɔ énɛ́ ɔ́. Hǔn, é kplé xɔ́ntɔn tɔn lɛ́ɛ gěgé, bó yi hɔn bɛ, bó ná dó gló Nikanɔ́ɔ.
31 Nikanɔ́ɔ ɖésú mɔ ɖɔ Judáa wa yɛ nú émí. Énɛ́ ɔ́, é yi Sinsɛnxɔ e nyí ɖaxó, bó mɛ́ hú ɖě lɛ́ɛ bǐ ɖo gbɛ ɔ́ mɛ é mɛ; ɖo hwenu e vɔ̌sánú-xwlémawutɔ́ lɛ́ɛ nɔ xwlé vɔ̌sánú lɛ́ɛ dó é. É ɖe gbe ɖɔ è nǐ jó Judáa nú émí. 32Lo ɔ́, vɔ̌sánú-xwlémawutɔ́ lɛ́ɛ xwlé nǔ bǐ bó ɖɔ: “Mǐ tunwun fí e mɛ e ba wɛ a ɖe ɔ́ ɖé e ǎ.” 33Énɛ́ gúdo ɔ́, Nikanɔ́ɔ sí te dó Sinsɛnxɔ ɔ́ jí, bó dó akpá ɖɔ: “Ényí mi ma jó Judáa nú mì ǎ ɔ́, un ná gba Sinsɛnxɔ élɔ́, bó kíjá vɔ̌sákpe ɔ́, bó ná mɛ Sinsɛnxɔ ɖagbe ɖagbe ɖokpó nyi fí, bɔ é ná nɔ nǔmɛsɛn Diyɔnisɔ́si kanta.”
34Ée é ɖɔ xó nɛ́ ɔ́, bó sɔ́ nu nyi ayǐ é ɔ́, é ɖidó xwé. Tlóló ɔ́, vɔ̌sánú-xwlémawutɔ́ lɛ́ɛ dlɛ́n alɔ sɛ́ dó jǐxwé, bó sa vo nú Mawu e nɔ jɛ ahwan yě jí tɛgbɛ é, bó ɖɔ: 35“Aklúnɔ, nǔ ɖěbǔ hu dó we ǎ. É ɖo mɔ̌ có, a jlǒ ɖɔ Sinsɛnxɔ towe e mɛ a nɔ nɔ ɔ́ ní nɔ tɛ́ntin mǐtɔn. 36Aklúnɔ yɛhwe yɛhwe lɛ́ɛ tɔn, é lín din ǎ, bɔ mǐ slá wǔ nú Sinsɛnxɔ towe. Kɛnklɛ́n wɛ mǐ dó nú we, ma lɔn nú è sɔ́ ɖu su ná ɖě gbeɖé ó.”
Hlazisi kú
37Ɖo mɛxó Jeluzalɛ́mu tɔn lɛ́ɛ mɛ ɔ́, nya ɖé tíin, bɔ è nɔ ylɔ́ ɛ ɖɔ Hlazisi. Nyɔ̌ná togun Jwifu lɛ́ɛ tɔn nɔ myá nukún n'i, bɔ yě bǐ yí wǎn n'i ɖésú. È nɔ ylɔ́ ɛ ɖɔ “Jwifu lɛ́ɛ sín tɔ́”, ɖó wǎn yíyí e é ɖó nú yě ɔ́ wú. Lo ɔ́, mɛ ɖé wá yi slɛ́ ɛ nú Nikanɔ́ɔ. 38Hwenu e gǔfínfɔ́n bɛ́ tlóló ɔ́ wɛ mɛ lɛ́ɛ kó dó hwɛ ɛ ɖɔ é kpo ɖo Jwifu lɛ́ɛ sín hwɛndo fɔ wɛ. Gǎn ɖaxó wɛ é dó bó zé lanmɛ ná nɔ ganjí tɔn kpó gbɛ tɔn kpán dó jɛ ahwan yě jí ná. 39Bó ná dó ɖe lě do e é gbɛ́ wǎn nú Jwifu lɛ́ɛ sɔ́ é xlɛ́ ɔ́, Nikanɔ́ɔ sɛ́ sɔ́ja afɔwe kanwe ko (500) jɛjí dó, nú yě ná wlí Hlazisi. 40Nǔgbó ɔ́, é ɖeji ɖɔ émí ɖe nya nɛ́ ɔ́ sín Jwifu lɛ́ɛ mɛ ɔ́, bǎ didɛ ɖé wɛ é ná nyí bó ná dó xo yě.
41Sɔ́ja lɛ́ɛ kó ɖo ahohó e mɛ é ɖe ɔ́ ná yí wɛ. Hɔn e tɔ́n dó kɔ́xo ɔ́ jí ɔ́ fó wɛ yě ɖe, bɔ é ɖe gbe nú yě ɖɔ yě ni dó hɔn lɛ́ɛ zo. Ée Hlazisi mɔ ɖɔ yě lɛ́ lɛ̌ dó émí gbɔn fí bǐ ɔ́, é sún hwǐ dó é ɖésúnɔ jí. 42É mɔ ɖɔ émí kú kpó susu kpó ɔ́, é kpɔ́n te nú émí hú ɖɔ émí ní jɛ adǎnúwatɔ́ nɛ́ lɛ́ɛ sín alɔ mɛ, nú yě ná dó ya bǐ nú émí. Ɖó nǔ mɔ̌hun jɛ xá mɛ e gosín axɔ́ví hɛ́nnu mɛ é ǎ.
43Lo ɔ́, é sín lě e wǔyíyá ɖo ahwan ɔ́ sɔ́ gbɔn é wú, bɔ é sɔ́ kpé wú bó hu éɖée ǎ. Sɔ́ja lɛ́ɛ dó wezun wá xɔ ɔ́ mɛ. 44Énɛ́ gúdo ɔ́, Hlazisi kpan akɔ́n bó dó wezun yi dǒ ɖaxó lɛ́ɛ ta, bó lɔ́n sín dɔ̌n wá do. Ahwan e ɖo fínɛ́ lɛ́ɛ jó agɔ yi gúdo tlóló, bɔ Hlazisi jɛ tɛn gblogblo vɔ̌tɔ́ ɖé tɛ́ntin. 45Amɔ̌, é lɛ́ kpo ɖo gbɛ. É lɛ́ mɔ gǎn, bó fɔ́n sí te. Hun ko kpé fí bǐ n'i nɛ́. Akpa tɔn lɛ́ɛ ɖo wǔvɛ́ dó lanmɛ n'i wɛ có, é dó wezun bó zlɛ́ ahwan sɔ́ja lɛ́ɛ tɔn, bó yi xá só ɖaxó ɖé jí. 46Hun bǐ kó ɖibla vɔ sín lan tɔn mɛ. É nɔ́ dɔn adɔví tɔn lɛ́ɛ sín xomɛ, bó nɔ́ bɛ́ adɔví lɛ́ɛ dó alɔgogo mɛ, bó nyi dó sɔ́ja lɛ́ɛ. Énɛ́ gúdo ɔ́, é sa vo nú Aklúnɔ e ɖó gbɛ ɔ́, bó ɖó funfún é ɖɔ é ní lɛ́ vɔ́ gbɛ énɛ́ ɔ́ ná émí gbe ɖokpó. Lě e Hlazisi kú gbɔn é nɛ́!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.