2 Makabée 12
12
Judáa ba hlɔn nú Jwifu Jopée tɔn lɛ́ɛ kpó Jamuniya tɔn lɛ́ɛ kpó
1Ée Jwifu lɛ́ɛ kpó Liziyási kpó mɔ nǔ jɛ yěɖée gbe mɛ ɔ́, Liziyási lɛ́ kɔ yi axɔ́sú ɔ́ gɔ́n, bɔ Jwifu lɛ́ɛ lɛ́ vɔ́ jɛ gle yětɔn lɛ jí. 2Lo ɔ́, ɖo gǎn e ɖo gbě nɛ́ jí lɛ́ɛ mɛ ɔ́, Timɔtée kpódó Apoloniwúsi, Gɛnnɛwúsi ví ɔ́ kpó, Hiyelɔnimu kpó, Dɛmɔfɔ́n kpó, kpódó Nikanɔ́ɔ, ahwangán kannɔ Cíplu tɔn lɔmɔ̌ kpán sɔ́ ná gbɔjɛ ɖěbǔ Jwifu lɛ́ɛ nú yě ná nɔ fífá mɛ ǎ.
3Jopéenu lɛ́ɛ dó nǔ baɖabaɖa ɖé sin. Yě vlɛ́ mɛ e ná zun xɔ́ntɔn xá Jwifu e ɖo toxo yětɔn mɛ lɛ́ɛ é. Yě da yě, asi yětɔn lɛ́ɛ kpódó vǐ yětɔn lɛ́ɛ kpán, nú yě ná ɖi sa gbɔn xu jí ɖo tɔjíhún e yědɛɛ lɛ́ɛ ɖésú bló é mɛ. 4Jwifu lɛ́ɛ bǐ wɛ yí gbe, ɖó toxo ɔ́ bǐ wɛ ɖe gbetakɛ́n ɔ́ tɔ́n. Yě ba ná xlɛ́ ɖɔ émí jló ná nɔ ayi j'ayǐ mɛ, ma sɔ́ nɔ síja jí. Lo ɔ́, ée yě jɛ xuzan mɛ ɔ́, Jopéenu lɛ́ɛ dó yě tɔ. Yě hwedó gbɛtɔ́ afɔɖé (200) wú ǎ.
5Ée Judáa se alǎnnú baɖabaɖa nɛ́ e è wa xá togun tɔn é ɔ́, é kplé mɛ tɔn lɛ́ɛ. 6É sa vo nú Mawu Hwɛjlɔ́jlɔ́ɖɔtɔ́ ɔ́, bó yi tɔ́n ahwan mɛ e hu nɔví tɔn lɛ́ɛ é. Zǎn mɛ ɔ́, é dó zohúnglíntɛn ɔ́ kpó tɔjíhún lɛ́ɛ kpán zo, bó zɔ́n bɔ è hu mɛ e wá hɔn bɛ ɖo fínɛ́ lɛ́ɛ. 7Yě sú toxo ɔ́ sín hɔn lɛ́ɛ. Judáa ka yi, bó tunwun ɖɔ émí ná lɛ́ kɔ wá ɖo malín málín mɛ, bó ná hu Jopéenu lɛ́ɛ bǐ.
8É se ɖɔ Jamuniyanu lɛ́ɛ jló ná hu Jwifu e ɖo to yětɔn mɛ lɛ́ɛ lě e é bló gbɔn ɖo Jopée é ɖɔhun. 9É yi tɔ́n ahwan Jamuniyanu lɛ́ɛ ɖo zǎn mɛ. É dó zohúnglíntɛn ɔ́ kpó tɔjíhún lɛ́ɛ kpán zo. È mɔ myɔ ɔ́ sín ɖiɖi ɖo káká Jeluzalɛ́mu ɖo kilomɛ́tlu kanɖé atɔ́ɔ́n (45) mɔ̌ dó fínɛ́.
Judáa yí Kasifóo toxo ɔ́
10Énɛ́ gúdo ɔ́, Judáa kpódó mɛ tɔn lɛ́ɛ kpán gosín Jamuniya, bó ná fun ahwan xá Timɔtée. Kilomɛ́tlu we mɔ̌ jɛ́n yě ɖe dó Jamuniya. Hwenɛ́nu ɔ́, ahwanfuntɔ́ Alabu děgba ɖě afatɔ́n (5.000) mɔ̌ tɔ́n ahwan yě, bɔ sɔ́xátɔ́ afɔwe kanwe ko (500) wá dó alɔ yě. 11Ahwan ɔ́ bɛ́ kpó zǐngídi kpó, lo ɔ́, ɖo Mawu nyǐkɔ mɛ ɔ́, sɔ́ja Judáa tɔn lɛ́ɛ ɖu ɖ'é jí. Ée Alabu e ma ɖó nɔtɛn tawun ǎ lɛ́ɛ mɔ ɖɔ ahwan ɔ́ kún kpa émí ó ɔ́, yě ba ná gbɔ kɛn xá Judáa. Yě dó akpá ɖɔ émí na ná kanlinhwan émítɔn lɛ́ɛ ɖě Jwifu lɛ́ɛ, bó na nɔ kan yětɔn nu. 12Judáa mɔ ɖɔ yě hɛn ɔ́, yě ná nɔ nǔɖé li nu nú émí; énɛ́ wútu ɔ́, é yí gbe bó ná gbɔ kɛn xá yě. Ée yě mɔ nǔ jɛ yěɖée gbe mɛ gúdo ɔ́, Alabu lɛ́ɛ ɖidó goxɔ yětɔn lɛ́ɛ mɛ.
13Judáa lɛ́ vɔ́ tɔ́n ahwan toxo e è nɔ ylɔ́ ɖɔ Kasipini, bɔ è mɛ ahohó lɛ́ lɛ̌ dó, bó nɔ́ cɔ́ ganjí é. Akɔjɔkplé toxo wɛ. 14Yě gǎn jɛ lě e ahohó yětɔn lɛ́ɛ syɛ́n gbɔn é kpódó agɔ̌ yětɔn lɛ́ɛ kpán wú, bó ná dó gló nǔ. Yě nylá nu dó Judáa kpódó ahwan tɔn lɛ́ɛ kpán wú. Énɛ́ víví hwedó yě, bɔ yě lɛ́ zun yě, bó ɖɔ xó e è ma sixú lɛ́ vɔ́ ɖɔ ǎ ɖé lɛ́ɛ dó cá Mawu ko. 15Lo ɔ́, Judáa kpódó ahwan tɔn lɛ́ɛ kpán xomlá Gbɛɖótɔ́ e zin Jeliko sín ahohó lɛ́ɛ dɛ́, ɖo Jozuwée hwenu asígbá alɔgbá é. Énɛ́ gúdo ɔ́, yě bɔ nǔ nyi toxo ɔ́ sín dǒ lɛ́ɛ wú gběkanlin ɖɔhun. 16Bɔ ée Mawu jló é ɔ́, yě yí toxo ɔ́. Yě hu mɛ káká bɔ tɔ e ɖo akpá yětɔn bɔ gbló tɔn yi nǔjlɛ́kpo afɔwe (400) ɔ́ cí ɖɔ é gɔ́ nú hun ɖɔhun.
Judáa ɖu ɖo ahwan jí
17Judáa kpódó ahwan tɔn lɛ́ɛ kpán gosín Kasipini. Yě zun zɔnlin kilomɛ́tlu kantɔn ko (140), bó wá Kalaxi fí e cɔ́ wɛ è ɖe ganjí é ɖo Jwifu e è nɔ ylɔ́ ɖɔ Tubíinu lɛ́ɛ gɔ́n. 18Yě sɔ́ mɔ Timɔtée ɖo xá nɛ́ ɔ́ mɛ ǎ. É yi, ɖó é kpé nǔɖé wú bó wa ǎ, lo ɔ́, é jó sɔ́ja kpódó ahwanlyánnú yětɔn lɛ́ɛ kpán dó ɖo fí ɖé. 19Dozitée kpódó Sozipatɛ́ɛ ahwangán Judáa Makabée tɔn we kpó tɔ́n ahwan yě. Yě hu sɔ́ja děgba we afɔwó (10.000) jɛjí e Timɔtée jó nyi fí énɛ́ é cɔ́ wɛ è ɖe ganjí é. 20Judáa má ahwan tɔn lɛ́ɛ sonu sonu, bó sɔ́ ahwangán ɖó gɔnu ɖokpó ɖokpó nu. Énɛ́ gúdo ɔ́, é jɛ Timɔtée e ɖó ahwanfuntɔ́ yi adɔ̌kpo ayizɛ́n (120.000) mɔ̌, bɔ sɔ́xátɔ́ yi afɔwó afɔwe kanwe ko (2.500), bo ɖo kpɔ́ xá ɛ é gúdo.
21Ée Timɔtée se ɖɔ Judáa ɖo sisɛyá wɛ ɔ́, é sɔ́ nyɔ̌nu lɛ́ɛ kpó yɔkpɔ́vú lɛ́ɛ kpó, kpódó agban lɛ́ɛ kpán yi hwlá ɖó Kaanayímu toxo mɛ. Kaanayímu fínɛ́ ná yi ɔ́ ná vɛ́ wǔ tawun, ɖó ali lɛ́ɛ bǐ wɛ sóbwé. 22Ée ahwanfuntɔ́ Judáa tɔn nukɔntɔn lɛ́ɛ wá ɔ́, xɛsi jɛ kɛntɔ́ lɛ́ɛ jí. Yě kó kú dó te. Nǔgbó ɔ́, Mawu e nɔ mɔ nǔ bǐ ɔ́ wɛ ɖe éɖée xlɛ́ yě, bɔ yě nɔ́ hɔn gbɔn fí bǐ káká bɔ ahwanlyánnú yě ɖésúnɔ tɔn lɛ́ɛ wɛ nɔ gblé wǔ yěɖée bó nɔ́ hu yě. 23Judáa jɛ adǎnúwatɔ́ nɛ́ lɛ́ɛ gúdo nukún myámyá, bó ná hu yě. Bɔ é hu gbɛtɔ́ ɖibla yi adɔ̌kpo ɖě děgba we afɔwó (30.000). 24Sɔ́ja Dozitée kpódó Sozipatɛ́ɛ tɔn lɛ́ɛ kpán wlí Timɔtée ɖésúnɔ. Lo ɔ́, é zán bǐbí sín ayi dó sa vo nú yě ɖɔ yě ni jó émí dó, bó má wa nǔ nyanya ɖé nú émí ó. É lɛ́ ɖɔ nú yě ɖɔ mɛ gěgé ɖo yě mɛ, bɔ hɛ̌nnumɔ yětɔn, alǒ nɔví yětɔn lɛ́ɛ ɖo acɛ émí tɔn mɛ, bɔ é nyí nǔɖé wa émí ɔ́, è sixú hu yě. 25Ée yě dɔn nǔ káká ɔ́, Timɔtée dó akpá ɖɔ émí ná jó mɛ yětɔn lɛ́ɛ nú yě, bɔ Jwifu lɛ́ɛ jó e dó, bó ná dó hwlɛ́n nɔví yětɔn lɛ́ɛ gán.
26Énɛ́ gúdo ɔ́, Judáa yi cyɔ́n alɔ Kaaninyɔ́ɔ toxo ɔ́ kpódó nɔtɛn mímɛ́ tɔn e ɖo nǔmɛsɛn Ataagatísi sín kannu é kpán jí. Ɖo fínɛ́ ɔ́, é hu gbɛtɔ́ adɔ̌kpo ɖě děgba ɖě afatɔ́n (25.000).
Judáa yi Jeluzalɛ́mu kpó ɖuɖéjí kpó
27Ée Judáa ɖu ɖo kɛntɔ́ lɛ́ɛ jí, bó kíjá yě gúdo ɔ́, é yi tɔ́n ahwan Eflɔ́n; toxo ɖé wɛ bɔ è nɔ cɔ́ ganjí, bɔ Liziyási kpódó akɔjɔkplé ɖé lɛ́ɛ kpán nɔ́ nɔ mɛ. Dɔ̌nkpɛvú asúká ɖé lɛ́ɛ wɛ è fɔ ɖó ahohó toxo ɔ́ tɔn lɛ́ɛ nukɔn, bɔ yě nɔ́ fun ahwan kpó akɔ́nkpinkpan kpó. Ahwanfunfun sín mɔ gěgé kpódó ahwanlyánnú ɖaxó ɖaxó lɛ́ɛ kpán wɛ è fɔ ɖó fínɛ́. 28Amɔ̌, Jwifu lɛ́ɛ xomlá Nǔbǐwúkpétɔ́ e nɔ sɔ́ nǔwúkpíkpé tɔn dó gba hlɔ̌nhlɔ́n kɛntɔ́ lɛ́ɛ tɔn dó ná é. Yě kpé wú bó yí toxo ɔ́, bó hu gbɛtɔ́ adɔ̌kpo ɖě děgba ɖě afatɔ́n (25.000) mɔ̌, ɖo yě mɛ e nɔ jɛ ahwan to ɔ́ jí lɛ́ɛ mɛ.
29Énɛ́ gúdo ɔ́, yě gosín fínɛ́, bó yi tɔ́n ahwan Sitopolisi toxo e ɖo kilomɛ́tlu kanwe gban (110) dó Jeluzalɛ́mu é. 30Lo ɔ́, Jwifu e ɖo fínɛ́ lɛ́ɛ ɖe kúnnu nú Sitopolisinu lɛ́ɛ ɖɔ yě nyɔ́ xomɛ dó émí wú, bó yí émí ganjí hwenu e adǎn ɖo émí gbo wɛ é. 31Énɛ́ wú ɔ́, Judáa kpódó mɛ tɔn lɛ́ɛ kpán dó gbe tɔn nú yě bó byɔ́ ɖɔ yě ni nɔ nyɔ́ xomɛ dó Jwifu togun ɔ́ wú gbɔn mɔ̌ hwe ɖěvo nu. Bɔ yě lɛ́ kɔ wá Jeluzalɛ́mu; Pantekótuxwe ɔ́ ko sɛkpɔ́ nɛ́.
Judáa ɖu ɖo Gɔjiyasi jí
32 Ée yě ɖu Pantekótuxwe ɔ́ gúdo ɔ́, Judáa kpódó mɛ tɔn lɛ́ɛ kpó tɔ́n ahwan Gɔjiyasi, Idumɛ́ɛ sín nukɔntɔ́ ɔ́. 33Éyɛ́ hɛn sɔ́ja e nɔ zɔn afɔ é afɔwó-afatɔ́n (3.000) kpódó sɔ́xátɔ́ afɔwe (400) kpán, bó wá kpé yě. 34Yě jɛ ahwan fun jí, bó hu Jwifu gěgé. 35Dozitée, Bakenɔ́ɔ sín ahwanfuntɔ́ tasyɛ́ntɔ́ ɖokpó wlí Gɔjiyasi. É wló awu dó kɔ n'i, bó dɔn ɛ kpó hlɔ̌nhlɔ́n kpán. É ba ná wlí mɛdídá nɛ́ ɔ́ gbɛɖe gbɛɖe. Lo ɔ́, Tlási sín ahwanfuntɔ́ ɖokpó zɔn jǐ tɔn bó sɛ́n awa n'i. Gɔjiyasi ka hɔn yi Malisa toxo mɛ.
36Ɛsidliyási kpódó mɛ tɔn lɛ́ɛ kpán ɖo ahwan fun wɛ káká bɔ agbɔ̌n wá kpé yě, bɔ yě kú. Judáa gbɔ bo sú xó ylɔ́ Aklúnɔ ɖɔ: “Hwi wɛ nyí ahwangán mǐtɔn, ɖe xlɛ́ ɖɔ a ɖo ahwan fun nú mǐ wɛ!” 37Énɛ́ gúdo ɔ́, é dó ahwan sín acagbe ɖé dó tɔ́gbó yětɔn lɛ́ɛ sín gbe mɛ, bó dó han d'é jí. É yi fyán Gɔjiyasi sín sɔ́ja lɛ́ɛ, bó gba yě dó.
Judáa sá vɔ̌ dó mɛkúkú lɛ́ɛ tamɛ
38Judáa kplé ahwan tɔn lɛ́ɛ, bɔ yě ɖidó Adulámu. Ahwan ɔ́ kó fó nɛ́. Gbɔjɛzán Jwifu lɛ́ɛ tɔn ɖo na bɛ́ wɛ. Yě bló yěɖée ɖó lě e sɛ́n ɔ́ zɔ́n gbɔn ɔ́, bó ɖu gbɔjɛzán ɔ́ ɖo fínɛ́.
39Ayǐhɔ́ngbe tɔn ɔ́, Judáa sín mɛ lɛ́ɛ yi Jwifu e kú ɖo ahwangbénu lɛ́ɛ sín cyɔ fɔ gbé. É ɖó ná bló mɔ̌ ɖo yǐyá jí. Yě jlǒ ná ɖi yě kpó mɛ yětɔn lɛ́ɛ kpó ɖo hɛ̌nnu yětɔn lɛ́ɛ sín yɔ mɛ; 40 Lo ɔ́, yě mɔ nǔmɛsɛn Jamuniya tɔn lɛ́ɛ sín nǔ ɖo awu mɛ nú yě. Sɛ́n yětɔn ká gbɛ́ ɖɔ è kún ná hɛn nǔ nɛ́ lɛ́ɛ ó. Mɛ lɛ́ɛ mɔ kú e hu mɛ énɛ́ lɛ́ɛ é gannaganna. 41Yě bǐ dó han bó xomlá Ajalɔ̌nlɔn Hwɛjlɔ́jlɔ́ɖɔtɔ́ e nɔ ɖe nǔ e ɖo hwlǎhwlá lɛ́ɛ xlɛ́ é. 42Yě sa vo n'i ɖɔ é ní sɔ́ nǔ e è wa nyi do ɔ́ kɛ mɛ bǐ dégbédégbé. Énɛ́ gúdo ɔ́, Judáa, ahwanfuntɔ́ gláglá ɔ́ ɖɔ xó nú ahwangɔnu tɔn lɛ́ɛ. Ɖokpó ɖokpó yětɔn mɔ nǔ e xá mɛ e kú ɖó manyɔ́wa yětɔn wú lɛ́ɛ é. É ná akɔ́nkpinkpan yě, bó kplɔ́n nǔ yě ɖɔ yě ni má sɔ́ jɛ hwɛ mɔ̌hun ɖě mɛ ó.
43Judáa cyán akwɛ́ kplé ɖo sɔ́ja tɔn lɛ́ɛ sí bɔ é yi gankwɛ́ afɔwó (2.000). É sɛ́ akwɛ́ nɛ́ ɔ́ dó Jeluzalɛ́mu, bónú è nǎ sá vɔ̌, bó byɔ́ sísɔ́ kɛ nú hwɛ énɛ́ ɔ́. Judáa wa nǔ ɖagbe mɔ̌ hǔn ɖó é ɖi ɖɔ mɛkúkú lɛ́ɛ ná fɔ́n. 44Nǔgbó ɔ́, nú é má ɖó nukún ɖɔ gbe ɖokpó ɔ́, sɔ́ja nɛ́ lɛ́ɛ ná fɔ́n ǎ ɔ́, ɖɛ xo dó mɛkúkú lɛ́ɛ tamɛ ná nɔ nǔɖé li nu ǎ, lobo ka ná lɛ́ ɖó tínmɛ ɖé ǎ. 45Amɔ̌, Judáa gán jɛ nǔ ɖokpó wú: Mɛ e nɔ gbejí nú Aklúnɔ, bó kú ɔ́ ná mɔ ajɔ ɖagbe. Nǔɖiɖi e ɖó ná nɔ ɖo mɛ e nyí Mawu sín xɔ́ntɔn ɔ́ sín ayi mɛ é nɛ́. Énɛ́ wú wɛ é zɔ́n ɖɔ è sá vɔ̌ dó mɛkúkú lɛ́ɛ ta mɛ, bónú yě ná mɔ hwɛ yětɔn sín sísɔ́ kɛ yí.
Currently Selected:
2 Makabée 12: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 12
12
Judáa ba hlɔn nú Jwifu Jopée tɔn lɛ́ɛ kpó Jamuniya tɔn lɛ́ɛ kpó
1Ée Jwifu lɛ́ɛ kpó Liziyási kpó mɔ nǔ jɛ yěɖée gbe mɛ ɔ́, Liziyási lɛ́ kɔ yi axɔ́sú ɔ́ gɔ́n, bɔ Jwifu lɛ́ɛ lɛ́ vɔ́ jɛ gle yětɔn lɛ jí. 2Lo ɔ́, ɖo gǎn e ɖo gbě nɛ́ jí lɛ́ɛ mɛ ɔ́, Timɔtée kpódó Apoloniwúsi, Gɛnnɛwúsi ví ɔ́ kpó, Hiyelɔnimu kpó, Dɛmɔfɔ́n kpó, kpódó Nikanɔ́ɔ, ahwangán kannɔ Cíplu tɔn lɔmɔ̌ kpán sɔ́ ná gbɔjɛ ɖěbǔ Jwifu lɛ́ɛ nú yě ná nɔ fífá mɛ ǎ.
3Jopéenu lɛ́ɛ dó nǔ baɖabaɖa ɖé sin. Yě vlɛ́ mɛ e ná zun xɔ́ntɔn xá Jwifu e ɖo toxo yětɔn mɛ lɛ́ɛ é. Yě da yě, asi yětɔn lɛ́ɛ kpódó vǐ yětɔn lɛ́ɛ kpán, nú yě ná ɖi sa gbɔn xu jí ɖo tɔjíhún e yědɛɛ lɛ́ɛ ɖésú bló é mɛ. 4Jwifu lɛ́ɛ bǐ wɛ yí gbe, ɖó toxo ɔ́ bǐ wɛ ɖe gbetakɛ́n ɔ́ tɔ́n. Yě ba ná xlɛ́ ɖɔ émí jló ná nɔ ayi j'ayǐ mɛ, ma sɔ́ nɔ síja jí. Lo ɔ́, ée yě jɛ xuzan mɛ ɔ́, Jopéenu lɛ́ɛ dó yě tɔ. Yě hwedó gbɛtɔ́ afɔɖé (200) wú ǎ.
5Ée Judáa se alǎnnú baɖabaɖa nɛ́ e è wa xá togun tɔn é ɔ́, é kplé mɛ tɔn lɛ́ɛ. 6É sa vo nú Mawu Hwɛjlɔ́jlɔ́ɖɔtɔ́ ɔ́, bó yi tɔ́n ahwan mɛ e hu nɔví tɔn lɛ́ɛ é. Zǎn mɛ ɔ́, é dó zohúnglíntɛn ɔ́ kpó tɔjíhún lɛ́ɛ kpán zo, bó zɔ́n bɔ è hu mɛ e wá hɔn bɛ ɖo fínɛ́ lɛ́ɛ. 7Yě sú toxo ɔ́ sín hɔn lɛ́ɛ. Judáa ka yi, bó tunwun ɖɔ émí ná lɛ́ kɔ wá ɖo malín málín mɛ, bó ná hu Jopéenu lɛ́ɛ bǐ.
8É se ɖɔ Jamuniyanu lɛ́ɛ jló ná hu Jwifu e ɖo to yětɔn mɛ lɛ́ɛ lě e é bló gbɔn ɖo Jopée é ɖɔhun. 9É yi tɔ́n ahwan Jamuniyanu lɛ́ɛ ɖo zǎn mɛ. É dó zohúnglíntɛn ɔ́ kpó tɔjíhún lɛ́ɛ kpán zo. È mɔ myɔ ɔ́ sín ɖiɖi ɖo káká Jeluzalɛ́mu ɖo kilomɛ́tlu kanɖé atɔ́ɔ́n (45) mɔ̌ dó fínɛ́.
Judáa yí Kasifóo toxo ɔ́
10Énɛ́ gúdo ɔ́, Judáa kpódó mɛ tɔn lɛ́ɛ kpán gosín Jamuniya, bó ná fun ahwan xá Timɔtée. Kilomɛ́tlu we mɔ̌ jɛ́n yě ɖe dó Jamuniya. Hwenɛ́nu ɔ́, ahwanfuntɔ́ Alabu děgba ɖě afatɔ́n (5.000) mɔ̌ tɔ́n ahwan yě, bɔ sɔ́xátɔ́ afɔwe kanwe ko (500) wá dó alɔ yě. 11Ahwan ɔ́ bɛ́ kpó zǐngídi kpó, lo ɔ́, ɖo Mawu nyǐkɔ mɛ ɔ́, sɔ́ja Judáa tɔn lɛ́ɛ ɖu ɖ'é jí. Ée Alabu e ma ɖó nɔtɛn tawun ǎ lɛ́ɛ mɔ ɖɔ ahwan ɔ́ kún kpa émí ó ɔ́, yě ba ná gbɔ kɛn xá Judáa. Yě dó akpá ɖɔ émí na ná kanlinhwan émítɔn lɛ́ɛ ɖě Jwifu lɛ́ɛ, bó na nɔ kan yětɔn nu. 12Judáa mɔ ɖɔ yě hɛn ɔ́, yě ná nɔ nǔɖé li nu nú émí; énɛ́ wútu ɔ́, é yí gbe bó ná gbɔ kɛn xá yě. Ée yě mɔ nǔ jɛ yěɖée gbe mɛ gúdo ɔ́, Alabu lɛ́ɛ ɖidó goxɔ yětɔn lɛ́ɛ mɛ.
13Judáa lɛ́ vɔ́ tɔ́n ahwan toxo e è nɔ ylɔ́ ɖɔ Kasipini, bɔ è mɛ ahohó lɛ́ lɛ̌ dó, bó nɔ́ cɔ́ ganjí é. Akɔjɔkplé toxo wɛ. 14Yě gǎn jɛ lě e ahohó yětɔn lɛ́ɛ syɛ́n gbɔn é kpódó agɔ̌ yětɔn lɛ́ɛ kpán wú, bó ná dó gló nǔ. Yě nylá nu dó Judáa kpódó ahwan tɔn lɛ́ɛ kpán wú. Énɛ́ víví hwedó yě, bɔ yě lɛ́ zun yě, bó ɖɔ xó e è ma sixú lɛ́ vɔ́ ɖɔ ǎ ɖé lɛ́ɛ dó cá Mawu ko. 15Lo ɔ́, Judáa kpódó ahwan tɔn lɛ́ɛ kpán xomlá Gbɛɖótɔ́ e zin Jeliko sín ahohó lɛ́ɛ dɛ́, ɖo Jozuwée hwenu asígbá alɔgbá é. Énɛ́ gúdo ɔ́, yě bɔ nǔ nyi toxo ɔ́ sín dǒ lɛ́ɛ wú gběkanlin ɖɔhun. 16Bɔ ée Mawu jló é ɔ́, yě yí toxo ɔ́. Yě hu mɛ káká bɔ tɔ e ɖo akpá yětɔn bɔ gbló tɔn yi nǔjlɛ́kpo afɔwe (400) ɔ́ cí ɖɔ é gɔ́ nú hun ɖɔhun.
Judáa ɖu ɖo ahwan jí
17Judáa kpódó ahwan tɔn lɛ́ɛ kpán gosín Kasipini. Yě zun zɔnlin kilomɛ́tlu kantɔn ko (140), bó wá Kalaxi fí e cɔ́ wɛ è ɖe ganjí é ɖo Jwifu e è nɔ ylɔ́ ɖɔ Tubíinu lɛ́ɛ gɔ́n. 18Yě sɔ́ mɔ Timɔtée ɖo xá nɛ́ ɔ́ mɛ ǎ. É yi, ɖó é kpé nǔɖé wú bó wa ǎ, lo ɔ́, é jó sɔ́ja kpódó ahwanlyánnú yětɔn lɛ́ɛ kpán dó ɖo fí ɖé. 19Dozitée kpódó Sozipatɛ́ɛ ahwangán Judáa Makabée tɔn we kpó tɔ́n ahwan yě. Yě hu sɔ́ja děgba we afɔwó (10.000) jɛjí e Timɔtée jó nyi fí énɛ́ é cɔ́ wɛ è ɖe ganjí é. 20Judáa má ahwan tɔn lɛ́ɛ sonu sonu, bó sɔ́ ahwangán ɖó gɔnu ɖokpó ɖokpó nu. Énɛ́ gúdo ɔ́, é jɛ Timɔtée e ɖó ahwanfuntɔ́ yi adɔ̌kpo ayizɛ́n (120.000) mɔ̌, bɔ sɔ́xátɔ́ yi afɔwó afɔwe kanwe ko (2.500), bo ɖo kpɔ́ xá ɛ é gúdo.
21Ée Timɔtée se ɖɔ Judáa ɖo sisɛyá wɛ ɔ́, é sɔ́ nyɔ̌nu lɛ́ɛ kpó yɔkpɔ́vú lɛ́ɛ kpó, kpódó agban lɛ́ɛ kpán yi hwlá ɖó Kaanayímu toxo mɛ. Kaanayímu fínɛ́ ná yi ɔ́ ná vɛ́ wǔ tawun, ɖó ali lɛ́ɛ bǐ wɛ sóbwé. 22Ée ahwanfuntɔ́ Judáa tɔn nukɔntɔn lɛ́ɛ wá ɔ́, xɛsi jɛ kɛntɔ́ lɛ́ɛ jí. Yě kó kú dó te. Nǔgbó ɔ́, Mawu e nɔ mɔ nǔ bǐ ɔ́ wɛ ɖe éɖée xlɛ́ yě, bɔ yě nɔ́ hɔn gbɔn fí bǐ káká bɔ ahwanlyánnú yě ɖésúnɔ tɔn lɛ́ɛ wɛ nɔ gblé wǔ yěɖée bó nɔ́ hu yě. 23Judáa jɛ adǎnúwatɔ́ nɛ́ lɛ́ɛ gúdo nukún myámyá, bó ná hu yě. Bɔ é hu gbɛtɔ́ ɖibla yi adɔ̌kpo ɖě děgba we afɔwó (30.000). 24Sɔ́ja Dozitée kpódó Sozipatɛ́ɛ tɔn lɛ́ɛ kpán wlí Timɔtée ɖésúnɔ. Lo ɔ́, é zán bǐbí sín ayi dó sa vo nú yě ɖɔ yě ni jó émí dó, bó má wa nǔ nyanya ɖé nú émí ó. É lɛ́ ɖɔ nú yě ɖɔ mɛ gěgé ɖo yě mɛ, bɔ hɛ̌nnumɔ yětɔn, alǒ nɔví yětɔn lɛ́ɛ ɖo acɛ émí tɔn mɛ, bɔ é nyí nǔɖé wa émí ɔ́, è sixú hu yě. 25Ée yě dɔn nǔ káká ɔ́, Timɔtée dó akpá ɖɔ émí ná jó mɛ yětɔn lɛ́ɛ nú yě, bɔ Jwifu lɛ́ɛ jó e dó, bó ná dó hwlɛ́n nɔví yětɔn lɛ́ɛ gán.
26Énɛ́ gúdo ɔ́, Judáa yi cyɔ́n alɔ Kaaninyɔ́ɔ toxo ɔ́ kpódó nɔtɛn mímɛ́ tɔn e ɖo nǔmɛsɛn Ataagatísi sín kannu é kpán jí. Ɖo fínɛ́ ɔ́, é hu gbɛtɔ́ adɔ̌kpo ɖě děgba ɖě afatɔ́n (25.000).
Judáa yi Jeluzalɛ́mu kpó ɖuɖéjí kpó
27Ée Judáa ɖu ɖo kɛntɔ́ lɛ́ɛ jí, bó kíjá yě gúdo ɔ́, é yi tɔ́n ahwan Eflɔ́n; toxo ɖé wɛ bɔ è nɔ cɔ́ ganjí, bɔ Liziyási kpódó akɔjɔkplé ɖé lɛ́ɛ kpán nɔ́ nɔ mɛ. Dɔ̌nkpɛvú asúká ɖé lɛ́ɛ wɛ è fɔ ɖó ahohó toxo ɔ́ tɔn lɛ́ɛ nukɔn, bɔ yě nɔ́ fun ahwan kpó akɔ́nkpinkpan kpó. Ahwanfunfun sín mɔ gěgé kpódó ahwanlyánnú ɖaxó ɖaxó lɛ́ɛ kpán wɛ è fɔ ɖó fínɛ́. 28Amɔ̌, Jwifu lɛ́ɛ xomlá Nǔbǐwúkpétɔ́ e nɔ sɔ́ nǔwúkpíkpé tɔn dó gba hlɔ̌nhlɔ́n kɛntɔ́ lɛ́ɛ tɔn dó ná é. Yě kpé wú bó yí toxo ɔ́, bó hu gbɛtɔ́ adɔ̌kpo ɖě děgba ɖě afatɔ́n (25.000) mɔ̌, ɖo yě mɛ e nɔ jɛ ahwan to ɔ́ jí lɛ́ɛ mɛ.
29Énɛ́ gúdo ɔ́, yě gosín fínɛ́, bó yi tɔ́n ahwan Sitopolisi toxo e ɖo kilomɛ́tlu kanwe gban (110) dó Jeluzalɛ́mu é. 30Lo ɔ́, Jwifu e ɖo fínɛ́ lɛ́ɛ ɖe kúnnu nú Sitopolisinu lɛ́ɛ ɖɔ yě nyɔ́ xomɛ dó émí wú, bó yí émí ganjí hwenu e adǎn ɖo émí gbo wɛ é. 31Énɛ́ wú ɔ́, Judáa kpódó mɛ tɔn lɛ́ɛ kpán dó gbe tɔn nú yě bó byɔ́ ɖɔ yě ni nɔ nyɔ́ xomɛ dó Jwifu togun ɔ́ wú gbɔn mɔ̌ hwe ɖěvo nu. Bɔ yě lɛ́ kɔ wá Jeluzalɛ́mu; Pantekótuxwe ɔ́ ko sɛkpɔ́ nɛ́.
Judáa ɖu ɖo Gɔjiyasi jí
32 Ée yě ɖu Pantekótuxwe ɔ́ gúdo ɔ́, Judáa kpódó mɛ tɔn lɛ́ɛ kpó tɔ́n ahwan Gɔjiyasi, Idumɛ́ɛ sín nukɔntɔ́ ɔ́. 33Éyɛ́ hɛn sɔ́ja e nɔ zɔn afɔ é afɔwó-afatɔ́n (3.000) kpódó sɔ́xátɔ́ afɔwe (400) kpán, bó wá kpé yě. 34Yě jɛ ahwan fun jí, bó hu Jwifu gěgé. 35Dozitée, Bakenɔ́ɔ sín ahwanfuntɔ́ tasyɛ́ntɔ́ ɖokpó wlí Gɔjiyasi. É wló awu dó kɔ n'i, bó dɔn ɛ kpó hlɔ̌nhlɔ́n kpán. É ba ná wlí mɛdídá nɛ́ ɔ́ gbɛɖe gbɛɖe. Lo ɔ́, Tlási sín ahwanfuntɔ́ ɖokpó zɔn jǐ tɔn bó sɛ́n awa n'i. Gɔjiyasi ka hɔn yi Malisa toxo mɛ.
36Ɛsidliyási kpódó mɛ tɔn lɛ́ɛ kpán ɖo ahwan fun wɛ káká bɔ agbɔ̌n wá kpé yě, bɔ yě kú. Judáa gbɔ bo sú xó ylɔ́ Aklúnɔ ɖɔ: “Hwi wɛ nyí ahwangán mǐtɔn, ɖe xlɛ́ ɖɔ a ɖo ahwan fun nú mǐ wɛ!” 37Énɛ́ gúdo ɔ́, é dó ahwan sín acagbe ɖé dó tɔ́gbó yětɔn lɛ́ɛ sín gbe mɛ, bó dó han d'é jí. É yi fyán Gɔjiyasi sín sɔ́ja lɛ́ɛ, bó gba yě dó.
Judáa sá vɔ̌ dó mɛkúkú lɛ́ɛ tamɛ
38Judáa kplé ahwan tɔn lɛ́ɛ, bɔ yě ɖidó Adulámu. Ahwan ɔ́ kó fó nɛ́. Gbɔjɛzán Jwifu lɛ́ɛ tɔn ɖo na bɛ́ wɛ. Yě bló yěɖée ɖó lě e sɛ́n ɔ́ zɔ́n gbɔn ɔ́, bó ɖu gbɔjɛzán ɔ́ ɖo fínɛ́.
39Ayǐhɔ́ngbe tɔn ɔ́, Judáa sín mɛ lɛ́ɛ yi Jwifu e kú ɖo ahwangbénu lɛ́ɛ sín cyɔ fɔ gbé. É ɖó ná bló mɔ̌ ɖo yǐyá jí. Yě jlǒ ná ɖi yě kpó mɛ yětɔn lɛ́ɛ kpó ɖo hɛ̌nnu yětɔn lɛ́ɛ sín yɔ mɛ; 40 Lo ɔ́, yě mɔ nǔmɛsɛn Jamuniya tɔn lɛ́ɛ sín nǔ ɖo awu mɛ nú yě. Sɛ́n yětɔn ká gbɛ́ ɖɔ è kún ná hɛn nǔ nɛ́ lɛ́ɛ ó. Mɛ lɛ́ɛ mɔ kú e hu mɛ énɛ́ lɛ́ɛ é gannaganna. 41Yě bǐ dó han bó xomlá Ajalɔ̌nlɔn Hwɛjlɔ́jlɔ́ɖɔtɔ́ e nɔ ɖe nǔ e ɖo hwlǎhwlá lɛ́ɛ xlɛ́ é. 42Yě sa vo n'i ɖɔ é ní sɔ́ nǔ e è wa nyi do ɔ́ kɛ mɛ bǐ dégbédégbé. Énɛ́ gúdo ɔ́, Judáa, ahwanfuntɔ́ gláglá ɔ́ ɖɔ xó nú ahwangɔnu tɔn lɛ́ɛ. Ɖokpó ɖokpó yětɔn mɔ nǔ e xá mɛ e kú ɖó manyɔ́wa yětɔn wú lɛ́ɛ é. É ná akɔ́nkpinkpan yě, bó kplɔ́n nǔ yě ɖɔ yě ni má sɔ́ jɛ hwɛ mɔ̌hun ɖě mɛ ó.
43Judáa cyán akwɛ́ kplé ɖo sɔ́ja tɔn lɛ́ɛ sí bɔ é yi gankwɛ́ afɔwó (2.000). É sɛ́ akwɛ́ nɛ́ ɔ́ dó Jeluzalɛ́mu, bónú è nǎ sá vɔ̌, bó byɔ́ sísɔ́ kɛ nú hwɛ énɛ́ ɔ́. Judáa wa nǔ ɖagbe mɔ̌ hǔn ɖó é ɖi ɖɔ mɛkúkú lɛ́ɛ ná fɔ́n. 44Nǔgbó ɔ́, nú é má ɖó nukún ɖɔ gbe ɖokpó ɔ́, sɔ́ja nɛ́ lɛ́ɛ ná fɔ́n ǎ ɔ́, ɖɛ xo dó mɛkúkú lɛ́ɛ tamɛ ná nɔ nǔɖé li nu ǎ, lobo ka ná lɛ́ ɖó tínmɛ ɖé ǎ. 45Amɔ̌, Judáa gán jɛ nǔ ɖokpó wú: Mɛ e nɔ gbejí nú Aklúnɔ, bó kú ɔ́ ná mɔ ajɔ ɖagbe. Nǔɖiɖi e ɖó ná nɔ ɖo mɛ e nyí Mawu sín xɔ́ntɔn ɔ́ sín ayi mɛ é nɛ́. Énɛ́ wú wɛ é zɔ́n ɖɔ è sá vɔ̌ dó mɛkúkú lɛ́ɛ ta mɛ, bónú yě ná mɔ hwɛ yětɔn sín sísɔ́ kɛ yí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.