2 Makabée 11
11
Judáa ɖu ɖo Liziyási jí
1Liziyási, gǎn hɔn-yitɔ́ nukɔntɔn ɔ́, “axɔ́sú ɔ́ sín hɛ̌nnumɔ” wɛ; é ɖó nu ɖo axɔ́sú ɔ́ sín kplɔ́n yíyí mɛ. Nǔ énɛ́ e jɛ ɔ́ nyɔ́ nukún tɔn mɛ ɖěbǔ ǎ. Azǎn ɖé má jɛ ɔ́, 2é kplé gbɛtɔ́ ɖibla yi adɔ̌kpo ɛnɛ (80.000), sɔ́ lɛ́ɛ kpódó sɔ́xátɔ́ lɛ́ɛ kpán. Énɛ́ gúdo ɔ́, é wlí ali bó ná yi tɔ́n ahwan Jwifu lɛ́ɛ. É ɖo linlin wɛ ná sɔ́ Jeluzalɛ́mu dó húzú Glɛ̌sinu lɛ́ɛ sín toxo ná. 3É jló ɖɔ è ni yí takwɛ́ nú Sinsɛnxɔ ɔ́, ɖi lě e è nɔ bló gbɔn nú nɔtɛn mímɛ́ togun ɖě lɛ́ɛ tɔn é ɖɔhun. É lɛ́ jlǒ ná sa vɔ̌sánú-xwlémawutɔ́ ɖaxó nyínyí sín zinkpo xwe mɛ xwe mɛ. 4Liziyási ka ké ya nú Mawu sín nǔwúkpíkpé ɖěbǔ ǎ. É nyɔ́ wa ɔ́, é sɔ́ jiɖiɖe tɔn ɖó sɔ́ja afɔzɔntɔ́ wɔ̌buwɔ́bú tɔn lɛ́ɛ kpódó sɔ́xátɔ́ wɔ̌buwɔ́bú tɔn lɛ́ɛ kpódó ajinakú kanwe (80) tɔn lɛ́ɛ kpán wú. 5É byɔ́ Judáa gbé ɔ́ jí, bó wá Bɛti-Súu; Bɛti-Súu ɔ́, ahohó ɖé wɛ, bó ɖo kilomɛ́tlu koatɔ́n nukún atɔn (28) ɖo afɔligbé nú Jeluzalɛ́mu. Fínɛ́ wɛ é tɔ́n ahwan Jwifu lɛ́ɛ ɖe.
6Ée Judáa kpódó mɛ tɔn lɛ́ɛ kpán se ɖɔ Liziyási tɛ́ dó ahohó toxo ɔ́ tɔn lɛ́ɛ wú ɔ́, yě kplé togun ɔ́. Yě ɖo alě ná wɛ, bó ɖo avǐ ya wɛ dó byɔ́ Aklúnɔ ɖɔ é ní sɛ́ wɛnsagun tɔn ɖagbe ɔ́ dó nú é wá hwlɛ́n Izlayɛ́li gán. 7Judáa sɔ́ ahwanlyánnú jɛ nukɔn, bó ná akɔ́nkpinkpan mɛ ɖé lɛ́ɛ ɖɔ yě ni wá nɔ kpɔ́ xá émí, bó ná dó ɖu ɖo adǎngbomɛ e fyán yě ɔ́ jí, bó ná dó alɔ togun yětɔn sín mɛ lɛ́ɛ. Yě bǐ jɛ ali zɛ̌ɛ́n kpó wǔyíyá kpán.
8Yě ko lín dó Jeluzalɛ́mu vo ɖé ǎ, bó mɔ sɔ́xátɔ́ ɖé, bɔ é dó awu wěwé, bó ɖo adǎn wá wɛ kpódó ahwanlyánnú siká tɔn ɖé kpán. 9Yě bǐ ɖó gbe kpɔ́ bó jɛ kú dó nú Mawu jí, ɖó xomɛnyínyɔ́ tɔn wútu. Nǔ nɛ́ ɔ́ ná yě akɔ́nkpinkpan titewungbe bɔ yě sɔ́ gbɛ́ nǔɖé ǎ, ɖó yě ɖo gbesisɔ mɛ bó ná sɔ́ hwǐ gbɛtɔ́ lɛ́ɛ kpó kanlin baɖabaɖa lɛ́ɛ kpó bó ná lɛ́ tɔ́n ahohó ɖaxó e è sɔ́ gan dó bló é. 10Aklúnɔ kú nǔbláwǔ nú yě. Alɔdó mɛ sɔ́xátɔ́ nɛ́ ɔ́ e gosín jǐxwé ɔ́ tɔn zɔ́n bɔ yě ɖo nukɔn yi wɛ lyɛ̌ngbe lyɛ̌ngbe ma ɖi xɛsi. 11Bɔ énɛ́ gúdo ɔ́, ɖi kinnikínní ɖɔhun ɔ́, yě dlɔ́n kpé kɛntɔ́ lɛ́ɛ. Yě zin sɔ́ja afɔzɔntɔ́ děgba we afɔwó-afatɔ́n (11.000) dɛ́ kpódó sɔ́xátɔ́ afɔ tántɔn (1.600) kpán, bó dó afɔ wezun mɛ nú mɛ e kpo lɛ́ɛ é. 12Mɛ e hɔn lɛ́ɛ bǐ wɛ yí akpa dó wǔ, bó yi ahwanlyánnú mɛvo. Liziyási ɖésúnɔ gbɔ bó hɔn, kpó winnyá kpó cóbó ná sixú hwlɛ́n éɖée gán.
Liziyási gbɔ kɛn xá Jwifu lɛ́ɛ
13Có, Liziyási nɛ́ ɔ́, ayi tɔn gɔn sísɛ́ ǎ. É lin tamɛ dó afɔkú e kpé é ɔ́ wú. Bɔ é mɔ nǔ jɛ wǔ ɖɔ è kún sixú ɖu ɖo Jwifu lɛ́ɛ sín togun ɔ́ jí ó, ɖó Mawu Nǔbǐwúkpétɔ́ wɛ ɖo ahwan fun nú yě wɛ. Liziyási gbɔ bó sɛ́ mɛ dó 14bó byɔ́ Jwifu lɛ́ɛ ɖɔ yě ná gbɔ kɛn ɖó hwɛjijɔ jí. É lɛ́ dó akpá nú yě ɖɔ émí ná zín axɔ́sú ɔ́ jí, bɔ é ná húzú xɔ́ntɔn yětɔn. 15Judáa e nyɔ̌ná mɛ bǐ tɔn myá nukún ná ɔ́, yí gbe nú xó e Liziyási ɖɔ é bǐ. Axɔ́sú ɔ́ lɔ yí gbe nú nǔ e Jwifu lɛ́ɛ byɔ́, bɔ Judáa wlán yě dó wěma mɛ, bó sɛ́ dó Liziyási lɛ́ɛ é bǐ.
Liziyási wlán wěma ɖokpó sɛ́ dó Jwifu lɛ́ɛ
16Wěma e Liziyási wlán sɛ́ dó Jwifu lɛ́ɛ é ɖíe:
“Liziyási dó gbe Jwifu lɛ́ɛ sín togun ɔ́.
17“Mɛɖesɛ́dó mitɔn Jǎan kpódó Abusalɔ́mu kpán zé wěma mitɔn nú mì. Nǔ e mi xwlé mì lɛ́ɛ ɔ́, yě byɔ́ ɖɔ má ná sin tɔn. 18Nǔ e un ɖó ná sɔ́ xwlé axɔ́sú é ɔ́, un xwlé bǐ i, bɔ é yí gbe nú éé é hɛn ɔ́, é ná bló é. 19Nú mi kpo ɖo kɔnɖókpɔ́ mɛ xá acɛkpikpa ɔ́ hǔn, un ná tɛ́nkpɔ́n bó ná wa azɔ̌ nú togun mitɔn sín nyɔ̌ná. 20Nú xó e má ɖo tají ǎ lɛ́ɛ ɔ́, un jó mɛsɛ́dó mitɔn kpódó mɛ ce lɛ́ɛ kpán dó, bɔ yě ná lin tamɛ d'é wú.
21“Un dó gbe mi taala. È wlǎn wěma élɔ́ ɖo xwe kantɔn koatɔ́n nukún atɔngɔ́ ɔ́ (148) mɛ, ɖo azǎn ko nukún ɛnɛgɔ́ ɔ́ e ɖo Diwɔsikɔ́ɔ sín sun mɛ é gbe.”
Axɔ́sú Antiyokúsi Epatɔ́ɔ wlán wěma sɛ́ dó Liziyási kpó Jwifu lɛ́ɛ kpó
22Wěma e axɔ́sú ɔ́ wlán sɛ́ dó Liziyási ɔ́ ɖíe: “Axɔ́sú Antiyokúsi ɖo gbe dó nɔví tɔn Liziyási wɛ.
23“Sín hwenu e tɔ́ ce yi Mawu mɛ ɔ́, un ba nú mɛ e ɖo axɔ́súɖuto ce mɛ lɛ́ɛ ní kpé nukún nǔ yětɔn lɛ́ɛ wú, bónú ayi yětɔn ní j'ayǐ. 24Lo ɔ́, un se ɖɔ Jwifu lɛ́ɛ gbɛ́ ɖɔ émí kún ná xwedó Glɛ̌sinu lɛ́ɛ sín hwɛndo lě e tɔ́ ce jló gbɔn é ó. Walɔ yětɔn kó nyɔ́ nú yě, bɔ yě byɔ́ acɛ bó ná se gbe nú sɛ́n yětɔn lɛ́ɛ. 25Un ba nú togun nɛ́ ɔ́ ɖésú ní nɔ fɛɛ mɛ. Un zɔ́n ɖɔ è ni jó Sinsɛnxɔ yětɔn nú yě bónú yě zán gbɛ lě e tɔ́gbó yětɔn lɛ́ɛ sín hwɛndo ɖɔ gbɔn é. 26Hǔn nǔ ganjí e a na wa ɔ́ ɖíe: A nǎ sɛ́ wɛnsagun ɖokpó dó nú é ná ɖɔ ayij'ayǐ sín jlǒ e un ɖó ɔ́ nú yě. Nú yě se xó nɛ́ e un ɖɔ ɔ́, yě ná ɖeji, bɔ ayi yětɔn ná j'ayǐ bɔ yě ná kpé nukún nǔ yětɔn lɛ́ɛ wú.”
27Wěma e axɔ́sú ɔ́ sɛ́ dó Jwifu lɛ́ɛ ɔ́ ɖíe: “Axɔ́sú Antiyokúsi ɖo gbe dó kplékplé tomɛxó lɛ́ɛ tɔn kpódó Jwifu ɖě lɛ́ɛ bǐ kpán wɛ.
28“Un ɖi ɖɔ mi ɖo ɖagbe. Nyi lɔ ɔ́ lanmɛ ce ɖo ganjí. 29Mɛnɛlasi ɖɔ nú mǐ ɖɔ mi jló ná lɛ́ kɔ yi to mitɔn mɛ, bó ná lɛ́ jɛ nukún kpé nǔwiwa mitɔn lɛ́ɛ wú jí. 30Hǔn, tódɔnnúmɛ ɖěbǔ ná ɖe nú mɛ e na lɛ́ kɔ yi xwé có azǎn gbangɔ́ (30) ɔ́ e ɖo Xantiki sín sun mɛ ɔ́ ná jɛ ǎ. 31Mi hɛn ɔ́, mi ná xwedó nǔwalɔ e kan nǔɖuɖu mitɔn kpódó sɛ́n mitɔn ɖěvo lɛ́ɛ kpán, lě e é kó nɔ nyí gbɔn ɖ'ayǐ xóxó é. Mɔ̌ ɖokpó ɔ́, nú mɛ ɖé ɖo mi mɛ bó wa nǔ nyi do ɖo manywɛ́ mɛ ɔ́, è ɖǒ ná dɔn tó tɔn n'i ǎ. 32Un sɛ́ Mɛnɛlasi ɖésú dó mi, nú é ná wá ɖe ayi ɖ'ayǐ nú mi.
33“Un dó gbe mi kpódó ayi ce bǐ kpán.”
“È wlǎn wěma élɔ́ ɔ́ ɖo xwe kantɔn koatɔ́n nukún atɔngɔ́ (148) ɔ́ mɛ, ɖo azǎn afɔtɔngɔ́ e ɖo Xantiki sun mɛ é.”
Hlɔ̌manu lɛ́ɛ wlán wěma sɛ́ dó Jwifu lɛ́ɛ
34Wěma e Hlɔ̌manu lɛ́ɛ wlán sɛ́ dó Jwifu lɛ́ɛ é ɖíe: “Kintusi Mɛmumiwusi kpódó Titusi Maniliwúsi kpó e nyí mɛɖesɛ́dó Hlɔ̌manu lɛ́ɛ tɔn lɛ́ɛ dó gbe Jwifu lɛ́ɛ.
35“Wěziza ní tíin, Mǐ yí gbe nú nǔ e sín acɛ Liziyási, ‘axɔ́sú ɔ́ sín hɛ̌nnumɔ’ ɔ́ ná mi é. 36Xó e é ɖɔ émí ná xwlé axɔ́sú ɔ́ lɛ́ɛ ɔ́, mǐ ɖo byɔ̌byɔ́ ɖo mi sí wɛ ɖɔ mi ni lin tamɛ dó yě wú, bó gbéjé yě kpɔ́n ganjí. Bó ka yá wǔ sɛ́ mɛ ɖokpó dó mǐ kpláwún, ɖó mǐ xwe Antiyɔ́ci. Bɔ lě e mi ná ɖɔ xó énɛ́ ɔ́ ɖo axɔ́sú ɔ́ gɔ́n gbɔn ɔ́ ná nyí le nú mi. 37Mɔ̌ ɖokpó ɔ́, mi yá wǔ sɛ́ ɖɛ̌mɛnu mitɔn lɛ́ɛ dó mǐ, nú mǐ lɔ ná tunwun linlin mitɔn.
38“Mǐ dó gbe mi taala.
“È wlǎn wěma élɔ́ ɖo xwe kantɔn koatɔ́n nukún atɔngɔ́ ɔ́ (148) mɛ, ɖo azǎn afɔtɔngɔ́ ɔ́ e ɖo Xantiki sín sun mɛ é gbe.”
Currently Selected:
2 Makabée 11: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 11
11
Judáa ɖu ɖo Liziyási jí
1Liziyási, gǎn hɔn-yitɔ́ nukɔntɔn ɔ́, “axɔ́sú ɔ́ sín hɛ̌nnumɔ” wɛ; é ɖó nu ɖo axɔ́sú ɔ́ sín kplɔ́n yíyí mɛ. Nǔ énɛ́ e jɛ ɔ́ nyɔ́ nukún tɔn mɛ ɖěbǔ ǎ. Azǎn ɖé má jɛ ɔ́, 2é kplé gbɛtɔ́ ɖibla yi adɔ̌kpo ɛnɛ (80.000), sɔ́ lɛ́ɛ kpódó sɔ́xátɔ́ lɛ́ɛ kpán. Énɛ́ gúdo ɔ́, é wlí ali bó ná yi tɔ́n ahwan Jwifu lɛ́ɛ. É ɖo linlin wɛ ná sɔ́ Jeluzalɛ́mu dó húzú Glɛ̌sinu lɛ́ɛ sín toxo ná. 3É jló ɖɔ è ni yí takwɛ́ nú Sinsɛnxɔ ɔ́, ɖi lě e è nɔ bló gbɔn nú nɔtɛn mímɛ́ togun ɖě lɛ́ɛ tɔn é ɖɔhun. É lɛ́ jlǒ ná sa vɔ̌sánú-xwlémawutɔ́ ɖaxó nyínyí sín zinkpo xwe mɛ xwe mɛ. 4Liziyási ka ké ya nú Mawu sín nǔwúkpíkpé ɖěbǔ ǎ. É nyɔ́ wa ɔ́, é sɔ́ jiɖiɖe tɔn ɖó sɔ́ja afɔzɔntɔ́ wɔ̌buwɔ́bú tɔn lɛ́ɛ kpódó sɔ́xátɔ́ wɔ̌buwɔ́bú tɔn lɛ́ɛ kpódó ajinakú kanwe (80) tɔn lɛ́ɛ kpán wú. 5É byɔ́ Judáa gbé ɔ́ jí, bó wá Bɛti-Súu; Bɛti-Súu ɔ́, ahohó ɖé wɛ, bó ɖo kilomɛ́tlu koatɔ́n nukún atɔn (28) ɖo afɔligbé nú Jeluzalɛ́mu. Fínɛ́ wɛ é tɔ́n ahwan Jwifu lɛ́ɛ ɖe.
6Ée Judáa kpódó mɛ tɔn lɛ́ɛ kpán se ɖɔ Liziyási tɛ́ dó ahohó toxo ɔ́ tɔn lɛ́ɛ wú ɔ́, yě kplé togun ɔ́. Yě ɖo alě ná wɛ, bó ɖo avǐ ya wɛ dó byɔ́ Aklúnɔ ɖɔ é ní sɛ́ wɛnsagun tɔn ɖagbe ɔ́ dó nú é wá hwlɛ́n Izlayɛ́li gán. 7Judáa sɔ́ ahwanlyánnú jɛ nukɔn, bó ná akɔ́nkpinkpan mɛ ɖé lɛ́ɛ ɖɔ yě ni wá nɔ kpɔ́ xá émí, bó ná dó ɖu ɖo adǎngbomɛ e fyán yě ɔ́ jí, bó ná dó alɔ togun yětɔn sín mɛ lɛ́ɛ. Yě bǐ jɛ ali zɛ̌ɛ́n kpó wǔyíyá kpán.
8Yě ko lín dó Jeluzalɛ́mu vo ɖé ǎ, bó mɔ sɔ́xátɔ́ ɖé, bɔ é dó awu wěwé, bó ɖo adǎn wá wɛ kpódó ahwanlyánnú siká tɔn ɖé kpán. 9Yě bǐ ɖó gbe kpɔ́ bó jɛ kú dó nú Mawu jí, ɖó xomɛnyínyɔ́ tɔn wútu. Nǔ nɛ́ ɔ́ ná yě akɔ́nkpinkpan titewungbe bɔ yě sɔ́ gbɛ́ nǔɖé ǎ, ɖó yě ɖo gbesisɔ mɛ bó ná sɔ́ hwǐ gbɛtɔ́ lɛ́ɛ kpó kanlin baɖabaɖa lɛ́ɛ kpó bó ná lɛ́ tɔ́n ahohó ɖaxó e è sɔ́ gan dó bló é. 10Aklúnɔ kú nǔbláwǔ nú yě. Alɔdó mɛ sɔ́xátɔ́ nɛ́ ɔ́ e gosín jǐxwé ɔ́ tɔn zɔ́n bɔ yě ɖo nukɔn yi wɛ lyɛ̌ngbe lyɛ̌ngbe ma ɖi xɛsi. 11Bɔ énɛ́ gúdo ɔ́, ɖi kinnikínní ɖɔhun ɔ́, yě dlɔ́n kpé kɛntɔ́ lɛ́ɛ. Yě zin sɔ́ja afɔzɔntɔ́ děgba we afɔwó-afatɔ́n (11.000) dɛ́ kpódó sɔ́xátɔ́ afɔ tántɔn (1.600) kpán, bó dó afɔ wezun mɛ nú mɛ e kpo lɛ́ɛ é. 12Mɛ e hɔn lɛ́ɛ bǐ wɛ yí akpa dó wǔ, bó yi ahwanlyánnú mɛvo. Liziyási ɖésúnɔ gbɔ bó hɔn, kpó winnyá kpó cóbó ná sixú hwlɛ́n éɖée gán.
Liziyási gbɔ kɛn xá Jwifu lɛ́ɛ
13Có, Liziyási nɛ́ ɔ́, ayi tɔn gɔn sísɛ́ ǎ. É lin tamɛ dó afɔkú e kpé é ɔ́ wú. Bɔ é mɔ nǔ jɛ wǔ ɖɔ è kún sixú ɖu ɖo Jwifu lɛ́ɛ sín togun ɔ́ jí ó, ɖó Mawu Nǔbǐwúkpétɔ́ wɛ ɖo ahwan fun nú yě wɛ. Liziyási gbɔ bó sɛ́ mɛ dó 14bó byɔ́ Jwifu lɛ́ɛ ɖɔ yě ná gbɔ kɛn ɖó hwɛjijɔ jí. É lɛ́ dó akpá nú yě ɖɔ émí ná zín axɔ́sú ɔ́ jí, bɔ é ná húzú xɔ́ntɔn yětɔn. 15Judáa e nyɔ̌ná mɛ bǐ tɔn myá nukún ná ɔ́, yí gbe nú xó e Liziyási ɖɔ é bǐ. Axɔ́sú ɔ́ lɔ yí gbe nú nǔ e Jwifu lɛ́ɛ byɔ́, bɔ Judáa wlán yě dó wěma mɛ, bó sɛ́ dó Liziyási lɛ́ɛ é bǐ.
Liziyási wlán wěma ɖokpó sɛ́ dó Jwifu lɛ́ɛ
16Wěma e Liziyási wlán sɛ́ dó Jwifu lɛ́ɛ é ɖíe:
“Liziyási dó gbe Jwifu lɛ́ɛ sín togun ɔ́.
17“Mɛɖesɛ́dó mitɔn Jǎan kpódó Abusalɔ́mu kpán zé wěma mitɔn nú mì. Nǔ e mi xwlé mì lɛ́ɛ ɔ́, yě byɔ́ ɖɔ má ná sin tɔn. 18Nǔ e un ɖó ná sɔ́ xwlé axɔ́sú é ɔ́, un xwlé bǐ i, bɔ é yí gbe nú éé é hɛn ɔ́, é ná bló é. 19Nú mi kpo ɖo kɔnɖókpɔ́ mɛ xá acɛkpikpa ɔ́ hǔn, un ná tɛ́nkpɔ́n bó ná wa azɔ̌ nú togun mitɔn sín nyɔ̌ná. 20Nú xó e má ɖo tají ǎ lɛ́ɛ ɔ́, un jó mɛsɛ́dó mitɔn kpódó mɛ ce lɛ́ɛ kpán dó, bɔ yě ná lin tamɛ d'é wú.
21“Un dó gbe mi taala. È wlǎn wěma élɔ́ ɖo xwe kantɔn koatɔ́n nukún atɔngɔ́ ɔ́ (148) mɛ, ɖo azǎn ko nukún ɛnɛgɔ́ ɔ́ e ɖo Diwɔsikɔ́ɔ sín sun mɛ é gbe.”
Axɔ́sú Antiyokúsi Epatɔ́ɔ wlán wěma sɛ́ dó Liziyási kpó Jwifu lɛ́ɛ kpó
22Wěma e axɔ́sú ɔ́ wlán sɛ́ dó Liziyási ɔ́ ɖíe: “Axɔ́sú Antiyokúsi ɖo gbe dó nɔví tɔn Liziyási wɛ.
23“Sín hwenu e tɔ́ ce yi Mawu mɛ ɔ́, un ba nú mɛ e ɖo axɔ́súɖuto ce mɛ lɛ́ɛ ní kpé nukún nǔ yětɔn lɛ́ɛ wú, bónú ayi yětɔn ní j'ayǐ. 24Lo ɔ́, un se ɖɔ Jwifu lɛ́ɛ gbɛ́ ɖɔ émí kún ná xwedó Glɛ̌sinu lɛ́ɛ sín hwɛndo lě e tɔ́ ce jló gbɔn é ó. Walɔ yětɔn kó nyɔ́ nú yě, bɔ yě byɔ́ acɛ bó ná se gbe nú sɛ́n yětɔn lɛ́ɛ. 25Un ba nú togun nɛ́ ɔ́ ɖésú ní nɔ fɛɛ mɛ. Un zɔ́n ɖɔ è ni jó Sinsɛnxɔ yětɔn nú yě bónú yě zán gbɛ lě e tɔ́gbó yětɔn lɛ́ɛ sín hwɛndo ɖɔ gbɔn é. 26Hǔn nǔ ganjí e a na wa ɔ́ ɖíe: A nǎ sɛ́ wɛnsagun ɖokpó dó nú é ná ɖɔ ayij'ayǐ sín jlǒ e un ɖó ɔ́ nú yě. Nú yě se xó nɛ́ e un ɖɔ ɔ́, yě ná ɖeji, bɔ ayi yětɔn ná j'ayǐ bɔ yě ná kpé nukún nǔ yětɔn lɛ́ɛ wú.”
27Wěma e axɔ́sú ɔ́ sɛ́ dó Jwifu lɛ́ɛ ɔ́ ɖíe: “Axɔ́sú Antiyokúsi ɖo gbe dó kplékplé tomɛxó lɛ́ɛ tɔn kpódó Jwifu ɖě lɛ́ɛ bǐ kpán wɛ.
28“Un ɖi ɖɔ mi ɖo ɖagbe. Nyi lɔ ɔ́ lanmɛ ce ɖo ganjí. 29Mɛnɛlasi ɖɔ nú mǐ ɖɔ mi jló ná lɛ́ kɔ yi to mitɔn mɛ, bó ná lɛ́ jɛ nukún kpé nǔwiwa mitɔn lɛ́ɛ wú jí. 30Hǔn, tódɔnnúmɛ ɖěbǔ ná ɖe nú mɛ e na lɛ́ kɔ yi xwé có azǎn gbangɔ́ (30) ɔ́ e ɖo Xantiki sín sun mɛ ɔ́ ná jɛ ǎ. 31Mi hɛn ɔ́, mi ná xwedó nǔwalɔ e kan nǔɖuɖu mitɔn kpódó sɛ́n mitɔn ɖěvo lɛ́ɛ kpán, lě e é kó nɔ nyí gbɔn ɖ'ayǐ xóxó é. Mɔ̌ ɖokpó ɔ́, nú mɛ ɖé ɖo mi mɛ bó wa nǔ nyi do ɖo manywɛ́ mɛ ɔ́, è ɖǒ ná dɔn tó tɔn n'i ǎ. 32Un sɛ́ Mɛnɛlasi ɖésú dó mi, nú é ná wá ɖe ayi ɖ'ayǐ nú mi.
33“Un dó gbe mi kpódó ayi ce bǐ kpán.”
“È wlǎn wěma élɔ́ ɔ́ ɖo xwe kantɔn koatɔ́n nukún atɔngɔ́ (148) ɔ́ mɛ, ɖo azǎn afɔtɔngɔ́ e ɖo Xantiki sun mɛ é.”
Hlɔ̌manu lɛ́ɛ wlán wěma sɛ́ dó Jwifu lɛ́ɛ
34Wěma e Hlɔ̌manu lɛ́ɛ wlán sɛ́ dó Jwifu lɛ́ɛ é ɖíe: “Kintusi Mɛmumiwusi kpódó Titusi Maniliwúsi kpó e nyí mɛɖesɛ́dó Hlɔ̌manu lɛ́ɛ tɔn lɛ́ɛ dó gbe Jwifu lɛ́ɛ.
35“Wěziza ní tíin, Mǐ yí gbe nú nǔ e sín acɛ Liziyási, ‘axɔ́sú ɔ́ sín hɛ̌nnumɔ’ ɔ́ ná mi é. 36Xó e é ɖɔ émí ná xwlé axɔ́sú ɔ́ lɛ́ɛ ɔ́, mǐ ɖo byɔ̌byɔ́ ɖo mi sí wɛ ɖɔ mi ni lin tamɛ dó yě wú, bó gbéjé yě kpɔ́n ganjí. Bó ka yá wǔ sɛ́ mɛ ɖokpó dó mǐ kpláwún, ɖó mǐ xwe Antiyɔ́ci. Bɔ lě e mi ná ɖɔ xó énɛ́ ɔ́ ɖo axɔ́sú ɔ́ gɔ́n gbɔn ɔ́ ná nyí le nú mi. 37Mɔ̌ ɖokpó ɔ́, mi yá wǔ sɛ́ ɖɛ̌mɛnu mitɔn lɛ́ɛ dó mǐ, nú mǐ lɔ ná tunwun linlin mitɔn.
38“Mǐ dó gbe mi taala.
“È wlǎn wěma élɔ́ ɖo xwe kantɔn koatɔ́n nukún atɔngɔ́ ɔ́ (148) mɛ, ɖo azǎn afɔtɔngɔ́ ɔ́ e ɖo Xantiki sín sun mɛ é gbe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.