2 Makabée 10
10
È slá wǔ nú Sinsɛnxɔ ɔ́
1Aklúnɔ ɖo kpɔ́ xá Judáa Makabée kpódó mɛ tɔn lɛ́ɛ kpán bɔ yě lɛ́ xo Sinsɛnxɔ ɔ́ kpódó Jeluzalɛ́mu toxo ɔ́ kpán yí sín kɛntɔ́ lɛ́ɛ lɔ mɛ. 2Yě gba vɔ̌sákpe e toɖévomɛnu lɛ́ɛ tun ɖó tokplétɛn é, kpó nɔtɛn e yě bló nú nǔmɛsɛn yětɔn lɛ́ɛ é kpán. 3Yě slá wǔ nú Sinsɛnxɔ ɔ́, bó lɛ́ vɔ́ vɔ̌sákpe yɔ̌yɔ́ ɖěvo tun te. Yě sɔ́ awǐnnya e nɔ ná myɔ lɛ́ɛ é ɖě xo dó ɖě wú, bó dó tá myɔ ɖó vɔ̌sákpe ɔ́ jí. Énɛ́ gúdo ɔ́, yě sá vɔ̌ nukɔntɔn e yě ma ko sɔ́ sá ǎ sín xwe we ɖíe é. Yě fyɔ́ zǎlínkpɔ́n bó tá zogbɛ́n, bó sɔ́ wɔ̌xúxú xwlé Mawu. 4Ée yě bló énɛ́ ɔ́, yě jɛ kpo bó dó nu do. Yě sa vo nú Aklúnɔ bó ɖɔ: “Ma sɔ́ lɔn nú awě ɖaxó mɔ̌hunkɔ ɖé sɔ́ xo mǐ ó! Nú mǐ wa nǔ nyi do nú we hǔn, nɔ dɔn tó nú mǐ ɖó jlɛ̌ jí. Ma sɔ́ jó mǐ nyi togun e ma tunwun we ǎ, bó nɔ́ ɖu su nú nyǐ towe lɛ́ɛ lɔ mɛ ó.”
5Judáa kpódó mɛ tɔn lɛ́ɛ kpán slá wǔ nú Sinsɛnxɔ ɔ́ gbe e gbe e nyí xwe kpé xwe nu, bɔ toɖévomɛnu lɛ́ɛ ɖu su ná é, azǎn koatɔ́ngɔ́ (25) e ɖo Kisiléwusun mɛ é. 6Xwe e yě ɖu kpó awǎjijɛ kpó ɔ́ xɔ azǎn tántɔn, ɖi azavaxwe e yě nɔ́ ɖu é ɖɔhun. Yě flín ɖɔ ɖ'ayǐ ɔ́, yě nɔ́ ɖu goxɔ sín xwe ɔ́ ɖo só lɛ́ɛ jí, ɖo sókan mɛ ɖi gběkanlin lɛ́ɛ ɖɔhun. 7Énɛ́ wú wɛ yě sɔ́ kan e wú ama ɖe é kplá kpódó dězan kpán. Yě ji susu kpa nú Aklúnɔ sín han lɛ́ɛ dó xomlá mɛ e dó alɔ yě bɔ yě kpé wú bó slá wǔ nú Sinsɛnxɔ ɔ́ é. 8Yě ɖe gbetakɛ́n tɔn, bɔ togun ɔ́ bǐ yǐ gbe bo sɔ́ wěma ná, bó ɖɔ xwemɛ xwemɛ ɔ́, yě ná nɔ ɖu xwe ɔ́.
Antiyokúsi Epatɔ́ɔ jɛ tɔ́ tɔn Antiyokúsi Epifani tɛnmɛ
9Hǔn, lě e Antiyokúsi e è nɔ ylɔ́ ɖɔ Epifani ɔ́ kú gbɔn ɔ́ nɛ́. 10 Din ɔ́, un ná ɖɔ xó dó Antiyokúsi Epatɔ́ɔ, kɛntɔ́ Mawu tɔn nɛ́ ɔ́ sín vǐ wú. Un ná sɛ sin xwe nú awě e ahwan tɔn lɛ́ɛ hɛn wá é.
11Ée Epatɔ́ɔ wá xɔ to ɔ́, é sɔ́ nya ɖé bɔ è nɔ ylɔ́ ɛ ɖɔ Liziyási dó ɖó nukɔntɔ́ ɖaxó ɖo Silíi ɖaxó ɔ́ kpódó Fenisíi kpán nu. 12Liziyási wá ɖyɔ́ Putolemɛ́ɛ e è nɔ ylɔ́ ɖɔ: “Ta gaga é.” Ée è táfú Jwifu lɛ́ɛ káká é ɔ́, Putolemɛ́ɛ wɛ wá nyí nukɔntɔ́ nukɔntɔn e wá nyɔ́ xomɛ dó yě wú é. Bɔ é tɛ́nkpɔ́n bó nɔ yě nu kpódó fífá kpán. 13Énɛ́ wú wɛ “axɔ́sú ɔ́ sín xɔ́ntɔn” lɛ́ɛ yi ylɔ́ hwɛ ɛ ɖo Antiyokúsi Epatɔ́ɔ gɔ́n. Mɛslɛ́tɔ́ wɛ mɛ lɛ́ɛ nɔ sɔ́ ɛ dó mɔ hwɛhwɛ. Axɔ́sú Filomɛtɔ́ɔ Ejípu tɔn sɔ́ ɛ ɖó Cíplu nu. Lo ɔ́, Putolemɛ́ɛ ko jó to nɛ́ e ɖo tɔtɛ́ntin e dó, bó wá nɔ xá Antiyokúsi Epifani. Ée gǎn sín wi ɖé ma sɔ́ sixú nɔ ta tɔn ǎ é ɔ́, é gbɔ bó dó nǔ nu bo kú.
Judási tɔ́n ahwan ahohó Idumɛ́ɛ tɔn lɛ́ɛ
14Ée Gɔjiyasi wá húzú nukɔntɔ́ Idumɛ́ɛ tɔn ɔ́, é ylɔ́ sɔ́ja to ɖěvo mɛ tɔn lɛ́ɛ. É nɔ́ zɔn dó nǔ bǐ wú bó ná tɔ́n ahwan Jwifu lɛ́ɛ, bɔ é gló. 15Énɛ́ víví hwedó, bɔ Idumɛ́ɛnu lɛ́ɛ cyɔ́n alɔ ahohó tají ɖé lɛ́ɛ jí, bó nɔ́ tɔ́n ahwan Jwifu lɛ́ɛ magbokɔ. Yě nɔ́ yí mɛ e è nɔ nya sín Jeluzalɛ́mu lɛ́ɛ, bó nɔ́ wa nǔ bǐ nú ahwan ná kpo ɖo te.
16Ɖo agbawungba wɛ Judáa kpódó sɔ́ja tɔn lɛ́ɛ kpán nɔ xo ɖɛ ɖo mɛ bǐ nukún mɛ, bó nɔ́ byɔ́ Mawu ɖɔ é ní fun ahwan nú émí. Énɛ́ gúdo ɔ́, yě fɔ́n dó ahohó Idumɛ́ɛnu lɛ́ɛ tɔn jí. 17Yě nɔ́ zɔn yě jí kpó hlɔ̌nhlɔ́n ɖaxó kpán. Yě nɔ́ sísɛ́ mɛ e ɖo ahwan fun wɛ ɖo dǒ lɛ́ɛ ta lɛ́ɛ bǐ, bó nɔ́ yí tɛn énɛ́ lɛ́ɛ. Yě hu mɛ e nɔ jɛ alɔ yětɔn mɛ lɛ́ɛ bǐ, bɔ mɛ e kú lɛ́ɛ yi gbɛtɔ́ adɔ̌kpo ɖokpó (20.000).
18Có sɔ́ja děgba we afatɔ́n (9.000) mɔ̌ tɛ́nkpɔ́n bó hɔn bɛ dó ahohó we mɛ. Nǔ e ná zɔ́n bɔ yě ná dɛ sún ɖo ahwan nukɔn nú hwenu gěgé é bǐ ɖo yě sí. 19Judáa Makabée ka jó Sinmɔ́ɔ, Jozɛ́fu, Zacée kpódó sɔ́ja gěgé ɖěvo lɛ́ɛ kpán dó bɔ yě ná ɖo ahwan fun wɛ ɖo ahohó nɛ́ lɛ́ɛ nukɔn. É ɖésú ɔ́ ka dlɔ́n dó fí ɖěvo e è ɖǒ hu dó tɔn ɖe é. 20Lo ɔ́, akwɛ́ jɛ nukɔn nú Sinmɔ́ɔ sín mɛ lɛ́ɛ. Yě yí akwɛ́ ɖo mɛ e ɖo ahohó ɔ́ cɔ́ wɛ lɛ́ɛ sí. Yě yǐ gankwɛ́ adɔ̌kpo atɔn děgba we afɔwó (70.000), bó jó kɛntɔ́ gěgé dó bɔ yě hɔn. 21Ée Judáa se xó nɛ́ ɔ́, é kplé ahwangán lɛ́ɛ bó dó hwɛ mɛ e sa nɔví yětɔn lɛ́ɛ é. Nǔgbó ɔ́, yě yǐ akwɛ́ bó jó kɛntɔ́ yětɔn lɛ́ɛ dó bɔ yě hɔn yi. 22Judáa zɔ́n bɔ è hu mɛsatɔ́ nɛ́ lɛ́ɛ, bó wá yi cyɔ́n alɔ ahohó we lɛ́ɛ jí. 23É ɖu ɖo ahwan nɛ́ lɛ́ɛ jí bó hu gbɛtɔ́, bɔ è hu gbɛtɔ́ adɔ̌kpo ɖokpó (20.000) ɖo fínɛ́.
Judási ɖu ɖo Timɔtée jí ɖo Gezɛ́ɛ
24Jwifu lɛ́ɛ ko ɖu ɖo Timɔtée jí ɖokpó kpɔ́n. Timɔtée nɛ́ ɔ́ ká yí sɔ́ja toɖévomɛnu gěgé bó zɔ́n bɔ sɔ́ gěgé gosín Azíi bó wá. Énɛ́ gúdo ɔ́, é kpó ahwangɔnu tɔn kpó wá Judáa bó ná fun ahwan dó yí to ɔ́ ná. 25Ée é ɖo sisɛyá wɛ ɔ́, Judáa Makabée kpódó mɛ tɔn lɛ́ɛ kpán jɛ kɔ nú Mawu. Yě kɔn afúntúntún dó ta bó sɔ́ nǔwamɛvɔ sin dó xomɛ. 26Yě jɛ kpo, bó dó nu do ɖo vɔ̌sákpe ɔ́ nukɔn, bó xo ɖɛ bo ɖɔ: “Mawu ce, ɖe xomɛnyínyɔ́ towe xlɛ́ mǐ. Lě e hwi ɖésúnɔ ko dó akpá tɔn ɖo sɛ́n ɔ́ mɛ gbɔn é ɔ́, nyǐ kɛntɔ́ kɛntɔ́ mǐtɔn lɛ́ɛ tɔn; ma nɔ mɛ e ma ɖo mǐ jǐ ǎ lɛ́ɛ jí ó.”
27Ée yě xo ɖɛ ɖó alɔ te ɔ́, yě fɔ ahwanlyánnú yětɔn lɛ́ɛ bó tɔ́n sín Jeluzalɛ́mu, bó sɛ yi zɔga. Ée yě sɛ yá kɛntɔ́ yětɔn lɛ́ɛ ɔ́, yě nɔ te. 28Ayǐhɔ́ngbe tɔn ɔ́, hwenu e hwe nɔ wá jǐ ɔ́, ahwangɔnu we lɛ́ɛ tɔ́n ahwan yěɖée. Bó ná dó ɖu ɖ'é jí ɔ́, Jwifu lɛ́ɛ gǎn jɛ akɔ́nkpinkpan yětɔn wú, ɖo tají ɔ́, alɔdó Aklúnɔ tɔn wú. Mɛ ɖé lɛ́ɛ ka xwedó xomɛsin yětɔn bó dó ɖo ahwan fun wɛ. 29Ahwan ɔ́ fun wɛ yě ɖe, bɔ kɛntɔ́ Jwifu lɛ́ɛ tɔn lɛ́ɛ mɔ sɔ́xátɔ́ ɖagbe ɖagbe atɔ́ɔ́n tɔ́n sín jǐxwé, bɔ sikágan hɛn nu nú sɔ́ é jí yě ɖe lɛ́ɛ é. Yě jɛ nukɔn nú Jwifu lɛ́ɛ. 30É sɔ́ Judáa ɖó tɛ́ntin mɛ nú yě, bɔ ahwanfunnú yětɔn lɛ́ɛ zɔ́n bɔ è sixú gblé wǔ i ǎ. Sɔ́xátɔ́ nɛ́ lɛ́ɛ ká ɖo gǎ kpódó myɔ kpán nyi wɛ. Wěziza ɔ́ va nukún kɛntɔ́ lɛ́ɛ, bɔ yě jɛ gbigbadó jí, bɔ avaja ɖaxó ɖé byɔ́ yě mɛ. 31Ɖo yě mɛ ɔ́, è hu sɔ́ja afɔzɔntɔ́ adɔ̌kpo ɖokpó afɔwe kanwe ko (20.500) kpódó sɔ́xátɔ́ nǔwɔntɔn (600) kpán.
32Timɔtée ɖésú hɔn yi bɛ ɖo ahohó Gezɛ́ɛ tɔn mɛ e nyí fí ɖeji d'é wú ɖokpó é mɛ, bɔ nukɔntɔ́ ɔ́ nɔ nyí Keleyási. 33Judáa kpódó mɛ tɔn lɛ́ɛ kpán ká zɔn ahohó nɛ́ ɔ́ jí syɛ́nsyɛ́n, xɔ azǎn ɛnɛ. 34Mɛ e ɖ'é mɛ lɛ́ɛ ɖeji dó sósyɛ́n e fínɛ́ nyí ɔ́ wú taala. Énɛ́ wú wɛ, yě nɔ́ gbɔ́ Mawu Jwifu lɛ́ɛ tɔn ko, bó nɔ́ zun mɛ e tɔ́n ahwan yě lɛ́ɛ. 35Azǎn atɔ́ɔ́ngɔ́ ɔ́ gbe ɖo ayǐtéhɔ̌nnu ɔ́, sɔ́ja wínnyáwínnyá ko gosín Judáa sín mɛ lɛ́ɛ mɛ, kpódó xomɛsin ɖaxó ɖé kpán ɖó mɛcáko kɛntɔ́ lɛ́ɛ tɔn wútu. Yě syɛ́n ta bo tlɔ́ kpé ahohó ɔ́ sín dǒ lɛ́ɛ. Adǎnkanlin sín xomɛ wɛ sin yě, bɔ mɛ e jɛ alɔ yětɔn mɛ lɛ́ɛ bǐ wɛ yě hu. 36Mɛ ɖěvo lɛ́ɛ wá gɔ́ nú yě bɔ yě lɛ́ lɛ̌ dó ahohó ɔ́ bó tɔ́n ahwan kɛntɔ́ lɛ́ɛ ɖo akpá ɖěvo xwé. Yě dó agbǒ lɛ́ɛ zo bó fyɔ́ mɛ e ɖo nǔyá ɖɔ dó Mawu wú wɛ lɛ́ɛ é gbɛɖe gbɛɖe. Mɛ ɖěvo lɛ́ɛ fó hɔn lɛ́ɛ bó ná ali sɔ́ja yětɔn lɛ́ɛ. Bɔ ɖo cɛ́jú ɖokpó mɛ ɔ́, yě cyɔ́n alɔ toxo ɔ́ jí. 37Timɔtée hɔn yi cí dotɔ ɖ'é mɛ. Yě hu i, éyɛ́ kpódó nɔví tɔn Keleyási kpó, kpódó Apolofanu kpán.
38Ée yě jlɛ́ nǔ nɛ́ lɛ́ɛ gúdo ɔ́, Jwifu lɛ́ɛ ji susu kpa nú Aklúnɔ sín han lɛ́ɛ. Yě dó kú n'i, ɖó é wa ɖagbe ma ɖó nukún gěgé nú Izlayɛ́li, bó ná yě ahwan jí ɖu ɖe.
Currently Selected:
2 Makabée 10: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 10
10
È slá wǔ nú Sinsɛnxɔ ɔ́
1Aklúnɔ ɖo kpɔ́ xá Judáa Makabée kpódó mɛ tɔn lɛ́ɛ kpán bɔ yě lɛ́ xo Sinsɛnxɔ ɔ́ kpódó Jeluzalɛ́mu toxo ɔ́ kpán yí sín kɛntɔ́ lɛ́ɛ lɔ mɛ. 2Yě gba vɔ̌sákpe e toɖévomɛnu lɛ́ɛ tun ɖó tokplétɛn é, kpó nɔtɛn e yě bló nú nǔmɛsɛn yětɔn lɛ́ɛ é kpán. 3Yě slá wǔ nú Sinsɛnxɔ ɔ́, bó lɛ́ vɔ́ vɔ̌sákpe yɔ̌yɔ́ ɖěvo tun te. Yě sɔ́ awǐnnya e nɔ ná myɔ lɛ́ɛ é ɖě xo dó ɖě wú, bó dó tá myɔ ɖó vɔ̌sákpe ɔ́ jí. Énɛ́ gúdo ɔ́, yě sá vɔ̌ nukɔntɔn e yě ma ko sɔ́ sá ǎ sín xwe we ɖíe é. Yě fyɔ́ zǎlínkpɔ́n bó tá zogbɛ́n, bó sɔ́ wɔ̌xúxú xwlé Mawu. 4Ée yě bló énɛ́ ɔ́, yě jɛ kpo bó dó nu do. Yě sa vo nú Aklúnɔ bó ɖɔ: “Ma sɔ́ lɔn nú awě ɖaxó mɔ̌hunkɔ ɖé sɔ́ xo mǐ ó! Nú mǐ wa nǔ nyi do nú we hǔn, nɔ dɔn tó nú mǐ ɖó jlɛ̌ jí. Ma sɔ́ jó mǐ nyi togun e ma tunwun we ǎ, bó nɔ́ ɖu su nú nyǐ towe lɛ́ɛ lɔ mɛ ó.”
5Judáa kpódó mɛ tɔn lɛ́ɛ kpán slá wǔ nú Sinsɛnxɔ ɔ́ gbe e gbe e nyí xwe kpé xwe nu, bɔ toɖévomɛnu lɛ́ɛ ɖu su ná é, azǎn koatɔ́ngɔ́ (25) e ɖo Kisiléwusun mɛ é. 6Xwe e yě ɖu kpó awǎjijɛ kpó ɔ́ xɔ azǎn tántɔn, ɖi azavaxwe e yě nɔ́ ɖu é ɖɔhun. Yě flín ɖɔ ɖ'ayǐ ɔ́, yě nɔ́ ɖu goxɔ sín xwe ɔ́ ɖo só lɛ́ɛ jí, ɖo sókan mɛ ɖi gběkanlin lɛ́ɛ ɖɔhun. 7Énɛ́ wú wɛ yě sɔ́ kan e wú ama ɖe é kplá kpódó dězan kpán. Yě ji susu kpa nú Aklúnɔ sín han lɛ́ɛ dó xomlá mɛ e dó alɔ yě bɔ yě kpé wú bó slá wǔ nú Sinsɛnxɔ ɔ́ é. 8Yě ɖe gbetakɛ́n tɔn, bɔ togun ɔ́ bǐ yǐ gbe bo sɔ́ wěma ná, bó ɖɔ xwemɛ xwemɛ ɔ́, yě ná nɔ ɖu xwe ɔ́.
Antiyokúsi Epatɔ́ɔ jɛ tɔ́ tɔn Antiyokúsi Epifani tɛnmɛ
9Hǔn, lě e Antiyokúsi e è nɔ ylɔ́ ɖɔ Epifani ɔ́ kú gbɔn ɔ́ nɛ́. 10 Din ɔ́, un ná ɖɔ xó dó Antiyokúsi Epatɔ́ɔ, kɛntɔ́ Mawu tɔn nɛ́ ɔ́ sín vǐ wú. Un ná sɛ sin xwe nú awě e ahwan tɔn lɛ́ɛ hɛn wá é.
11Ée Epatɔ́ɔ wá xɔ to ɔ́, é sɔ́ nya ɖé bɔ è nɔ ylɔ́ ɛ ɖɔ Liziyási dó ɖó nukɔntɔ́ ɖaxó ɖo Silíi ɖaxó ɔ́ kpódó Fenisíi kpán nu. 12Liziyási wá ɖyɔ́ Putolemɛ́ɛ e è nɔ ylɔ́ ɖɔ: “Ta gaga é.” Ée è táfú Jwifu lɛ́ɛ káká é ɔ́, Putolemɛ́ɛ wɛ wá nyí nukɔntɔ́ nukɔntɔn e wá nyɔ́ xomɛ dó yě wú é. Bɔ é tɛ́nkpɔ́n bó nɔ yě nu kpódó fífá kpán. 13Énɛ́ wú wɛ “axɔ́sú ɔ́ sín xɔ́ntɔn” lɛ́ɛ yi ylɔ́ hwɛ ɛ ɖo Antiyokúsi Epatɔ́ɔ gɔ́n. Mɛslɛ́tɔ́ wɛ mɛ lɛ́ɛ nɔ sɔ́ ɛ dó mɔ hwɛhwɛ. Axɔ́sú Filomɛtɔ́ɔ Ejípu tɔn sɔ́ ɛ ɖó Cíplu nu. Lo ɔ́, Putolemɛ́ɛ ko jó to nɛ́ e ɖo tɔtɛ́ntin e dó, bó wá nɔ xá Antiyokúsi Epifani. Ée gǎn sín wi ɖé ma sɔ́ sixú nɔ ta tɔn ǎ é ɔ́, é gbɔ bó dó nǔ nu bo kú.
Judási tɔ́n ahwan ahohó Idumɛ́ɛ tɔn lɛ́ɛ
14Ée Gɔjiyasi wá húzú nukɔntɔ́ Idumɛ́ɛ tɔn ɔ́, é ylɔ́ sɔ́ja to ɖěvo mɛ tɔn lɛ́ɛ. É nɔ́ zɔn dó nǔ bǐ wú bó ná tɔ́n ahwan Jwifu lɛ́ɛ, bɔ é gló. 15Énɛ́ víví hwedó, bɔ Idumɛ́ɛnu lɛ́ɛ cyɔ́n alɔ ahohó tají ɖé lɛ́ɛ jí, bó nɔ́ tɔ́n ahwan Jwifu lɛ́ɛ magbokɔ. Yě nɔ́ yí mɛ e è nɔ nya sín Jeluzalɛ́mu lɛ́ɛ, bó nɔ́ wa nǔ bǐ nú ahwan ná kpo ɖo te.
16Ɖo agbawungba wɛ Judáa kpódó sɔ́ja tɔn lɛ́ɛ kpán nɔ xo ɖɛ ɖo mɛ bǐ nukún mɛ, bó nɔ́ byɔ́ Mawu ɖɔ é ní fun ahwan nú émí. Énɛ́ gúdo ɔ́, yě fɔ́n dó ahohó Idumɛ́ɛnu lɛ́ɛ tɔn jí. 17Yě nɔ́ zɔn yě jí kpó hlɔ̌nhlɔ́n ɖaxó kpán. Yě nɔ́ sísɛ́ mɛ e ɖo ahwan fun wɛ ɖo dǒ lɛ́ɛ ta lɛ́ɛ bǐ, bó nɔ́ yí tɛn énɛ́ lɛ́ɛ. Yě hu mɛ e nɔ jɛ alɔ yětɔn mɛ lɛ́ɛ bǐ, bɔ mɛ e kú lɛ́ɛ yi gbɛtɔ́ adɔ̌kpo ɖokpó (20.000).
18Có sɔ́ja děgba we afatɔ́n (9.000) mɔ̌ tɛ́nkpɔ́n bó hɔn bɛ dó ahohó we mɛ. Nǔ e ná zɔ́n bɔ yě ná dɛ sún ɖo ahwan nukɔn nú hwenu gěgé é bǐ ɖo yě sí. 19Judáa Makabée ka jó Sinmɔ́ɔ, Jozɛ́fu, Zacée kpódó sɔ́ja gěgé ɖěvo lɛ́ɛ kpán dó bɔ yě ná ɖo ahwan fun wɛ ɖo ahohó nɛ́ lɛ́ɛ nukɔn. É ɖésú ɔ́ ka dlɔ́n dó fí ɖěvo e è ɖǒ hu dó tɔn ɖe é. 20Lo ɔ́, akwɛ́ jɛ nukɔn nú Sinmɔ́ɔ sín mɛ lɛ́ɛ. Yě yí akwɛ́ ɖo mɛ e ɖo ahohó ɔ́ cɔ́ wɛ lɛ́ɛ sí. Yě yǐ gankwɛ́ adɔ̌kpo atɔn děgba we afɔwó (70.000), bó jó kɛntɔ́ gěgé dó bɔ yě hɔn. 21Ée Judáa se xó nɛ́ ɔ́, é kplé ahwangán lɛ́ɛ bó dó hwɛ mɛ e sa nɔví yětɔn lɛ́ɛ é. Nǔgbó ɔ́, yě yǐ akwɛ́ bó jó kɛntɔ́ yětɔn lɛ́ɛ dó bɔ yě hɔn yi. 22Judáa zɔ́n bɔ è hu mɛsatɔ́ nɛ́ lɛ́ɛ, bó wá yi cyɔ́n alɔ ahohó we lɛ́ɛ jí. 23É ɖu ɖo ahwan nɛ́ lɛ́ɛ jí bó hu gbɛtɔ́, bɔ è hu gbɛtɔ́ adɔ̌kpo ɖokpó (20.000) ɖo fínɛ́.
Judási ɖu ɖo Timɔtée jí ɖo Gezɛ́ɛ
24Jwifu lɛ́ɛ ko ɖu ɖo Timɔtée jí ɖokpó kpɔ́n. Timɔtée nɛ́ ɔ́ ká yí sɔ́ja toɖévomɛnu gěgé bó zɔ́n bɔ sɔ́ gěgé gosín Azíi bó wá. Énɛ́ gúdo ɔ́, é kpó ahwangɔnu tɔn kpó wá Judáa bó ná fun ahwan dó yí to ɔ́ ná. 25Ée é ɖo sisɛyá wɛ ɔ́, Judáa Makabée kpódó mɛ tɔn lɛ́ɛ kpán jɛ kɔ nú Mawu. Yě kɔn afúntúntún dó ta bó sɔ́ nǔwamɛvɔ sin dó xomɛ. 26Yě jɛ kpo, bó dó nu do ɖo vɔ̌sákpe ɔ́ nukɔn, bó xo ɖɛ bo ɖɔ: “Mawu ce, ɖe xomɛnyínyɔ́ towe xlɛ́ mǐ. Lě e hwi ɖésúnɔ ko dó akpá tɔn ɖo sɛ́n ɔ́ mɛ gbɔn é ɔ́, nyǐ kɛntɔ́ kɛntɔ́ mǐtɔn lɛ́ɛ tɔn; ma nɔ mɛ e ma ɖo mǐ jǐ ǎ lɛ́ɛ jí ó.”
27Ée yě xo ɖɛ ɖó alɔ te ɔ́, yě fɔ ahwanlyánnú yětɔn lɛ́ɛ bó tɔ́n sín Jeluzalɛ́mu, bó sɛ yi zɔga. Ée yě sɛ yá kɛntɔ́ yětɔn lɛ́ɛ ɔ́, yě nɔ te. 28Ayǐhɔ́ngbe tɔn ɔ́, hwenu e hwe nɔ wá jǐ ɔ́, ahwangɔnu we lɛ́ɛ tɔ́n ahwan yěɖée. Bó ná dó ɖu ɖ'é jí ɔ́, Jwifu lɛ́ɛ gǎn jɛ akɔ́nkpinkpan yětɔn wú, ɖo tají ɔ́, alɔdó Aklúnɔ tɔn wú. Mɛ ɖé lɛ́ɛ ka xwedó xomɛsin yětɔn bó dó ɖo ahwan fun wɛ. 29Ahwan ɔ́ fun wɛ yě ɖe, bɔ kɛntɔ́ Jwifu lɛ́ɛ tɔn lɛ́ɛ mɔ sɔ́xátɔ́ ɖagbe ɖagbe atɔ́ɔ́n tɔ́n sín jǐxwé, bɔ sikágan hɛn nu nú sɔ́ é jí yě ɖe lɛ́ɛ é. Yě jɛ nukɔn nú Jwifu lɛ́ɛ. 30É sɔ́ Judáa ɖó tɛ́ntin mɛ nú yě, bɔ ahwanfunnú yětɔn lɛ́ɛ zɔ́n bɔ è sixú gblé wǔ i ǎ. Sɔ́xátɔ́ nɛ́ lɛ́ɛ ká ɖo gǎ kpódó myɔ kpán nyi wɛ. Wěziza ɔ́ va nukún kɛntɔ́ lɛ́ɛ, bɔ yě jɛ gbigbadó jí, bɔ avaja ɖaxó ɖé byɔ́ yě mɛ. 31Ɖo yě mɛ ɔ́, è hu sɔ́ja afɔzɔntɔ́ adɔ̌kpo ɖokpó afɔwe kanwe ko (20.500) kpódó sɔ́xátɔ́ nǔwɔntɔn (600) kpán.
32Timɔtée ɖésú hɔn yi bɛ ɖo ahohó Gezɛ́ɛ tɔn mɛ e nyí fí ɖeji d'é wú ɖokpó é mɛ, bɔ nukɔntɔ́ ɔ́ nɔ nyí Keleyási. 33Judáa kpódó mɛ tɔn lɛ́ɛ kpán ká zɔn ahohó nɛ́ ɔ́ jí syɛ́nsyɛ́n, xɔ azǎn ɛnɛ. 34Mɛ e ɖ'é mɛ lɛ́ɛ ɖeji dó sósyɛ́n e fínɛ́ nyí ɔ́ wú taala. Énɛ́ wú wɛ, yě nɔ́ gbɔ́ Mawu Jwifu lɛ́ɛ tɔn ko, bó nɔ́ zun mɛ e tɔ́n ahwan yě lɛ́ɛ. 35Azǎn atɔ́ɔ́ngɔ́ ɔ́ gbe ɖo ayǐtéhɔ̌nnu ɔ́, sɔ́ja wínnyáwínnyá ko gosín Judáa sín mɛ lɛ́ɛ mɛ, kpódó xomɛsin ɖaxó ɖé kpán ɖó mɛcáko kɛntɔ́ lɛ́ɛ tɔn wútu. Yě syɛ́n ta bo tlɔ́ kpé ahohó ɔ́ sín dǒ lɛ́ɛ. Adǎnkanlin sín xomɛ wɛ sin yě, bɔ mɛ e jɛ alɔ yětɔn mɛ lɛ́ɛ bǐ wɛ yě hu. 36Mɛ ɖěvo lɛ́ɛ wá gɔ́ nú yě bɔ yě lɛ́ lɛ̌ dó ahohó ɔ́ bó tɔ́n ahwan kɛntɔ́ lɛ́ɛ ɖo akpá ɖěvo xwé. Yě dó agbǒ lɛ́ɛ zo bó fyɔ́ mɛ e ɖo nǔyá ɖɔ dó Mawu wú wɛ lɛ́ɛ é gbɛɖe gbɛɖe. Mɛ ɖěvo lɛ́ɛ fó hɔn lɛ́ɛ bó ná ali sɔ́ja yětɔn lɛ́ɛ. Bɔ ɖo cɛ́jú ɖokpó mɛ ɔ́, yě cyɔ́n alɔ toxo ɔ́ jí. 37Timɔtée hɔn yi cí dotɔ ɖ'é mɛ. Yě hu i, éyɛ́ kpódó nɔví tɔn Keleyási kpó, kpódó Apolofanu kpán.
38Ée yě jlɛ́ nǔ nɛ́ lɛ́ɛ gúdo ɔ́, Jwifu lɛ́ɛ ji susu kpa nú Aklúnɔ sín han lɛ́ɛ. Yě dó kú n'i, ɖó é wa ɖagbe ma ɖó nukún gěgé nú Izlayɛ́li, bó ná yě ahwan jí ɖu ɖe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.