Kaŋ mballa ma 65
65
Dok mbya uwareya
1Ne naa ge mbal kaŋ ma ga̰l pe: Kaŋ mballa ge Dawda ne. Kaŋ mballa.
2O Dok ge ne Siyona go, ne mo ta, wak ɗamal#65:2 Swaga mbe no da ne pool zwagre go: «O Dok ge ne Siyona go, uwareya wa̰ mo wan» me. a uwareya ne,
i mbo wi wak tuli ge i ne ke mo ma.
3Mo za̰ kaɗeya ma za̰,
ndu ge daage pet mbo ya mo ta.
4Kaŋ ya̰l ma waɗe mbi da ne pool,
amma mo, mo pore i sone ma pore.
5Ndu ge mo ne tá na,
ge mo ne gene na ya kat yapul ge mo ne diŋ, da ne laar saal!
I huri da ne mo kaŋ kwaɗa ge ne mo yadiŋ ma,
ne kaŋ ge mbegeya ge mo zok ge mbegeya zi ma.
6O Dok, Bage máya ge i ne, dosol ge mo ne zi,
mo gwan ne i vinna da ne kaŋ ge hon i vo ma.
Mo ge naa ge ne suwar pe ndegɗe ya ma,
ne naa ge ne maŋgaɗam ga̰l wak go ma ne e bama jobreya ne pal!
7Mo ge mo ne ɗur njal ma pe se ne pool ge mo ne,
mo ge ne wi wi ne pool.
8Mo ge ne iyal juliliya ge maŋgaɗam ga̰l yuwam ne se,
mo ge ne iyal na sḭḭl potɗa se,
ne juliliya ge ɓase ma ne se.
9Mo kaŋ ajab ma hon naa ge ne suwar pe ndegɗe ya ma vo,
mo e ham ma ne sya pyanna ne laar saal.
10Mo mbo ya ndil suwar, mo kan mo kaŋ ma na pal bindik,
mo wi na ne kaŋ kwaɗa ma.
Baal pul ge Dok ne wi da ne mam,
mo don gḛme ne naa dasana ma pe,
mo ka gwan nṵsi suwar se.
11Mo kan na pṵṵr ma mam,
mo ka pot na veger ma se,
mo ka lwaɗe nama se ne mo mam swarra,
mo ka e kaŋ ma pyarra digi.
12Mo á del wak ne kwaɗa.
Swaga ge mo ne kale go, kaŋ ma baŋne se bindik,
13babur pul wi ne mam,
njal ma abe vḛso digi,
14Swaga zám ma ŋguy ne gii ma,
baal pul ma son se ne gḛme getep.
Naa abe digi ne laar saal ne kaŋ mballa.
Currently Selected:
Kaŋ mballa ma 65: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
