Kaŋ mballa ma 59
59
O Dok, zu mbi ne mbi naa ge ho̰l ma tok go
1Ne naa ge mbal kaŋ ma ga̰l pe: Kaŋ mballa ge Dawda ne. A ka mbal na da ne ka̰l ge a ne tol na «vḛne na uzi to.» Dawda mbá na swaga ge Sawul ne ka̰ naa mbo koy na yàl ndwara hun na uzi go#1Sam 19:11-17..
2O Dok, zu mbi ne mbi naa ge ho̰l ma tok go,
Koy mbi ne naa ge ne ke mbi ho̰l ma tok go.
3Zu mbi ne naa ge ya̰l ma tok go,
má mbi ne naa ge hun siya ma tok go!
4Ndi, a huli mbi ne go huli,
naa ge ke fare pool ma iigi mbi ya digi gilu.
Bage ɗiŋnedin, mbi be ke ya̰l a̰me to,
mbi be ke sone a̰me to.
5Mbi be ndu ge ya̰l ne to,
go no puy ɗe, a harge ta, a ka nṵsi ta det mbi.
Kore digi, mbo ya ɓol mbi, ndi!
6Mo Bage ɗiŋnedin, Dok ge naa ge mbal pore ma ne, Dok ge Israyela ne!
Kore digi ndwara mḛre pehir ge ɗogle mbe ma no pet,
kwa naa ge wak dḭso mbe ma a̰se to. Ɗigliya
7Gasamal, a mbo ya, a ka gorra dimma ne gú ma go,
a ka goŋle suwal se.
8Nama wak pul wi da ne fare ge sone ma,
nama ɗel kasagar ge wak zwama ne.
A wuɗi za̰ nama ne ɗaa?
9Amma mo Bage ɗiŋnedin ɗe, mo man naa mbe ma man,
mo cot tene ne naa ge pe ɗogle mbe ma pet cot!
10Mo mbi pool ne,
Mbi kan mbi saareya mo pal,
ago mo Dok, mo mbi gulum ga̰l ne.
11Dok ge mbi ne, kwa a̰se ge mo ne zi, mbo mbo ya mbi ta,
mo mbo e mbi kwa dwatɗa ge mbi naa ge ho̰l ma ne.
12Hṵ nama to, na kaage mbi ɓase ma vyale to,
e nama gondoŋgeya ne pool ge mo ne, mo ba ɗage pur nama gale,
Bageyal, ɓiyaar ge i ne!
13Nama wak ma jan fare ge sone ma.
Nama dé faɗe ge nama jegreya ne zi,
ne jo̰ a kat da ne hale kunna ma ne vḛne wak naa pal.
14Juliliya ge mo ne zi, á nama pe uzi, á nama uzi, a̰me ɗu na gá to!
Go no, naa mbo kwa go, mo ke muluk ya Yakub vya ma pal,
ɗiŋ mbo suwar pe ndegɗe! Ɗigliya.
15A gwan’a gasamal, a ka gorra dimma ne gú ma go,
a ka goŋle suwal se.
16A ɓyare kaŋzam swaga ma pupuk,
a dwam be ge huriya.
17Amma mbi ɗe, mbi mbo ka mbal kaŋ uware pool ge mo ne,
cya̰wak, mbi mbo ka ke laar saal ne kwa a̰se ge mo ne pe.
Ago mo gulum ga̰l ge mbi ne ne,
Mbi yál ma zi, mo mbi swaga woy tene ne.
18O pool ge mbi ne, mbi mbo ka uware mo,
Dok, mo mbi gulum ga̰l ne,
Dok, mo bage kwa mbi a̰se ne!
Currently Selected:
Kaŋ mballa ma 59: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
