Kaŋ mballa ma 58
58
Dok a bage kun sarya ne
1Ne naa ge mbal kaŋ ma ga̰l pe: Kaŋ mballa ge Dawda ne. A ka mbal na da ne ka̰l ge a ne tol na «vḛne na uzi to.»
2A fareba go, kat wak ɗamal a sarya kunna ne ɗaa?
Naa dasana ma, kun fare buwal dosol pal go mbe no ɗaa?
3To, a laar ɓyareya ge aŋ ne zi, aŋ e naa ke kaŋ ge dosol to ma suwar pal no,
aŋ hage naa ge ke fare pool ma viya̰ no me.
4Naa ge sone ma ke ya̰l da ne bama ná ma laar zi day,
ne nama tolla ya day a kun hale.
5Nama wak ma hun siya dimma ne maŋgay go,
a dibi bama togor ma dimma ne bom ge gisil go.
6A wuɗi za̰ naa ge ne kan bale ma ka̰l to ne,
ko nama ge ne on son gḛ ma to ne ɗaa?
7O Dok, há nama kiya̰r ma ne nama wak ma pul zi uzi!
Bage ɗiŋnedin, há sonne bool ma kiya̰r ma uzi!
8Nama burmi uzi dimma ne mam ne petere ya se fya̰ya uzi go!
Kajamle ge a ne mbal, nama pool á viya̰ zi uzi.
9Nama su dimma ne koce ne su uzi swaga kḛ mbo zḛ go go,
dimma ne vya twareya go, nama kwa gyala to.
10Tek ge go aŋ kore ma saŋge murum,
a gale ne twagal no ɗe, mandal mbugi nama uzi dimma ne nama ne fiya̰l go.
11Ndu ge dosol sḛ mbo ke tuli, swaga ge ne mbo kwa giliya ge Dok ne ya,
mbo usi na koo ma ne naa ge sone ma swama.
12Naa dasana ma mbo jan go:
«Fareba, ndu ge dosol ɓol na potɗa ɓol,
fareba, Dok ge ne kun sarya suwar pal ya go.»
Currently Selected:
Kaŋ mballa ma 58: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
