Kaŋ mballa ma 130
130
Swaga yál ge mbi ne zi mbi tol Bage ɗiŋnedin
1Kaŋ mballa ge mbo Ursalima, zok ge Dok ne zi ya.
Swaga yál ge mbi ne zi,
Bage ɗiŋnedin, mbi tol mo.
2O Bageyal, za̰ mbi ka̰l,
so mo togor za̰ mbi ka̰l fyaso!
3Bage ɗiŋnedin, mo te ka koy ya̰l ma ɗe,
Bageyal, a wuɗi mḛ mo ndwara se ma̰ ne ɗaa?
4Amma naa ɓol poreya da ne mo ta,
da ne pe, naa sya mo vo no.
5Mbi ka̰ mbi saareya ya Bage ɗiŋnedin pal,
mbi jobre na fare janna.
6Mbi jobreya ya Bageyal pal,
dimma ne naa ge koy zok wak ma
ne jobre swaga ko̰yya go,
o̰ dimma ne naa ge koy zok wak ma
ne jobre swaga ko̰yya go.
7Israyela vya ma,
ka̰ me aŋ saareya ma Bage ɗiŋnedin pal,
ago kwa a̰se mbo da ne Bage ɗiŋnedin ta ya,
da ne viya̰ ma baŋneya bindik ne zur aŋ pe.
8A na sḛ zur Israyela ne na ya̰l ma zi ne pet#Mat 1:21, Tit 2:14..
Currently Selected:
Kaŋ mballa ma 130: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
