Kaŋ mballa ma 129
129
Kaŋ mballa ne naa ge ho̰l ge Israyela ne ma pe
1Kaŋ mballa ge mbo Ursalima, zok ge Dok ne zi ya.
Ne bool ge mbi ne ya day, a ke mbi yál gḛ!
Israyela jya̰ go:
2«Ne bool ge mbi ne ya day, a ke mbi yál gḛ»
amma a be day hal mbi pal to.
3A kḭri mbi go̰r kikir
dimma ne naa ge gar gaaso ma ne hal vo̰so go.
4Amma Bage ɗiŋnedin dosol,
sya táál ge naa ge sone ma ne uzi.
5Siyona naa ge ho̰l ma pet,
saaso wa̰ nama, nama tí ne go̰r!
6Nama ka ne sugur ge ne don ne zok jwaklak pala digi go,
na ge ne fya̰ uzi gale ne be á na doŋ to.
7Ndu sal na wi na tok pul tuk to pet,
ndu abe na wi na tok ko̰o̰l to pet.
8Naa ge ne kale ma jya̰ go:
«Wak busu ge Bage ɗiŋnedin ne ka nama pal» to.
I e wak busu aŋ pal dḭl ge Bage ɗiŋnedin ne zi!
Currently Selected:
Kaŋ mballa ma 129: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
