Kaŋ mballa ma 127
127
Kadɗa Bage ɗiŋnedin sin zok ne to
1Kaŋ mballa ge mbo Ursalima, zok ge Dok ne zi ya. Kaŋ mballa ge Salomon ne.
Kadɗa Bage ɗiŋnedin sin zok ne to,
naa ge ne sin na ma ke temel baŋ.
Kadɗa Bage ɗiŋnedin koy suwal ya to,
naa ge ne koy na ma dwam ne ndwara baŋ.
2A baŋ yak, aŋ kun digi ne dam se cya̰wak vḛ,
aŋ ka mbo fi se kaal,
aŋ ka zam kaŋzam ge aŋ ne ɓol na ne yál ma.
Bage ɗiŋnedin hon na naa ge laar wanna ma
kaŋzam nama swaga dam se go no me.
3Vya ma, a joo ge Bage ɗiŋnedin ne hon ne,
vya ge ne ndage ne mo pul zi, a mo potɗa ne.
4Dimma ne kajamle ma wanna ndu ge pateya tok zi go,
vya ge ndu ne tol nama bool ge na ne zi ma go no me.
5Ndu ge ne wi na kul da ne laar saal!
Swaga ge ne jan fare ne na naa ge ho̰l ma tandal sarya go,
saaso ke na to.
Currently Selected:
Kaŋ mballa ma 127: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
