Kaŋ mballa ma 126
126
Ndu ge ne zare ne fyaso syat da ne laar saal
1Kaŋ mballa ge mbo Ursalima, zok ge Dok ne zi ya.
Swaga ge Bage ɗiŋnedin ne gwa̰ ne Ursalima ya na byalam go ɗe,
i ka dimma ne ndu ge kiya̰r ne jan na go.
2I wak ma ka beŋgeya ne maam,
i ka suwa̰le digi ne laar saal.
Pehir ge ɗogle ma ka janna go:
«Bage ɗiŋnedin ke kaŋ ge ɓaŋlaŋ ma ne nama pe!»
3Bage ɗiŋnedin ke kaŋ ge ɓaŋlaŋ ma ne i pe,
i da ne laar saal.
4Bage ɗiŋnedin, gwa̰ ne i naa ge paal ma ya,
dimma ne mam ne gwan’a na ná pul se Negev go go.
5Ndu ge ne zare ne miim,
syat da ne laar saal#30:12, Irm 31:9-13, Yoh 16:20.!
6Ndu ge ne in kaŋ hir mbo kanna se ne fyaso,
gwan’a da ne laar saal yageya ne na siyal.
Currently Selected:
Kaŋ mballa ma 126: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
