Kaŋ mballa ma 122
122
Kaɗeya ne katɗa halas ge Ursalima ne pe
1Kaŋ mballa ge mbo Ursalima, zok ge Dok ne zi ya. Kaŋ mballa ge Dawda ne.
Mbi da ne sḛ tuli swaga ge a ne jan mbi go:
Mbo me nee zok ge Bage ɗiŋnedin ne zi ya!
2O Ursalima, i koo ma mḛ ya mo zok wak ma pal!
3O Ursalima, mo sḭ siŋli,
a sḭ mo digi wak dagre ɗu!
4A swaga ge vuwal pe ma ne mbo ya na go,
vuwal pe ge Bage ɗiŋnedin ne ma ne mbo ya na go
eya ge Israyela ma ne pal.
A mbo ya ndwara uware dḭl ge Bage ɗiŋnedin ne#Dwa 16:16-17..
5Ago hool kun sarya ma ya na go,
hool gan ma ge hir ge Dawda ne.
6Kaɗe me ne halas ge Ursalima ne pe.
«Naa ge nama laar ne wa̰ mo ma ka halas.
7Halas ka mo gulum pul zi,
mo yàl ge siŋli ma ka swaga tuli!»
8Ne mbi ná vya ma ne mbi kondore ma pe,
mbi kaɗe go: «Mo suwal ka halas!»
9Ne zok ge Bage ɗiŋnedin Dok ge nee ne pe,
mbi ɓyare go mo ka kwaɗa.
Currently Selected:
Kaŋ mballa ma 122: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
