Kaŋ mballa ma 121
121
A wuɗi sya mbi ko̰r ne ɗaa
1Kaŋ mballa ge mbo Ursalima, zok ge Dok ne zi ya.
Mbi he mbi ndwara ndil swaga njal pala digi,
ndu a̰me ge sya mbi ko̰r ya go ɗaa?
2A Bage ɗiŋnedin sya mbi ko̰r ne,
na ge ne ke digi ma ne suwar.
3Na sḛ mbo ya̰ mo koo syalla to bat.
Bage ne koy mo mbwat dam to bat.
4Ndi, Bage ne koy Israyela,
mbwat dam, ko fi dam to bat.
5Bage ɗiŋnedin a Bage ne koy mo ne.
Bage ɗiŋnedin a mo soŋgoy ne ge mo tok matoson pal.
6Gyala, gyala mbo til mo to bat,
ɗaal, saba mbo ke mo a̰me to bat.
7Bage ɗiŋnedin mbo koy mo ne yál ma zi pet,
mbo koy mo o̰yom.
8Bage ɗiŋnedin mbo koy mo
swaga zut zum go,
ne swaga jyat diŋ go,
ne se no, mbo ɗiŋnedin.
Currently Selected:
Kaŋ mballa ma 121: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
