Kaŋ mballa ma 113
113
Bage ɗiŋnedin er fare ma ne
1Halleluya!
Bage ɗiŋnedin dore ma, uware me na,
uware me Bage ɗiŋnedin dḭl!
2Ya̰ Bage ɗiŋnedin dḭl ɓo uwareya,
ne se no, mbo ɗiŋnedin!
3Ne cya̰wak tek mbo gasamal,
Bage ɗiŋnedin dḭl ɓo uwareya!
4Bage ɗiŋnedin ya pehir ma pala digi pet,
na hormo ya pḭr pala digi ya!
5A wuɗi mbya ne Bage ɗiŋnedin Dok ge nee ne ne ɗaa?
Na sḛ mbo digi ya ndwara kat se.
6Na sḛ ndé ya se ndwara ndil
swaga pḭr ma ne suwar pal.
7Ne suwar se, ka hé ndu ge taŋgay pala digi,
ne gubupala go, ka hé ndu ge a̰se digi#1Sam 2:8, Luk 1:52-53..
8Ka e na kat poseya ne naa ge pool ma,
ne naa ge pool ge na ɓase ma ne ma.
9Ka e gwale ge ne ba̰ gisil kat zok wak zi,
ka hon na laar saal ge vya ma ná ne.
Halleluya!
Currently Selected:
Kaŋ mballa ma 113: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
