Kaŋ mballa ma 112
112
Naa ge dosol ma ɓol swaga katɗa ge kwaɗa
1Halleluya!
Ndu ge ne sya Bage ɗiŋnedin vo,
ge ne za̰ tuli ne na wak honna zi
da ne laar saal!
2Na hir ma mbo pate suwal diŋ.
Naa ge dosol ma hir ma ɓol wak busu.
3A da ne kaŋ kwaɗa ma
ne kaŋ ɓolla ma ne bama diŋ
dosol ge nama ne a mḛya ɗiŋnedin.
4Ge tṵ zi, kwaya̰l ka zen zen ge ndu ge ɗeŋger pal,
na sḛ dosol, da ne dulwak ge sya naa ko̰r,
ne kwa naa a̰se me.
5A kwaɗa go ndu sya naa ko̰r,
na ho̰ naa wul,
go no, na fare ma ke da ne na viya̰ go.
6Ago na koo syal to bat.
Ndu ge dosol fare á ne naa pala zi to bat.
7Na sḛ sya fare za̰ya ge sone ma vo to,
na dulwak a fiya se halas,
ya̰ na saareya ma Bage ɗiŋnedin pal.
8Na sḛ iigi tene to,
sya a̰me vo to,
ɗiŋ mbo kwa detɗa ge na ndu ge ho̰l ne.
9A wí, hon a̰se ma kaŋ,
dosol ge na ne a mḛya ɗiŋnedin,
na pala her digi, da ne hormo.
10Ndu ge sone kwa na, ka har seger,
ka non na wak, amma na pool ge ke a̰me to.
dwatɗa ge naa ge sone ma ne ban uzi.
Currently Selected:
Kaŋ mballa ma 112: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
