Kaŋ mballa ma 101
101
Wak tuli ge gan ne Dok ndwara se
1Kaŋ mballa ge Dawda ne.
Mbi mbo ka uware kwa a̰se ma ne dosol ge mo ne,
mbi mbo ka siya̰le mo.
2Mbi ɓyare mbi wa̰ mborra ge ɗeŋger zi pe.
Mo mbo ya mbi ta ma del ɗaa?
Ge mbi yadiŋ, mbi mbo ka mborra ɗeŋger zi.
3Mbi mbo ya̰ mbi ndwara ndil fare ge sone to bat,
mbi kwane naa ge ne sen fare ge dosol ma kwane,
i ne nama ɓan dagre to bat.
4Dulwak ge waal gwagwaraŋ mbi ɓyare na to,
mbi kwa sone ne mbi ndwara to.
5Naa ge ne or bama kaam ma,
mbi mbo dibi nama wak,
naa ge pala ga̰l ma ne naa ge jegreya ma,
mbi wan tene nama ta to.
6Mbi mbo dol mbi ndwara ɓol naa ge jwap ge ne suwal diŋ ma,
ne da pe, mbi ba e nama kat mbi ziyar go.
Naa ge ɗeŋger ma, mbi mbo e nama kat mbi naa ge temel ma.
7Naa ge ne mbuɗi naa ma swaga katɗa ne mbi diŋ to,
naa ge hale ma mḛ mbi ndwara se to.
8Cya̰wak ɗaɗak, mbi mbo ka dibi naa ge sone ge ne suwal diŋ ma wak,
ndwara yan naa ge ne ke ya̰l ma ne suwal ge Bage ɗiŋnedin ne go uzi.
Currently Selected:
Kaŋ mballa ma 101: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
