Filemon Fare pala hageya
Fare pala hageya
Ne maktub ge Bulus ne ma buwal zi, a maktub ge Bulus ne njaŋge hon Filemon waɗe ne sore ne. Bulus be njaŋge na da ne Filemon pe ɗu to, amma ne naa ge hon fareba ma ge a ne kote ne na yadiŋ ma pe pet (Flm 2).
Bulus njaŋge maktub mbe swaga ge ne ka daŋgay zi ge suwal Roma go (Flm 9,10,13,18) ge del wara myanaŋgal (60) ko wara myanaŋgal para azi (62) go. Ago Filemon ho̰ fareba ge Bulus tok go, Bulus tol na na kon ge temel ge laar wanna (Flm 1).
Swaga njaŋge maktub mbe no go, ago Onesimus ge ne ka mo̰r ge Filemon ne, sya da ne na ta mbo ɓol Bulus ge suwal Roma ya ge daŋgay zi no, ho̰ fareba no. A go no, Bulus teme maktub mbe no ya hon Filemon no go, na ame na dore Onesimus ge ne ka dḛ ndu ge be hamba to, ne se no saŋge ya ndu ge hamba gḛ, na ame na dimma ne ná vya go (Flm 8-22), ko dimma ne na sḛ ge Bulus go (Flm 17). Bulus be ɓyare jan na go na ya̰ na digi suli to, amma ɓyare go na sḛ vḭ tene ya̰ na ne, ne da pe, jya̰ na go na da ne pool ke waɗe ge na ne jya̰ na mbe no (Flm 21).
Maktub ge Filemon ne ŋgay nee laar wanna ná vya Dok zi ma buwal zi. Ago siya ge Kris ne ɓan nee ya digi pet, mo̰r ko vya twala be gwan ga to, nee pet nee Dok vya ma ne, ná vya ma ne Kris zi. Vareya a̰me be gwan ga to. Kadɗa swama ge Kris be gul gulum ga̰l ge ne varse nee se to, nee be det ya máya ge hatal go to.
Currently Selected:
Filemon Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.