Matta 1
1
Pehir ge Jeso ne
(1Maa 2:3-15, 3:5-19, Luk 3:23-38)
1Maktub ge Jeso Kris pehir ne, na ge Dawda vya, Abraham baŋ.
2Abraham tó Isaku, Isaku tó Yakub, Yakub tó Yuda ma ne na ná vya ma. 3Yuda tó Parisa ma ne Zara ne na gwale Tamara. Parisa tó Hesrom, Hesrom tó Aram, 4Aram tó Amminadab, Amminadab tó Nason, Nason tó Salmon, 5Salmon tó Bwaza ne na gwale Rahab. Bwaza tó Obed ne na gwale Ruda. Obed tó Isay, 6Isay tó gan Dawda no.
Dawda tó Salomon ne Uriya gwale. 7Salomon tó Robowam, Robowam tó Abiya, Abiya tó Asa, 8Asa tó Yosafat, Yosafat tó Yoram, Yoram tó Uzziya, 9Uzziya tó Yotam, Yotam tó Ahaz, Ahaz tó Ezekiyas, 10Ezekiyas tó Manasa, Manasa tó Amon, Amon tó Yozias, 11Yozias tó Yekoniya ma ne na ná vya ma, a swaga mbe go, a pá naa mbo suwal Babilon no#2Gan 24:12-16..
12Go̰r paal ge Babilon ne go, Yekoniya tó Chaltiyel, Chaltiyel tó Zorobabel, 13Zorobabel tó Abihud, Abihud tó Eliyakim, Eliyakim tó Azor, 14Azor tó Sadok, Sadok tó Achim, Achim tó Eliyud, 15Eliyud tó Eliyazar, Eliyazar tó Mattan, Mattan tó Yakub, 16Yakub tó Yusuf ge Maryam obe, Maryam ge ne tó Jeso ge a ne tol na Kris.
17Ne Abraham ya mbo ya Dawda go, doŋ pe ma mbo digi pet wol para anda, ne Dawda ya mbo ya swaga ge a ne pá naa mbo Babilon go, doŋ pe ma mbo wol para anda, ne swaga paal ya mbo ya Kris go, doŋ pe ma mbo wol para anda me.
Tolla ge Jeso Kris ne
(Luk 2:1-7)
18Ndi me gyana gyana ge Jeso Kris ne tó: Swaga ge Yusuf ne ka sare na ná Maryam, tek a gale ne be ɓanna, a set go na da ne emel, ne O̰yom ge mbegeya ta. 19Yusuf ge na kondore, ne jo̰ ka ndu ge dosol, be ɓyare go na fut na pe zum to, vin tene go, na saa tene ne na ɗimil zi jyan. 20Swaga dwat fare mbe no go gale, maleka ge Bageyal ne dyan tene na ta kiya̰r zi, jan na go: «Yusuf ge Dawda vya, kaage mo sya vo be ge mo ame mo gwale Maryam to, ago vya ge ne na laar zi no da ne O̰yom ge mbegeya ta ya. 21Mbo tol vya son, mo mbo tol na dḭl Jeso, ago na sḛ mbo má na naa ne nama sone ma go ne.» 22Kaŋ mbe ma no pet a dé ya kerra ne da pe, fare ge Bageyal ne jya̰ anabi na wak wi.
23Jya̰ go: «Ndi, vya kale mbo eme, mbo tol vya son, a mbo tol na dḭl Immanu-El, na ge na sḭ go: Dok ya go poseya ne nee#Isa 7:14..»
24Swaga ge Yusuf ne kore digi, ke dimma ne maleka ge Bageyal ne ne ho̰ na wak go, ame na gwale, 25amma ɓan ne na to ɗiŋ tol. Na sḛ hon na dḭl Jeso.
Currently Selected:
Matta 1: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.