Haggay Fare pala hageya
Fare pala hageya
Anabi Haggay waage fare ge Dok ne ge Ursalima go, del kikis anuwa̰y para wara azi (520) J.K ndwara zḛ. Swaga ge Babilon ma ne pá Yuda ma del kikis anuwa̰y para wara tiimal para ɓyalar (587) J.K ndwara zḛ go ɗe, a ke mo̰r zi mbo kaŋ del wara anda go. A go no, naa a̰me ma gwa̰ ya no del kikis anuwa̰y para tapolɗu para tiimal (538) J.K ndwara zḛ go. swaga ge a ne gwa̰ ya Ursalima go, a e pe sin zok ge mbegeya digi no. Amma swaga sinna go, a ɓo yál ma no, a ka̰ bama tok ne temel ta no me.
Fare waageya ge Anabi Haggay ne a ndwara moɗege Yuda ma nama wa̰ temel ge zok ge mbegeya ne sinna. Amma na fare pe ga̰l jan Zorobabel, bage ne dó na ndwara ne suwal pal ma ne Juswa kep tuwaleya (Esd 1—2) ne naa ga̰l ma me. Ké naa ge ne za̰ na ma kwarra go, a̰se ge nama ne, ne siyal ge nama ne kwaɗa to ma, mbo da ne saŋge ge nama ne saŋge zok ge Dok ne ma ne Dok bama go̰r pe (1:2-11). Nama gwa̰ ya sin zok ge Dok ne digi, go no nama mbo ɓol wak busu ge Dok ne ceɗed, nama mbo ɓol máya me.
Yuda ma za̰ na fare, a wa̰ temel no, a á zok mbe sinna no me. Ago Anabi Haggay jya̰ nama go zok mbe mbo kat siŋli waɗe ge zḛ ge. Na fare pe aya jan fare da ne pehir ge ɗogle ma, ago na mbo burmi nama uzi. Amma na tá Zorobabel ne ne na sḛ pe (2:20-23).
Currently Selected:
Haggay Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.